::: البولونيز المظلومة :::

[kreka]

إللي أعرفه إن مواتير البولونيز من موديل 97 تقريبًا (مش متأكد) إنجيكشن 1600 سي سي، بالنسبة للعفشة: مالهاش حل غير إنك تغير العربية كلها و تجيب عربية الهاندلينج بتاعها كويس، أنا شايف إن عفشة البولونيز كويسة للشوارع الرائعة إللي بنسوق فيها كل يوم دي بس هي مش مريحة للركاب، و أنا شايف إن دي مش مشكلة، المهم إن العربية تستحمل كمية الحفر و المطبات المتتالية في الشوارع.

لو الواحد يلاقى موتور استيراد 1600 انجكشن وموديل 2002 يبقى تمام اوى

وتقريبا انا فاكر ان فى حد قال انه ركب عفشه تيوتا فيها

هو اكيد فى انواع مساعدين تكون ناعمه وتنفع تركب ..... ولا ايه ؟

اصل المشكله انها بتتهبد جامد اوى فالحفر .... دانا اتخنقت لما ركبت 128 ولقتها ناعمه عن البولونيز

بس بصراحه انا معرفش لأن عندى المساعدين والعفشه تعبانين ... فانشاء الله اول ماخود الاجازه واعملهم هعرف اذا كانت هتبقى افضل ولا لأ

[Zika9909]

لو الواحد يلاقى موتور استيراد 1600 انجكشن وموديل 2002 يبقى تمام اوى

وتقريبا انا فاكر ان فى حد قال انه ركب عفشه تيوتا فيها

هو اكيد فى انواع مساعدين تكون ناعمه وتنفع تركب ..... ولا ايه ؟

اصل المشكله انها بتتهبد جامد اوى فالحفر .... دانا اتخنقت لما ركبت 128 ولقتها ناعمه عن البولونيز

بس بصراحه انا معرفش لأن عندى المساعدين والعفشه تعبانين ... فان شاء الله اول ماخود الاجازه واعملهم هعرف اذا كانت هتبقى افضل ولا لأ

مع احترامي للـ128 أنا شايف إنها عربية ضعيييييييييييييفة و شاسيها ضعييييييييييييف و عفشتها أي كلام، هي بس اقتصادية في استهلاك البنزين و صغيرة و ده إللي مديها سمعة في مصر فقط، الـ128 عمرها ما تستحمل بهدلة شارع مكسر و لا حمولة زايدة، أنا شايف إن ضعف الـ128 هو إللي مخليها ناعمة في إيد إللي يسوقها.
أنا شايف إن عفشة البولونيز مناسبة لشوارعنا المكسرة، و كمان هي مش مزعجة للدرجة يعني، هي مش مريحة أوي زي الزيرو و العربيات الحديثة بس مش مقرفة، إنما أنت لو سايبها من غير صيانة و لا إصلاحات أكيد هتقرفك و تحسسك إنك راكب كرو مش عربية.
حاول ماتلعبش كتير في العربية و تجرب و بعد كده تندم، عفشة التويوتا معمولة للتويوتا مش للبولونيز، و لو ركبت عندك أكيد هتحصل مشاكل. و الله أعلم.

[keko]

أنا دورت على النت و لاقيت إن البولونيز لحد سنة 88 كانت 82 حصان و من 89 لحد 92 بقت 75 حصان بس !!!!!!!!!
fso • polonez • 1.5 (82 hp) - technical specifications, fuel consumption
fso • polonez • 1.5 (75 hp) - technical specifications, fuel consumption

و دي مواتير الـ131
fiat 131 catalog, photo (pictures), neighbours, tech specs and local car forum and blog fiat 131 » world » yakmee.com

و دي مواتير الـ132
fiat 132 catalog, photo (pictures), neighbours, tech specs and local car forum and blog fiat 132 » world » yakmee.com

