::: البولونيز المظلومة :::

[yourfreeman]

متعرفتش بحضرتك ؟؟

اسف للتاخير فى الرد
انا حازم العادلي
من المنوفية
وعندي 26 سنة
وبشتغل اخصائي تكنولوجيا

[kreka]

اسف للتاخير فى الرد
انا حازم العادلي
من المنوفية
وعندي 26 سنة
وبشتغل اخصائي تكنولوجيا

تشرفنا يا استاذ حازم


فين بقيه الرابطه

انتوا فيييييييييييييييييييييييييييييييييييييييييييين يا رجاله ؟

[alaasamy5611]

احنا موجودين بس الصيام والحر وضيق الوقت

[Zika9909]

مين بيسأل عليا مين؟
إحنا موجودين، بس المشكلة هنقول إيه؟
الحمد لله عربياتنا سليمة و أعطالها قليلة (الحمد لله ربنا يديمها نعمة يحفظها من الزوال)، و كل إللي بيسأل بيسأل يا إما على تغيير الشكل يا إما على تسقيط موتور حديث و قوي.
أنا من رأيي -لو إحنا فعلاً عايزين الرابطة تفضل صاحية زي أي رابطة تانية في المنتدى- يبقى لازم نفتح في مواضيع جانبية، يعني مثلاً: "إيه رأيكو في ماتش الأهلي و المولودية؟"
ده سؤال ممكن يفتح بحور من الكلام و النقاشات مش في الكورة بس لأ الموضوع هيفتح في مواضيع جانبية و هكذا.
ممكن مثلاً لو حد حصل له موقف معين و عايز يحكيه هنا و يشوف ردود أفعالنا إيه تجاه الوقف ده و هل إللي عمله صح و لا غلط.
بالطريقة دي هنفضل دايمًا على اتصال، غير كده صعب.

[Zika9909]

هبدأ أنا
إيه رأيكو في ماتش الأهلي و المولودية؟ الأهلي يستاهل يكسب و لا المولودية هو إللي يستاهل يخسر؟
أنا بصراحة شايف إن الفرقتين تعبانين على الآخر، بس هو الفرق إن الماتش في القاهرة و لاعيبة المولودية نازلين مرعوبين، دخل جونين أسهل من بعض و هات يا ملل، أنا عن نفسي ماشوفتش غير الشوط الأول لأنهم بصراحة كانوا مملين على الآخر.

[kreka]

هبدأ أنا
إيه رأيكو في ماتش الأهلي و المولودية؟ الأهلي يستاهل يكسب و لا المولودية هو إللي يستاهل يخسر؟
أنا بصراحة شايف إن الفرقتين تعبانين على الآخر، بس هو الفرق إن الماتش في القاهرة و لاعيبة المولودية نازلين مرعوبين، دخل جونين أسهل من بعض و هات يا ملل، أنا عن نفسي ماشوفتش غير الشوط الأول لأنهم بصراحة كانوا مملين على الآخر.

عندك حق ...... انا شفت الشوط الأول وبعدين اتخنقت قمت كشفت على البطاريه فالضمان وبعدين خلصت مشاويرى ورحت بعد الماتش ما خلص القهوه ..... بصراحه الأهلى مش قد كده خصوصاً شوقى نازل ليه مش فاهم والوليد سليمان ميطحتش فالتشكيله ليه مش فاهم ..........؟؟


بالنسبه بقى للعربيات خلاص هانت نزلت اشتريت طقم بوجيهات NGK واحد شمعه سن طويل وابلاتين وفلتر بنزين وزيت التعاون SJ وبكره اركب كل حاجه واظبط تكيهات واكشف على زيت الفتيس والكرونه وبالمره اكشف على الشكمان ...... وخلاص انسى يا معلم كل الصيانات اتعملت والعربيه بقت على سنجه عشره .... هيتبقى الفرش هنزل اجيبه من التوفيقيه لأنه فالفيوم غالى اوى بس مستنى انزل مع ابن خالتى عشان انزل فالتكييف

[yourfreeman]

عندك حق ...... انا شفت الشوط الأول وبعدين اتخنقت قمت كشفت على البطاريه فالضمان وبعدين خلصت مشاويرى ورحت بعد الماتش ما خلص القهوه ..... بصراحه الأهلى مش قد كده خصوصاً شوقى نازل ليه مش فاهم والوليد سليمان ميطحتش فالتشكيله ليه مش فاهم ..........؟؟


بالنسبه بقى للعربيات خلاص هانت نزلت اشتريت طقم بوجيهات NGK واحد شمعه سن طويل وابلاتين وفلتر بنزين وزيت التعاون SJ وبكره اركب كل حاجه واظبط تكيهات واكشف على زيت الفتيس والكرونه وبالمره اكشف على الشكمان ...... وخلاص انسى يا معلم كل الصيانات اتعملت والعربيه بقت على سنجه عشره .... هيتبقى الفرش هنزل اجيبه من التوفيقيه لأنه فالفيوم غالى اوى بس مستنى انزل مع ابن خالتى عشان انزل فالتكييف

