رابطة ملاك الكيا برايد - كلاكيت تانى مرة!

[محمد فريد]

وهو ينفع اصلا يركب فلتر اسبور فى عربية كربراتير ولو ينفع هيتوصل على بوز العمة ولا ايه :)

[nicolass]

شباب معلشى عشان بفكر فى البرايد سيدان الاتوماتيك
اية اخبار الفيتيس والتسارع ؟؟؟؟
وكمان اية افضل موديل انا عايز فى رينج من 98 ل 2002 او بمعنى اصح حاجة تكون كورى مش الايرانى
وكمان الصاج اية اخبارة...انا بتاعتى اونو ايطالى فصاجا الحمد لله تمام.... والعفشة كمان مع المطبات الوهميه بتاعه مصر
معلشى انا معرفشى تقييم العربية بصفة عامه فياريت لو فى تفاصيل اكتر عنها وكدا

وشكرا جدا ليكم....

[أحمد الجندى]

بالنسبة لحكاية تشيل 9 دى ممكن لو ثنيت الكنبة الورانية والناس تقعد مقرفصة :d
بس والله هايلة اوى حكاية الكنبة اللى بتتثنى دى لو معاك شنطة سفر ولا حاجة بتبقى تحفه
-------------------
سؤال على جنب : اجيب منين مكنة الفليشر عشان اللى عندى بايظة وهل فيها انزار سرعة ولا لأ برايد 1100 هاتش مو99

انا 140 دى ... شايفها عادى ... انما 9 دى ... ازااااى يا مفترى .. ركبتهم 9 ازاااى ... وقعدتهم فين
انا اكبر عدد شفته ركب فى عربية كان 8 بس مكانش معايا كان مع واحد صاحبى معاه 131 ... وكان راجع من لعب كورة ركب 2 جنبه قدام و4 ورا وكانو واخدين واحد نايم بالعرض على رجلهم ومطلع دماغه من الشباك D:

علي فكره العربيه دي كل ما بيركب فيها ناس اكتر سواء السيدان او الهاتش باك بحس ان ثباتها احسن بكتير من لو ركب فيها 3 مثلا

9 ازاي 9 حرام و كمان ف الهاتش باك .... دا كدا كويس ان حضرتك بعتها و ريحتها انا اكتر مره قعد فيها ناس ف السيدان كانو 8 سواق و واحد جنبو و اربعه ورا عليهم اتنين مربعين بس 9 ازاي كان في حد ف الشنطه؟!؟!؟!؟

طب تحبوا ازيدكم من الشعر بيت؟ التسعة دول من غيرى! يعنى بيا بقينا 10 فى عين العدو

وبالنسبة للى سأل هل حد قعد فى الشنطة اقوله اكيد لأ هو أنا عندى شنطة اصلا!!!
واحنا كنا كالتالى 5 بالغين منهم 3 اوزان شوية 2 مراهقين 3 اطفال ... طبعا أنا بسوق والاربعة البالغين واحد جنبى والتلاتة ورا وبعدين اخدنا طفلين كمان جنبى اتبقى طفل وال 2 مراهقين ودول قضوها على الحجر ورا.

المشوار ده أنا عملته مرتين مرة مشوار قصير يعنى حسبة 10 كيلو وعديت على حتة مليانة مطبات بالكوم والحمد لله ماحكيتش ولا مرة .... والمرة لتانية مشيت حوالى 45 كيلو

من حيث الثبات فطبعا انا مكنتش بزيد عن 80 فمش عارف الموضوع ده زائد ان العربية طبعا سحبها بيتأثر جدا بالوزن ده فأنا كنت على قد ما بقدر باخدها على كفوف الراحة

[أحمد الجندى]

ربنا يكرمك بحاجة احسن منها ان شاء الله يا مناور :-) بتفكر في ايه كده العربية اللي جاية؟

حتى الآن مش لاقى فى الفئة السعرية اللى معايا غير الكيا سيفيا بس اليومين دول ببص على الهوندا سيفيك 92 والاوبل فيكترا بى وربنا يوفق للى فيه الخير

[أحمد الجندى]