واضح إن موتور الـ132 هو الأقوى لكنه قديييييييييييييم

طب دلوقتي في مواتير تانية ممكن تتسقط للبولونيز غير الحاجات القديمة دي و تكون قوية و فعالة؟ و ياترى المرور هيوافق على تسقيطها و لا لأ؟ و ياترى هنقعد نعدل في الكرونة و ما شابه و تلاقي وزن العربية اختلف و مركز الثقل اتغير و تلاقي العربية بتعوم و تغطس و افتكاسات مالهاش آخر و لا هتمشي عدل من غير مشاكل؟؟؟

طالما الموتور فيات وراكب على نفس القواعد المرور ماعندوش مشاكل اما مواتير ال132 هى طبعا جبارة لان غالبيتها 2 كامة بس استهلاك بنزين كتييير وموضوع انه قديم دى نفس مشكلتى اللى مخليانى بفكر فى موتور الشاهين بس عموما ال132 اقوى ولو فكرت تسقطه يستحسن تعمله طقم شنبر قبل ما يركب علشان تشترى دماغك

انا نفسى فمكنه انجكشن تنفع تتسقط وتكون جديده و 2000 سى سى وهو باور يعدى 120
نفسى فموتور هادى مسمعلهوش صوت وانا ماشى


طب موضوع الموتور ومحلول ..... العفشه ايه حلها ؟؟؟ ناشفه والعربيه زى الزفت فالملفات هاندلينج تعبان

هوا الانجيكشن اللى وصلتله لحد دلوقتى ان غالبا مواتير التمبرا والشاهين تركب عادى
اما الباول فقالولى باور ال132 يركب بسهولة لانها نفس العفشة الامامية للبولونيز

إللي أعرفه إن مواتير البولونيز من موديل 97 تقريبًا (مش متأكد) إنجيكشن 1600 سي سي، بالنسبة للعفشة: مالهاش حل غير إنك تغير العربية كلها و تجيب عربية الهاندلينج بتاعها كويس، أنا شايف إن عفشة البولونيز كويسة للشوارع الرائعة إللي بنسوق فيها كل يوم دي بس هي مش مريحة للركاب، و أنا شايف إن دي مش مشكلة، المهم إن العربية تستحمل كمية الحفر و المطبات المتتالية في الشوارع.

موضوع نشوفية العفشة كنت بكلم واحد صاحبى على عربيتى الاولانية (125 اخت البولونيز ) قاللى بالعكس انا عندى ناعمة جدا بس تظبط ارتفاع العربية كويس ورا وقدام وتظبط ورق السست صح
بصراحة انا حسيت ان كلامه مظبوط لانى لما بكون ماشى ومركب 5 افراد بلاقى العفشة انعم بكتيييييييير والثبات اعلى !!!
وفيه حاجة مهمة ان العفشة الخلفية ميشتغلهاش العفشجى بتاعنا لا بيشتغلها بتاع النص نقل لانها على ورق سست وليها شغل مختلف

[Zika9909]

طالما الموتور فيات وراكب على نفس القواعد المرور ماعندوش مشاكل اما مواتير ال132 هى طبعا جبارة لان غالبيتها 2 كامة بس استهلاك بنزين كتييير وموضوع انه قديم دى نفس مشكلتى اللى مخليانى بفكر فى موتور الشاهين بس عموما ال132 اقوى ولو فكرت تسقطه يستحسن تعمله طقم شنبر قبل ما يركب علشان تشترى دماغك
بس بردو موتور الـ132 قديم و مش هيقعد معاك كتير.


هوا الانجيكشن اللى وصلتله لحد دلوقتى ان غالبا مواتير التمبرا والشاهين تركب عادى
اما الباول فقالولى باور ال132 يركب بسهولة لانها نفس العفشة الامامية للبولونيز
طب الحصان بتاع الشاهين و التمبرا كام؟ لأنهم لو ضعاف يبقى موتور البولونيز أولى.


