للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

[moha4tec]

السلام عليكم

http://www.nilemotors.net

لاى عربيه دنجل خلفى بما فيهم :النترا الجديده ,سيراتو 2010و 2014 و فيلوستر و اكسنت الجديده و النيو ريو .و غيرهم .:
الاختبارات :
1- الثبات فى الملفات مع الفرامل .
2-و الثبات فى الطرق الغير ممهده .
3-و الثبات فى مطبات الهوا .
4- نشوفية العفشه
كلهم عفشتهم الخلفيه تورشن بيم .. و هى احد الاسباب فى التعويم . و سقطت فى الاختبار الاتى .:

الموضوع عن الثبات على السرعات العاليه .
و تكون فى ملف على سرعه عاليه (يعنى الطاره ملفوفه و مش عدله .
و تدوس فرامل
هل العربيه بتفضل زى ما هى و الا بتلعب من ورا بتعوم من ضهرها يعنى
بعد ما تعملو الاختبارات دى او ان كنتم مريتم بيها .يا ريت تذكر تجربتك .

يعنى متجيش تقولى العربيه على 100 ثابته جدا و الكلام دا لان اى عربيه على 100 ثابته جدا .و الناس اللى بتجرى كتير و قديمه فى السواقه و بتفهم فى العربيات و ثباتها فهمنى كويس جدا جدا

انا معايا عربيه كورى سيراتو .
و مش عيب ان العربيه تكون بتعوم .العيب اننا نكدب و نقول ثابته و اثبت من الالمانى و اليابنى و الشغل دا .و الموضوع دا شفته انا و اعضاء كتير فى الهيونداى و كيا خصوصا بسبب التصميم الغريب الجديد بتاع العفشه.
انا عامل الموضوع دا اصلا استطلاع راى .
عشان انا متاكد من المشكله و عارف اعراضها .و الحمد لله بعد 3 سنين كورى و بحث على النت و مناقشه مع مهندسين فى كل توكيلات الكورى و مع شركات تعديل عفشه مشهوره عالميا .
الحمد لله قدرت اتوصل لبعض المفاتيح لحل المشكله دى او تقليلها بنسبه كبير .
لا و كمان ممكن بعد شوية تعديلات تبقى احسن من اى عربيه يابانى انتجت لحد الان . و بشهاده ناس معاهم سيفيك ال sir و سيراتو كوبيه .بعد اكبر و اغلى تعديل فيهم .
سيفيك sirو سيراتو كوبيه الاتنين مسقطين عفشه اسبور . السفيك حاطط كونى و شغل عالى و مدلعها و هى اصلا معروفه انها ثابته جدا جدا جدا عن اى عربيه كورى .و الكلام دا انا متاكد منه .
المهم بعد العفشه الاسبور و مش هذكر اسمها .اتسقطت فى الكوبيه السيراتو بقت اثبت من السيفيك المتعدله بشهاده صاحبها .
بس مش دا بردو الحل بتاع التعويم مع الفرامل فى الملفات

http://www.nilemotors.net
بصو يا رجاله .
المشكله فى اكثر من نقطه :
1-كوتش العفشه و المقصات بتاع الهيونداى طرى جدا .لدرجه انه ممكن يحدث انهيار فى توزيع الوزن لما تكون ماشى سريع و فى ملف جامد و تضرب فرالم .
2- العفشه الخلفيه : تورشن بيم .و من غير لينك او ستابليزر . و دا بيسبب انها تلعب فى مفصلات الكبارى .
3- العفشه الخلفيه : setup سوسته لبرا و مساعدين لجوا .و دا اكبر غلط فى الدنيا . و دا بيسبب عدم ثبات فى مطبات الهوا و يخلى العربيه ناشفه .
4- المساعدين مشوارهم قصير جدا و كمان غاز و دا بردو بيخلى العربيه ناشفه جدا و مش ثابته بردو

كل الاسباب اللى فاتت بتخل التماسك بتاع العجل الخلفى اقل من الامامى و عشان كده بتعوم مع الفرامل فى الملف . لان ببساطه العربيه بتترفع من ورا و تماسك الكوتش بيقل جامد جدا و هنا تحل التعويم .

