رابطة مالكى الاكسيل-الجزء الأول

[F170]

يا راجل دا انت كده بوظت سنين من اللعب وانا فاكر كل ده اني بالعب في الهوا ويطلع البنزين

بسيطه هههه كلنا بنتعلم .... اهم حاجه اننا منبطلش نتعلم

انا حولت اصور زى الصور الى انت مصورها معرفتش خالص
انت صورت الصور دى ازاى

بالموبايل بتاعي يا هيما n78 حطيته ورا العمه وميلته لتحت سنه بسيطه وانا كنت واقف ناحيه السواق و وقربت ايدي على قد ما اقدر من الصدر العربيه علشان الصوره تجيب كل ما يمكن وكنت مشغل الفلاش

[F170]

الف شكر يا بروف على المجهودات العظيمة دى
المشكلة الى انا بحكى عنها دى لسة جديدة من حوالى اسبوعين تقريبا ومكنتش موجوده ساعة ما جبت العربية
ممكن نقول الاتشوك ده باظ مثلا
شكرا ليك يا بروف

ممكن وممكن بسبب البرد القارص اللي موجود اليومين دول احنا اول امبارح في اسيوط كانت درجه الحراره باليل حوالي 2 مئويه ربنا يكون في عون المواتير بتاعتنا وهي بتحاول تسمع كلامنا وتشتغل الصبح

[hema_hn]

ممكن وممكن بسبب البرد القارص اللي موجود اليومين دول احنا اول امبارح في اسيوط كانت درجه الحراره باليل حوالي 2 مئويه ربنا يكون في عون المواتير بتاعتنا وهي بتحاول تسمع كلامنا وتشتغل الصبح :oc_sun1[1]:

فعلا يا بروف يومين البرد الى كانو عندنا العربية زلتى عشان تسخن
دمتم بخير

[Dojuar]

السلام عليكم

عايز اعرف سعر الزجاج الامامي كام الاقيه فين في مدينة نصر؟

[beshomilan]

ازيكم يا اخواتى...
معلش هتقل عليكم واسألكم على حاجات لانى منعدم الخبره
انهى افضل سير كاتينة الانجليزى ولا الايطالى ولا الالمانى وسعره كام وبيقعد كام كيلو؟
ولو حبيت اغير سيور وفلاتر مصنعيتهم تتكلف حوالى قد ايه؟
وانا بحط بنزين 80 ياترى ده ياثر على العربية؟؟ومحتاجة ظبط كهربا زى ما الناس بتقولى؟؟
كمان انا عندى امبارح وانا ماشى لقيت العربية طلعت دخان خفيف م الكبوت ولقيت المية الخضرا بتتسرب رغم انى مكملتش بيها مشى ساعة جوه البلد واول مره تعمل كده..المهم ركنت وسبتها تبرد والحمد لله مبقتش المية الخضرا بتتسرب تانى بس انا معرفش ايه اللى دلقها من مكانها اصلا؟؟
المهم خدت العربية ورحت لميكانيكى قاللى المية الخضرا اللى ب 25 جنية اللى حاططها دى عاملة زى مية النار ومتحطهاش تانى لانها بتعمل مشاكل للموتور وقاللى فى مية اغلى واحسن من كده تستعملها..وكمان قاللى فى مشكلة فى مروحة التبريد والترموستات لان المروحة بتعلق..
فقاللى الخلاصة ان العربية محتاجة يتفك الكربراتير ويتنضف وتتغير ترموستات
فانتوا ايه رايكوا فكلامه ده كله؟؟؟ياترى كده صح ولا انتوا شايفين ايه؟؟؟وتنصحونى بايه؟؟
اشكركم لتعبكم معايا

[F170]

بسم الله الرحمن الرحيم
سعر الزجاج الأمامي زي ما مكتوب في قايمه اسعار الايكسيل بتاعه اخونا ميللر 300 جنيه

وده بتاع د.جريش انضف حاجه

[Dojuar]

