للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

[ashouhdy]

طب ماانت كدة دخلت فى كاتيجورى البرايس بتاع اللى فية الحاجات دى تقريبا

لز زودت ال20الف دول فوق تمن عربيتك حتجيب اختها موديل السنة جيتا او جولف !

[moha4tec]

جميل اوي الكلام ده

بس المشكلة التكلفة العالية لانك هتغير نظام كامل مش بس مجرد مساعدين .. سمعت ان السيراتو بتتعدل لمالتي لينك مش عارف حد جرب الكلام ده برة ونجح ولا الموضوع فاكس اصلاً .. ولو اتجرب ياترى النتيجة احسن بكتير ولا مش هتفرق عن الدنجل؟

اللى هيتيغير العفشه (مساعدين و سوست و كامبر كيت )و جلب و لينك هيتضاف على الدنجل الخلفى
و كوتش فقط

[moha4tec]

و الله يا زعيم
انا شخصيا مش بحب التعديل في العربيات
بحبها و هي pure stock
فالبنسبه ليا شخصيا هغير العربية ككل بفلوس التعديل

لكن بما انك بتقول في حل و تعديل اتعمل بالفعل و جاب نتايج مرضيه يبقي go on
او علي الاقل تتاكد من فاعليه الحلول التانية
و ممكن تشوف compination كويس ما بينهم بحيث تاخد احسن نتائج

فى الحاله دى هتغير الكوتش و تحط ال z link
العربيه هتفضل ناعمه او تنعم اكتر و هتثبت كتير عن الاول

[moha4tec]

موضوع رائع ومجهود كبير ياباشا تسلم إيدك

بس لازم تعمل نسخة من الموضوع ده فى قسم كيا :))

وفى إنتظار الموضوع الشامل ياكبير

يا باشا الموضوع الكبير و الصور فى كيا باذن الله قريب و منور الموضوع يا كبير

[moha4tec]

طب ماانت كدة دخلت فى كاتيجورى البرايس بتاع اللى فية الحاجات دى تقريبا

لز زودت ال20الف دول فوق تمن عربيتك حتجيب اختها موديل السنة جيتا او جولف !

مش هتوصل عمرها لل 20 نهائى
بس لو صرفت كل دا هتبقى احسن من الاوكتافيا بكتيرييييييييييييييييييير
لان العفشه لوحدها فرقت جامد جدا و بقت احسن من الهوندا ال sir متعدله و عفشه سبور كمان .اوكتافيا مين اللى تتقارن معاها بعد كده . كده دخلت فى كاتيجورى تانى خالص
هو اول حل هيوصلها لثبات الاوبل باذن الله و الجلب هتعليها كثر فى الثبات و الكوتش يبقى انت قضات على المشكله الرئيسيه
تدخل بقى على العفشه الاسبور يبقى انت محدش هيعدى منك فى الملفات اصلا
الكلام دا اتجرب بعضه
و لما اتجرب كله لازم العربيه تبقى متربنه و مش اقل من 200 حصان .عشان هتبقى ثابته جدا جدا و اتجربت فى فيلوستر تيربو و بقت جمده جدا

[moha4tec]

عفشه سبور بمواصفات معينه + جلب و كوتشات العفشه البولى يوريسين
وموضوع الدنجل للأسف مقرف

و الله انت راجل بتفهم

[buddha]

watts link
فعلا تعديل ينفع على التورشن بيم
بس فية بار هيحتاج يتعملة شغل فى الشاسية السفلى على ما اعتقد عشان يتثبت علية


وكمان فى اماكن فى الدشمة بتاعة الطنبورة هتبقى ناقصة

مش عارف كدة صعب اوى بس بالتوفيق لو ينفع ومتابع يا باشا معاك

[محمد بدر]

برنس والله
موضوع أكثر من ممتاز وكلمة ممتاز كمان قليلة جدا عليه ومجهود جبار وبحث رائع وعرض سهل ولذيذ وأنا شخصيا بهرنى هذا الموضوع
بارك الله لك
انا للأسف الشديد مقدرش أتكلم أو أضيف معلومة لموضوعك هذا فالموضوع ده محتاج لخبرات كثيرة فى هذا المجال وأنا لم يحدث لى وقمت بتعديل عفشة سيارة من قبل
ولاكن لى وجهة نظر وهى فى أعتقادى ان جميع السيارات المنتجة من قبل المصانع والشركات المختلفة تمر بتجارب ليس بالقليلة حتى تصل بها إلى أفضل النتائج الممكنة
ولذلك موضوع التعديل أكيد بيكون على حساب أشياء أخرى لا أعلمها وإلا كانت نفذت من قبل الشركات المصنعة
فأرجو من حضرتك ان تصحح لى إن كنت مخطئ فى هذا الطرح
وعلى قدر سعادتى بهذا الموضوع وطريقة سرده
على قدر سعادتى بقسمنا هذا والذى أصبح من أنشط الأقسام فى هذه الأيام
من الواضح جدا ان الصقور رجعين لزمن الماضى الجميل
منتظرين وبالتوفيق يا صقور كيا الغاليين

