::: البولونيز المظلومة :::

[kreka]

سؤال تاني: عندك فكرة مسمار الهواء موجود فين في الكربراتير؟ و أزوده إزاي و أنقصه إزاي؟
معلش يا كاريكا أنا كترت في الأسئلة :) .

اه هو فالجنب .... بس مش أى حد يظبطه لازم ميكانيكى ويكون نضيف

انت مكن الكهربا اللى عندك جبته بكام وبقاله معاك اد ايه ؟؟؟

بيعانى دى تقصد انه بقى بطئ ؟

الكاسيت هيكون ماركه ميتسوبيشى صينى ودا منه كميه موديلات كتيره جدا

[Zika9909]

اه هو فالجنب .... بس مش أى حد يظبطه لازم ميكانيكى ويكون نضيف
معلش ممكن توضح أكتر هو موجود فين.

انت مكن الكهربا اللى عندك جبته بكام وبقاله معاك اد ايه ؟؟؟
إحنا اشترينا العربية و كان فيها إزاز كهرباء، يعني مش أنا إللي مركبه

بيعانى دى تقصد انه بقى بطئ ؟
بطيء، و أحيانًا بيحتاج مساعدة مني عشان يطلع، و ده سببه -من وجهة نظري- إن الكاوتش (بتاع المجرى إللي الإزاز بيطلع و ينزل فيه) ماسك أوي على الإزاز و ده بيضيف حمل على وحدة الرفع و بالتالي تبوظ أوام.

الكاسيت هيكون ماركه ميتسوبيشى صينى ودا منه كميه موديلات كتيره جدا
شكرًا يا كاريكا

لو مش عندك إنذار ركب إنذار لأن ممكن حد يكسر لك إزاز العربية عشان خاطر يسرق الكاسيت.

[kreka]

لو مش عندك إنذار ركب إنذار لأن ممكن حد يكسر لك إزاز العربية عشان خاطر يسرق الكاسيت.

سيبها على الله

المهم العربيه اعدت معاك اد ايه بالازاز الكهربا كويس ؟

[Zika9909]

سيبها على الله

المهم العربيه اعدت معاك اد ايه بالازاز الكهربا كويس ؟

6 شهور من ساعة ما جيبنا العربية، و أصلاً المالك إللي قبلنا كان مغير لها وحدة الرفع دي قبل ما نشتريها بكام يوم.

[kreka]

6 شهور من ساعة ما جيبنا العربية، و أصلاً المالك إللي قبلنا كان مغير لها وحدة الرفع دي قبل ما نشتريها بكام يوم.

المكنتين بالتركيب ب 350 جنيه ....... يعنى اشترى رحتى ب 50 جنيه فالشهر (مش وحش أوى)

انا بفكر اجيب كاسيت بايونيير ... ايه رأيك ؟ ولا صرف على الفاضى ؟ اصل انا مجنون بيييييز

[Zika9909]

المكنتين بالتركيب ب 350 جنيه ....... يعنى اشترى رحتى ب 50 جنيه فالشهر (مش وحش أوى)
أنا مش عارف هل وحدات الرفع كلها واحد و لا في منها أنواع أقوى و معمولة عشان الأنواع التقيلة زي البولونيز، ماتنساش إن المالك إللي قبلنا ممكن يكون استرخص و جاب حاجة تعبانة أو جايز اتضحك عليه و باعوا له حاجة تعبانة بسعر غالي، الله أعلم، بشكل عام لازم تتأكد إن الموتور إللي هيرفع الإزاز لازم يكون قوي بما فيه الكفاية، و المفروض الإزاز الكهرباء يقعد سنين من غير مشاكل مش 6 شهور بس.

انا بفكر اجيب كاسيت بايونيير ... ايه رأيك ؟ ولا صرف على الفاضى ؟ اصل انا مجنون بيييييز
لأ طبعًا، كده صرف كتير

أنت قولت إن المكنتين بالتركيب بـ 350 جنيه، طب إيه نوعه؟ و هل في أنواع تانية و لا كلهم حاجة واحدة؟

سؤال تاني: ماتعرفش مسمار الهواء فين في جنب الكربراتير؟

[kreka]

أنت قولت إن المكنتين بالتركيب بـ 350 جنيه، طب إيه نوعه؟ و هل في أنواع تانية و لا كلهم حاجة واحدة؟

سؤال تاني: ماتعرفش مسمار الهواء فين في جنب الكربراتير؟

الكهربائى هو اللى قالى على المكنتين وقالى دول اليابانى بتوع الازاز التقيل ... بس اسمع ان فى مكن بيكون رخيص ب 150 تقريبا


المسمار معرفش فين تحديداً بس ليييييه ؟ مش تعرف تظبطه انت خطر

[Zika9909]