هههههههههه
حظكم انى مليش فى الكورة
لاني بعتبرها افيون الشعب المصري
وانا بصراحة مليش فى الافيون

[Zika9909]

عندك حق ...... انا شفت الشوط الأول وبعدين اتخنقت قمت كشفت على البطاريه فالضمان وبعدين خلصت مشاويرى ورحت بعد الماتش ما خلص القهوه ..... بصراحه الأهلى مش قد كده خصوصاً شوقى نازل ليه مش فاهم والوليد سليمان ميطحتش فالتشكيله ليه مش فاهم ..........؟؟
أنا بردو مش فاهم شوقي كان بيعمل إيه في الملعب، بالنسبة لوليد سليمان أنا شايف إنه لسه ماطبعش مع الفريق و لو نزل ماكانش هيعمل حاجة.


بالنسبه بقى للعربيات خلاص هانت نزلت اشتريت طقم بوجيهات NGK واحد شمعه سن طويل وابلاتين وفلتر بنزين وزيت التعاون SJ وبكره اركب كل حاجه واظبط تكيهات واكشف على زيت الفتيس والكرونه وبالمره اكشف على الشكمان ...... وخلاص انسى يا معلم كل الصيانات اتعملت والعربيه بقت على سنجه عشره
هتجيب زيت كام كيلو، أنا لسه جايب زيت التعاون 5000 كيلو بـ 67 جنيه بس مش فاكر كان SJ ولا لأ.
هيتبقى الفرش هنزل اجيبه من التوفيقيه لأنه فالفيوم غالى اوى بس مستنى انزل مع ابن خالتى عشان انزل فالتكييف

[Zika9909]

هههههههههه
حظكم انى مليش فى الكورة
لاني بعتبرها افيون الشعب المصري :b4_556:
وانا بصراحة مليش فى الافيون

هههههههههههههههه، مش لازم كورة، اتكلم في أي موضوع يعجبك.

[kreka]

انا بحط sj دا ب 50 جنيه بس 1500 بس ؟
مين قالك 5000 دى ؟
حد يعرف الفرش القماش النضيف يعمل كام فالتوفيقيه ؟؟؟

عايز اجيب كماليات للعربيه ومش عارف اجيب ايه ؟؟

[Zika9909]

انا بحط sj دا ب 50 جنيه بس 1500 بس ؟
مين قالك 5000 دى ؟
حد يعرف الفرش القماش النضيف يعمل كام فالتوفيقيه ؟؟؟

عايز اجيب كماليات للعربيه ومش عارف اجيب ايه ؟؟

تقريبًا -و الله أعلم- البنزينة إللي جيبت منها الزيت عندها مخزون قديم بأسعار قديمة؛ لأن أنا سألت في بنزينة تعاون تانية قال لي زيت 3000 كيلو بـ 70 جنيه تقريبًا.

أنا ماعنديش فكرة عن أنواع الفرش و لا أسعاره، أحسن لك تنزل يوم تسأل فيه على الأنواع و الأسعار بس من غير ما تشتري و بعد ما تسأل ناس عندها خبرة في الفرش و أنواعه تروح تشتري و أنت مطمن.

[yourfreeman]

السلام عليكم شباب
النهاردة انا جايب لكم موضوع اعتقد ان كل رواد الرابطة محتاجينه
وهو موضوع " تعديل شكل البولونيز "
نبدأ اولا
بالعربية الى جرى عليها التعديل
دة شكلها قبل التعديل

ودة شكلها بعد التعديل

الى تم فى التعديل
تغيير الاكصدام الى الاكصدام الذى نراه فى الصورة
ملاحظة : الستارة والشنب والفوانيس لم يتم تغيير اى شئ فيهم
صورة العربية قبل التعديل ( زاوية خلفية )

ودة صورة العربية بعد اضافة الاكصدام الجديد ( صورة من الخلف )

كما تلاحظون الفوانيس هي هي لم يتم التغيير فيها
ملاحظاتي على التعديل
فى رايي ان التعديل تم باقل تكاليف ممكنه
- التعديل لم يغير فى شاسيه العربية وبكده نحتفظ بسعر العربية
- التعديل عبارة عن : -
* دهان كامل للسيارة بما فيه الاكصدامات العريضة وجوانب السيارة حتى المرايات تم دهانها وحتى مقابض الابواب
....................
انتهى بحمد الله
دلوقتي عاوز ارائكم يا جماعة فى الموضوع
وانا متابع

[Zika9909]

التعديل شكله لذيذ فعلاً و مافيهوش لعب كتير، بس أنا عندي سؤال: الأكصدام ركب إزاي مع إن المكان إللي راكب عليه مش مقاسه خالص و لو كان نفس المقاس كان ناس كتير ركبوه من زمان؟؟
ملاحظات تانية:
الأبواب متغيرة باب بولونيز حديثة و أكيد فرشها الداخلي جاي معاها.
أكيد طبعًا غير الطابلوه بطابلوه جديد بردو.
بردو أكيد فارش العربية كويس.

