تقييم الm11 من الاول للاخر

[hemaa_82]

العلم نور يا اخوانا و الله

اللي كان بايظ اسمه PVC valve و المقال ده بيشرح لازمته
What is the PCV valve and what does it do? — Yahoo! Autos

و المقال بيقول انه يعمل مشاكل اثناء الحركة المنةر زي ما حصل معايا....

علم الانسان ما لم يعلم :)

[hemaa_82]

ظبطت و لله الحمد .... ربنا يعمر بيتك يا ابانوب

[hemaa_82]

بسم الله

سفرية الساحل يوم الثلاثاء اللي فات

حرفيين - صحراوي - طريق وادي النطرون - بورتو جولف ..... استراحة 30 دقيقة تنزيل الشنط ...... راجع طريق الساحل - محور التعمير - داون تاون ...... راحة 3 ساعات ...... راجع محور التعمير - طريق الساحل حتي بورتو جولف ....

اكتر من 500 كيلو و اداء رائع و استهلاك بنزين كويس جدا مع عزل دورة بخار البنزين "عزل فلتر الكانستن"

الاربع نوووووووووووم
الخميس.... من بورتو للكورنيش في جليم .... و راجع....
الجمعة ... من بورتو للحرفيين ....

تسلم ايديك يا ابانوب .... العربية زي الفل و الحمد لله

[hemaa_82]

صحيح .... نسيت اقولكم

وانا راجع من اسكندرية كنت لقيت المبة الشمال العادية مش الرمش و مش العالي اتحرقت ... المهم جيت و غيرتها ... طلعت h7 55w فيليبس برده الماني .... جبتها ب 25 جنيه جنرال اليكتريك مجري ....
امبارح لقيت اليمين ضربت .... :) حاجة عجيبة

ربنا يستر طريقنا و طريقكم

[hemaa_82]

بسم الله

قلت بقي كفاية عور و خلينا حلوين و نغير اللمبة ....
غيرتها ...بقت ب 25 جنيه بدل 20 .....

بعد ما غيرت اللمبة .... بنتي بتفتح الباب الخلفي يمين .....بابا الباب مش يفتح ....ليه يا بيبو ؟؟؟ ... باظ يا بابا...

رحت لقيت الاكرة سايبة والباب مش بيفتح ....

رحت عند زكريا بتاع المفاتيح في الزتون .... فك يا سيدي ....طلع منبت الدراع اللي بيزق اللوك بتاع الباب اتكسر من الاكرة ..... المهم ان محمود اللي فكها طلع فنان و ركب مسمار من بره مسك بيه الدراع اللي اتكسر و بقت تمام الحمد لله و تقريبا مش باينة خالص الحمد لله ... بس برضه هندور علي الاكرة و لو في الرخيص مفيش احسن من الجديد...

خلصنا الاكرة؟؟؟؟ لمبة ستوب ورا يمين اتحرقت ....

خلصنا الستوب ...؟؟؟؟؟ ركنت العربية نزلت لقيتها محكوكة .... الباب الامامي يمين بيحشر سنه صغيرة في الرفرف الامامي و العربية اللي حكتني لونها طبع علي الرفرف....

عدلت الرفرف بنفسي الحمد لله .....

خلصنا الرفرف؟؟؟؟؟؟ نزلت بالليل لقيت حد شايل حاجة خشنة حطها علي السقف و مكان ما سندها خربش السقف ....

كان يوم عجيب غريب مريب ..... ربنا يحفظنا و يحفظكم .....


تحذير هااااااااااام .... محدش يغير اللمبة احسن العربيات الصيني لما بتغير اللمبة بتاعتها بتتخبط :)

نوافيكم بكل جديد

[pavlyonline]

مساء الخير... انا جبت m11 موديل ٢٠١١ بعد تفكير كتير... المهم العربية ممتازة ... انا كان معايا ١٢٨ فأكيد اي عربية هتبقا ممتازة...

العربية كانت بتستهلك بنزين كتير... حوالي ١٦.٦ لتر لكل ميت كيلو... رحت عند أبانوب قاللي ده طبيعي قلتله اكيد لأ... المهم شاف البوجيهات لقاها ضاربة م الجنب... غيرتها
الاستهلاك دلوقت ١٣.٥ لكل ميت كيلو بس بردو حاسس انه كتير... حد يقول اعمل ايه

[hemaa_82]

علي الطوالي ولا جوه البلد؟؟؟؟

متحاولش "ودي نصيحة اخوية" تحسب معدل استهلاك جوة البلد....هيجيلك تخلف عقلي و مش هتطلع برقم مفيد ....

