تقييم الm11 من الاول للاخر

[shadymt2005]

سعر الكاسح الاكصدام الامامى ال هو لونه اسود وراكب فى الاكصدام الامامى من تحت فى الام 11بكام وبيتباع فين وشكرا.

[hemaa_82]

كان بيعمل 100 ل 120 و كان موجود عند الملك في الحرفيين

[hemaa_82]

كل سنة وانتم جميعا بكل خير ان شاء الله

سنة جديدة مباركة و مولد نبوي شريف علينا و عليكم
"اللهم صلي و سلم و بارك علي اشرف الخلق و علي اله و صحبه و سلم تسليما كثيرا"

[towfeq]

السلام عليكم
كل عام و انتم جميعا بخير و صحة و ربنا يرزقنا شفاعه النبي عليه الصلاة و السلام
و كل سنه و انت طيب يا هيما و يا رب يكفينا و يكفيك شر الطريق و شر اي حاجة

كنت صحيح عايز اسئلك على فلتر البنزين و البوجيهات و الكلام ده.بيتغير كل اد ايه..اصل بصراحه العربيه ما شاء الله مفيش ولا اي مشاكل والله العظيم بس انا مش متعود على كده..عايز اطمن و اطلع منها اعلي اداء..هي زي ما انت عارف انا اشتريبتها و كانت عامله 12 الف تقريبا و كان معمول لها صيانه قبل ما اشتريها..دلوقتي انا عامل بها 29 الف..ايه اللي انتي شايفه مناسب اعمله..انا مبدئيا هربط العفشه عشان بقالها كتيييييير قوي و هشوف محتاجة ايه..ايه تاني بقى اعمله عشان تفضل العربيه بنت ناس معايا؟

و شكرا يا باشا

[hemaa_82]

مع كل غيارين زيت 10000 غير فلتر بنزين ...
انا كدة كدة بغير الزيت علي 15000

البوجيهات بقي انت و اللي راكب ... لو البوش الروسي يبقي علي 20 الف غير ...

لو نضيف اكتر "ان جي كيه " مثلا متغيرش علي اقل من 50 60 الف طالاما الاداء غير متأثر .... و حتي البوش ممكن تعمل كدة ... طالاما مفيش تنتيش او قلة سحب او زيادة استهلاك بنزين كبر دماغك ...

طبعا لو نظفت بوابة تعمل حسابك انك هتغير بوجيهات وقتي علشان هباب حرق المنظف بيتراكم عليها

[towfeq]

السلام عليكم
هي عموما العربيه ماشاء الله مفيش تنتيش ولا تقطيع و السحب الحمد لله كويس جدا
فلتر البنزين هو اللي عايز اغيره عشان القرف اللي بقى بيتحط في البنزين

بس هي العربيه فيها بوابه؟؟
فين دي..
معلش يا حج اعذرني.بس هي فين البوابه دي..وشكلها زي بوابات العربيات العاديه..مانيوفولد و كده و الجر ده و لا شكلها عامل ايه دي

تسلم يا كبير

[hemaa_82]

وانت قدام العربية بتلاقي فلتر الهوا علي اليمين.. طالع منه ماسورة كبيرة داخلة علي المتور من قدامك في النص ... داخلة علي البوابة علي طول

هية دي البوابة .. بوابة الهوا اللي دواسة البنزين بتفتحها وعلي اساس فتحتها يتم سحب بنزين وحرقة حسب الضغط علي دواسة البنزين

[towfeq]

ما شاء الله
العلم نور بردو يا ولاد و اهل مكه ادري بشعابها

الا دي تتنضف ازاي دي يا سي حسونه..

اشرح لينا يا كبير الله يباركلك

اشرح كمان عايزين نتوب

و قولنا كمان ايه اللي ممكن نعمله تاني بنفسنا كده عشان ننضف اي حاجة في العربيه..ادينا دروس كده و نورنا

[shadymt2005]

العربية عندى فيها نتشة او برجلة الصبح فى الدوارة كانت عملتها من شهر ورحت لمحمد رشاد والجهاز كان قارى عيب حرق عند البوجيه رقم واحد غيرت البوجيهات وفلتر الهواء وفلتر بنزين المهم بعدها ساعات تنتش بصيت اول الدوارة وبعدها تمام امبارح فضلت مبرجلة لحد مابطلت حولت ادورها تانى مرتين مفيش فايدة وتالت مرة دارت وتمام من سعتها السبب ايه وشكرا.