بسم الله الرحمن الرحيم
سعر الزجاج الأمامي زي ما مكتوب في قايمه اسعار الايكسيل بتاعه اخونا ميللر 300 جنيه

وده بتاع د.جريش انضف حاجه

شكرا لحضرتك

فين د.جريش ده؟

[F170]

ازيكم يا اخواتى...
معلش هتقل عليكم واسألكم على حاجات لانى منعدم الخبره
انهى افضل سير كاتينة الانجليزى ولا الايطالى ولا الالمانى وسعره كام وبيقعد كام كيلو؟
ولو حبيت اغير سيور وفلاتر مصنعيتهم تتكلف حوالى قد ايه؟
وانا بحط بنزين 80 ياترى ده ياثر على العربية؟؟ومحتاجة ظبط كهربا زى ما الناس بتقولى؟؟
كمان انا عندى امبارح وانا ماشى لقيت العربية طلعت دخان خفيف م الكبوت ولقيت المية الخضرا بتتسرب رغم انى مكملتش بيها مشى ساعة جوه البلد واول مره تعمل كده..المهم ركنت وسبتها تبرد والحمد لله مبقتش المية الخضرا بتتسرب تانى بس انا معرفش ايه اللى دلقها من مكانها اصلا؟؟
المهم خدت العربية ورحت لميكانيكى قاللى المية الخضرا اللى ب 25 جنية اللى حاططها دى عاملة زى مية النار ومتحطهاش تانى لانها بتعمل مشاكل للموتور وقاللى فى مية اغلى واحسن من كده تستعملها..وكمان قاللى فى مشكلة فى مروحة التبريد والترموستات لان المروحة بتعلق..
فقاللى الخلاصة ان العربية محتاجة يتفك الكربراتير ويتنضف وتتغير ترموستات
فانتوا ايه رايكوا فكلامه ده كله؟؟؟ياترى كده صح ولا انتوا شايفين ايه؟؟؟وتنصحونى بايه؟؟
اشكركم لتعبكم معايا

اهم حاجه الميه كانت بتتسرب منين ... انت مقولتش وهل عداد الحراره كان على لغايه الأحمر ولا قرب منه
ركز مع العربيه الكام يوم اللي جايين لحسن يكون جوان وش السليندر باظ (ممكن تلاقي الحرارة لسه و ممكن تلاقي مية بتنطر برا الرادياتير زي ما حصل مع ميللر بتعلى جامد بعد ما تكون سلكت الرادياتير و شوفت المروحه شغاله ولا لأ .... )
وبالنسبه للميه الخضرا انضف نوع موبيل و اي نوع مش مخفف بتخففه بحيث ان نسبه الميه (المقطرة اوع تستخدم ميه من الحنفيه ) للماده الخضرا (مانع التجمد والصدأ ...) 50:50 او متقلش عن 70 : 30
يعني كل سبعه لتر ميه يقبلهم 3 لتر مانع صدأ او زي ما مكتوب على ضهر العلبه المركزة في طريقه التخفيف
اقل من كده مش صح وأكتر من 50:50 مش صح
وفعلا المفروض تشوف دوره التبريد ايه اخبارها و المروحه ايه ظروفها ...وياريت تقول كانت بتتسرب منين

[beshomilan]

شكرا لرد حضرتك استاذ f170
المية الخضرا كانت بتتسرب من القربة الله بيتحط فيها المية الخضرا اللى جنب قربة المية بتاعت المساحات ولما فتحتها كانت بتغلى وبتطلع دخان وسبتها لحد ما تبرد
وعداد الحرارة عمره ماجاب الاحمر ابدا معايا وبمشى بيه اقل من على 5 اقصى تقدير فى كل الاحوال
الريداتير مفيهوش مشاكل ومبيطلعش مية خالص
والمروحة بتعلق ساعات بتشتغل وساعات لا
وبالنسبة للمية الخضرا الموبيل دى بكام وتحتاج مية عليها ولا لا؟

