تقييم الm11 من الاول للاخر

[ahmeddarhos]

ربنا يعوضك خير يا راجل يا محترم و يحفظك من كل سوء....

[hemaa_82]

بسم الله

الحمد لله نقاوة طلعت امبارح افراج .......و اليكم التفصيل
مصنعيات:-

800 سمكرة ....
باب خلفي شمال& رفرف خلفي شمال & رفرف امامي يمين.. "كانو متبهدلين"
استعدال حوامل علبة اكصدام خلفي يمين "خفيف جدا و علي البارد تماما" ..
فك و تركيب اكصدامات جديدة
تلقيط دورانات رفرف يمين خلفي علي البارد و امامي شمال علي البارد " بقشيش 50 جنيه"

1500 دوكو
5 قطع .... باب & 2 رفرف & 2 اكصدام
تلميع باقي السيارة و معالجة الدوران بعد تلقيط البارد " بقشيش ورقتين ب 20 يعني 40 بلبل"

100 سروجي " قال يعني فك و تركيب الباب من جوة"

100 كهرباء " برده قال يعني فوانيس شبورة و الكلام الفاضي ده"

25 مصنعية تغيير زيت


قطع غيار :-

500 اكصدام خلفي فبر
65 باكتة اكصدام خلفي شمال
25 علامة الشنطة الكبيرة
25 طبة شداد خلفي & امامي
475 اكصدام امامي فبر
25 كلبسات عدد 20
147 حامل اكصدام خلفي وسط فبر
57 باكتة باب خلفي شمال
89 باكتة اكصدام خلفي وسط
359علبة حامل اكصدام خلفي يمين
115 كاسح امامي
115 كاسح خلفي
83 ممص صدمات اكصدام امامي"حشو فلين"

29 فلتر زيت
236 جالون موبيل 1
68 لتر موبيل 1



طبعا نزود 10% علي كله ضرائب ... علشان نساعد البلد ...

اجمالي 5500

الشغل طلع حلو الحمد لله .....

للاسف ... بطارية العربية ماتت ... اتأكدت انها بطريتي من رقم الضمان بتاعها ... حسبي الله لو كان حد السبب "سابها مفتوحة كتير او نور نور او كاسيت كتير

علي العموم ركبت بطارية ايطالي اسمها مركتيللي ... 55 امبير بدل ال 62 المشهورة ب 70 .... و للعلم ان ال 516 مع انها نفس المتور بتنزل ب 55 مش ب 70 زي ال m11 .... الكلام ده من بق بياع البطاريات نفسه ... و اللي قالي اركب 55 كهرباءي احسبه علي خير مش البياع

الغريب بقي ان البطارية لما كانت ميته كان لما اشغل الشبورة تشتغل بس متديش علامه في التابلوه اللي في النص بس لما غيرت البطارية اشتغلت عادي .....

البطارية تبدو جيدة و تمنها 350 من عادل سعد في طومانباي في الزيتون و طبعا بعد ما خد القديمة




لا ارانا الله سوء في عزيز لنا ولا لكم

وربنا يرحمنا من الشوارع بنت التيييت دي بقي

[huss2000]

ربنا يعوض عليك

[hugan]

مبروك عوده العربيه

[windofchange]

بسم الله

الحمد لله نقاوة طلعت امبارح افراج .......و اليكم التفصيل
مصنعيات:-

800 سمكرة ....
باب خلفي شمال& رفرف خلفي شمال & رفرف امامي يمين.. "كانو متبهدلين"
استعدال حوامل علبة اكصدام خلفي يمين "خفيف جدا و علي البارد تماما" ..
فك و تركيب اكصدامات جديدة
تلقيط دورانات رفرف يمين خلفي علي البارد و امامي شمال علي البارد " بقشيش 50 جنيه"

1500 دوكو
5 قطع .... باب & 2 رفرف & 2 اكصدام
تلميع باقي السيارة و معالجة الدوران بعد تلقيط البارد " بقشيش ورقتين ب 20 يعني 40 بلبل"

100 سروجي " قال يعني فك و تركيب الباب من جوة"

100 كهرباء " برده قال يعني فوانيس شبورة و الكلام الفاضي ده"

25 مصنعية تغيير زيت


قطع غيار :-

500 اكصدام خلفي فبر
65 باكتة اكصدام خلفي شمال
25 علامة الشنطة الكبيرة
25 طبة شداد خلفي & امامي
475 اكصدام امامي فبر
25 كلبسات عدد 20
147 حامل اكصدام خلفي وسط فبر
57 باكتة باب خلفي شمال
89 باكتة اكصدام خلفي وسط
359علبة حامل اكصدام خلفي يمين
115 كاسح امامي
115 كاسح خلفي
83 ممص صدمات اكصدام امامي"حشو فلين"

29 فلتر زيت
236 جالون موبيل 1
68 لتر موبيل 1



طبعا نزود 10% علي كله ضرائب ... علشان نساعد البلد ...