الف الف الف مبروك
والله الواحد مش عارف يفرح عشانك بعتها ولا يزعل عشان كدا هاتبعد عن الرابطه يا استاذ مناور
علي العموم ربنا برزقك باحسن منها ميه الف مره
انا كنت عايز اعرف هيا جابت لحضرتك كام و بتفكر ف ايه جديد ولا مستعمل و ايه هيا

بعتها على 25 وأنا من انصار المستعمل دائما وابدا

[Donzi]

ممكن حد يساعد الراجل دا يا برايدواية

http://www.nilemotors.net/Nile/247049-a.html

[أحمد الجندى]

شباب معلشى عشان بفكر فى البرايد سيدان الاتوماتيك
اية اخبار الفيتيس والتسارع ؟؟؟؟
وكمان اية افضل موديل انا عايز فى رينج من 98 ل 2002 او بمعنى اصح حاجة تكون كورى مش الايرانى
وكمان الصاج اية اخبارة...انا بتاعتى اونو ايطالى فصاجا الحمد لله تمام.... والعفشة كمان مع المطبات الوهميه بتاعه مصر
معلشى انا معرفشى تقييم العربية بصفة عامه فياريت لو فى تفاصيل اكتر عنها وكدا

وشكرا جدا ليكم....

كان سبق ليا انى اركب البرايد الاتوماتيك بس مجرد وهيا واقفة يادوب دورتها علشان اجرب الباور والتكييف والاتنين ادائهم كان كويس بالنسبة للفتيس فمسمعتش من صاحب العربية شكوى واعرف واحد زميلى معاه برايد اوتوماتيك وبرضو مفيش أى شكوى من الفتيس بس احنا دايما بنقول يفضل خليك فى المانيوال لانه اضمن اكتر وارخص فى الصيانة

بالنسبة للصاح فبناء على كلام صاحبى اللى اشترى عربيتى وهم معاهم اونو فقالى ان البرايد صاجها احسن واوسع من جوا.... بالنسبة للعفشة معايا كانت ناشفة بس بقية الشباب فى الاربطة قالوا ان الدنيا عندهم معقولة

ولو على التقييم ممكن حضرتك تقرأ المشاركات فى الرابطة من الأول

[alf2boshra]

هوا العادي لما تسخن ان العداد يوصل للواحد و بعد كدا اللي سايق يحرك العربيه عادي
[gdwl]بس انا منزلو تحت الواحد عشان بحب اخليها تسخن علي الاخر
و دي بتتعمل من مسمار ف الموتور عادي جدا[/gdwl]

عاوز أعرف بتتعمل إزاي دي ؟؟

[may_moon911]

طب تحبوا ازيدكم من الشعر بيت؟ التسعة دول من غيرى! يعنى بيا بقينا 10 فى عين العدو

وبالنسبة للى سأل هل حد قعد فى الشنطة اقوله اكيد لأ هو أنا عندى شنطة اصلا!!!
واحنا كنا كالتالى 5 بالغين منهم 3 اوزان شوية 2 مراهقين 3 اطفال ... طبعا أنا بسوق والاربعة البالغين واحد جنبى والتلاتة ورا وبعدين اخدنا طفلين كمان جنبى اتبقى طفل وال 2 مراهقين ودول قضوها على الحجر ورا.

المشوار ده أنا عملته مرتين مرة مشوار قصير يعنى حسبة 10 كيلو وعديت على حتة مليانة مطبات بالكوم والحمد لله ماحكيتش ولا مرة .... والمرة لتانية مشيت حوالى 45 كيلو

من حيث الثبات فطبعا انا مكنتش بزيد عن 80 فمش عارف الموضوع ده زائد ان العربية طبعا سحبها بيتأثر جدا بالوزن ده فأنا كنت على قد ما بقدر باخدها على كفوف الراحة

لا حول ولا قوه الا بالله دا زمان العربيه بتحمد ربنا انها اتباعت ههههههه دي اكيد كانت ب تشد ف شعرها
لا و كمان يا استاذنا ماشي علي 80 انا لو ماكنها ما اتعتش عن 50 او 60 بالكتير دي مكنه 50 حصان مش 150 ربنا يكون ف عونها و يرزقك باحسن منها الف مره

[may_moon911]

