للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

[abou-yahia]

عارف اني ححبط ناس كتير

يا مربي في غير ولدك يا باني في غير ارضك

في الاخر كل الحلول المقدمه بتصب في

فسر الماء بعد الجهد بلماءءءء

تعديل مكلف وقت وفلوس وحيقلل من قيمه العربيه عشان حيحصر استهداف البيع لحدد فاهم وعارف وراضي بللي في العربيه

التغيير هوه الحل لتلافي العيوب السابق ذكرها

واسف علي الغلاسه

[SonaSteel]

انا سعيد انك كتبت الموضوع ده ههههههههههههههههه

موضوع جميل وعرفت فيه معلومات تحفة و فهمت منه حاجات كتير .......

متابع بضمير :))

[abou-yahia]

للتوضيح

انا لست ضد اي تعديلات في العربيه

بس يكون فيه شروط

معرف ايه الهدف

زياده تسارع او توب سبيد

زياده قوه فرامل او ثبات

ده مشروط بانه يكون بسيط غير مكلف سهل الرجوع عنه وارجاع الاشياء لاصلها

ويكون اثره محسوس

غير كده التجربه العمليه الواقعيه في مصر بتقول ان في الاخر وفي الاغلب كل اللي بيعدلوا

بيلفوا الكره الارضيه وبيعانوا عشان يبعوا عشان مش بيكونوا مبسطين بللي عملوه

انا هنا مش بعمم

لاكن ارجوا اننا نكون واضحين مع نفسنا اكتر

وشكرا

[toty_305]

- أنا عندي Accent RB كله كان بيشتكي من التنطيط الخلفى و عدم الثبات

-التوكيل لما غير المساعدين العربيه بقت ماسكه كويس في الارض و التنطيط أختفى تماما أصبحت هي اللي بتأثر على مطب الهواء مش هو اللي بيأثر عليها

-طبعا العفشه نشفت كأنك مركب جنط 17" بغش النظر الثبات أصبح أحسن كتيييييييير

[amagroup]

يا باشا ما انا مركب الدعامات بالفعل .
الطقم كامل بيزود الثبات 40 % بالكتير
الثبات زاد بعده شويه بس فى الطرق النضيفه اكتر من الطرق العاديه
الحل الاول باذن الله مش هيتكلف كتير يعنى من 1000 الى 1500 تقريبا
لانى هزود اللينك فقط على التورشن بيم

معلش انا علي قدي في التعديلات في الموتور والعفشه

يعني انا معايا اكسنت اربي المفروض اضيف اللينك فقط

طب ده يعني شكله ايه واربطه فين لو في صور ياريت
"الصورة بالف كلمة"

[amagroup]

- أنا عندي accent rb كله كان بيشتكي من التنطيط الخلفى و عدم الثبات

-التوكيل لما غير المساعدين العربيه بقت ماسكه كويس في الارض و التنطيط أختفى تماما أصبحت هي اللي بتأثر على مطب الهواء مش هو اللي بيأثر عليها

-طبعا العفشه نشفت كأنك مركب جنط 17" بغش النظر الثبات أصبح أحسن كتيييييييير

انا محستنش انها نشفت قوي بس هو الجنط اللي عندك الاصلي ولا انت معدله

[amagroup]

رأي إن مشكلة ال torsion beam تتلخص في ال body roll بمعنى مع الانحناءات الصعبه الجزء الخلفي بيتحرك كتابع للعجل الامامي بالإضافه لو مكنش السواق عارف أو متوقع رد فعل عربيته ومتوقع ال over steer العربية هتلف منه ولو فيه مطب هوا على عجلة واحدة مش الاتنين ممكن يفقد السيطره تماما

للاسف تغير العفشة برياضيه هتزود المشكله و معاها تغير الجلب كلها بتزود المشكلة مش بتحلها لانك منعت الليونه اللي ممكن تخفف من ال oversteer شوية
تزويد عرض الكاوتش حل مؤقت

الحل في رأي ال ملتي لينك أو يكون فيه esp وإن كان مسكن مش حل جذري

معلش اعذرني ممكن صورة للملتي لينك لحسن انا مش عارف انت بتتكلم علي ايه اصلا

[toty_305]

انا محستنش انها نشفت قوي بس هو الجنط اللي عندك الاصلي ولا انت معدله

-لأ الجنط الحديد ال 14" بس أصبحت ناشفه بوضوح.

