::: البولونيز المظلومة :::

[Zika9909]

انا رحت لواحد بتاع كماليات وخدت معاه ميعاد على الاتنين وقالى ان فى ستاير كبس للبولونيز لورا

لو جبها هقولك واجبهالك ولو نزلت القاهره اجبهالك

ربنا يخليك يا كاريكا، و أنت تشرفني في أي وقت، معلش أنا مادخلتش المنتدى من 4 أيام و اتأخرت في الرد عليك.
سؤال: الستارة الكبس سعرها كام؟؟

عيد سعيد :)

كل عام وانت بخير وعيد سعيد على الجميع

كل سنة و أنتم طيبين

[kreka]

انا يا رجاله رجعت الحمد لله من اسكندريه وانا راجع عديت على سيتى سنتر وجبت من هناك جهاز عجبنى اوى
بيركب على الولاعه ويخرج 3 مخارج للولاعه وواحده usb اشتريته ب 20 جنيه ...

وجبت مساحه لذيذه عجبتنى لما شفت الراجل بتاع البنزينه بيستهملها ....ب 6.5 ولقيت ستاير هناك مقاسها جامد وبتتقص على شكل الإزاز بس تمنها حراق اوى 35 الواحده أى ى ى ى ى

وان شاء الله هشترى سمعتين سيمفونى وخشبه ام دى اف واركبهم واحاول بقى اصور العربيه وارفع الصور

[Zika9909]

انا يا رجاله رجعت الحمد لله من اسكندريه
حمدًا لله على السلامة
وانا راجع عديت على سيتى سنتر وجبت من هناك جهاز عجبنى اوى
بيركب على الولاعه ويخرج 3 مخارج للولاعه وواحده usb اشتريته ب 20 جنيه ...
مخرج الـUSB بتعمل بيه إيه؟! دي و لاعة !!

وجبت مساحه لذيذه عجبتنى لما شفت الراجل بتاع البنزينه بيستهملها ....ب 6.5
أنا عارف المساحة الصغيرة دي، بس لازم تكون العربية نضيفة و بتستخدمها عشان تمسح المياه من على الزجاج.
ولقيت ستاير هناك مقاسها جامد وبتتقص على شكل الإزاز بس تمنها حراق اوى 35 الواحده أى ى ى ى ى
35 جنيه كتير فعلاً، مالهاش لازمة بالسعر ده.

وان شاء الله هشترى سمعتين سيمفونى وخشبه ام دى اف
إيه الخشبة دي؟! أول مرة أسمع عنها.
واركبهم واحاول بقى اصور العربيه وارفع الصور
أهم حاجة الأداء، سيبك من الشكل مش هو المهم.

[kreka]

ااااااااااااااااااااااااااه نأبى طلع على شونه الولاعه اللى جبتها اكتشفت انها تتطلع 3 مخارج ويو اس بى . .. بس عشان استعمل ولاعه السجاير السخان مش موجود غير فولاعه العربيه يعنى مينفعش اشغل الولاعه والشاحن على الجهاز وطبعاً انا مش بستخدم موديليتور يبقى ملوش لزمه على كده


الخشبه دى نوع من الخشب معروف اوى مخصص للسماعات عشان سمكه كبير وتقيل وبيظبط البيز جامد

السماعات ركبتها والحمد لله الصوت تحفه والبيز مظبوط بس على أد جوه العربيه .... وطبعا مش زى البايونير

انا ان شاء الله هكلم الحج وهو نازل مصر يجبلى معاه جهاز بايونير

انا كمان ساعه ونازل ان شاء الله لو افتكرت هصورلكم الجهاز اللى جبته والكاسيت والسماعات


اه صحيح كنت هنسى .... جبت 2 مساعد للشنطه اللى ورا ب 70

ياريت يا جماعه اللى يشوف حد بيبيع المساند الأماميه يقلى لأنهم مدمرين عندى ومبوظين شكل العربيه

[kreka]

دا الجهاز اللى بيطلع 3 مخارج للولاعه وواحد USB


ودى الخشبه MDF ومحطوط عليها السمعتين

ودا الكاسيت والريموت ظاهر فأول صوره

[Zika9909]