فى ناس هتقولى ما عفشه عربيات كتير تورشن بيم بس مبتعومش كده .هقولك بص كويس على الفرق بينهم و هتلاقى فرق بالتصميم و مش فرق بسيط .

http://www.nilemotors.net

المهم :"
الحل:
1-مقتبس من الاوبل استرا الجديده فى جزء .
عفشة الاوبل استرا واتس لينك .
بمعنى انها زى بتاعتنا تورشن بيم بس زايد عليها لينك .
اللينك دا وظيفته انه بيزود تماسك الكوتش بالارض . و بيخلى العربيه انعم و تشتغل كانها ملتى لينك .
يعنى من الاخر هنحول عشه الكورى من تورشن بيم الى واتس لينك
2-هنركب كوتش نضيف و ننقى نوع التماسك بتاعه فى الارض عالى . وممكن كمان نعرض الكوتش .و نكبر الجنوط(الحل دا اختيارى )
3- هنركب جلب عفشه ناشفه او بولي يوريسين . العربيه لحد كده ثباتها هيبقى ممتاز و احسن من الاول بكتير .بس الجلب دى هتنشف العربيه و هتقلل من نعومتها طبعا عن الاول .
4- هنركب عفشه اسبور المساعدين بتوعها و خصوصا الخلفى مشوارهم اكبر .و دى موجوده فى نوع واحد فقط .يعنى مش اى عفشه اسبور موجوده .لا دى مواصفات خاصه .و معموله لتناسب تصميم العفشه الخلفى و اصلاح عيوبه .

http://www.nilemotors.net
العربيه لو اتعمل فيها الحل رقم 2 و 4 بقت اثبت من السيفيك المتعدله ما شاء الله .
بس طبعا بقت انشف من الاول
لكن احنا ممكن نطبق الحل الاول مع التانى .العربيه مش هتنشف و هتثبت جامد
فى حاله تطبيق ال 4 حلول للاربع مشاكل .عاوز اقولك تمتع بالعربيه و هتبقى اعلى فى الثبات من العربيات الالمانى الفبريكه و تقارب او تكاد تساوى الالمانى المتعدل
و الله اعلم
انتظرو حل المشاكل دى بالصور فى موضوع على قسم كيا باذن الله
ارجوا الرد بامانه و بصراحه عشان كلنا نستفاد و نحل المشكله .
الاعتراف بالحق فضيله .
الموضوع دا حصرى . و باذن الله نقدر نعمل المستحيل .
بس المهم رجاءا محدش يدخل يشتم فى الكورى او يدافع عنه بعصبيه .
الموضوع للنقاش العلمى يا رجاله و مش عاوز خناقه .
احنا عوزين نوصل لحل لموضوع الثبات دا على خير و عشان كدا لازم نفتح قلبنا و نتكلم بصراحه .
العربيات الكورى ملهاش فى السرعات العاليه و الغرز القطم نهائى .و ان كان ربنا ستر مع واحد فيخلى باله بعد كده .
http://www.nilemotors.net
يا ريت اى حد عنده معلومه جديده يضيفها . و نستفاد بعلمه .

http://www.nilemotors.net
و الله العظيم يا رجاله الموضوع دا انا تعبت جامد جدا لحد ما توصلت للحقايق دى و بجد مش شويه مواقع تصفحتها بس لا كما بتجارب كتير و صرفت كتير لحد ما عرفت اوصل لبعض الحلول دى .



http://www.nilemotors.net

[MohammedAladel]

موضوع جميل وأفكار رائعة ولكن هتحتاج ميزانية مش قليلة برضه والله الموفق

بس انت متكلمتش عن الدعامات ليه ؟

[aymanshebl]

و الله كلام منطقى و يدل على بحث و مجهود تشكر عليه

[ashouhdy]

