رابطة ملاك الكيا برايد - كلاكيت تانى مرة!

[أحمد الجندى]

ممكن نصيحة انا امبارح جربت العربية كيا برايد سيدان فى السفر لانى قلت اوفر العربية التانية بجد عربية تحفة جدا جدا جدا من مصر للاسكندرية رايح جاي حوالى 25 جم بنزين 80 بالاضافة الى شوية مشاوير جوة كمان السرعة حوالى 110 الى 130 كم مع التكييف طبعا و قررت انى اغير العربية واجيب الجديدة بتاعها لمراتى بدل دى قلت اجيب الاوتوماتيك فممكن حد يعرف حوالى تمنها كام العربية رشة فقط خارجة و مافيهاش اى خبطات و عداد 129 الف كم و كل حاجة شغالة فيها كلة فابرقة ماعدا الرشة الخارجية حالة عامة ممتازة و هيا افضل ولا السبيا الايرانى موديل 2011 انا عارف انى الى معايا كورى و شكرا على مساعدتكم

أنا عن نفسى بفضل الكورى بس الشباب اللى معاهم الايرانى بيشكروا فى العربية

[أحمد الجندى]

الحقونى يا جماعه الكوبلن الشمال اتكسر وانا باخد دوران بدون مقدمات
الحمد لله أولا وأخيرا انا كنت بلف من جنب البيت يعنى وصلت خلاص سمعت طقطقة جامدة وانا قولت علطول الكوبلن ضرب وركنت العربية عادى خالص
جيت اركب العربية من شوية ورجعت مارشدير عادى وانا بطلع قدام العربية مشيت مترين ووقفت وحلفت ماهى ماشية وبدى غيار ومفيش اى استجابة (العربية بتدور عادى)
المهم ركنت العربية وكسرت الكاوتش وهنا لقيت المفاجأة لقيت شحم الكوبلن كله واقع ومطلع رولمان بلى وجزء من المشرشر الداخلى بتاع الكوبلن وطبعا متكسر حتت صغيرة
دلوقتى انا سألت على الكوبلن جديد قالى ب 65 بس صينى ومعندوش غيره وانا بصراحة مش عايز يحصل موقف تانى زى ده - اخوكم لسه شارى العربية من 10 ايام وده اول موقف يحصل معايا - قدر الله وما شاء فعل

فيه ايه يا جماعه ايه الكسل ده
انا الحمد لله روحت اشتريت كوبلن تايوانى للعصفورة ب115 واشتريت مفتاح رينج مقاس 30 ب 25 جنيه لفك الصرة وكده الكوبلن طلع متقشر وهو 19 سن وتم وضع الشحم والتيلة والذى منه والمفاجأة العربية رجعت تمشى تانى d:
هو بس فى ملاحظة كده ان فى زى نتشة بتحصل معايا للعلم انا ممشيتش غير 2 كيلو اول عن اخر للتجربة ومزودتش عن الغيار الثالث - هل كده الكوبلن طبيعى ولسه بيلين مع العلم ان سواقتى هادية يعنى مش من النوع اللى بيقرص يعنى لو العربية مش ناعمة معايا مبجريش - أرجو الافادة وآسف للاطالة

الحمد لله ان الموضوع عدى على خير بالنسبة للرعشة فمعنديش فكرة ممكن تستنى حد من الإخوة يفيدك أو تعرض مشكلتك فى ورشة المنتدى

[أحمد الجندى]

ارجو الافادة إن امكن يا جماعة
معروض عليا برايد سيدان 2005 مرشتش دواخل استعمال حريمي ومطلوب فيها 3500 الف جنيه
ايه رأيكم يا جماعة انا معنديش فكرة عن العربية البرايد
ولكم جزيل الشكر,,,,,

السعر مناسب بس ممكن تفاصل فى الف أو اتنين كمان .... واهم من الفلوس حالة العربية مش معنى ان العربية استخدام ست يبقى لازم العربية فلة اكشف عليها كويس وربنا يوفقك للى فيه الخير