ااااااااااااااااااااااااااه نأبى طلع على شونه الولاعه اللى جبتها اكتشفت انها تتطلع 3 مخارج ويو اس بى . .. بس عشان استعمل ولاعه السجاير السخان مش موجود غير فولاعه العربيه يعنى مينفعش اشغل الولاعه والشاحن على الجهاز وطبعاً انا مش بستخدم موديليتور يبقى ملوش لزمه على كده
حصل خير


الخشبه دى نوع من الخشب معروف اوى مخصص للسماعات عشان سمكه كبير وتقيل وبيظبط البيز جامد
شكرًا على المعلومة

السماعات ركبتها والحمد لله الصوت تحفه والبيز مظبوط بس على أد جوه العربيه .... وطبعا مش زى البايونير
المهم إن الصوت كويس جوه العربية، بره مش مهم، و بعدين خللي بالك لو أنت اتعودت على الأصوات العالية على طول ده هيضعف حاسة السمع عندك.

انا ان شاء الله هكلم الحج وهو نازل مصر يجبلى معاه جهاز بايونير
مبروك مقدمًا

انا كمان ساعه ونازل ان شاء الله لو افتكرت هصورلكم الجهاز اللى جبته والكاسيت والسماعات


اه صحيح كنت هنسى .... جبت 2 مساعد للشنطه اللى ورا ب 70
أنا مش عارف سعرهم كام بس أنا شايف إن 70 جنيه كتير عليهم، و لو إن الرفايع دي دايمًا سعرها غالي.

ياريت يا جماعه اللى يشوف حد بيبيع المساند الأماميه يقلى لأنهم مدمرين عندى ومبوظين شكل العربيه

دا الجهاز اللى بيطلع 3 مخارج للولاعه وواحد usb

أنا نفسي أعرف المخرج الـusb ده فايدته إيه؟
يعني ممكن أوصل فيه إيه و يشتغل؟

ودى الخشبه mdf ومحطوط عليها السمعتين

الخشبة شكلها كويس، بس أنا شايف إن مشكلتها هي إنها قفلت الشنطة.

ودا الكاسيت والريموت ظاهر فأول صوره

مبروك
ربنا يرزقك خيره و يحفظك من شره

سؤال:
تكلفة الكاسيت و السماعات و الخشبة كام؟ و الخشبة دي بتتباع جاهزة و لا عمولة؟

[alaasamy5611]

موضوع هايل علشان بالصور ...

الخشبه دى انت بدلتها مكان الرف الحديد بتاع الشنطه ؟

[Zika9909]

موضوع هايل علشان بالصور ...

الخشبه دى انت بدلتها مكان الرف الحديد بتاع الشنطه ؟

من شكل الصورة آه، عشان كده أنا بقول إن الشنطة اتقفلت.

[kreka]

شكراً على الإهتمام
الخشبه دى يفضل تعملها عند نجار بيعمل الخشب دا ... عشان سعرها يكون كويس لأنها بتتباع جاهزه فالتوفيقيه بتكون غاليه
الرف عندى بيترفع عادى جدا الفرق انه حته واحده زى الإسكودا كده
والرفع الحديد شلته عندى


التكلفه الكاسيت 235
السماعات 150
الخشبه 70 وجلد 10 جنيه
سلك مش فاكر تقريبا حوالى 10 جنيه

اللى كان بيسأل على الستاره الخلفيه ........ انا ركبت بتاعه السيدان العاديه .. جامده جدا .. والعمودين ملهمش لزمه ممكن تلزق القطعتين اللى بيمسكوا الستاره فالسقف وبالتالى لغيت وظيفه العمودين .... ومبروك عليك ستاره تفتح لما تقفل الرف وتتقفل لما ترفع الرف
ان شاء الله هصورلكم شكلها بعد التركيب .. وانا سايب العمودين عادى لأن فيهم سوست بتتضغط مع فتح الشننطه بس غالبا هشيلهم

كده مش باقى غير ستاير لقدام ودى مشكله عشان المساحه كبيره .. والإزاز الكهربا والفرش وطقم الشنبر

هااااااااااانت الحج ينزل واخليه يعمل طقم الشنبر . وانا انزل اعمل الازاز والفرش

[mhasen57]

مالك بولونيز جديد

السلام عليكم انا سعيد جدا بهذا الاهتمام بهذه السياره المظلومه فعلا انا معايا عربيه بلونيز موديل 87 وحالتها كويسه والحمد لله واحب اتشرف وانضم ليكم انا من السويس