الكهربائى هو اللى قالى على المكنتين وقالى دول اليابانى بتوع الازاز التقيل ... بس اسمع ان فى مكن بيكون رخيص ب 150 تقريبا


المسمار معرفش فين تحديداً بس ليييييه ؟ مش تعرف تظبطه انت خطر

طالما سألت أقول لك، أنا مرة كانت عندي مشكلة إن الباب التاني بتاع الكربراتير علق فبقى يدخل بنزين بالهبل على الموتور و البوجيهات انتهت (العربية كانت ماشية بـ2 بوجيه بس!!!)، غيرت البوجيهات و قال لي تعالى تاني بكرة أشفهم، تاني يوم جيت أدور العربية مش عايزة تدور و دارت معايا بالعافية و بتقطع و لما روحت له يوم فك البوجيهات لقاها مهببة الراجل استغرب أوي و ماعرفش المشكلة منين، غيرت البوجيهات تاني و قال لي تعالى بكرة، أنا بقى طنشت لأن أنا كده كل يوم هغير بوجيهات و العيب أصلاً مش في البوجيهات، قعدت أدور شوية على النت المهم فهمت إن الهباب ده بسبب زيادة نسبة البنزين في الخليط، يبقى الحل إني أزود شوية هواء و العربية هتبقى تمام.
أنا لحد دلوقتي العربية بتطلع عيني في الدوارة الصبح و هي باردة كأنها شرقانة و لازم أزود بنزين أول ما تلقط عشان العربية تقوم و بتقطع باستفزاز بس لما العربية بتسخن كل المشاكل دي بتنتهي و تدور من أول تكة عادي و السحب ممتاز، وكمان الـrpm بيقى 600 في السلانسية و ده قليل و المفروض يكون 900 على الأقل.
عشان كده أنا عايز أعرف مسمار الهواء فين و أحاول أظبطها بنفسي، و أنا لو ماجربتش مش هتعلم.

[kreka]

طالما سألت أقول لك، أنا مرة كانت عندي مشكلة إن الباب التاني بتاع الكربراتير علق فبقى يدخل بنزين بالهبل على الموتور و البوجيهات انتهت (العربية كانت ماشية بـ2 بوجيه بس!!!)، غيرت البوجيهات و قال لي تعالى تاني بكرة أشفهم، تاني يوم جيت أدور العربية مش عايزة تدور و دارت معايا بالعافية و بتقطع و لما روحت له يوم فك البوجيهات لقاها مهببة الراجل استغرب أوي و ماعرفش المشكلة منين، غيرت البوجيهات تاني و قال لي تعالى بكرة، أنا بقى طنشت لأن أنا كده كل يوم هغير بوجيهات و العيب أصلاً مش في البوجيهات، قعدت أدور شوية على النت المهم فهمت إن الهباب ده بسبب زيادة نسبة البنزين في الخليط، يبقى الحل إني أزود شوية هواء و العربية هتبقى تمام.
أنا لحد دلوقتي العربية بتطلع عيني في الدوارة الصبح و هي باردة كأنها شرقانة و لازم أزود بنزين أول ما تلقط عشان العربية تقوم و بتقطع باستفزاز بس لما العربية بتسخن كل المشاكل دي بتنتهي و تدور من أول تكة عادي و السحب ممتاز، وكمان الـrpm بيقى 600 في السلانسية و ده قليل و المفروض يكون 900 على الأقل.
عشان كده أنا عايز أعرف مسمار الهواء فين و أحاول أظبطها بنفسي، و أنا لو ماجربتش مش هتعلم.

السلانسيه بيكون 800 ..... والمسمار معرفش مكانه بالتحديد .. ليه مجربتش تغير الميكانيكى ؟

اعرف ازاى ان البوجيهات تعبانه ؟؟؟؟؟؟؟

لما تدور ارفع السخان عشان تلقط على طول

[Zika9909]

السلانسيه بيكون 800 ..... والمسمار معرفش مكانه بالتحديد .. ليه مجربتش تغير الميكانيكى ؟

اعرف ازاى ان البوجيهات تعبانه ؟؟؟؟؟؟؟

لما تدور ارفع السخان عشان تلقط على طول

أنا بتعامل مع اتنين ميكانيكية و الباقيين حرامية، الأولاني طيب و أمين بس ممكن حاجات مايعرفهاش، التاني شاطر بس ممكن يعمل لي فيلم عشان يظبط مسمار الهواء بس، يعني ممكن ينضف الكربراتير و يظبط كهرباء و شوية حاجات كده يزود بيهم التسعيرة.

