تقييم الm11 من الاول للاخر

[hemaa_82]

بسم الله

امبارح نزلت اخيرا اعمل اللي قلت عليه

نزلت دمشق ... اشتريت مراية كوبي ب 230 من عند زكي جرجس .... مش قد كده خالص بس تأدي الغرض لحين اصلاح الاصلي ... و اشتريت تيل جولد من عنده ب 60 جنيه

رحت عندي الميكانيكي بتاعي فكينا .... ها يا مجدي ايه نظام الجلب و العفشة ....

قالي الجلب طريت و يا ريت تتغير و البيض نعم .... بارات الداخلي بتاعت الدريكسيون فيها واحد خفيف فممكن نطنشها لحد ما التاني ينعم و نغير الاتنين...

نزلت الف علي الجلب .... ملقيتش ...

بس المقص الواحد بجلبه ب 200 بلبل..... و طقم البيض ب 250 .... ياللا يا عم هاتهم .....

المهم رحت الورشة وانا خايف يطلع المقص اخف من الاصلي بس الحمد لله طلع نفس الوزن ....

خدت الطنابير جلختها ....الخراط طلع حرااااااااااء و خد 70 جنيه ...

ركبنا البيض ..ركبنا المقصات ... ركبنا الطنابير.... التيل طلع فيه سلك الحساس .شلناه من الكلبس و ركبناه عادي ..

ركبنا القربة ...اخص ..طلع فيها مكان خرطوم فايظ مطبب... فكيتها و رحت لخراط عملها بنز نحاس ب 20 جنيه ...
ركبناها و تمام

خدت العربية ظبط زوايا طلعت من ورا متبهدلة بسبب المطبات بس الحمد لله ظبطت و بقت فلة ..... بتاع الزوايا زود من 50 جنيه للاربع فرد الي 70 جنيه

كده فاضل اطلع طلعت التيل و الطنابير للعجل الخلفي
فاضل اغسل دورة الميه علشان اقلبها خضرا
فاضل لما تجيب اخر اظبط علبة الدريكسيون
فاضل اغير زيت

ربنا بقي يعدي اليومين دول علي خير و اقولوكم اخر الاخبار

[bassemali]

بسم الله

امبارح نزلت اخيرا اعمل اللي قلت عليه

نزلت دمشق ... اشتريت مراية كوبي ب 230 من عند زكي جرجس .... مش قد كده خالص بس تأدي الغرض لحين اصلاح الاصلي ... و اشتريت تيل جولد من عنده ب 60 جنيه

رحت عندي الميكانيكي بتاعي فكينا .... ها يا مجدي ايه نظام الجلب و العفشة ....

قالي الجلب طريت و يا ريت تتغير و البيض نعم .... بارات الداخلي بتاعت الدريكسيون فيها واحد خفيف فممكن نطنشها لحد ما التاني ينعم و نغير الاتنين...

نزلت الف علي الجلب .... ملقيتش ...

بس المقص الواحد بجلبه ب 200 بلبل..... و طقم البيض ب 250 .... ياللا يا عم هاتهم .....

المهم رحت الورشة وانا خايف يطلع المقص اخف من الاصلي بس الحمد لله طلع نفس الوزن ....

خدت الطنابير جلختها ....الخراط طلع حرااااااااااء و خد 70 جنيه ...

ركبنا البيض ..ركبنا المقصات ... ركبنا الطنابير.... التيل طلع فيه سلك الحساس .شلناه من الكلبس و ركبناه عادي ..

