رابطة ملاك الكيا برايد - كلاكيت تانى مرة!

[wawamoha]

باشا ربنا يوفقك هي اعربيه حلوه قويه و ناعمه

انا لسه شاريها من اسبوعين (2001 - كامله - اوتوماتيك )بس لسه والله ما جربتها ش قوي لانها كانت عند الميكاميكي بعمل سيرفيش و غيرت قزاز ...الخ
بس بعد ما خدتها نزلت سافرت بيها شبين الكوم - و الله ثابته جدا و بتفتح في الطريق ماشاء الله عليها يعني 100 120 مستريح
انا اساسا ما بحبش اقرص فمابالك لو العربيه جديده ؟ ما حبتش ازود اكتر من كده
بس ليا ملاحظات عليها يا ريت اخونا المناور يفيدنا :
1 - صح التكييف بيكتف العربيه قوي لما بشغله .
2- استهلاكها في البنزين عالي قوي - انا مشيت بيها 100 ك اخدت حوالي 19 لتر بنزين 92
كده صح يا جماعه ؟
3- العربيه و انت ماشي بتشخشخ كده من الابواب و من التابلوه و قريت كتير ان ده طبيعي ..
ربنا يوفقك في عربيه كويسه ان شاء الله

[may_moon911]

2- استهلاكها في البنزين عالي قوي - انا مشيت بيها 100 ك اخدت حوالي 19 لتر بنزين 92
كده صح يا جماعه ؟
3- العربيه و انت ماشي بتشخشخ كده من الابواب و من التابلوه و قريت كتير ان ده طبيعي ..
ربنا يوفقك في عربيه كويسه ان شاء الله

انا هافيد حضرتك دا بعد اذن استاذ مناور

انا العربيه مانيوال بس ال100 كيلو ب 19 لتر يعني اللتر عامل بتاع 5 كيلو دا طبعا قليل جدا جدا جدا جدا

انا بعمل باللتر 12 و 13 و ساعات 14 كمان دا بيختلف علي حسب السرعه و القرص و دوسه البنزين بتاعت كل واحد و التاني بس اقل حاجة عملتها كانت ال11 كيلو باللتر ف اعتقد ان عند حضرتك قليل اوي و ممكن تكشف علي العربيه او تشوف مالها

الشخشخه دي عادي جدا جدا بس من التابلوه بس الابواب لا ما بتطلعش صوت

[wawamoha]

شكرا ياباشا عل اهتمامك
انا عاوز اراء تانيه كمان - البحر يحب الزياده
وشكرا

[محمد فريد]

نفس كلام الأخوة هى العربية ناعمة وخفيفة وبتجرى ما شاء الله
هى بس مشكلتها الصبح بتدور وتفضل عالية معرفش ده عندى بس ولا عشان الدنيا برد - بعد كده بركنها وانا راجع من شغلى بدور الاقيها عادية وبقية اليوم بتفضل مظبوطة يمكن هى بتاخد وقت عقبال ما بتسخن - انا شايف انها ميزة مش عيب عشان متبطلش منك الصبح ويبقى شكلها وحش.

[wawamoha]

نفس كلام الأخوة هى العربية ناعمة وخفيفة وبتجرى ما شاء الله
هى بس مشكلتها الصبح بتدور وتفضل عالية معرفش ده عندى بس ولا عشان الدنيا برد - بعد كده بركنها وانا راجع من شغلى بدور الاقيها عادية وبقية اليوم بتفضل مظبوطة يمكن هى بتاخد وقت عقبال ما بتسخن - انا شايف انها ميزة مش عيب عشان متبطلش منك الصبح ويبقى شكلها وحش.

صح جدا ده اللي بيحصل معايا برضه انا الار بي ام بيطلع لاتنين و يفضل كده 7 - 10 د
ما بصبرش بصراحه بقول دي لو طياره كانت سخنت بمشي بقى
بس مش عارف ظبطتها ايه
يا ريت حد يفيدنا

[محمد فريد]

النهارده برضو طلعت علطول من غير ما اسخن بس الار بى ام كان على 2 وماشى بالعربية مشوار بتاع 3 كيلو كده وبعدين ركنت من الساعه 10 لغاية 2 وروحت وكانت لسه بارده برضو - دانتى عربية بارده :)
بس لما بتسخن تفضل تصقف معرفش ليه انا موطى الكهرباء بتاعتها شوية ومغير طقم كهرباء قريب - لسه عايز اغير فلتر هواء وفلتر بنزين ان شاء الله

[محمد فريد]