موضوع نشوفية العفشة كنت بكلم واحد صاحبى على عربيتى الاولانية (125 اخت البولونيز ) قاللى بالعكس انا عندى ناعمة جدا بس تظبط ارتفاع العربية كويس ورا وقدام وتظبط ورق السست صح
بصراحة انا حسيت ان كلامه مظبوط لانى لما بكون ماشى ومركب 5 افراد بلاقى العفشة انعم بكتيييييييير والثبات اعلى !!!
خللي بالك، أنت لما تعلي العربية الثبات بيقل، عشان كده أنت لما بتركب 5 أفراد العربية بتقرب من الأرض فالثبات يزيد، و كمان لاحظ إن العربيات الزيرو شبه لازقة في الأرض عشان تثبت على السرعات العالية، لكن شوارع مصر المكسرة بتبهدل عفشة العربيات الجديدة و بتبهدل شاسيها لأنها تقريبًا بتحك في كل مطب من المطبات البلدي المعمولة بدون فكر و لا دراية و الهدف منها هو إبطاء سرعة السيارة دون مراعاة التلفيات الناتجة منها على العربيات.


وفيه حاجة مهمة ان العفشة الخلفية ميشتغلهاش العفشجى بتاعنا لا بيشتغلها بتاع النص نقل لانها على ورق سست وليها شغل مختلف
كويس إنك قلت على موضوع العفشة الخلفية بدل ما نخلي عفشجي مش فاهم يجرب في عربياتنا.

[Zika9909]

لاقيت القوة الحصانية بتاعة موتور الشاهين
Tofas • Sahin - Technical specifications, fuel consumption
بس أنا ملاحظ إنها متفاوتة من 71 حصان لحد 92 حصان و مش عراف أميز بينهم إزاي على أرض الواقع.
موتور الشاهين الـ1600 سي سي 92 حصان هو ده إللي ممكن ينفع لأنه أقوي من الـ87 حصان لموتور البولونيز الجديد.
لكن المشكلة هي إزاي هتقدر تميز بين موتورين الاتنين 1600 سي سي و واحد فيهم 80 حصان و التاني 92 حصان (ده لو لاقيتهم أصلاً).

[ofalolo]

انا كمان بعشق بولونيز و غيرت شكلها من حبى فيها و بقى شكل موديلات 2000 و تشوفها من دام تقول عليها لانسر

[keko]

انا كمان بعشق بولونيز و غيرت شكلها من حبى فيها و بقى شكل موديلات 2000 و تشوفها من دام تقول عليها لانسر

طيب حضرتك غيرت حاجة غير الشبكة والستارة والفوانيس والكبوت ؟
واتكلف معاك كام الموضوع ده ؟
وبالنسبة للفحص فى المرور فيها اى مشاكل ولا عادى ؟

[RMADAN0056]

لو العربية بتسخن و هي واقفة يبقى طبيعي إن البولونيز تعمل كده، لكن لو بتعدي الـ90 و أنت بتجري يبقى في مشكلة.

اشكرك يا اخى العزيز واسف على التاخبر فى الرد لعدم وجودى فى المنتدى

[RMADAN0056]

لو العربية بتسخن و هي واقفة يبقى طبيعي إن البولونيز تعمل كده، لكن لو بتعدي الـ90 و أنت بتجري يبقى في مشكلة.

انا فتحت الكتالوج وآسف هو 76 حصان لموتور البولونيز و 75 لموتور النصر


غريبه اوى انا عندى مش بتوصل لل 90 هو انا عندى مركب مروحه فالموتور من قدام

بس اتاكد من مستوى الميا عندك ممكن يكون فى تسريب

اشكرك اخى الفاضل على الرد واعتذر عن التاخير وذلك لظروف العمل

[RMADAN0056]

هل حد يعرف ضبط تاكيهات موتور بولونيز ا1500cc على كام

[keros]