موضوع ممتاز

بصراحة اى حد حيجيب عربية كورى من المذكورين عدا الكوبية ويغير فيها حاجة غير الكاوتش والجنوط يبقى بيضيع فلوسة لأنهم اساسا مش مصممين علميا لكدة

مش حقدر اكتب غير انى فى الفيرنا ودى عفشة اصلا متأخرة نسبيا بس لما زاد عرض الكاوتش والجنوط وركبت بار امامى ثباتها زاد بما لا يقل عن 60%

فى الكارينز مقدرش احكم لنى مغيرتش فيها حاجة والعفشة مش تورشن وهى اساسا عالية اوى و مقاومة الهوا متسمحش بالمناورات الجامدة على سرعات ومش مصممة لكدة

اللى اتبقى انى اقولة مينفعش اقارن جيتا مثلا بسيراتو فرق سعر 80الف مش بس فى كاوتش وجنط

تصميم العربية ككل فى العفشة مختلف عشان كدة غالية

لو ينفع نقارن يبقى نقارن بالاوبتيما مثلا تصميم وعفشة مختلفة وينفع نتكلم على ثباتها

لكن مقارنة سيراتو ب فانتازيا فى العفشة حرام

[ashouhdy]

غير ان تغيير العفشة لعفشة سبورت حيبقى على حساب الراحة والنعومة والعفشة لو نضيفة مش حتقل عن 10 او 13 الف جنية

[AhmedNaeem]

موضوع رائع ومجهود ممتاز
اعتقد انك تقصد الدعامات في الحل رقم 1
اما بالنسبة للحل رقم 2 فمعتقدش ان حد ممكن يسترخص في حوار الكاوتش النضيف
اما بالنسبة للحل 3 و 4 فمعتقدش ان في حد عنده استعداد ينشف العفشة اكتر ما هي ناشفة
في انتظار باقي التقرير بالصور وراي الاعضاء

[eng.m7md.ali]

جميل اوي الكلام ده

بس المشكلة التكلفة العالية لانك هتغير نظام كامل مش بس مجرد مساعدين .. سمعت ان السيراتو بتتعدل لمالتي لينك مش عارف حد جرب الكلام ده برة ونجح ولا الموضوع فاكس اصلاً .. ولو اتجرب ياترى النتيجة احسن بكتير ولا مش هتفرق عن الدنجل؟

[ahmed_h_g]

عفشه سبور بمواصفات معينه + جلب و كوتشات العفشه البولى يوريسين
وموضوع الدنجل للأسف مقرف

[horas3000]

و الله يا زعيم
انا شخصيا مش بحب التعديل في العربيات
بحبها و هي pure stock
فالبنسبه ليا شخصيا هغير العربية ككل بفلوس التعديل

لكن بما انك بتقول في حل و تعديل اتعمل بالفعل و جاب نتايج مرضيه يبقي go on
او علي الاقل تتاكد من فاعليه الحلول التانية
و ممكن تشوف compination كويس ما بينهم بحيث تاخد احسن نتائج

[M7amD_7amDy]

موضوع رائع ومجهود كبير ياباشا تسلم إيدك

بس لازم تعمل نسخة من الموضوع ده فى قسم كيا :))

وفى إنتظار الموضوع الشامل ياكبير

[moha4tec]

موضوع جميل وأفكار رائعة ولكن هتحتاج ميزانية مش قليلة برضه والله الموفق

بس انت متكلمتش عن الدعامات ليه ؟

يا باشا ما انا مركب الدعامات بالفعل .
الطقم كامل بيزود الثبات 40 % بالكتير
الثبات زاد بعده شويه بس فى الطرق النضيفه اكتر من الطرق العاديه
الحل الاول باذن الله مش هيتكلف كتير يعنى من 1000 الى 1500 تقريبا
لانى هزود اللينك فقط على التورشن بيم

[moha4tec]

و الله كلام منطقى و يدل على بحث و مجهود تشكر عليه

مشكور جدا جدا و منور الموضوع

[moha4tec]