- ده تقريبا ال Plastic اللي ورا الكنبه بيطلع أصوات من بعد م ركبت المساعدين

- أنا بحب العربيه تبقى Stock لا للتعديلات

[احمد فهمى]

الموضوع هايل وكل الحلول ممتازه هتجيب نتيجه بس لعلمك تعديل العفشه لسبور هيكون على حساب الراحه فى المطبات والتعديل رقم 1 مش سهل طبعاً وان تم معرفش النتائج هتتوافق مع العفشه الاماميه والا لا ... الموضوع اختيارى حسب استخدام الشخص فى النهايه يعنى لو كشيت قانونى ومعدتش سرعة 100 مش هيفرق معك يعنى انا راكب المانى وماشى قانونى ولمى بنزل وبركب اي عربيه حتى لو سويفت او اكسنت مبحسش بمشكله لأنى عمرى ما بوصل للسرعه اللى ممكن اى عربيه تفقد السيطره فيها فنصيحه وفرو فلوسكو ولو فى مبلغ تاعب حد يتبرع به للغلابه او يعدل داخلى يجيب جى بى اس او فرش جلد تمام ويعمل صياناتو فى مواعيدها وده رأيي الشخصى والله المستعان

[moha4tec]

واالله مجهود جبار من حد مهتم
بس سوالى انا من الهيصرف او بمعنى اصح هل اليوزر الجاب سيراتو علشان شكلها او النترا هيصرف هيا عجباه و اخرو 120
اما بالنسبه للحلول فابحث عن الدنجل شى سى جدا لو العلاج جيه لازم نبدا بيه
مع z link اعتقد هتحسن كتير و يايلام لو حل لنظام السست مع المساعد ده هتبقى ثابته
الحل عفشه سبور شوفتها على منتدى امريكى بس هفتكر و احط اللنك

+11111111111
معاك حق فعلا
مظبوك انت قصدك على hsd صح
هى و البلشتين
من راى دول احسن عفشتين للكورى بجد

[moha4tec]

يا سامح ممكن بردة يتعمل تعديل مش مكلف وهيكون مجدى
يعنى مثلا لو يايات اقوى او رياضية
ويتركب anti roll bar

انا مركب طقم كامل الترا ريس زود الثبات 30% فقط و اعتقد السوست الاسبور افضل من الدعامات .

و مشكور جدا على ردك و مشاركتك
منور الموضوع يا كبير

[moha4tec]

انا شايف ان موضوع الثبات ده مشكله مع اكتر من موديل و الحل المضمون أن كيا أو هيونداي تتفق مع شركه متخصصه عندها خبره في انظمه التعليق او التعديل تحل لها المشكله حل جذري لان تعديل العفشه ممكن يحل مشكله و يسبب مشاكل تانيه مثل ان العربيه توطي او ان العفشه تبقي ناشفه قوي و تتعب الضهر يعني مثلا تخيل لو شركه لوتس عملت لها نظام التعليق مثلا بس المشكله انها وصل سعرها اكتر 'ن 180 الف عادي فيا تري سعرها هيوصل كام بعد التعديل

+111111111111111111

[moha4tec]

محمود باشا , اولا انا بحييك الصراحة على الموضوع الجميل دة جداااااااااااااااا

يا باشا مشكور جدا جدا احنا بنتعلم منكم



انت تقريبا جيبت الحلول كلها اللى تخلى العربية ثابتة وكمان مش ثبات عادى لأ دة ثبات جامد اوى

+111111111111111111


طيب هنشمى مع بعض واحدة واحدة فى كل تعديل انت مقترحة ونشوف اية مميزاتة وعيوبة :

1- اولا بس فية تصحيح لوظيفة اللينك هو بيخلى ان كل جنب فى العربية يكون حر الحركة يعنى مش مرتبط بالجنب الاخر , ودة لما تيجى تاخد غرز قطم او حاجة يخلى العربية ماتحدفش منك او تعوم منك من الخلف


يا باشا انا اقصد انى اضيف z link على التورشن بيم و كده هتبقى واتس لينك .
يعنى مش هتبقى ملتى لينك .
بس انت ادرى طبعا بالتفاصيل دى منى .
بس يا ريت شوية تفاصيل منك يا كبير

بس انت كدة عايز مصاريف خيالية واكيد هتقابلك عوائق ماتفتكرش ان الموضوع سهل كدة
هى الحاجه الوحيده الصعبه فى تركيب ال للينك بس .


2- مااعتقدش ان عندك فى مصر كاوتش بالمواصفات غير bridgstone adrinaline وهو اللى بيعتبر من انظف واغلى الكاوتش الموجود فى السوق وطبعا غالى جداااا , دة غير تمن الجنوط يعنى عايز بس 12000 جنية كواتش وجنوط

+111111111
adrinaline 01 مبقاش ينزل بقاله سنتين مثلا .و ال adrinaline 02 لسه منزلش و هما مترددين ينزلوه مع انه تحفه .و قرات عنه كتير جدا
الجديد انهم مش هينزلوه يابانى كمان و سعره هيعدى ال 1500 مستريح يعنى استهبال رسمى
و طقم الجنوط النضيف من 8 و انت طالع
يعنى الحوار كوتش و جنوط نضاف هيدخل فى 14 الف و انت طالع .