[minicooper20]

واالله مجهود جبار من حد مهتم
بس سوالى انا من الهيصرف او بمعنى اصح هل اليوزر الجاب سيراتو علشان شكلها او النترا هيصرف هيا عجباه و اخرو 120
اما بالنسبه للحلول فابحث عن الدنجل شى سى جدا لو العلاج جيه لازم نبدا بيه
مع z link اعتقد هتحسن كتير و يايلام لو حل لنظام السست مع المساعد ده هتبقى ثابته
الحل عفشه سبور شوفتها على منتدى امريكى بس هفتكر و احط اللنك

[SAMEH_FOUAD]

محمود باشا , اولا انا بحييك الصراحة على الموضوع الجميل دة جداااااااااااااااا

انت تقريبا جيبت الحلول كلها اللى تخلى العربية ثابتة وكمان مش ثبات عادى لأ دة ثبات جامد اوى

طيب هنشمى مع بعض واحدة واحدة فى كل تعديل انت مقترحة ونشوف اية مميزاتة وعيوبة :

1- اولا بس فية تصحيح لوظيفة اللينك هو بيخلى ان كل جنب فى العربية يكون حر الحركة يعنى مش مرتبط بالجنب الاخر , ودة لما تيجى تاخد غرز قطم او حاجة يخلى العربية ماتحدفش منك او تعوم منك من الخلف

بس انت كدة عايز مصاريف خيالية واكيد هتقابلك عوائق ماتفتكرش ان الموضوع سهل كدة

2- مااعتقدش ان عندك فى مصر كاوتش بالمواصفات غير bridgstone adrinaline وهو اللى بيعتبر من انظف واغلى الكاوتش الموجود فى السوق وطبعا غالى جداااا , دة غير تمن الجنوط يعنى عايز بس 12000 جنية كواتش وجنوط

3- جلب عفشة , لازم هتيجى من برة kit كامل على بعضة مخصص للعربية يعنى ممكن يعملة فى حدود 2000 الى 3000 جنية بالشحن , والعربية فى شوراعنا دية بالعفشة بتاعتها العادية بتبقى مرهقة لركابها , فتخيل بقى لما تركبلها مكونات انشف بكتيييييييير هتبقى عاملة ازاى

4- هتجيب عفشة اسبور يعنى هتعمل خفض للعربية , والسيراتو اصلا مش عالية عن الارض , فانت كدة هتوطيها وهتنشفها وطبعا مش هيقلوا عن 7000 جنية

طيب هل فية واحد يعمل التعديلات دية كلها وعلى ماتور بقوة محرك السيراتو مش محتاج اصلا الثبات دة كلة لانة محرك قوتة قليلة

اللى بيعمل اللى حضرتك هتصرفة يبقى لازم هيكون ناوى حاجة من الاتنين( تيربو عالى - يسقط مكنة قوية )

طيب موضوع بقى انها بعد دة كلة هتبقى اثبت من السيفيك انا هقولك حاجة ( هية السيفيك مش اثبت عربية فى الدنيا , فمعنى انك تقول انها وصلت لثبات السيفيك فدة معناة ان فية عربيات المانى تقدر تتغلب عليها بسهولة جداااا , فكل اللى اتصرف عليها دة حراااااام فى وجهة نظرى اولا

وثانيا : مش السيراتو ياباشا اللى يتصرف عليها مع احترامى الكامل

لان اللى حضرتك بتقولة دة معناة انك هتغير full suspention system يعنى بتجيب شاسية السيراتو وماتور سيراتو على عفشة متغيرة تماما

طيب مانا ممكن اعمل اللى انت هتعملة فى اى عربية تانية وهتدينى نفس اللى هيطلع منها ان ماكنش احسن

خلاصة الكلام عشان ماطولش عليك , فكرة التعديل كويسة لكن غير مجدية

ال high cost بتاعتها عالية والماتور قوتة محدودة , فالفلوس مش هتكون مناسبة للاداء اللى هتستفيد بية فيها

ولينا تكملة ياباشا

[Land_Cruiser]

انا شايف ان موضوع الثبات ده مشكله مع اكتر من موديل و الحل المضمون أن كيا أو هيونداي تتفق مع شركه متخصصه عندها خبره في انظمه التعليق او التعديل تحل لها المشكله حل جذري لان تعديل العفشه ممكن يحل مشكله و يسبب مشاكل تانيه مثل ان العربيه توطي او ان العفشه تبقي ناشفه قوي و تتعب الضهر يعني مثلا تخيل لو شركه لوتس عملت لها نظام التعليق مثلا بس المشكله انها وصل سعرها اكتر 'ن 180 الف عادي فيا تري سعرها هيوصل كام بعد التعديل