الزجاج متفيم بدرجة خفيفة + جنوط شيك + الأكصدامات الحديثة + رش نضيف = شكل رائع
أي حاجة من دول لو نقصت هتخلي الشكل مش مضبوط أوي و مش بالنضافة دي.

أنا أقصد أقول إن الموضوع مش مجرد أكصدامات و خلاص، بس أحسن من مافيش.

[yourfreeman]

[QUOTE=Zika9909;3873728341]التعديل شكله لذيذ فعلاً و مافيهوش لعب كتير،

ودة كانت نقطة مهمه من النسبة ليا وانا بدور على التعديل

بس أنا عندي سؤال: الأكصدام ركب إزاي مع إن المكان إللي راكب عليه مش مقاسه خالص و لو كان نفس المقاس كان ناس كتير ركبوه من زمان؟؟

بالنسبة لتركيب الاكصدام اهم شئ يكون عرضة عرض العربية
بالنسبة لتثبيته اعتقد انه اتعمل شفه فى الصاج من الداخل على شان يتثبت عليه الاكصدام .
وان كنت انا شايف انك لو دورت هتلاقي اكصدامات تركب على مقاس وش البولونيز يعني شوف اكصدام فيات اونو مثلا وفى عربيات كتير حديثة ابعاد وشها مقاربة لابعاد البولونيز الموضوع محتاج بس انك تروحح عند بتاع اكصدامات وتحاول توفق اكصدام بنفس ابعاد وش البولونيز .

ملاحظات تانية:
الأبواب متغيرة باب بولونيز حديثة لا الابواب هي هي بس الاكر اتدهنت مع الدهان و أكيد فرشها الداخلي جاي معاها.

أكيد طبعًا غير الطابلوه بطابلوه جديد بردو.
بردو أكيد فارش العربية كويس.
الحقيقة انا مشفتش العربية من الداخل وكان الاهم هو مظهر العربية الخارجي كمحاولة لتغيير شكلها الغير محبوب
الزجاج متفيم بدرجة خفيفة فعلا متفيم عسلي خفيف جدا + جنوط شيك + الأكصدامات الحديثة + رش نضيف = شكل رائع

انت كده جبت المعادلة الصح والاهم انها مش هتكون مكلفه

أي حاجة من دول لو نقصت هتخلي الشكل مش مضبوط أوي و مش بالنضافة دي.

أنا أقصد أقول إن الموضوع مش مجرد أكصدامات و خلاص، بس أحسن من مافيش.

محاولة ولكن جيده ؛ وغير مكلفه على الاقل

[Zika9909]

بالنسبة لتركيب الاكصدام اهم شئ يكون عرضة عرض العربية

بالنسبة لتثبيته اعتقد انه اتعمل شفه فى الصاج من الداخل على شان يتثبت عليه الاكصدام .
معاك حق، الفكرة دي ماجاتش على بالي
وان كنت انا شايف انك لو دورت هتلاقي اكصدامات تركب على مقاس وش البولونيز يعني شوف اكصدام فيات اونو مثلا وفى عربيات كتير حديثة ابعاد وشها مقاربة لابعاد البولونيز الموضوع محتاج بس انك تروحح عند بتاع اكصدامات وتحاول توفق اكصدام بنفس ابعاد وش البولونيز .
ممكن، بس أكصدام البولونيز أحسن و هو الأقرب في المقاسات.

لا الابواب هي هي بس الاكر اتدهنت مع الدهان

لأ، الأكر مختلفة و المرايات مختلفة

الحقيقة انا مشفتش العربية من الداخل وكان الاهم هو مظهر العربية الخارجي كمحاولة لتغيير شكلها الغير محبوب
أنا أقصد إن إللي كلف التكلفة دي كلها من الخارج أكيد هيكلف بردو في الداخل، و إلا هيبقى استفاد إيه؟

بس خللي بالك من حاجة مهمة: أنت في مصر، يعني فوضى مرورية بمعنى الكلمة، يعني ممكن تتكلف فلوس في تنضيف العربية و ييجي توكتوك يخربشها أو واحد مش بيعرف يسوق يخبطها، يعني اعمل حسابك إنك ممكن تصرف و تنضف و تاني يوم تتخبط عادي جدًا، و لو على شكلها الغير محبوب مش مهم، أنا قاعد جوا العربية و إللي يهمني إن صالونها يكون نضيف و ريحته حلوة، صحيح الشكل الخارجي مهم لكن في الظروف إللي إحنا فيها دي الصرف على الشكل الخارجي واقف بخسارة لأنه مش هيعمر كتير و العربية هتتخبط و تتخربش و كأنك يا أبو زيد ما غزيت.

دي وجهة نظري في الموضوع ده.