3- جلب عفشة , لازم هتيجى من برة kit كامل على بعضة مخصص للعربية يعنى ممكن يعملة فى حدود 2000 الى 3000 جنية بالشحن , والعربية فى شوراعنا دية بالعفشة بتاعتها العادية بتبقى مرهقة لركابها , فتخيل بقى لما تركبلها مكونات انشف بكتيييييييير هتبقى عاملة ازاى

فى طقم جاهز فعلا بس شم غالى اوى سعره كويس .و كمان فى طقم قواعد كمان بس العربيه هتبقى نشفه و كمية vibration رهيب من القواعد دى .
بس فى فى مصر شركة سوناكس عندها بولي يوريسين سائل ممكن تصبه فى جلب و قواعد مقطوعه قديمه مثلا .
و كمان كلمت عادل وجدى زمان اكدلى الموضوع دا و قالى ممكن يعملى اى شىء زى ما انا عاوز بالنسبه للجلب يعنى .ربنا يرجعه بالسلامه من دبى .

4- هتجيب عفشة اسبور يعنى هتعمل خفض للعربية , والسيراتو اصلا مش عالية عن الارض , فانت كدة هتوطيها وهتنشفها وطبعا مش هيقلوا عن 7000 جنية


العفشه دى لوحدها هتعدى ال 10 الاف جنيه .
و العفشه بتعلى و توطى بكذا طريقه و بتنشف و تنعم اكتر من الفبريكه كمان .و اللى ركبوها قالوا انهم لما نعموها بقت انعم من الفبريكه .
و ممكن تخلى ارتفاع العربيه اعلى من الفبريكه او اوطى من اى عفشه سبور .

طيب هل فية واحد يعمل التعديلات دية كلها وعلى ماتور بقوة محرك السيراتو مش محتاج اصلا الثبات دة كلة لانة محرك قوتة قليلة

فى دى معاك حق جدا جدا
اللى بيعمل اللى حضرتك هتصرفة يبقى لازم هيكون ناوى حاجة من الاتنين( تيربو عالى - يسقط مكنة قوية )

ما انا كنت عاوز اسقط موتور الفلوستر التيربو ال 1600 سىسى 201 حصان .

طيب موضوع بقى انها بعد دة كلة هتبقى اثبت من السيفيك انا هقولك حاجة ( هية السيفيك مش اثبت عربية فى الدنيا , فمعنى انك تقول انها وصلت لثبات السيفيك فدة معناة ان فية عربيات المانى تقدر تتغلب عليها بسهولة جداااا , فكل اللى اتصرف عليها دة حراااااام فى وجهة نظرى اولا

فى صاحب محل تعديلات معدل عربيته السيفيك و مركب فيها عفشه كونى سبور
و جرب عربيه سيراتو كوبيه بعفشه سبور المواصفات الخاصه دى . و بيقولى انها بقت اثبت من عربيته السيفيك المتعدله . و ان فى فرق مش قليل كمان .
و على فكره انا بحب السيفيك جدا جدا و يا ريتنى كنت سوقتها او ركبتها قبل ما اجيب السيراتو .ممتعه بصراحه و ناعمه و ثابته و جرايه .

وثانيا : مش السيراتو ياباشا اللى يتصرف عليها مع احترامى الكامل


معاك حق بردوا

لان اللى حضرتك بتقولة دة معناة انك هتغير full suspention system يعنى بتجيب شاسية السيراتو وماتور سيراتو على عفشة متغيرة تماما
يا كبير هحك اللينك فقط و مش هشيل التورشن بيم .

طيب مانا ممكن اعمل اللى انت هتعملة فى اى عربية تانية وهتدينى نفس اللى هيطلع منها ان ماكنش احسن

ممكن بردو و ممكن متجبش نفس النتيجه .

خلاصة الكلام عشان ماطولش عليك , فكرة التعديل كويسة لكن غير مجدية


+11111111111111

ال high cost بتاعتها عالية والماتور قوتة محدودة , فالفلوس مش هتكون مناسبة للاداء اللى هتستفيد بية فيها

ولينا تكملة ياباشا

منتظر نكمل باقى الحديث الشيق دا يا كبير

[moha4tec]

عايزك تحط حاجه في ضماغك ان Comfort and Handling don't get along
لا يا باشا الكلام دا كان زمان .دلوقتى فى الجديد
ممكن توطى العربيه بعفشه اسبور و تتحكم فى نعومتها كمان
و مثلا العفشه الهيدروليك كل ما توطى العربيه هتنعم معاك اكتر و اكتر لان ضغط الهوا بيقل اكتر .و كمان كل ما توطى الثبات هيزيد اكتر
بالنسبه للعفشه المواصفات الخاصه مشوار المساعد اطول شويه فطبيعى العربيه هتبقى انعم طبعا .


