::: البولونيز المظلومة :::

[Zika9909]

ايه التعديل اللي عمله ، أنا رحت لميكانيكية كل ما يجربوها يقولو لي هو دبرياج البولونيز كده تقيل ، المشكلة إن مش كل الميكانيكية عندنا بيحاولوا يتعبوا نفسهم أو معندهمش الخبرة الكافية لعمل حاجة
لو الميكانيكي ده في منطقة الهرم ممكن تقولي عليه أبقى أروح له

غير سك الدبرياج
و ارفع الدبرياج حاجة صغيرة مش أوي
لو رفعت الدبرياج أوي هتقرص على الأسطوانة جامد و هتغير طقم دبرياج كتير

أنا عندي نفس المشكلة بس ملهاش علاقة بسخونة العربية أو برودتها ، اللي لاحظته إنها بتحصل لما أدور وأطفي العربية أكثر من مرة في وقت متقارب
ومرة عملتها معايا ومرضيتش تدور خالص جبت الكهربائي دق على القواشيط فدارت ، بعدها عملتها بعد ما حضرت فرح وكانت العربية بردت تماماً ومردتش تدور خالص ودورتها زق ولما روحت طفيتها وقلت أدور تاني كده فدارت عادي رحت للكهربائي قالي القواشيط بتاعه كبل البطاريات عايزة تتغير وغيرها وبعدها قعدت فترة محصلتش الحكاية دي وبعدين بدأت تظهر تاني فمش عارف بقى السبب في إيه بالضبط

اقرص على القواشيط كويس من غير ماتقطم البطارية

هو أنت لما بتحاول تدور و ماتدورش بتسمع صوت تكة و لا مش بتسمع أي حاجة خالص؟؟
لو مش بتسمع حاجة يبقى احتمال إنه يكون الكوناكت ذات نفسه فيه حاجة غلط و مش بيلمس الأسلاك إللي بتدور المارش
لو بتسمع صوت تكة يبقى أوتوماتيك المارش بيودع

في احتمال بردو إن الأسلاك إللي واصلة بالمارش مش متوصلة كويس

استفسار
العربية اليومين دول بتبطل على السلاتسيه ، لما أرفع رجلي من على البنزين تفضل دايرة شوية وبعدين تبدأ تقطع لو لحقتها بدوسة خفيفة للبنزين ما تبطلش ، الأر بي إم بيبقى بيلعب بين 10 و 5 ، واحيانا مبتبطلش بس بتبقى مقطعة زي اللي عايزة تبطل
أنا كنت عامل صيانة للكاربراتير من كام شهر وعامله أكس وباب والعربية كانت ماشية كويس
ملحوظة/ هي عملت الحكاية دي من كام أسبوع في مشوار كنت رايحه وبعدين لما بطلت العربية وخلصت مشاوري ودورتها علشان أرجع لقيتها ماشية مضبطوط لكن رجعت تاني تعمل الحكاية دي اليومين اللي فاتو
دي مشكلة ايه بالضبط
شكراً

بك السلانسيه محتاج ينضف

[khmonir]

غير سك الدبرياج
و ارفع الدبرياج حاجة صغيرة مش أوي
لو رفعت الدبرياج أوي هتقرص على الأسطوانة جامد و هتغير طقم دبرياج كتير

غير السلك بسلك بولونيز ، والا غيره بسلك نوع تاني
-------------------------------------------------------------------------------------------
اقرص على القواشيط كويس من غير ماتقطم البطارية

هو أنت لما بتحاول تدور و ماتدورش بتسمع صوت تكة و لا مش بتسمع أي حاجة خالص؟؟
لو مش بتسمع حاجة يبقى احتمال إنه يكون الكوناكت ذات نفسه فيه حاجة غلط و مش بيلمس الأسلاك إللي بتدور المارش
لو بتسمع صوت تكة يبقى أوتوماتيك المارش بيودع

في احتمال بردو إن الأسلاك إللي واصلة بالمارش مش متوصلة كويس

ﻷ بسمع تكه ، بس المرة بتاعة الفرح دي كانت كهربة العربية كلها بتفصل مع الكونتاكت لما أجي أدور وما ترجعش إلا لما أدق على القواشيط (ده قبل ما أغيرها)
هو أنا ملاحظ اﻷيام دي بعد تغيير القواشيط تكون أملاح على القواشبط هي دي ممكن تكون السبب ، والا الأوتوماتيك هو السبب برضه

---------------------------------------------------------------
بك السلانسيه محتاج ينضف

شكراً على اهتمامك وردك السريع ، أي ميكانيكي بينضفه صح ، والا لازم أروح لبتاع كربراتير

[velkouf]

ايه التعديل اللي عمله ، أنا رحت لميكانيكية كل ما يجربوها يقولو لي هو دبرياج البولونيز كده تقيل ، المشكلة إن مش كل الميكانيكية عندنا بيحاولوا يتعبوا نفسهم أو معندهمش الخبرة الكافية لعمل حاجة
لو الميكانيكي ده في منطقة الهرم ممكن تقولي عليه أبقى أروح له