[hemaa_82]

لو انت حوالين ال 50 الف كيلو يبقي غير بلف اسايكون ....

الاعراض.... العربية تدور بس مبرجلة "كأنها شغالة ناقصة بوجيه او اكتر كمان:
دخنة سودا من الشكمان و ريحة بنزين ني مع الكبس و هية مبرجلة الصبح " او مع اي دوارة مبرجلة:
تنتيش و هيه ماشية ساعات\
البوجيه رقم 1 من ناحية الموبينة دايما بيطلع مهبب بستين نيلة حتي لو غيرته

[hemaa_82]

الكشف :_

والعربية دايرة .... حاول تفتح غطا زيت الموتور.... هتلاقي العربية بتشفطه جامد كانها مش عايزة تسيبه

لما تفك البلف هيطلع سوستته سايبة

[hemaa_82]

البل ده عمرة الافتراضي حسب جدول الصيانة بتاع عربيي الام 11 "الكتالوج الاصلي" 50 الف كيلو

هبل عندي من بعد ال 53 الف كيلو
ركبت واحد استيراد عمل 7 الاف كيلو "سعره 50 جنيه"
ركبت جديد من تكنو سيرفس عمل حتي الان 30 الف كيلو " سعره 130 جنيه"


مع مراعات ان من الممكن الاستغناء عنه و تطبيب مكانه بس علي ايه ... مش غالي يعني ...





بس انا العربية كانت تقريبا يو اه و يوم لا لو مكانش كل يوم الصبح نفس الاعراض .... اروح انضف البوجيه تمشي يومين و ترجع تهبل .... وقتها جربت توجيهات و موبينة و بوجيهات و نفس الاعراض... مظبطتش الا لما اتغير البلف

[hemaa_82]

بالنسبة لتنضيف البوابة ... انت هتفك الخرطوم من عليها زي ما قولنا ...
هتشتري نظف الكاربيراتير " العلبة الزرقة ... و مكتوب عليه كاربيراتير ايوه مش غلطة كتابة" انت هتقول للراجل منظف بوابة الازرق النضيف و هوة عارفة بس انا باكد تاني ان مكتوب عليه منظف كاربيراتير" من 20 ل 30 جنيه حسب المكان اللي بتشتري منه

حد هيبقي جوة العربية و حد ماسك العلبة و واقف قدام البوابة ...

اللي جوه يدور و يدوس بنزين علي الاخر متخافش ...و في نفس الوقت التاني بينضف كل حتة في البوابة و مفصلات فتحتها بالاسبراي .... هتفضي مش اقلمن نص العلبة عادي .... اهم حاجة تنضف كل ملي فيها ... و بالذات مفصلات البوابة نفسها اللي عتلاقيها بتفتح قدامك علشان تدخل الهوا .....

هتخلص ... تسيب العربية من غير ما تدوس جامد بنزين شوية بس تحرق كل اللي اترش ....
بعدها تطفي و تغير بوجيهاتك ...
الف مبروك

[hemaa_82]

بالنسبة للبلف صحيح ... انا شايفك قايل انك عامل 32 الف ...... هوه العربية موديل كام ..... انا 2010 استلام 9 2009.... هبل معايا بعد تقريبا 3 سنين او حواليها .... ثم ان في مصر ال كيلو عداد ب 10 بسبب وقفةالشوارع المنيلة بنيلة ....
انا قلت بس ابينلك كل الملابسات

[Matious33]

افيدوني افادكم الله

انا بقي عندي مشكله مطلعه عيني
العربيه عندي الفرامل اليد بتاعتها زي الزفت رجلاش بقي تغير تيل قول اللي انتا عايزه النتيجه ان العربيه بتمشي وانتا شادد اليد علي الاخر ومش لاقيلها اي حل .