ركبنا القربة ...اخص ..طلع فيها مكان خرطوم فايظ مطبب... فكيتها و رحت لخراط عملها بنز نحاس ب 20 جنيه ...
ركبناها و تمام

خدت العربية ظبط زوايا طلعت من ورا متبهدلة بسبب المطبات بس الحمد لله ظبطت و بقت فلة ..... بتاع الزوايا زود من 50 جنيه للاربع فرد الي 70 جنيه

كده فاضل اطلع طلعت التيل و الطنابير للعجل الخلفي
فاضل اغسل دورة الميه علشان اقلبها خضرا
فاضل لما تجيب اخر اظبط علبة الدريكسيون
فاضل اغير زيت

ربنا بقي يعدي اليومين دول علي خير و اقولوكم اخر الاخبار

متابع معاك ياباشا

[M I D O]

متابع

[hemaa_82]

بسم الله

غسلت دورة المياه و حطيت ميه خضرا من التعاون اللي في اخر مصدق .....

الحوار كله ب 50 جنيه .... و معايا بقيت المية الخضرا

[shady_taha]

حد يعرف سوستة تيل الفرامل الامامى بتاعة الام 11 اجبها منين علشان عندى الجنب اليمين كل شوية حد يفصلى حاجة زيها ومتكنلش كام شهر وتبوظ

[hemaa_82]

التيل الجولد بيصفر ولا موسيقي حسب الله .... صباح الونس ... بس الاداء كويس ...بيكلبش حلو



بالنسبة لسوستة التيل ... انا مسألتش عليها بس اعتقد ممكن تكلم ذكي جرجس تلاقي عنده

[shady_taha]

باشا محل الملك واشيخ طه ده فين التوقيقية ولا الحرافيين
ولو عاوز اروح التوكيل اظبط شوية حجات كده اروح انهى فرع احسن لان فيه حجات مش هلقيها غير فى التوكيل زى سوستة تيل الفرامل مش موجوده بره خالص وشكرا مستنى ردك ياكبييير
حاجة كمان انت كاتب انك رشيت 40 wdعلى فتحات التكيييف ممكن اعرف السبب

[shady_taha]

رحت فين ياباشا
بقلك ايه العربية عندى لما بمشى على ارض مكسرة بحس ان الدركسيون بيتهز فى ايدى هو ده عادى ولا ايه مع العلم ان مفيش مشاكل فى الطرق السليمة وكل مسال حد يقلى ده عادى معايا برضه انت رايك ايه الكلام ده عادى ولا ايه النظام بااعتبارك الاب الروحى للام 11 وشكرا

[tarekhassan88]

an immobiliser or immobilizer is an electronic device fitted to an automobile which prevents the engine from running unless the correct key (or other token) is present. This prevents the car from being "hot wired" after entry has been achieved

السلام عليكم .....
قلت اجرب البتاع ده شغال فعلا ولا اشتغاله -باعتبار انها صيني بقي- قمت نازل عند مفاتيح زكريا عندنا في الزيتون - عم زكريا طلع في التلفزيون في المظاهرات علي فكرة ...- و عملت مفتاح ب 7 بلبل ... افتح البيبان فلة ... الشنطة فلة ... في الكونتاكت فلة ... يشغل الازاز الكهربا و الكاسيت و يلقط مارش كمان ... انما لو فضلت من هنا لحد ماتنام مترداش تدور ....
تحط الاصلي تدور من لمسة ... انما المفتاح النسخة بيعمل كل حاجة الا ان المتور يشتغل

و بكدة طلعت فعلا ايموبيلايزد .... و كل سنة و انتوا بخير

عيد نبوي مش مبارك ... مش نظيف .. مش شريف .... انما عيد نبوي سعيد ان شاء الله

انا بقه عملت مفتاح بالامبوليزر ب 200 جنيه عند واحد قريب من محطة الدمرداش و هبقى انقل التجربه كامله ان شاء الله

كنت عايز اعرف المفتاح الاصلى بيتعمل فى التوكيل بكام و بياخد وقت قد ايه عقبال ما استلمه

[hemaa_82]

السلام عليكم ...

معلش يا اخوانا ....غيبوبة رمضان بقي ....

كل سنة و انتم طيبين مع انها متأخرة ....

المهم ....