بالنسبة لتعديل الدبرياج الميكانيكى بيفك طقم الدبرياج وبيروح للخراط يظبط مقاسات فصل الفلام مع الديسك وبيخلى الدواسة انعم من البنزين و الميكانيكى فى الهرم لو عاوز تروحلة قولى وهبعتلك عنوانة ورقم تليفونة
على فكرة هو نفس الراجل اللى عدل البولونيز باور

ممكن اعرف الملك ده فين في فيصل ويا ترى ممكن ألاقي عنده ماستر الفرامل الخلفي؟
شكراً

محل الملك بتاع صاج فيات فقط معندوش قطع غيار عنوانة محطة المساحة اول ملف بعد كلية التربية الرياضية امام قهوة نافع

[Zika9909]

غير السلك بسلك بولونيز ، والا غيره بسلك نوع تاني
أكيد طبعاً سلك بولونيز
هو أصلاً السلك بيكون جزء ثابت بيتركب في العربية و جواه السلك إللي بيتحرك مع دوسة رجلك للدبرياج
الجزء إللي جوه ده متغلف بطبقة بلاستيك ناعمة (عاملة زي الأكياس البلاستيك) عشان تسهل حركته
الطبقة دي لما بتتاكل السلك بيحتك مباشرة بالجزء الثابت المحيط بيه و يبقى تقيل أوي

ﻷ بسمع تكه ، بس المرة بتاعة الفرح دي كانت كهربة العربية كلها بتفصل مع الكونتاكت لما أجي أدور وما ترجعش إلا لما أدق على القواشيط (ده قبل ما أغيرها)
هو أنا ملاحظ اﻷيام دي بعد تغيير القواشيط تكون أملاح على القواشبط هي دي ممكن تكون السبب ، والا الأوتوماتيك هو السبب برضه
نضف الأملاح الأول
لو استمر صوت التكة و مافيش مارش يبقى أوتوماتيك المارش بدون تفكير

شكراً على اهتمامك وردك السريع ، أي ميكانيكي بينضفه صح ، والا لازم أروح لبتاع كربراتير
أي ميكانيكي ينضفه
و أنت ممكن تنضفه بنفسك لو عارف مكانه
هو عبارة عن مسمار راكب في الكربراتير من بره
بتفكه و تنفخ فيه و تركبه تاني :d

بالنسبة لتعديل الدبرياج الميكانيكى بيفك طقم الدبرياج وبيروح للخراط يظبط مقاسات فصل الفلام مع الديسك وبيخلى الدواسة انعم من البنزين و الميكانيكى فى الهرم لو عاوز تروحلة قولى وهبعتلك عنوانة ورقم تليفونة
على فكرة هو نفس الراجل اللى عدل البولونيز باور

أنا ماجربتش الموضوع ده
طب هو كلفك كام؟

[velkouf]

الموضوع مش مكلف الخراط بياخد 40 جندى و مصنعية فك وتركيب الفتيس ولو عندك حاجة تعبانة فى طقم الدبرياج أكيد هتغيرها ما انت فكيت خلاص
لو عاجبك الموضوع ممكن نتقابل وجرب الدبرياج فى عربيتى الاول وبعدين شوف الموضوع يستاهل ولا اية.......................

[Zika9909]

الموضوع مش مكلف الخراط بياخد 40 جندى و مصنعية فك وتركيب الفتيس ولو عندك حاجة تعبانة فى طقم الدبرياج أكيد هتغيرها ما انت فكيت خلاص
لو عاجبك الموضوع ممكن نتقابل وجرب الدبرياج فى عربيتى الاول وبعدين شوف الموضوع يستاهل ولا اية.......................

تمام، ربنا يكرمك
طب أنت يناسبك نتقابل امتى و فين؟

[الصبر حلو]

السلام عليكم أعضاء الرابطة الكرام
كنت قد عرضت مشكلة منذ أيام وهي رائحة العادم التي أشمها داخل السيارة وخصوصا بعد 70 كيلوا وطالع والموضوع بيبان قوي لما اسيب رجلى من على البنزين فجأة والرائحة أثناء فتح الزجاج أقل من لما يكون الزجاج مغلق وكان فيه كام أخ اقترحو عليا بعض الحلول مثل تظبيط الكهربا والمراجعة على وصلات البنزين وتم كل ذلك والمشكلة ما زالت موجوده
نرجو مساعدة الخبراء
ودمتم بكل خير

[velkouf]

قولتلك على حل المشكلة
انت عندك فتحة بتدخل ريحة العادم من حوض الموتور الى الكابينة زى فتحة عصاية الفتيس او فتحى التكييف اللى طالعة على الكبوت
حاول تسد الاماكن دى الاول وبعدين ظبط الموتور راجع على التاكيهات كويس ممكن تلاقى تاكية مقفول

[Zika9909]

أنا يا جماعة هتغيب عن المنتدى لمدة سنة و احتمال تزيد بداية من الأسبوع الجاي
لظروف ما
بس أنا على قد ما أقدر هحاول أدخل و أشارك معاكم
و مش هوصيكم على بعض بقى :d