لحساب الاستهلاك اعمل الخطوات الجاية بالترتيب

1..اتأكد من حالة بوجيهاتك و فلتر هواك و طرمبة بنزينك "يعني العربية تكون مسرفسة او مش محتاجة تتسرفس"
2.. عند مطلع اي طريق سريع فول لحد الكوع من اكتر بنزينه تثق فيها "طبعا تفول 92"
3.. صفر عداد الرحلات ... المشوار و الاستهلاك و المتوسط
4.. امشي مشوار حلو علي سرعة متور"rpm" من 2500 الي 3500 .... مش فارق التكييف... المهم حاول متدوس بنزين علي الفاضي ولا فرامل علي الفاضي بحيس ان سرعتك تكون شبه ثابتة ....
5.. ترجع لنفس الينزينة اللي بتثق فيها و تفول تاني لحد الكوع
6.. شوف عملت كام كيلو في مقابل كام لتر "في التفويلة التانية" .... لو مثلا عملت 150 كيلو ب 10 لتر يبقي انت عملت 100x10 علي 150 = بمتوسط 6.6 لتر لكل 100 كيلو

انا عربيتي "نقاوة" علي الصحراوي رايح "الهوا في وشي" بتعمل من 7 الي 7.5 لكل 100 كيلو بسرعة من 110 الي 130 كيلو في الساعة علي معدل دوران متور لا يقل عن 2500 لفة الي 3500 لفة بالدقيقة

[hemaa_82]

صحيح يا اخوانا ...

من يومين كدة وانا مروح و داخل جمال عبد الناصر عربية انقاذ شايلة مرسيدس ديلها قفش الاكصدام اللي لسة مركبة في المتحدة ...اللي كنت مشتريه من الملك ب 250 جنيه ...

الاضرار

اكصدام اتكسر..
سلك فانوس شبورة اتقطع
سلك فلشر شمال اتقطع
حامل اكصدام شمال اتكسر
كارتيرة شمال اتشرخت ....


المهم خدني وداني عند ورة اب عمته في اخر الحرفين عند السلام ... خليته اشتري اكصدام من عند شيخ طه لان ليهم تعامل مع بعض.... و انا كان معايا حامل الاكصدام في شنطة العربية و الكارتيرة سبتها علي الشرخ بس ماسكة تمام ة طبعا لحملي الاسلاك ....

المهم يعني انا مدفعتش حاجو و اصريت علي اكصدام جديد واني مش هلحمه ....

الحمد لله و قدر الله و ما شاء فعل ....


المهم بقي ايه ...الشيخ طه غالي التنين و في نفس الوقة الاكصدام بتاع الملك كان عاجبني اكتر


لما سألت عند الملك كان الاكصدام ب 250
كارتيرة ب 50
حامل اكصدام الفردة ب 65 ...."مع اني كنت جايبها من التوكيل ب 25"

الشيخطه قالي بدل 365 كام بقي؟؟؟؟؟؟؟؟؟؟

550 جنيه ... و الاكصدام كان معوج من التخزين و السمكري سخنه و عدله ...... بس برده احقاقا للحق الشيخ طه بيجيب التايهه وتلاقي عنده اللي مش هتلاقيه عند غيره خصوصا في الاستيراد


ربنا يحرس الجميع

[zezozom]

اخبار استهلاك البنزين ايه

[hemaa_82]

ابن حلال انت والله

الحمد لله في طلعة الساحل في الاجازة اللي فاتت ..... محمل 4 افراد و طفلين و العربية مفيش فيها ولا في شنطتها نفس و مشغل التكييف .... الاستهلاك علي من 110 ل 130 كيلو في الساعة عامل من 7 ل 7و نص في كل 100 كيلو ...