[محمد فريد]

النتشة اللى كانت فى العربية بسبب ان الاكس بايظ من ناحية الفتيس
اول امبارح الخميس لسه طالع بالعربية لقيت العربية وقفت ومش عايزه تمشى
نزلت ابص وقلبى حاسس - لقيت الأكس طالع من الكوبلن تانى
المهم اكتشفت انه كان راكب وردة فى الكوبلن القديم ونسينا نركبها طبعا اول مرة
المهم لما فكيت تانى لقيت ان الاكس نفسه مش نافع والكوبلن الداخلى اللى راكب فى الفتيس بيطلع من الأكس - انا هموت خلاص من الغيظ
الحمد لله ثبتنا الكوبلن الداخلى (اللى هو 3 بكرات كده راكبين على الأكس والجزء ده بيدخل فى الفتيس) عن طريق ادخال قطعة من الصاج رفيعة والدق عليه حتى ثبت مكانه كأنها تيلة وركبت الاكس والكوبلن وطلعت جربت والحمد لله تمام بس شوية كده أبقى أغير الأكس كله لما ربنا يفرجها علينا d:

[ranon73]

يا مناور اشكرك جدا جدا على ردك بس لغاية دلوقت مش عارف اخد قرار و ثانيا هيا الى معايا كورى ولا لا هيا موديل 99 1300 سى سى طيب ولو قررت ابيع تساوى كام ؟؟

[أحمد الجندى]

معلش مخدتش بالى هو حضرتك معاك البرايد السيدان موديل 99 وعايز تبيعها وتجيب السيدان موديل 2005 ؟

اصل لو هو ده الوضع يبقى ليه والاتنين يكادوا يكونوا واحد بل اللى معاك موديل 99 هو الكورى اما 2005 ده المصرى كمان عربيتك عشرة عمر وعارفها يبقى ليه تبيعها وتجيب واحدة تانية وياصابت يا خابت ؟

[amrmero_gafi]

صوت طقطقة في العجلة الشمال سايبا برايد للاهمية

انا عربيتي سايبا برايد 2009
1- المشكلة باختصار عبارة عن صوت طقطقة بيطلع من العجلة الشمال الامامية عند الضغط علي الفرامل مرة واحدة او الدخول علي مطب أو مع نقل الغيارات والضغط علي البنزين يعني اي رجة في العربية بسمع صوت الطقطقة دة ومش بيظهر لما ارجع مارشدير

2- رحت لميكانيكي في الالف مسكن (بطرس ومحمد) شغالين في الكوري وبعد فك وتركيب في العجلة و التأكد من تركيب التيل بصورة جيدة قال المشكلة عندك في الاسطوانة هي الي عاملة المشكلة دي

ارجو الرد بسرعة لان الصوت مضايقني قوي

[ranon73]

مناور انا كان قصدى اجيب الجديدة زيرو يعنى هو اخ تانى الى بيسال عن موديل 2005 ثانيا ممكن حد يعرف عربيتى تساوى كام هيا مانويل و عاملة 129 و كل حاجة تعمل بكفاءة و رشة خارجى فقط

[Mido_Azzam]

السلام عليكم ...
اخوكم محمد لسه برايدوى جديد بجد الموضوع جامد اوى يا رجالة حلوة فكرة ان الناس تتبادل الخبرات و تساعد بعض
انا عن نفسى لسه مشترى العربية يوم الثلاثاء اللى فات و فهمت فيها شوية حاجات كده بس ماشاءالله ربنا يحميها هاحاول على قد مقدر اساعد باللى فاهمه ..
انا من ساعة مجبتها غيرتلها فلتر زيت و الزيت طبعا و صلحت مؤشر الحرارة عشان كان واقف
هى ناقص بس فيها مشكلة صغيرة
عايز حد يبص على علبة الدريكسيون عشان صوتها قارفنى و كمان مضايقانى و انا بفرمل على سرعات ان شاء الله اول لما اعملها هبقى اقولوكوا اتعملت ازاى و اتكلفت اد ايه
وشكرا و اسف للاطالة