و بالمناسبة دي
ماحدش يعرف خطوات رفع العربية إيه؟ و خطوات تشغيلها تاني إيه؟

[الصبر حلو]

قولتلك على حل المشكلة
انت عندك فتحة بتدخل ريحة العادم من حوض الموتور الى الكابينة زى فتحة عصاية الفتيس او فتحى التكييف اللى طالعة على الكبوت
حاول تسد الاماكن دى الاول وبعدين ظبط الموتور راجع على التاكيهات كويس ممكن تلاقى تاكية مقفول

أشكرك يا صديقي velkouf وانا بالفعل رحت لسروجي وقويت اغلاق فتحة عصاية الفتيس بإحكام جدا والتاكيهات ظبطها من فترة أما فتحة التكييف دي اول مرة اسمع عنها هشوف هيه فين وفي حال اتحلت المشكلة هكتب التجربة لباقي الأعضاء ان شاء الله

[الصبر حلو]

أنا يا جماعة هتغيب عن المنتدى لمدة سنة و احتمال تزيد بداية من الأسبوع الجاي
لظروف ما
بس أنا على قد ما أقدر هحاول أدخل و أشارك معاكم
و مش هوصيكم على بعض بقى :d

و بالمناسبة دي
ماحدش يعرف خطوات رفع العربية إيه؟ و خطوات تشغيلها تاني إيه؟

تروح وترجع بالسلامة يا Zika9909 وان شاء الله يكون خير وطمنا عليك وانت مسافر
وبخصوص رفع السيارة ننتظر باقي الأعضاء لإني مرفعتش عربية قبل كده

[kalelo2007]

أنا يا جماعة هتغيب عن المنتدى لمدة سنة و احتمال تزيد بداية من الأسبوع الجاي
لظروف ما
بس أنا على قد ما أقدر هحاول أدخل و أشارك معاكم
و مش هوصيكم على بعض بقى :d

و بالمناسبة دي
ماحدش يعرف خطوات رفع العربية إيه؟ و خطوات تشغيلها تاني إيه؟

تروح وترجع بالسلامه اخى الفاضل


نشوفك على خير وربنا يكرمك فى مشوارك

[velkouf]

تروح وتيجى بالسلامة يا Zika9909
المنتدى كلة فى انتظارك

[الصبر حلو]

السلام عليكم اعضاء المنتدى الكرام
بصراحة حاسس إني تقلت عليكم ولكن هسأل مين غير اصحاب البولونيز ربنا يبارك فيكم
المشكلة كانت اني لما اخد مشوار بالعربية وابطل واركن شوية واجي ادور العربية مفيش اي تكة ولا كأن فيه مارش اصلا استنى شوية واحاول لحد ما تدور لكن في الصباح تدور عادي العضو velkouf مشكورا قال ده اوتوماتيك
غيرته بواحد استيراد ولكن المشكلة كما هي لم يتغير شئ رجعت للكهربائي حل المارش وقالي الاوتوماتيك تمام بس فيه صاجه بين الفتيس والمارش متآكلة والترس بيدكر فيها وبيدي تكة ومش بيدور روح للميكانيكي خليه يغيرها او يشيلها خالص بالفعل رحت للميكانيكي قالي مينفعش الخواجة حاطها نيجي احنا نشيلها ؟؟
وحاسس انهم بيبعتوني لبعض ايه رأيكم في الكلام ده ؟؟؟

[alaa0000000]

السلام عليكم اعضاء المنتدى الكرام
بصراحة حاسس إني تقلت عليكم ولكن هسأل مين غير اصحاب البولونيز ربنا يبارك فيكم
المشكلة كانت اني لما اخد مشوار بالعربية وابطل واركن شوية واجي ادور العربية مفيش اي تكة ولا كأن فيه مارش اصلا استنى شوية واحاول لحد ما تدور لكن في الصباح تدور عادي العضو velkouf مشكورا قال ده اوتوماتيك
غيرته بواحد استيراد ولكن المشكلة كما هي لم يتغير شئ رجعت للكهربائي حل المارش وقالي الاوتوماتيك تمام بس فيه صاجه بين الفتيس والمارش متآكلة والترس بيدكر فيها وبيدي تكة ومش بيدور روح للميكانيكي خليه يغيرها او يشيلها خالص بالفعل رحت للميكانيكي قالي مينفعش الخواجة حاطها نيجي احنا نشيلها ؟؟
وحاسس انهم بيبعتوني لبعض ايه رأيكم في الكلام ده ؟؟؟

السلام عليكم

اخى الكريم

1- خلى الكهربائى يفك المارش وينظفة وينظف الكليكتور ويفلجه .....ويشوف ترس البنديكس بيتحرك مع دوران المارش طبيعى ......

2- كذلك خلى الكهربائى يكشف على الكونتاكت يمكن يكون بيعلق .....
3- تاكد ان الاوتوماتيك اللى اشتريته سليم ...........................
4- هام جدا البطارية تكون سليمة ..وشحن الدينامو مضبوط ..........

وان شاء الله تحل المشكلة ...