رابطه مالكي الباسات b5&b5.5 من 1996 الي2005

[mmdbdw]

تمام يا باشا
هحاول اسال و استفسر تانى

سؤال تانى يا احمد بيه

الصوره دى.....




بسمع ف الجزء ده اول دوران العربيه و بعد ما اركنها تحت البيت تكتكه على مرات مختلفه

ف معرفش هل ده عادى ولا فى مشكله؟

و شكرا

[Ahmed Saad]

تمام يا باشا
هحاول اسال و استفسر تانى

سؤال تانى يا احمد بيه

الصوره دى.....




بسمع ف الجزء ده اول دوران العربيه و بعد ما اركنها تحت البيت تكتكه على مرات مختلفه

ف معرفش هل ده عادى ولا فى مشكله؟

و شكرا

بص هوا الجزء ده جهاز الabs الجزء الاسود ده الكنترول يونت والفضي دي الوحده اللي بتوزع الفرامل ومن ورا هتلاقيها فيها حاجه مدوره كده دي المضخه بتاعت جهاز الabs المفروض الوحده دي ماتطلعش صوت نهائي لو فيها صوت يبقي الصوت ده جي من المضخه بتاعت الجهاز وده غلط ويبقي بدايه بوظان الوحده بس اتاكد من ان صوت التكتكه جي منها ولا لا لان ممكن يكون حاجه تانيه يعني خللي واحد يدور العربيه وحط ودنك جنب جهاز الabs وشوف الصوت منها ولا لا لان ممكن تلاقي الصوت جي من مضخه الهواء المساعده بتاعت سيرفو الفرامل ودي مكانها هتقف في وش الموتور عند المنافول بتاع الهوا من فوق عند الماسوره الرابعه بتاعت المنافول اللي قدام هتلاقي حاجه عامله زي العلبه كده ومدوره دي بيطلع منها صوت تكتكه لو باظت فجرب كده وقوللي عملت ايه والصوت جي منين بالظبط وان شاء الله خير

[elhelawy]

احمد باشا استفسار
حساس الميه اللى قولتلك عليه اللى خاص بقرايت مؤشر الحرار اللى فى العداد انهوا واحد اللى فى الريداتير من تحت اللى هو فيشتوا 3 طرف ولا اللى راكب على الشجره اللى تحت ماسورة فلتر الهواء اللى داخل البوابه اللى هو بيبقى 4 طرف علشان سمعت فتى كتير وانا بأشتريه وكلمتك ساعتها علشان تفدنى

[mmdbdw]

انا حاولت ادور و اطفى العربيه كذا مره مسمعتش اى صوت
هو بيطلع اوقات و اوقات معرفش بناءا على ايه

انا عندى لمبة abs منوره و لما كشفت كمبيوتر قالى الحساس قدام يمين عايز يتغير

هل له علاقه بالصوت؟؟

و شكرا

[Ahmed Saad]

احمد باشا استفسار
حساس الميه اللى قولتلك عليه اللى خاص بقرايت مؤشر الحرار اللى فى العداد انهوا واحد اللى فى الريداتير من تحت اللى هو فيشتوا 3 طرف ولا اللى راكب على الشجره اللى تحت ماسورة فلتر الهواء اللى داخل البوابه اللى هو بيبقى 4 طرف علشان سمعت فتى كتير وانا بأشتريه وكلمتك ساعتها علشان تفدنى

لا حساس حراره المياه اللي راكب على الشجرة ورا الموتور تحت ماسورة العمه بتاعت الهواء وده 4 طرف وهتلاقيه اسطواني وصغير وفيشته من فوق 4 طرف وانا هكلمك برضه وهقولك أن شاء الله

[Ahmed Saad]

انا حاولت ادور و اطفى العربيه كذا مره مسمعتش اى صوت
هو بيطلع اوقات و اوقات معرفش بناءا على ايه

انا عندى لمبة abs منوره و لما كشفت كمبيوتر قالى الحساس قدام يمين عايز يتغير

هل له علاقه بالصوت؟؟

و شكرا

لا مالوش علاقه بالصوت عموما جيب الحساس استيراد هتلاقيه ب 100ج في الشونه في بورسعيد وقوله حساس ال abs الواحد فيشه لأن بتاع العجله الشمال 2 فيشه علشان فيشه التيل والاثنين بيركبوا مكان بعض عادي بس الأفضل تجيب أبو فيشه واحده علشان سلك التيل هيبقى واقع وخلاص وركبه من غير ماتمسح العطل ال abs هيشتغل لوحده واللمبه هتطفي بمجرد ماتدوس فرامل بعد سرعه ٧كم/ساعه وموضوع الصوت ده ماتقلقش منه غالبا هوا مضخة الهوا المساعده بتاعت السيرفو اللي راكبه على المنافولد بتاع الهوا