المحلين دول "شيخ طه و الملك في الحرفيين في شارع المرسيدس"
ال wd40 انا عندي وقع زيت عطر في الهوايات وكان فيه منها ناحيتين اتحشروا لدرجة ان فيه ريشة ثابتة من وقتها ... فرشيت ال wd40 علشان انضف الزيت و الحمد لله ظبطت
بالنسبة للدريكسيون انه يتهز مع المطبات فده عادي المهم انه مينقرش"ميعملش صوت خبط"
بالنسبة لسوستة تيل الفرامل فللاسف معرفش هتلاقيها فين دي ... و علشان كده بنقول تخلي بالك لو الصنايعي مهمل او انت متعرفوش
بالنسبة للمفتاح ب 200 جنيه ده كده ببلاش تماما و اعتقد مفيش ارخص من كده

[hemaa_82]

نوافيكم بالمستجدات

التيل الجولد غير انه بيصفر ...بيعمل حكة مش لطيفة مع الفرامل علي السرعات العالية فوق ال 140 ... اول و اخر مرة اركب جولد

عامل بالزيت الشيل ال10000 التخليقي ال 5w-40 اكتر من 15000 كيلو و عايز اغير بس علي اول الشهر بقي


غير كدة كل حاجة كما هي و الحمد لله

[shady_taha]

انا بقه عملت مفتاح بالامبوليزر ب 200 جنيه عند واحد قريب من محطة الدمرداش و هبقى انقل التجربه كامله ان شاء الله

كنت عايز اعرف المفتاح الاصلى بيتعمل فى التوكيل بكام و بياخد وقت قد ايه عقبال ما استلمه

سعر كويس جدا ياريت تصورلنا شكله ايه

[shady_taha]

انا بقه عملت مفتاح بالامبوليزر ب 200 جنيه عند واحد قريب من محطة الدمرداش و هبقى انقل التجربه كامله ان شاء الله

كنت عايز اعرف المفتاح الاصلى بيتعمل فى التوكيل بكام و بياخد وقت قد ايه عقبال ما استلمه

ياريت عمان عنوان المحل ورقم التليفون وهل السعر شامل المفتاح والريموت وشغال معاك كويس ولا ايه النظام

[tarekhassan88]

ياريت عمان عنوان المحل ورقم التليفون وهل السعر شامل المفتاح والريموت وشغال معاك كويس ولا ايه النظام

هو مفتاح بس من غير ريموت

بالنسبة للعنوان فلو انت جاى من حدائق القبه و ماشى ناحية الدمرداش فى مصر و السودان توصل لحد جامع كشك اللى هيبقى على يمينك بعد كده هتدخل اول شارع شمال اكنك رايح للمترو اول لما تدخل شمال هتلاقى كذا محل على شمالك منهم ميكانيكى و بتاع كاوتش و بتاع مفاتيح بس الحقيقه انا ناسى اسمه ايه بس هجيب كل التفاصيل ان شاء الله و هكتبها

المفتاح شغال زى الفل بس اؤكد انه من غير ريموت مفتاح بس

[shady_taha]

هو مفتاح بس من غير ريموت

بالنسبة للعنوان فلو انت جاى من حدائق القبه و ماشى ناحية الدمرداش فى مصر و السودان توصل لحد جامع كشك اللى هيبقى على يمينك بعد كده هتدخل اول شارع شمال اكنك رايح للمترو اول لما تدخل شمال هتلاقى كذا محل على شمالك منهم ميكانيكى و بتاع كاوتش و بتاع مفاتيح بس الحقيقه انا ناسى اسمه ايه بس هجيب كل التفاصيل ان شاء الله و هكتبها

المفتاح شغال زى الفل بس اؤكد انه من غير ريموت مفتاح بس

مش العربية ديه مشفرة يعنى مينفعش تدور من غير الربموت علشان الشفرة على الريموت ولا انا فاهم غلط يعنى لو رحت عملت مفتاح مش المفروض ماتدرش ولتلا الشفرة ديخه بتبقى على المفتاح الحديد نفسه والريموت ده ريموت السنتر والانذار بس