[محمد فريد]

ألف مبروك يا Mido_Azzam انت جبت العصفورة ولا السيدان؟
انا العربية عندى لسه مغيرلها النهارده طقم بوجيهات وسلوك بوجيهات (بتاعه اكسل) هى نفس المقاس
وظبط الكبراتير لان كان بيبلبع بنزين والهواء كان مفتوح على الآخر
بس حركة وحشة حصلت معايا النهارده بعد ما وصلت البيت لقيت الحرارة عالية والعربية مفيهاش ولا نقطة مياه - رحت جايب ازاة مياه وهى دايرة طبعا وبذود الاقى نافورة مياه من تحت وجابت كل اللى فى الماتور وربنا يسترها معانا جميعا.
تانى حاجة بقى العفشة فى اى مطب صغير تهبد هل ده طبيعى ولا محتاج زيارة للعفشجى

[Mido_Azzam]

ألف مبروك يا mido_azzam انت جبت العصفورة ولا السيدان؟
انا العربية عندى لسه مغيرلها النهارده طقم بوجيهات وسلوك بوجيهات (بتاعه اكسل) هى نفس المقاس
وظبط الكبراتير لان كان بيبلبع بنزين والهواء كان مفتوح على الآخر
بس حركة وحشة حصلت معايا النهارده بعد ما وصلت البيت لقيت الحرارة عالية والعربية مفيهاش ولا نقطة مياه - رحت جايب ازاة مياه وهى دايرة طبعا وبذود الاقى نافورة مياه من تحت وجابت كل اللى فى الماتور وربنا يسترها معانا جميعا.
تانى حاجة بقى العفشة فى اى مطب صغير تهبد هل ده طبيعى ولا محتاج زيارة للعفشجى

الله يبارك فيك ... انا جيبت الهاتش باك و كنت نزلت انهارده التراخيص عشان أرخص و طلعوا روحى و لسه مخلصتش لأن ده طلع حواااااااار كبير أوووووى

تانى حاجه بخصوص سؤالك عن العفشة التهبيد اللى حضرتك سمعوا ده لو من العفشه يبقى قدامك حلين تكلم الراجل بتاع العفشه و يستحسن تكون عارفه و تحكيلوا بالظبط بيحصل ايه او تخدوا معاك لفه كده و تاخدلك كام مطب و هو يحكم

[msunix]

أخيرا عرفت افضى لأانى كنت مشغول جدا علشان الماجستير بتاعى المهم أحب اقولكم انى خلصت العربية سمكرة ورش ودهان وبكام بمبلغ 1400 جنيه + تركيب عتب جديد بس حصلت لى مشاكل جديدة للأسف.
طبعا انا عرفت حاجات كتير قوى غير ان اساسا الدهان ليه اسرار تانية لأن الفلوس دى بردو كتير.
وطبعا فى أقرب فرصة هبقى ارفع الصور بس مش عايز ارفعها علشان محدش يزعل منى.

[Mido_Azzam]

الحمد لله .... أخيـــــــــــــــــــــــــــــــــــــــــرا رخصت انهارده و خلصت
يا جماعة اى حد عنده اى استفسار عن اى اجراء بخصوص ترخيص برايد العصفورة او سعر اى حاجه تأمين - ضريبة - ازاى انقل ملكية.... انا فى الخدمة

[amirshan]

الحمد لله .... أخيـــــــــــــــــــــــــــــــــــــــــرا رخصت انهارده و خلصت
يا جماعة اى حد عنده اى استفسار عن اى اجراء بخصوص ترخيص برايد العصفورة او سعر اى حاجه تأمين - ضريبة - ازاى انقل ملكية.... انا فى الخدمة

http://www.nilemotors.net/Nile/234937-1300-cc.html#post3873681093

[أحمد الجندى]

يا أهلا بالملاك الجدد للكيا برايد شرفتوا الرابطة وبإذن الله تستفيدوا من الرابطة وترتاحوا مع العربية