[mmdbdw]

طب اقسم بالله بدعى لك يا سيدي على معلوماتك اللى من غيرها مكنتش اعرف هعمل ايه

تقبل سلامى و شكرى

[Ahmed Saad]

طب اقسم بالله بدعى لك يا سيدي على معلوماتك اللى من غيرها مكنتش اعرف هعمل ايه

تقبل سلامى و شكرى

ياباشا الله يخليك انا تحت امرك في اي سؤال او استفسار لحضرتك ولكل اعضاء الرابطه

[mmdbdw]

احمد باشا

ايه هى استخدامات الميه ف العربيه غير إربة الميه للتبريد و إربة مية المساحات؟

رفعت العربيه اخر مره لقيت نازل منها نقط مياه

شكيت انه ممكن من مية التبريد بس الحساس مظبوط و مفيش انذار حراره

كمان مية المساحات زى ما هى

ممكن يكون ايه السبب؟

[Ahmed Saad]

احمد باشا

ايه هى استخدامات الميه ف العربيه غير إربة الميه للتبريد و إربة مية المساحات؟

رفعت العربيه اخر مره لقيت نازل منها نقط مياه

شكيت انه ممكن من مية التبريد بس الحساس مظبوط و مفيش انذار حراره

كمان مية المساحات زى ما هى

ممكن يكون ايه السبب؟

لاقيت النقط بتنزل منين بالظبط يعني لو ورا الموتور من تحت من ناحيه التابلوه من بره يبقى كثافة المياه بتاعت تلاجه التكييف زي تكييف البيت كده في خرطوم بينزل نقط مياه دا طبعا في حاله أنمياه التبريد مابتنقصش ووأنك حاطط مياه ملونه في الريداتير فتلاقي المياه اللي بتنزل دي شفافة مش ملونه شوف كده وقوللي وانا متابعك

[Ahmed Saad]

معلش نسيت اقولك بتبقى فاتح التكييف ولا لا

[Ahmed Saad]

امبارح قبل ماسافر وأنزل القاهره دورت العربيه لاقيتها متلته فاتغميت المهم قولت اغير البوجيهات علشان بقالي سته أشهر مغيرها فقولت تلافيها رطبت فغيرتها ونفس الكلام وطبعا كل ده والساعة 10 بليل المهم روحت مطلع الكابل وكشفت على العربيه عطل في رشاش متوقف عن العمل وواحد ضعيف فاسافرت بيها ونزلت النهارده الحرفيين جبت مسطره رشاشات استيراد ب 300ج مفكوكه من موتور أودي 1600 وهو هو موتورنا وجبت فلتر بنزين جديد وهركبهم بكره وهعمل تقرير أن شا ءالله

[mmdbdw]

لا يا باشا التكييف كان مطفى وقتها
الميه بتنزل تقريبا من على شمال الموتور تقريبا لورا شويه لو مدى وشك لوش العربيه

[Ahmed Saad]

لا يا باشا التكييف كان مطفى وقتها
الميه بتنزل تقريبا من على شمال الموتور تقريبا لورا شويه لو مدى وشك لوش العربيه

طيب انت حاطط ميه عاديه ولا ملونه أخضر أو احمر والمياه بتنقص في القربه ولا مظبوطه

[Ahmed Saad]

النهارده بعون الله ركبت مسطره الرشاشات وجيت ادور الاقي العربيه لسه متلته قولت بس يبقى الموبينه وفعلا جربت سلوك البوجيهات لاقيت واحد قاطع كهربا وطبعا انا غيرت سلوك البوجيهات أصلي من فتره فاكيد مش هي السبب وكمان شكلها جديد المهم جبت موبينه استيراد بتاعت اوكتافيا هي هي بتاعت الباسات وتمنها 300ج وطبعا تغيرها كان أصعب حاجه ممكن تتعمل لأن مكانها تحت البوابه ففكيت العمه وبعدين البوابه بأربع مسامير الانكيه وخرطومين مياه التبريد بتوع البوابه وبعدين تحتها الموبينه بأربع مسامير الانكيه برضه وفك وركب ورجع كل حاجه زي ماكانت دور الحمد لله اتظبطت بطلت وغيرت فلتر البنزين وحطيت الجديد وقفلت والحمد لله وكان ناقص كاوتش المزيكا بتاعت الاسكترا ففكيت العجله الشمال وفكيت باره الطرف وشلت القديمه وحطيت الجديده وقفلتها بافزان بلاستيك من جوه وحديد من بره لأن التحكم فيها صعب جدا وقفلت وظبطت زوايا والحمد لله بقت زي الفل وطلعت جربت اختلاف وإحساس تاني الحمد لله