رابطة ملاك الكيا برايد - كلاكيت تانى مرة!

[mkhamis53]

صباح الخير
انا معايا برايد سيدان 98 1300 سىسى عندى مشكلة فى التكييف لما بيشتغل الماتور بيلخبط والسرعة بتقل ومش عارف اعمل ايه ولو فى حد فى الاسكندرية يعرف مكانيكى كويس للكيا يقولى

[محمد فريد]

عاوز اشترى طقم كارتيرات اللى هى البلاستيك اللى بتركب فوق الكاوتش جوه الرفرف لان الشتاء دخل والعربية هتصدى من المياه والطينة اللى بتدخلى جوه العربية !!!!
يا ترى موجودة واشتريها منين وبكام؟

[ahmed_120s]

مساء الفل علي رجاله الكيا ... استشارة معروض علي اخويا كيا برايد 99 كاملة اتوماتيك بتاع بلادها ( الراجل قايل كده ) سؤالي بقي الاوتوماتيك عامل اية واخبار عيوبة اية ؟ و هل اصلا منها اتوماتيك ولا لا ؟ و سعر الفتيس الاتوماتيك كم ؟

[أحمد الجندى]

عاوز اشترى طقم كارتيرات اللى هى البلاستيك اللى بتركب فوق الكاوتش جوه الرفرف لان الشتاء دخل والعربية هتصدى من المياه والطينة اللى بتدخلى جوه العربية !!!!
يا ترى موجودة واشتريها منين وبكام؟

جربت تسأل عند الجندى أو حلمى سليمان؟

لو مش عندهم تقدر تنزل التوفيقية وتسأل

[أحمد الجندى]

مساء الفل علي رجاله الكيا ... استشارة معروض علي اخويا كيا برايد 99 كاملة اتوماتيك بتاع بلادها ( الراجل قايل كده ) سؤالي بقي الاوتوماتيك عامل اية واخبار عيوبة اية ؟ و هل اصلا منها اتوماتيك ولا لا ؟ و سعر الفتيس الاتوماتيك كم ؟

غالبا لما نتسأل عن الاوتوماتيك فى البرايد بنقول الافضل المانيوال لانها اعتمادية اكتر واعطالها قليلة وكمان صيانتها ارخص بس أنا اعرف كذا حد معاه الاوتوماتيك بتاع البرايد وما بيشتكيش أو شافوا منها اعطال وبالنسبة لسعر الفيتيس فممكن تسأل بتوع الاستيراد

[msunix]

غالبا لما نتسأل عن الاوتوماتيك فى البرايد بنقول الافضل المانيوال لانها اعتمادية اكتر واعطالها قليلة وكمان صيانتها ارخص بس أنا اعرف كذا حد معاه الاوتوماتيك بتاع البرايد وما بيشتكيش أو شافوا منها اعطال وبالنسبة لسعر الفيتيس فممكن تسأل بتوع الاستيراد

انا معايا اتوماتيك 2001 هيه ممتازة فى السواقة كعادة الاتوماتيك لانى اتعلمت على مانيوال وسوقت اتوماتيك راحة ما بعدها راحة بس المشكلة لما بتعطل فيها حاجة بتموت تماما - يعنى مثلا انا حصلت معايا مشكلة فى المشط الالكترونى فى الاسبراتير وساعتها ماتت العربية فضلت اديلها بنزين لحد لما شرقت وطبعا من المستحيل انها تتزق وتمشى زى باقى العربيات - بس ربنا سترها معايا وفكرت شوية وخليت العربية على المور n وبعدين مجموعة شباب زقونى وهم ميعرفوش انها اتوماتيك ودارت الحمد لله ورحت للميكانيكى على طول ولما وصلت عنده ماتت العربية مش عايزة تدور قمت مغير المشط ودارت.
عموما الاتوماتيك جميل فى السواقة بس لما بيعطل بتموت العربية خالص نهائيا
اما بالنسبة للفتيس فأنا سألت عنه قالوا انه استيراد ب1200 وممكن تلاقيه ب800 على حسب يعنى

[msunix]

عاوز اشترى طقم كارتيرات اللى هى البلاستيك اللى بتركب فوق الكاوتش جوه الرفرف لان الشتاء دخل والعربية هتصدى من المياه والطينة اللى بتدخلى جوه العربية !!!!
يا ترى موجودة واشتريها منين وبكام؟

جربت تسأل عند الجندى أو حلمى سليمان؟

لو مش عندهم تقدر تنزل التوفيقية وتسأل

ممكن تشتريها من اى حد بتاع اكسسوارات سيارات موجودة وتنفع لاى عربية ، انت بس روح البنزينة وخلى حد يركبها لك ب10 جنيه بس لو تقدر تركبها ركبها انت بس هات شنيور ومسامير وظبط