[Zika9909]

شكراً على الإهتمام
الخشبه دى يفضل تعملها عند نجار بيعمل الخشب دا ... عشان سعرها يكون كويس لأنها بتتباع جاهزه فالتوفيقيه بتكون غاليه
الرف عندى بيترفع عادى جدا الفرق انه حته واحده زى الإسكودا كده
والرفع الحديد شلته عندى
آه كده تمام


التكلفه الكاسيت 235
السماعات 150
الخشبه 70 وجلد 10 جنيه
سلك مش فاكر تقريبا حوالى 10 جنيه
يعني التكلفة الإجمالية 475 جنيه (تقريبًا 500)
سؤال: إيه نوع الكاسيت؟ و هل في أنواع أرخص منه؟

اللى كان بيسأل على الستاره الخلفيه ........ انا ركبت بتاعه السيدان العاديه .. جامده جدا .. والعمودين ملهمش لزمه ممكن تلزق القطعتين اللى بيمسكوا الستاره فالسقف وبالتالى لغيت وظيفه العمودين .... ومبروك عليك ستاره تفتح لما تقفل الرف وتتقفل لما ترفع الرف
ان شاء الله هصورلكم شكلها بعد التركيب .. وانا سايب العمودين عادى لأن فيهم سوست بتتضغط مع فتح الشننطه بس غالبا هشيلهم
يا ريت تصورهم لأن واضح إن الشرح مش هيفيد.

كده مش باقى غير ستاير لقدام ودى مشكله عشان المساحه كبيره .. والإزاز الكهربا والفرش وطقم الشنبر
أنصحك بلاش إزاز كهرباء؛ لأن زجاج البولونيز تقيل و هيهلك الموتور إللي راكب، هتقول لي هغير الموتور أقول لك هتغير وحدة الرفع كلها و دي أنا سألت عليها لاقيتها بـ 110 جنيه!!!

هااااااااااانت الحج ينزل واخليه يعمل طقم الشنبر . وانا انزل اعمل الازاز والفرش
مبروك مقدمًا

[Zika9909]

السلام عليكم انا سعيد جدا بهذا الاهتمام بهذه السياره المظلومه فعلا انا معايا عربيه بلونيز موديل 87 وحالتها كويسه والحمد لله واحب اتشرف وانضم ليكم انا من السويس

و عليكم السلام
أهلاً بيك يا mhasen57 معانا في الرابطة و أهلاً بأهل السويس كلهم.

[kreka]

السلام عليكم انا سعيد جدا بهذا الاهتمام بهذه السياره المظلومه فعلا انا معايا عربيه بلونيز موديل 87 وحالتها كويسه والحمد لله واحب اتشرف وانضم ليكم انا من السويس

اهلا بيك معانا فالرابطه يا باشا ومنور .............. نتعرف بحضرتك

انا احمد ممدوح من الفيوم



زيكا .......... المكن بتاع الازاز اللى بيركب بيكون مخصص للزجاج دا زى اللى فال 132 والشاهين
الكاسيت فى انواع كتير ارخص حاجه كويسه ب 120 .. بس انا جايب دا عشان امكانياته

[Zika9909]

زيكا .......... المكن بتاع الازاز اللى بيركب بيكون مخصص للزجاج دا زى اللى فال 132 والشاهين
وحدة الرفع إللي عندي بتعاني :( ، عندك فكرة سعر وحدة الرفع المناسبة للبولونيز بكام؟ و هل لها ماركة معينة أو قوة معينة أسأل عليها و لا كلهم واحد؟
الكاسيت فى انواع كتير ارخص حاجه كويسه ب 120 .. بس انا جايب دا عشان امكانياته
120 سعر مناسب، بس إيه أحسن نوع بالسعر ده؟ أنا ماعنديش فكرة أصلاً عن أنواع الكاسيت.

سؤال تاني: عندك فكرة مسمار الهواء موجود فين في الكربراتير؟ و أزوده إزاي و أنقصه إزاي؟
معلش يا كاريكا أنا كترت في الأسئلة :) .

[mhasen57]

بلونيزى

شكرا على الاهتمام يا استاز احمد وربنا يبارك فى الناس الى قائمه على هذا المنتدى لانه فعلا مفيد جدا بس ليه رجاء عيزين مواضيع عن الصيانه للبلونيز وتكون مصوره او فيديوهات