اجمالي 5500

الشغل طلع حلو الحمد لله .....

للاسف ... بطارية العربية ماتت ... اتأكدت انها بطريتي من رقم الضمان بتاعها ... حسبي الله لو كان حد السبب "سابها مفتوحة كتير او نور نور او كاسيت كتير

علي العموم ركبت بطارية ايطالي اسمها مركتيللي ... 55 امبير بدل ال 62 المشهورة ب 70 .... و للعلم ان ال 516 مع انها نفس المتور بتنزل ب 55 مش ب 70 زي ال m11 .... الكلام ده من بق بياع البطاريات نفسه ... و اللي قالي اركب 55 كهرباءي احسبه علي خير مش البياع

الغريب بقي ان البطارية لما كانت ميته كان لما اشغل الشبورة تشتغل بس متديش علامه في التابلوه اللي في النص بس لما غيرت البطارية اشتغلت عادي .....

البطارية تبدو جيدة و تمنها 350 من عادل سعد في طومانباي في الزيتون و طبعا بعد ما خد القديمة




لا ارانا الله سوء في عزيز لنا ولا لكم

وربنا يرحمنا من الشوارع بنت التيييت دي بقي

الف مبروووك يا هيما وربنا يكيفك ويكفينا شر الناس......سؤال انت صلحتها فالتوكيل معلش اصلي مش متابع الموضوع اووي؟ لو مش فالتوكيل جبت الفلين اللي تحت الاكصدام منين

[samehsalem]

فداك يا هيما وانشاء الله ربنا يسترها علينا جميعا...بس ليا سؤال جبت منين علامة اسبرانزا اللي علي الشنطة عشان مكسورة عندي وعاوز واحدة

[hemaa_82]

ركبوها في التوكيل لوحدهم ... بس طبعا لو سألت عليها علشان تشتريها يقولك مش موجوده

[samehsalem]

اه ده اللي بيحصل فعلا طيب ليه التخلف بتاعه ده ولو تعرف مكان برة التوكيل قولي منين عشان اجيبها

[fineart607]

هى كساحات الكصدام الأمامى توفرت وب115 كويس انا صلحتها عند بتاع الفيبر ب50 جنية بالعافية والله وحمد لله على سلامة السيارة ربنا يحفظها لك ويبارك لك فيها

[ahmeddarhos]

الف حمدالله على السلامة يا هيما.. و ربنا يحفظهالك..
بس ممكن تقوللى انت عملتها فى ابورواش ولا فرع تانى... و كنت مأمن عليها و لا لأ ....

[hemaa_82]

اه ابو رواش
اه مأمن

الله يسلمك يا سيد الناس :)

[hemaa_82]

بسم الله

طبعا بعد ما العربية اتصلحت في التأمين و بقت عروسة صعبت علي الناس متبوسهاش ....

واحد بيركن سلم علي رفرف امامي شمال
واحد زيه علي خلفي يمين
واحد بيفادي بلاعة كسر الاكصدام اللي لسة تمنه سخن .... بس ركبته بإيدي بعد ما فكي الفوانيس

المهم كنت في عين شمس عند حمايا قلت بينا بقي مبدهاش و نزلت عند السمكري رد الرفرفين و هما في اماكنهم و ثبت الاكصدام الامامي بمنتهي الجوده "ايديه فعلا تتلف في حرير" و طلب 60 بلبل ايدتهمله من غير فصال علشان شغله حلو
طلعت بعديها ظبط زوايا و عدلت الطارة "بتتعدل في ثانبة من تحت علي علبة الدريكسيون"
طلعت بعدها علي كهربائي اغير لمبة الرمش الامامي اليمين و الفرامل اليمين .... و برضه علمني حتة جامدة ان الكوع بتاع قربة المساحات بيتفك من العلبة من تحت و بكده يديك براح جامد انك تلعب في الفانوس اللي كان مزنوق
وبعدها جبت مساحتين فبر الجوز ب 20 جنيه

يومها صرفت 145 جنيه بس كلهم عملو فرق

[hemaa_82]

اللي بعده :)

[hemaa_82]