[khaled_re]

السلام عليكم
ياريت لو حد يعرف ثمن طقم دبرياج بكام (اسطوانة وديسك ) لبرايد موديل 97

[msunix]

عندى مشكلة غريبة شوية، لما اشتريت العربية كيا برايد 2001 اتوماتيك سيدان - كانت بتمشى كويس وبعدين دلوقت بعد لعب اللى عاوز يلعب فيها مخلص وجاى امشى بيها بقت لما ادوس بنزين كتير على الدواسة فجاة كده تنطر وتمشى وده لما اكون لسه طالع بيها يعنى على الاول فكل مرة لما ابطئ واجى اسرع تانى تعمل نفس الحركة.
لما رحت علشان اغير الكبالن بعد لما اتهرت من السمكرية لان لما اشتريتها مستعملة كانت الكبالن كويسة - المهم - زيت الفتيس نزل كله واشتريت زيت بور جديد وحطيته مبقتش تعمل كده وبعدها بشوية عملت كده تانى.
ياترى العيب ده فى الفتيس الاتوماتيك ولا فى الزيت ولا فى ايه بالضبظ؟؟؟؟ واروح لمين علشان يظبطها -ميكانيكى ولا كهربائى ولا بتاع عفشة ولا مين ؟؟؟؟؟

[أحمد الجندى]

السلام عليكم
ياريت لو حد يعرف ثمن طقم دبرياج بكام (اسطوانة وديسك ) لبرايد موديل 97

أنا كنت سائل على طقم الدبرياج من حوالى سنة ولقيته كان عامل فى حدود 370 جنيه.

أنا عايز انبه لحاجة برضو لو محتاجين اسعار اتصلوا بالمحلات اللى حطينا اسمائها وارقامهاالناس هناك بتتعاون مش حايبخلوا عليكم بالمعلومة

[us_ahmedsamir]

موضوع جامد يا باشا , انا معايا برايد سيدان 1300 موديل 2000 بقالها 3 سنين والعربيه ما شاء الله زى الفل مشكلتها عندى فى 3 حاجات بلى العجل بغيروا كل سنه تقريبا مع انه بجيبوا اصلى , التكيف ضعيف ومش بغطى العربية كلها , الزن احيانا الى فى التابلوه والبيبان مش عارف ممكن يتعمل عزل ليهم ولا لا .....غير جدا هى كويسة فى استهلاك البنزين وقطع غيارها موجودة فى اكتر من مكان انا شخصيا بشترى من الجندى وهما محترمين جدا وفيه محل اسمه الصحبة فى الحرفيين ناس محترمة جدا برده وعندهم قطع غيار اصليه وحلمى سليمان بس مش بستريحلوا

[engineer05]

يا شباب

أنا معايا السايبا برايد 2006 أنا عايز أعرض الكاوتش ... الكاوتش اللي في العربية دلوقتي جي تي اندونيسي 13 165\65 ...
العربية راكب عليها الحلة الحديد اللي جت معاها.
إيه رأيكم في أعرض مقاس يركب من غير ما أغير الجنط؟
ولو حغير الجنط أجيب مقاس 14 ولا إيه؟

[sadeek]

السلام عليكم
ياترى يا اخ صواف ركبت الانذار وهل لما يركب الانذار بتشيل الكتاوت الاصلى للسنتر فاذا كان ارجوك انا احتاجه ضرورى شراء بلسعر الذى تحدده وارجو الرد السريع وشكرا

[shnieder7]

ممكن حد يفيدني بتقييم شامل عن كيا برايد 2006 سيدان مانيوال 1300 سي سي

معروضة عليا ولسة هاشوفها..

عايز أعرف تقييم شامل عنها

خصوصا اسعار قطع الغيار.. مساحة صالونها خصوصا الكنبة الخلفية
الشنطة
عيوبها
مميزاتها

اكون شاكر ليكوا جدا

[أحمد الجندى]

ممكن حد يفيدني بتقييم شامل عن كيا برايد 2006 سيدان مانيوال 1300 سي سي

معروضة عليا ولسة هاشوفها..

عايز أعرف تقييم شامل عنها

خصوصا اسعار قطع الغيار.. مساحة صالونها خصوصا الكنبة الخلفية
الشنطة
عيوبها
مميزاتها

اكون شاكر ليكوا جدا

يا باشا الموضوع كله من أوله عبارة عن تقييم للعربية ولو حضرتك بصيت على المشاركات الأولى حتلاقى ذكر للعيوب والمميزات وقطع الغيار والصيانات .

بص بصة كده ولو لسه عندك أى استفسارات احنا فى الخدمة