[tamer_a7]

شكرا لرد حضرتك استاذ f170
المية الخضرا كانت بتتسرب من القربة الله بيتحط فيها المية الخضرا اللى جنب قربة المية بتاعت المساحات ولما فتحتها كانت بتغلى وبتطلع دخان وسبتها لحد ما تبرد
وعداد الحرارة عمره ماجاب الاحمر ابدا معايا وبمشى بيه اقل من على 5 اقصى تقدير فى كل الاحوال
الريداتير مفيهوش مشاكل ومبيطلعش مية خالص
والمروحة بتعلق ساعات بتشتغل وساعات لا
وبالنسبة للمية الخضرا الموبيل دى بكام وتحتاج مية عليها ولا لا؟

لا المروحه دي لازم تعملها
في حاجه لو العربيه 1500 تشغل التكييف المروحتين يشتغلو ودا في حاله الطواريء لو المروحه معلقه ودرجه الحراره بتعلي

[beshomilan]

يعنى كده المشكلة فى المروحة والترموستات زى ماقالولى؟

[meller]

شكرا لحضرتك

فين د.جريش ده؟

عند اي حد بتاع زجاج سيارات

[F170]

لا المروحه دي لازم تعملها
في حاجه لو العربيه 1500 تشغل التكييف المروحتين يشتغلو ودا في حاله الطواريء لو المروحه معلقه ودرجه الحراره بتعلي

+++++++1

[F170]

شكرا لرد حضرتك استاذ f170
المية الخضرا كانت بتتسرب من القربة الله بيتحط فيها المية الخضرا اللى جنب قربة المية بتاعت المساحات ولما فتحتها كانت بتغلى وبتطلع دخان وسبتها لحد ما تبرد
وعداد الحرارة عمره ماجاب الاحمر ابدا معايا وبمشى بيه اقل من على 5 اقصى تقدير فى كل الاحوال
الريداتير مفيهوش مشاكل ومبيطلعش مية خالص
والمروحة بتعلق ساعات بتشتغل وساعات لا
وبالنسبة للمية الخضرا الموبيل دى بكام وتحتاج مية عليها ولا لا؟

مش فاكر والله بكام بالظبط تقريبا في حدود 35-45 جنيه الجيركن وهي مضبوطه 30-70 دي اللي شفتها عندنا هنا في اسيوط اكيد عندكم ارخص شويه
والمروحه دي لازم تعرف ايه اللي بيخليها تعلق
هو عموما مش حيطلع بره حاجه من تلاته
1- ترموستات الردياتير بيكون راكب في الردياتير من تحت وده وظيفته انه يوصل الكهربا لكتاوت المروحه (في علبه الفيوزات اللي ورا الكشاف الشمال ) علشان يشغلها و مكانه تحت المروحه الأساسيه
2- كتاوت المروحه وده ممكن يكون بدأ يبوظ فبيعلق و ميقفلش ويمرر الكهربا علشان المروحه تشتغل وده مكانه اول واحد من ورا في العلبه البلاستيك اللي ورا الكشاف الشمال وده غيره بواحد جديد وأبعد عن الصيني .... لو مفيش غيره هات استيراد وخده على تجربه
3- المروحه نفسها بس دي بتكون صعبه يعني يا أما شغاله يا بايظه بس اللي ممكن يكون في المروحه ان التوصيلات بتاعتها تكون مهزوزه ودي حصلت معايا فيشه المروحه مكانتش متركبه كويس و المروحه مشتغلتش ...
ومتستهونش بالميه والتبريد عموما .....

[hema_hn]

ايه الى جوا الكربراتير يخلى العربية مخنوقة لحد لما يسخن ويمكن هى دى الى بتخلى العربية تفضل تبطل منى وانا بسخنها
بمعنى انا لو مسخنتش العربية كويس جدا الصبح بتبقى مخنوقة قوى منى
ممكن يكون بوجيهات