يا جماعة انا عندي ثلاثة اسالة محيراني في البولنيز

1- لو ركبت موتور الشاهين 1600 على سيارة بولونيز تنفع تترخص العربية ولا ماينفعش ؟
2- ايهما افضل من حيث القدرة الحصانية موتور الشاهين ولا موتور التمبرا لاني قرات ان موتور التمبرا 68 حصان وبعدين قرات في هذا الموضوع ان في بعض مواتير الشاهين 90 حصان ؟
3- كم اسعار مواتير التمبرا والشاهين جديد و استيراد ؟

[kreka]

انا كمان بعشق بولونيز و غيرت شكلها من حبى فيها و بقى شكل موديلات 2000 و تشوفها من دام تقول عليها لانسر

ممكن لو ترفعلنا صورها .... والتكلفه كام

[kreka]

يا جماعة انا عندي ثلاثة اسالة محيراني في البولنيز

1- لو ركبت موتور الشاهين 1600 على سيارة بولونيز تنفع تترخص العربية ولا ماينفعش ؟
2- ايهما افضل من حيث القدرة الحصانية موتور الشاهين ولا موتور التمبرا لاني قرات ان موتور التمبرا 68 حصان وبعدين قرات في هذا الموضوع ان في بعض مواتير الشاهين 90 حصان ؟
3- كم اسعار مواتير التمبرا والشاهين جديد و استيراد ؟

لو تنفع تتسقط فالعربيه وانا اشك .... عادى تترخص لأنها مواتير فيات

[keko]

يا جماعة انا عندي ثلاثة اسالة محيراني في البولنيز

1- لو ركبت موتور الشاهين 1600 على سيارة بولونيز تنفع تترخص العربية ولا ماينفعش ؟
2- ايهما افضل من حيث القدرة الحصانية موتور الشاهين ولا موتور التمبرا لاني قرات ان موتور التمبرا 68 حصان وبعدين قرات في هذا الموضوع ان في بعض مواتير الشاهين 90 حصان ؟
3- كم اسعار مواتير التمبرا والشاهين جديد و استيراد ؟

1 - مانا بقالى مدة طويلة بحاول انى اتاكد من الموضوع ده هوا نظريا طلعت القواعد واحدة بس بدور على راى واحد متخصص او مجرب انما التراخيص عادى لان الشاهين والبولونيز بتعامل معاملة فيات
2- موتور الشاهين القديم قبل 96 هوا بتاع ال131 والحديث بعد 96 هوا بتاع التمبرا بالظبط فرق الفتيس انما الحاجة الغريبة لما تشترى الموتور تمبرا بيكون ارخص ! ممكن يكون علشان العربيات التمبرا بييجي منها استيراد اكتر من الشاهين وسعر موتور الشاهين اخر مرة سالت عليه 2700ج وموتور التمبرا 2000ج
موضوع الاحصنة حسب السىسى فيه مواتير 1300 65حصان و 1400 75 حصان و نوعين 1600 واحد 75 حصان بتاع ال131 والتانى 90 حصان بتاع التمبرا

[keros]

1 - مانا بقالى مدة طويلة بحاول انى اتاكد من الموضوع ده هوا نظريا طلعت القواعد واحدة بس بدور على راى واحد متخصص او مجرب انما التراخيص عادى لان الشاهين والبولونيز بتعامل معاملة فيات
2- موتور الشاهين القديم قبل 96 هوا بتاع ال131 والحديث بعد 96 هوا بتاع التمبرا بالظبط فرق الفتيس انما الحاجة الغريبة لما تشترى الموتور تمبرا بيكون ارخص ! ممكن يكون علشان العربيات التمبرا بييجي منها استيراد اكتر من الشاهين وسعر موتور الشاهين اخر مرة سالت عليه 2700ج وموتور التمبرا 2000ج
موضوع الاحصنة حسب السىسى فيه مواتير 1300 65حصان و 1400 75 حصان و نوعين 1600 واحد 75 حصان بتاع ال131 والتانى 90 حصان بتاع التمبرا

ازاي نتاكد من موضوع دة ياريت لو حد مهندس او فني نبعتلة ويرد علينا