بعتها على 25 وأنا من انصار المستعمل دائما وابدا

ربنا يوفقك حضرتك و يرزقك باحسن منها 300 الف مره و نشوفك راكب ال740 li كدا بس ما تنسناش باللفه بتاعتنا بقي

[may_moon911]

عاوز أعرف بتتعمل إزاي دي ؟؟

لما سيادتك تبص للكابوت من عند الكاربيراتير من علي الشمال تحت العلبه بتاعت الكاربيراتير في بتاعه كدا فيها سوسته و لما العربيه بتسخن بتنزل علي مسمار اهو هوا دا المسمار بيتحرك عادي زي المسمار القلاووظ بيطلع و ينزل حضرتك حركو عادي و دوس علي البنزين دوسه جامده و استني العداد لما ينزل و هكذا لحد ما يتزبط زي ما حضرتك عايز

و انا اول ما الشمس تطلع هانزل اصور ل حضرتك المكان بتاع المسمار و فيديو كمان ازي تعملو بس اول ما الدنيا تنور

[ranon73]

ممكن نصيحة انا امبارح جربت العربية كيا برايد سيدان فى السفر لانى قلت اوفر العربية التانية بجد عربية تحفة جدا جدا جدا من مصر للاسكندرية رايح جاي حوالى 25 جم بنزين 80 بالاضافة الى شوية مشاوير جوة كمان السرعة حوالى 110 الى 130 كم مع التكييف طبعا و قررت انى اغير العربية واجيب الجديدة بتاعها لمراتى بدل دى قلت اجيب الاوتوماتيك فممكن حد يعرف حوالى تمنها كام العربية رشة فقط خارجة و مافيهاش اى خبطات و عداد 129 الف كم و كل حاجة شغالة فيها كلة فابرقة ماعدا الرشة الخارجية حالة عامة ممتازة و هيا افضل ولا السبيا الايرانى موديل 2011 انا عارف انى الى معايا كورى و شكرا على مساعدتكم

[محمد فريد]

الحقونى يا جماعه الكوبلن الشمال اتكسر وانا باخد دوران بدون مقدمات
الحمد لله أولا وأخيرا انا كنت بلف من جنب البيت يعنى وصلت خلاص سمعت طقطقة جامدة وانا قولت علطول الكوبلن ضرب وركنت العربية عادى خالص
جيت اركب العربية من شوية ورجعت مارشدير عادى وانا بطلع قدام العربية مشيت مترين ووقفت وحلفت ماهى ماشية وبدى غيار ومفيش اى استجابة (العربية بتدور عادى)
المهم ركنت العربية وكسرت الكاوتش وهنا لقيت المفاجأة لقيت شحم الكوبلن كله واقع ومطلع رولمان بلى وجزء من المشرشر الداخلى بتاع الكوبلن وطبعا متكسر حتت صغيرة
دلوقتى انا سألت على الكوبلن جديد قالى ب 65 بس صينى ومعندوش غيره وانا بصراحة مش عايز يحصل موقف تانى زى ده - اخوكم لسه شارى العربية من 10 ايام وده اول موقف يحصل معايا - قدر الله وما شاء فعل

[محمد فريد]

فيه ايه يا جماعه ايه الكسل ده
انا الحمد لله روحت اشتريت كوبلن تايوانى للعصفورة ب115 واشتريت مفتاح رينج مقاس 30 ب 25 جنيه لفك الصرة وكده الكوبلن طلع متقشر وهو 19 سن وتم وضع الشحم والتيلة والذى منه والمفاجأة العربية رجعت تمشى تانى d:
هو بس فى ملاحظة كده ان فى زى نتشة بتحصل معايا للعلم انا ممشيتش غير 2 كيلو اول عن اخر للتجربة ومزودتش عن الغيار الثالث - هل كده الكوبلن طبيعى ولسه بيلين مع العلم ان سواقتى هادية يعنى مش من النوع اللى بيقرص يعنى لو العربية مش ناعمة معايا مبجريش - أرجو الافادة وآسف للاطالة

[osamahammam]

ارجو الافادة إن امكن يا جماعة
معروض عليا برايد سيدان 2005 مرشتش دواخل استعمال حريمي ومطلوب فيها 3500 الف جنيه
ايه رأيكم يا جماعة انا معنديش فكرة عن العربية البرايد
ولكم جزيل الشكر,,,,,