موضوع ممتاز

بصراحة اى حد حيجيب عربية كورى من المذكورين عدا الكوبية ويغير فيها حاجة غير الكاوتش والجنوط يبقى بيضيع فلوسة لأنهم اساسا مش مصممين علميا لكدة

هو كل القصه ان الشاسيه بيبقى اطول شويه فالثبات بيقل شويه لان الشاسيه اضعف طبعا

مش حقدر اكتب غير انى فى الفيرنا ودى عفشة اصلا متأخرة نسبيا بس لما زاد عرض الكاوتش والجنوط وركبت بار امامى ثباتها زاد بما لا يقل عن 60%

+[color="rgb(72, 61, 139)"]111111111111[/color]

فى الكارينز مقدرش احكم لنى مغيرتش فيها حاجة والعفشة مش تورشن وهى اساسا عالية اوى و مقاومة الهوا متسمحش بالمناورات الجامدة على سرعات ومش مصممة لكدة

اللى اتبقى انى اقولة مينفعش اقارن جيتا مثلا بسيراتو فرق سعر 80الف مش بس فى كاوتش وجنط

مهو لو الكورى اتصرف عليه .هيبقى جامد جدا و طبعا فرق الفلوس بيفرق فى الجوده و الخامه .
يعنى مساعدين الاوكتافيا بلشتين .حاجه كده لما شفتها اتخضيت و الله مبهره بجد و عفشه السيراتو جنبها عيل صغير بمعنى الكلمه
لو ركبنا عفشه بلشتين فى السيراتو هتبقى رهيبه جدا و هتبقى زى الاوكتافيا
بس اصلا فر ق سعر كبييييييير فى العفشه لوحدها
يعنى الاوكتافيا مش غاليه على الفاضى و خلاص لا دى متكلفه


تصميم العربية ككل فى العفشة مختلف عشان كدة غالية

لو ينفع نقارن يبقى نقارن بالاوبتيما مثلا تصميم وعفشة مختلفة وينفع نتكلم على ثباتها

لكن مقارنة سيراتو ب فانتازيا فى العفشة حرام

السيراتو بعد التعديل بتعلم على كل الالمانى و عربيات العالم اجمع
بس تصرف بجد
عندك السيراتو كوبيه كسبت سباق فى امريكا و علمت على كل انواع العربيات الجمده من بورش لبى ام لمينى كوبر و غيرها و سيفيك و مازدا
بس طبعا دى متعدله من شركه متخصصه فى التعديلات و كمان جيبين سواقين عليها محترفين

[moha4tec]

غير ان تغيير العفشة لعفشة سبورت حيبقى على حساب الراحة والنعومة والعفشة لو نضيفة مش حتقل عن 10 او 13 الف جنية

يا باشا ما انا قلت عفشه مواصفات خاصه مش اى عفشه سبور من اى شركه يعنى و اتجربت و العربيه بقت انعم من الاول و مريحه و ثابته كتير عن الاول
و فيها خاصيه تعليه و تهبيط العربيه و تنشيف و تنعيمها كمان و بتعلى و توطى باكتر من طريقه يعنى fully adjustable
العفشه دى لوحدها ب 10500 جنيه و الباقى رخيص

[moha4tec]

موضوع رائع ومجهود ممتاز
اعتقد انك تقصد الدعامات في الحل رقم 1
اما بالنسبة للحل رقم 2 فمعتقدش ان حد ممكن يسترخص في حوار الكاوتش النضيف
اما بالنسبة للحل 3 و 4 فمعتقدش ان في حد عنده استعداد ينشف العفشة اكتر ما هي ناشفة
في انتظار باقي التقرير بالصور وراي الاعضاء

لا يا باشا مش الدعامات لانى مركبها بالفعل
هنركب وصله z link زى بتاعة الاوبل استرا الجديده
العفشه الاسبور دى فيها خاصيه انها تنعم و تبقى انعم من الفبريكه كمان و تنشف و تبقى طوبه و تعلى و توطى على مراحل كتير
الجلب هى اللى هتنشف العفشه جامد و ملهاش حل بس هتظبط العربيه جامد جدا خصوصا الالنترا