نرجع لموضوع التصقيف :-
النهارده رحت فكيت فلتر الهواء وشيلته خالص من العمه وقفلتها تانى لقيت صوت التصقيف راح وكده انا اتأكدت ان الفلتر هو السبب ولازم يتغير (مهم جدا يا جماعه) طبعا مينفعش نمشى كتير من غيره عشان التراب ميدخلش جوه الكربراتير ويبوظ الدنيا
تانى حاجة:-
فى صوت طقطقة وانا بلف الدركسيون والعربية واقفة - طبعا مش كبالن - لان العربية واقفة طلعت بطاحات
المهم دلوقتى حد غير البطاحات دى قبل كده ويعملوا كام الاتنين اللى قدام؟
وشكرا جزيلا

[shreifkamil]

مينفعش تمشي من غيرفلتر الهوا خطر علي الموتور

[محمد فريد]

مينفعش تمشي من غيرفلتر الهوا خطر علي الموتور

أكيد طبعا يا باشا هبقى اغيره ان شاء الله

[msunix]

باشا ربنا يوفقك هي اعربيه حلوه قويه و ناعمه

انا لسه شاريها من اسبوعين (2001 - كامله - اوتوماتيك )بس لسه والله ما جربتها ش قوي لانها كانت عند الميكاميكي بعمل سيرفيش و غيرت قزاز ...الخ
بس بعد ما خدتها نزلت سافرت بيها شبين الكوم - و الله ثابته جدا و بتفتح في الطريق ماشاء الله عليها يعني 100 120 مستريح
انا اساسا ما بحبش اقرص فمابالك لو العربيه جديده ؟ ما حبتش ازود اكتر من كده
بس ليا ملاحظات عليها يا ريت اخونا المناور يفيدنا :
1 - صح التكييف بيكتف العربيه قوي لما بشغله .
2- استهلاكها في البنزين عالي قوي - انا مشيت بيها 100 ك اخدت حوالي 19 لتر بنزين 92
كده صح يا جماعه ؟
3- العربيه و انت ماشي بتشخشخ كده من الابواب و من التابلوه و قريت كتير ان ده طبيعي ..
ربنا يوفقك في عربيه كويسه ان شاء الله

أنا عندى نفس عربيتك بالضبط (2001 - اتوماتيك) بعمل فى اللتر 10 كيلو ومش بقرص بيها ولا حاجة اقصى سرعة ليا 90 كيلو فبالنسبة لسحب البنزين ده يعتبر عالى جدا جدا لازم تكشف عليها.
اما بالنسبة لصوت الشخشخة ده احتمال كبير يكون الموتور مش ثابت اوى زى عندى ولما ثبت الماتور ظبطت
ممكن تروح لميكانيكى كويس يشوفلك كل ده.
لان انا اتمرمط فى العربية اللى معايا بس مش قوى وعمال اغير لها قطعة قطعة يعنى اخر مرة كنت لسه مغير مشط الالكترونى لانها كانت بتفصل.
لان الصنايعية الله يسامهحهم دمروها لى خالص.

[may_moon911]

نفس كلام الأخوة هى العربية ناعمة وخفيفة وبتجرى ما شاء الله
هى بس مشكلتها الصبح بتدور وتفضل عالية معرفش ده عندى بس ولا عشان الدنيا برد - بعد كده بركنها وانا راجع من شغلى بدور الاقيها عادية وبقية اليوم بتفضل مظبوطة يمكن هى بتاخد وقت عقبال ما بتسخن - انا شايف انها ميزة مش عيب عشان متبطلش منك الصبح ويبقى شكلها وحش.

اعتقد دي مش مشكله في العربيه

انا معايا شيفروليه افيو مره واحده الصبح بتدور و بتبقي علي 2 بالكتير و طول اليوم
run and go
من غير تسخين يعني

دا ممكن يبقي سببه ان الموتور بيبرد بسرعه كبيره ف البرايد و علي فكره دي ميزة حلوه جدا لان فتحه الموتور كبيره ف بيخش هوا كتير يبرد العربيه لو ماشيه و لو واقفه كدا كدا بتبرد بتبرد و علي فكره ف الشتا خالص العداد عندي ممكن يوصل ل 3 من كتر السقوعيه بس اعتقد او اديتها بنزين و هيا واقفه هاتسخن بسرعه بس انا بسيبها علي راحتها انا ما وراييش حاجة و يا ريت حد يقولنا لو دوسنا بنزين زياده عشان تسخن بسرعه غلط ولا ايه

[محمد فريد]

اعتقد دي مش مشكله في العربيه

انا معايا شيفروليه افيو مره واحده الصبح بتدور و بتبقي علي 2 بالكتير و طول اليوم
run and go
من غير تسخين يعني