هتروح للثبات هتضيع راحه هتروح للراحه هتضيع ثبات القاعده دي علي كل العربيات.
الكلام دا فى العفشه السبور العاديه
دي الsuspension بتاعت الastra:


اما دي بتاعت السيراتو :

الصوره دي فيها الanti-roll bar اللي المفرود تركبوه.

في فرق في مكان المساعد هو مش مساعد انك تعدل عليه اوي .

مكان و زاوية المساعد و طوله و طول السوسته كمان و قطرها و عدد لفاتها و نوعها و سمكها .و الزاويه بتاعتها و الصدادات كمان .


دلوقتي انا معايا اوبل و سيراتو، اما اكون ماشي بسرعه بالسيراتو بهدي قبل المفاصل سعات عشان بيبقي فيها تنطيط كتير، في الاوبل بخوش عادي. مثلا الحته اللي علي الدائري المنيب بعد التوستراد اتجاه المعادي انا بيالسيراتو اخري 140 و بكون طاير نوعا ما اما بالاوبل بخوش 160 و عادي لسه فيها. كل ده غالبا بسبب الDamping Rate و ال Rear Design بتاع السوست.

عارف الحته دى خصوصا لو من الشمال كمان .
مطبات الهوا بسبب المساعد لجوا و مايل و السوسته لبرا و مش مظبوط مكانها كمان .و كمان الصداده بتاعة السوسته معموله بزاويه غريبه اصلا و ناشفه كمان جدا


بالنسبه لwatt's link انت لازم تلحم الfixed points في الشاسيه بتوع العربيه ده غير ان في حتت في الجناب بيتثبتوا فيها

مفيش لحامات فى الشاسيه الا فى الفلوستر تقريبا و اللينك منه كذا نوع .


هتمسك العفشه طبعا بس كلوا علي حساب الراحه

طبعا

كوتش ماشي الجنط هتركب ايه اكبر من ١٧/١٨؟؟ كمان اعمل حسابك في الacceleration اللي هيضيع مع الجنط الكبير.
حاجه بسيطه اوى لانى هحتفظ بنفس القطر العام


العفشه هتزود الثبات طبعا بس الفكره العفشه هتنشف اكتر من الاول بكتير، ده غير انك ليك limit بيها اكتر من كده مش هينفع تعلي الثبات عن كده Maximum Stability from the suspension design غالبا العفشه هتكون اكبر حاجه، ممكن تحت Anti-roll bar خلفي

كل حاجه و ليها حدود .بس لسه فى اكتر بكتير بس التكلفه هتزيد طبعا


عايزك تحط حاجه في ضماغك ان Comfort and Handling don't get along

هتروح للثبات هتضيع راحه هتروح للراحه هتضيع ثبات القاعده دي علي كل العربيات.


معاك بعض الحق لان فى كلام جديد فى الموضوع دا .و خصوصا فى عفشة الكورى تحديدا السيراتو و الالنترا .



الصوره دي فيها الanti-roll bar اللي المفرود تركبوه.
الطقم كله راكب و زود الثبات شويه طبعا بس محتاجه اكتر



مشكور يا كبير على الافكار الجميله و الشرح بالصور و منور الموضوع كله
عوزين نتقابل زى اخر مره .

[moha4tec]

انا شايف أنه عمره ما حيتحسن بالطريقة الكويسة .. ألا بعد متعرف أساساً
ال sg بتاع العربية فين!!
و بالتالي بتدخل ببرامج زي ال solid works أو غيرها... من برامج الديزاين و تستخدم معادلات معينة... من كتاب معين ل design الشاسيه و هكذا.. علشان تبدأ تعرف حتحط لينكات توزيع الوزن فين بظبط.. و تشوف أيه الحاجات الي حتتعمل في العفشة... لظبط ال sg بتاع العربية... و لتسريع رد فعل و أستجابة العفشة للتغيرات المفجأة في ظروف القيادة سواء تحت سرعة عالية أو لا.... علشان تديلك الأداء الصح

و أنا بما أني مش من ملاك الكوري.. معرفش ال sg بتاع العربية فين... و لكنه زي موضحت يجي بكل سهولة بأستخدام برنامج solid works!!!

بعد متحدده ساعتها تعرف.. ايه أحسن تعديل ممكن تعمله للعفشة!! :)

مشكور جدا على المعلومات الجديده دى بس الحجات اللى هتركب اتجربت فعلا فى كذا عربيه و اتسب كل حاجه بالفعل و اتعمل دراسه فعلا محترمه .
و النتايج جميله جدا