كنت وانا بعمل صيانة ال 35 وبغير قلب الولاعة و مكنة الزجاج الامامي شمال علي الضمان علشان التزييق اشتكيتلهم من ونة علي السرعات اللي بعد 160 و من الزجاج اللي عليه عفريت اللي هوه امامي يمين ...و قتها مكنش راضي يعلق ابن التيت... فطبعا عملو في الورشة هبل و قالولي شغال
بس غيرولي بلي امامي ضمان بدون اي اصرار من ناحيتي....
طبعا بعد ما خدت العربية منهم لقيت الزوايا في الكنافة علشان كده عملت طلعة تظبيط عين شمس اللي قلتلكم عليها

بس برضه وانا بستلم منهم العربية بعد تغيير المكنة الشمال لقيت البيه اللي كان بيفك الباب بتاع السواق و فرشه كاسر الزرار الرباعي بتاع السنتر و الزجاج و مش مركب الاكرة مضبوط ولا اللمبة اللي في الباب من تحت... قمت بكل هدوء جايب طارق من خدمة العملا موريه قام جاب مدير الكهرباء قام جاب الفني ... البيه قالك ايه بقي ؟؟؟؟ انا مستلمها كده و موري الفنيين اللي معايا ...طبعا نطين في كرشه و زعقت و قلتله تولع العربية علي الزرار بس متفكرش ان في حاجة تخليني اتبلا عليكم
المهم قام طارق بدر من خدمة العملا قالي خلاص ولا يهمك ... زرار رباعي و اكرة علي الضمان لو طلعت الاكرة مكسورة ..... برده كنت قلتلهم ان الدريكسون مقشر سنة من الشمال ... جه بتاع الضمان "شاب ملتحي و هادي الطبع" بص عليه و قال يتغير ضمان برضه ....

بقي ليا عندهم طارة + زرار رباعي + اكرة لو مكسورة غير العفريت اللي في الزجاج اليمين

المهم جه يوم الثلاثاء اللي فات وانا رايح القرية الزكية "للاسف مضطر" قام العفريت حضر ... قمت طالع عليهم موريهم العفريت ... و دخات لطارئ حجزت المكنة احتياطي و الحاجاتاللي كانت ليا و حددت معاد علي امبارح

جه امبارح قمت رايح "كانوا كلموني قالولي حضرتك ليك ان شاء الله زرار رباعي و طارة بس للاسف مش موجودين فقل طالاما المكنة اليمين موجوده اروح اشوفها علشان خنقتني خلاص"

المهم دخلت علي احمد غريب .... هنعمل حوار مكنة زجاج + اكرة شمال تتغير لو مكسورة او تتركب كويس + العربية طالعة زواياها كنافة و انا ظبطها بس بتخبط جامد من قدام عن قبل الصيانة وتغيير البلي + صوصوة طبعا من نضافة المطر علي العفشة الخلفي....

طبعا قعدت من 9 ل 4 بعد الظهر

قالولي انهم كشفو علي ضفيرة الباب و لقه حتة عريانة مشعرة هيا اللي كانت عاملة القافلة و تعليقة الزجاج....... مش مقتنع بس خلينا لحد باب الدار
الاكرة مش مكسورة و ركبت ...... مقدم شكوي علشان لما جه يركبها خربش حتة في حرفها و برضه الناحية اليمين مخربشة في الحرف
الصوصوة قلت كتييييييييييير بس انا لسه هغسلها و اشحمها برة ان شاء الله
التخبيط انا شايفة اتظبط تماما بس بيقولو عايزة تيش يمين "علي الضمان" و عايزة مقصات او جلب "علي العميل"

قلبي وقع لاني لسة سامع ام مقص اللانسر البومة ب 900 في التوكيل و استيراد ب بتاع 200 و الجلبة لوحدها في البومة ب 120 بلبل للفرده

المهم رحت سألت في المخزن ...كلم الورشة ... طلعت الحمد لله بتغير جلب علي المقص عادي و للفردة جلبتين واحدة ب 50 و واحدة ب 35 يعني قول 100 ......



كده ليا عندهم طارة + زرار رباعي + تيش يمين
و مطلوب مني طقم جلب ب 200

غير اني لو فضلت العب في الزجاج اليمين ححرقه حتي لو سليم ... بس المكنة موجودة و تمنها علي بعضها 300 جنيه

ربنا ييسر الحال .... نوافيكم بكل جديد ان شاء الله

[hemaa_82]

للافادة بقي .... التيجو مبتغيرش جلب ...بتغير مقص كامل ... انما عربيتي و ال 516 بتغير جلب و مش لازم تغير المقص كله