هتعرف إن البوجيهات تعبانة لما العربية تتالت (تبقى متالتة يعني 3 بوجيهات شغالين و الرابع منتهي) و هتلاقي العربية بتقطع و بتطلع هباب أسود من الشكمان.

بالنسبة للسخان: مش هو ده إللي تحت الدريكسيون على الشمال شوية و بيتشد لبرة؟ لو هو أشده قبل ما أدور و لا و أنا بدور و لا لما العربية تلقط؟
لو هستناه لما العربية تلقط يبقى ما عملتش حاجة؛ لأن العربية بتدور بالعافية و هي باردة و ممكن المارش يتحرق مني

[kreka]

أنا بتعامل مع اتنين ميكانيكية و الباقيين حرامية، الأولاني طيب و أمين بس ممكن حاجات مايعرفهاش، التاني شاطر بس ممكن يعمل لي فيلم عشان يظبط مسمار الهواء بس، يعني ممكن ينضف الكربراتير و يظبط كهرباء و شوية حاجات كده يزود بيهم التسعيرة.

هتعرف إن البوجيهات تعبانة لما العربية تتالت (تبقى متالتة يعني 3 بوجيهات شغالين و الرابع منتهي) و هتلاقي العربية بتقطع و بتطلع هباب أسود من الشكمان.

بالنسبة للسخان: مش هو ده إللي تحت الدريكسيون على الشمال شوية و بيتشد لبرة؟ لو هو أشده قبل ما أدور و لا و أنا بدور و لا لما العربية تلقط؟
لو هستناه لما العربية تلقط يبقى ما عملتش حاجة؛ لأن العربية بتدور بالعافية و هي باردة و ممكن المارش يتحرق مني :_alshmokh11:

اه هو دا شده قبل ما تدور لأن دا لو سليم بيذود الأر بى ام يعنى بيقوم بدور ضغطه البنزين

تقريبا الكربيراتير بتاعك مش تمام ....... نصيحه متخليش الميكانيكى كل شويه يعمل ناصح ويفك الكربيراتير ينضفه ..... هو أخره يتنضف مره فالسنه

[Zika9909]

اه هو دا شده قبل ما تدور لأن دا لو سليم بيذود الأر بى ام يعنى بيقوم بدور ضغطه البنزين
هنزل أجرب دلوقتي.

تقريبا الكربيراتير بتاعك مش تمام ....... نصيحه متخليش الميكانيكى كل شويه يعمل ناصح ويفك الكربيراتير ينضفه ..... هو أخره يتنضف مره فالسنه
لأ، الكربراتير تمام؛ لأن الكربراتير لو مش تمام العربية كانت هتفضل تقطع على طول لكن هي بتعمل كده و هي باردة بس و أول ما تسخن بتبقى 10 على 10.
أما الميكانيكي أنا ماخليتوش يفك الكربراتير نهائيًا لأن أنا عارف إنه سليم و عشان كده كنت عايز أظبط مسمار الهواء لوحدي بدون اللجوء للميكانيكي.

[Zika9909]

جربت موضوع السخان و مانفعش للأسف.

عملت شوية شغل في العفشة:
1-غيرت بيض المقصات للعجلتين الأماميتين، الطقم (4 بيضات) التركي بـ110 جنيه و الكوري بـ180 جنيه و مالاقيتش الأماني، أنا جيبت التركي.
ملاحظة: بيض المقصات إللي اشتريته بتاع فيات 132.
2- بلية الأكس للعجلة الخلفية شمال، البلية الياباني بـ33 جنيه و الصيني بـ12 جنيه، أنا جيبت الياباني، و لازم تودي الأكس كله لخراط عشان يفك البلية القديمة بالمكبس و يحط البلية الجديدة بالمكبس بردو، الخراط خد 7 جنيه في الحكاية دي، يبقى التكلفة الإجمالية للبلية 40 جنيه.
طبعًا كل ده غير المصنعية، العفشجي خد 20 لكل عجلة (يعني 80 إجمالاً).

كده التكلفة الإجمالية لصيانة العفشة 230 جنيه و كان ممكن تزيد في حالة إني لاقيت بيض مقصات ألماني.

[hassan145]

انا معايا بولونيز 87 ومغير لها موتور بولونيز 2000 بكاتينة كاوتش وهي ناعمة واحب ااكد على موضوع انها بتوصل 100كيلو على الرابع وال rpm عند 3500 وكمان بتوصل 140 كيلو بثباتعلى الخامس عند أقل من rbm 3000 وحقيقي واسعة ومريحة في الركوب

[hassan145]

العيب ده كان كوجود عندي وطلع عيني وأخيرا عرفت فين العيب وهو كان غي الابلاتين فغيرته وأصبحت العربية كويسة والحمد لله