في الراجع ماشي علي 140 160 عامل من 9 ل 10 لتر لكل 100 كيلو

[aftr]

ازيك ياهيما انا كان عندى مشكله فى العافشه تم تغير
1- علبة دريكسيون
2- مسمارين ميزان رينو تركى
3- بيض مقص
4-- مساعدين
5- جلب مقص ودى كانت اخر حاجه وان شاء الله العفشه تكون تمام العربيه موديل 2010
معايه بقالها 3 سنين ونص وبصراحه كويس قوى على طرق مصر الجميله
اخر مشكله عندى بخصوص العفشه كان زى نقره بسيطه مع المطب اول واحد روحت عنده قال المساعد ياعم ازاى ده لسه جديد وطلع المساعد وقال شوف النقره طبعا حسيت انها اشتغاله تانى صانيعى قال انزل تحت كده شوف المقص فى لوحه بسيطه هات اتنين جداد واسلمك العربيه اكنها طالعه من على السير طبعا روحت الحارفين اسال على المقصين 250 جنيه والخامه تعبانه موت الراجل قال انته محتاج مقص ليه هو مكسور عندك قولتله لا قال حرام عليك جيب جلب بس وفعلا جبت 4 جلب 2 كورى و2 صينى المهم ركبتهم ولسه فى بردو نقر بسيط من عند الدواسه مش عارف ده من ايه
وفى حاجه كمان كان فى صانيعى قولتله على المشكله دى المهم قال لف الطاره قال دى مشكله تربيط فرامل هل كلامه صح ياهيما ولا ايه
معلش ياهيما سؤال كمان النهارده لاحظت من عند الشبكه الاماميه اللى تحت فشتين مخلوعين وسلكهم طويل المهم مديت ايدى بحسب بيركبو مع بعض طلعو مختلفين بص ياهيما السلك بتاعهم نازل من عند الردياتير ياترى دول لزمتهم ايه ومعلش اسف على الاطاله

[shady_taha]

عاوز مسمار ميزان خلفى دخت عاليه مش لقيه ياريت اعرف حضرتك جبته منين وهل بتاع الرينو بيركب عاليه وجبته منين وبكام الواحد معلش طولت عليكم

[beko2010]

لو سمحتم حد يعرف طارة m11 بكام .....واين مكان فلتر البنزين للمعلومة ...وربنا يوفق الجميع

[tarekhassan88]

موضوع رائع

سهران علشان اخلص الموضوع كله

جزاك الله خير استاذ هيما على كل اللى قولته فى الموضوع ده

ادعولى اشترى عربية كويسه ان شاء الله

[hemaa_82]

سلام الله عليكم

اولا... شكرا يا طارق علي المجاملة الرقيقة و ربنا يعترك في واحدة بنت حلال


ثانيا ... حسبنا الله و نعم الوكيل في كل ابن ادم معندوش ولا نظر و لا دم ولا زوق ..........

روحت ركنت العربية الساعة 1:30 بعد نص الليل ... علي 2 كدة سمعت هبدة حلوة ..طلعت ابص لقيت عربية بيك اب ركنا جنب عربيتي و بتنزل عزال داخل عمارتي و فيه حد بيلم حاجة واقعة مابين العربية البيك اب و عربيتي ....
انا قلت عيب يا هيما تنزل و تعمل دوشة بالليل و الناس جايين جديد منظرهم و اكيد تعبانين و النهار له عينين...

انزل تاني يوم الاقي ايه ؟؟؟؟؟.... مراية شمال"باب سواق" + كحتة محترمة في رفرف قدام شمال + كحتة برضه في باب السواق ...

يا مصطفي "حارس العقار" هوا مين الجماعة اللي كانوا بيدخلو امبارح العفش .... قام مصطفي قاك دول سكان جداد يا استاذ محمد و قلتلهم كدا المراية قالولي مش احنا ....؟؟؟؟

انا بقي لحد هنا و ربنا يكرمنا باللي فيه النصيب انا و هما


المهم ...المراية سعرها في الحرفيين من 200 "الملك"و مش موجودة الي 250"شيخ طه" و موجودة او 270 "كريم و كريم"و موجودة
المراية في شارع دمشق من 230 "ذكي جرجس" الي 310 " اولاد ذكي جرجس" و ده عجيب مع انهم يعتبروا محل واحد ....


ان شاء الله بكرة الاربع هشتري واحدة و اركبها + اشتري تيل و اركبه + اركب قربة المية اللي معايا علشان القديمة هربت ضغط و نورت + اجلخ طنابير + ابص علي العفشة بصة سريعة تمهيدا لظبط القلقة الخفيفة اللي في علبة الدريكسيون ...

نوافيكم بكل جديد و ربنا يرحمنا و اياكم من ولاد ال ......تيييييييييت...