دا ممكن يبقي سببه ان الموتور بيبرد بسرعه كبيره ف البرايد و علي فكره دي ميزة حلوه جدا لان فتحه الموتور كبيره ف بيخش هوا كتير يبرد العربيه لو ماشيه و لو واقفه كدا كدا بتبرد بتبرد و علي فكره ف الشتا خالص العداد عندي ممكن يوصل ل 3 من كتر السقوعيه بس اعتقد او اديتها بنزين و هيا واقفه هاتسخن بسرعه بس انا بسيبها علي راحتها انا ما وراييش حاجة و يا ريت حد يقولنا لو دوسنا بنزين زياده عشان تسخن بسرعه غلط ولا ايه

مش غلط ولا حاجة بس سيبها تسخن فى المشوار احسن - عن نفسى بدور دقيقة واحده وبعدين بطلع - ولو مشوارك قريب مش هتحتاج تسخن لانك هتركنها تانى وهتبرد تانى

[mrcomputer]

مشكه مش لاقيه حل

السلام عليكم
انهارده حبيت اخد رأيكو في مشكلة عربيتي اللي مش لاقيلها حل والغريب من كده ان الميكانيكي كمان مش عارف فيها ايه
السيارة كيا برايد هاتش باك موديل 1999
العيب :
فجأه بتنتش
افتح الكبوت اسمع صوت طقطقة الشرارة جايه من ناحية البوبينه وتقريبا كده الشرارة دي لما بتحصل مبتوصلش بوجيهات فبتنتش
الاجراءات :
تغير الفلاتر : بنزين وهواء
تغيير البوجيهات
تغيير البوبينه
تغيير سلكة الشرارة بتاعة البوبينه والاسبراتير
تنظيف صوابع اشربون بتاعة وش اللاسبراتير
والنتيجه و لا حاجه زي ماهي
رحت ميكانيكي معرفش يوصل لحاجه وقالي يابيه العيب من جوه الاسبراتير

طبعا مضطر اوقفها طول العيد

حد قابلته المشكله دي وعرف يحلها ؟؟

[محمد فريد]

ايوه يا mrcomputer انا كانت عندى المشكلة دى اول ما جبت العربية كانت بتقطع ورحت للميكانيكى قالى ان التقطيع من السلكة اللى واصلة بين البوبينه والاسبراتير وغيرت طقم السلوك كله بالمرة مع البوجيهات

[wawamoha]

أنا عندى نفس عربيتك بالضبط (2001 - اتوماتيك) بعمل فى اللتر 10 كيلو ومش بقرص بيها ولا حاجة اقصى سرعة ليا 90 كيلو فبالنسبة لسحب البنزين ده يعتبر عالى جدا جدا لازم تكشف عليها.
اما بالنسبة لصوت الشخشخة ده احتمال كبير يكون الموتور مش ثابت اوى زى عندى ولما ثبت الماتور ظبطت
ممكن تروح لميكانيكى كويس يشوفلك كل ده.
لان انا اتمرمط فى العربية اللى معايا بس مش قوى وعمال اغير لها قطعة قطعة يعنى اخر مرة كنت لسه مغير مشط الالكترونى لانها كانت بتفصل.
لان الصنايعية الله يسامهحهم دمروها لى خالص.

شكرا ياباشا عل اهتمامك

انا فعلا قلت اقيسها تاني و اشوف استهلاكها ايه .. و اديني فولتها و متظر ال 100ك تيجي و اشوف
بالنسبه للشخشخه انا فعلا افتكرت ان صاحبها قاللي عاوز يتغيرلها قاعده موتور ها اشوف المووضوع ده و ربنا ييسر
معلش غباء الصنايعيه للاسف بيعمل اكتر من كده و ربنا يعوض عليك

عندي سؤال تاني .. انا لما ادور الصبح بيكون الار بي ام عل 2 لما بمشي بلاقي الغيار بيتاخر بتاع العربيه الاوتوماتيك

لو بطلت شويه زي ما محمد فريد بيه بيقول و دورت تاني الغيار نقله بيتحسن شويه بس مش حاسس ان ده طبيعي ساعات بيتاخر شويه برضه
هو سلك البنزين جامد قوي حجر وروحه قصيره تفتكره يمكن مشدود و مؤثر عل الغيار ؟ واحد صحبي تاني قاللي ممكن تكون الكهرباء عاليه و مش مظبوطه تبرجلك الغيار ؟ ده صح ؟
شكرا ياشباب و كل سنه و انتم طيبين