[buddha]

يا سامح ممكن بردة يتعمل تعديل مش مكلف وهيكون مجدى
يعنى مثلا لو يايات اقوى او رياضية
ويتركب anti roll bar

[TheUnknown]

السلام عليكم

http://www.nilemotors.net

لاى عربيه دنجل خلفى بما فيهم :النترا الجديده ,سيراتو 2010و 2014 و فيلوستر و اكسنت الجديده و النيو ريو .و غيرهم .:
الاختبارات :
1- الثبات فى الملفات مع الفرامل .
2-و الثبات فى الطرق الغير ممهده .
3-و الثبات فى مطبات الهوا .
4- نشوفية العفشه
كلهم عفشتهم الخلفيه تورشن بيم .. و هى احد الاسباب فى التعويم . و سقطت فى الاختبار الاتى .:

الموضوع عن الثبات على السرعات العاليه .
و تكون فى ملف على سرعه عاليه (يعنى الطاره ملفوفه و مش عدله .
و تدوس فرامل
هل العربيه بتفضل زى ما هى و الا بتلعب من ورا بتعوم من ضهرها يعنى
بعد ما تعملو الاختبارات دى او ان كنتم مريتم بيها .يا ريت تذكر تجربتك .

يعنى متجيش تقولى العربيه على 100 ثابته جدا و الكلام دا لان اى عربيه على 100 ثابته جدا .و الناس اللى بتجرى كتير و قديمه فى السواقه و بتفهم فى العربيات و ثباتها فهمنى كويس جدا جدا

انا معايا عربيه كورى سيراتو .
و مش عيب ان العربيه تكون بتعوم .العيب اننا نكدب و نقول ثابته و اثبت من الالمانى و اليابنى و الشغل دا .و الموضوع دا شفته انا و اعضاء كتير فى الهيونداى و كيا خصوصا بسبب التصميم الغريب الجديد بتاع العفشه.
انا عامل الموضوع دا اصلا استطلاع راى .
عشان انا متاكد من المشكله و عارف اعراضها .و الحمد لله بعد 3 سنين كورى و بحث على النت و مناقشه مع مهندسين فى كل توكيلات الكورى و مع شركات تعديل عفشه مشهوره عالميا .
الحمد لله قدرت اتوصل لبعض المفاتيح لحل المشكله دى او تقليلها بنسبه كبير .
لا و كمان ممكن بعد شوية تعديلات تبقى احسن من اى عربيه يابانى انتجت لحد الان . و بشهاده ناس معاهم سيفيك ال sir و سيراتو كوبيه .بعد اكبر و اغلى تعديل فيهم .
سيفيك sirو سيراتو كوبيه الاتنين مسقطين عفشه اسبور . السفيك حاطط كونى و شغل عالى و مدلعها و هى اصلا معروفه انها ثابته جدا جدا جدا عن اى عربيه كورى .و الكلام دا انا متاكد منه .
المهم بعد العفشه الاسبور و مش هذكر اسمها .اتسقطت فى الكوبيه السيراتو بقت اثبت من السيفيك المتعدله بشهاده صاحبها .
بس مش دا بردو الحل بتاع التعويم مع الفرامل فى الملفات

http://www.nilemotors.net

بصو يا رجاله .
المشكله فى اكثر من نقطه :
1-كوتش العفشه و المقصات بتاع الهيونداى طرى جدا .لدرجه انه ممكن يحدث انهيار فى توزيع الوزن لما تكون ماشى سريع و فى ملف جامد و تضرب فرالم .
2- العفشه الخلفيه : تورشن بيم .و من غير لينك او ستابليزر . و دا بيسبب انها تلعب فى مفصلات الكبارى .
3- العفشه الخلفيه : setup سوسته لبرا و مساعدين لجوا .و دا اكبر غلط فى الدنيا . و دا بيسبب عدم ثبات فى مطبات الهوا و يخلى العربيه ناشفه .
4- المساعدين مشوارهم قصير جدا و كمان غاز و دا بردو بيخلى العربيه ناشفه جدا و مش ثابته بردو

كل الاسباب اللى فاتت بتخل التماسك بتاع العجل الخلفى اقل من الامامى و عشان كده بتعوم مع الفرامل فى الملف . لان ببساطه العربيه بتترفع من ورا و تماسك الكوتش بيقل جامد جدا و هنا تحل التعويم .

فى ناس هتقولى ما عفشه عربيات كتير تورشن بيم بس مبتعومش كده .هقولك بص كويس على الفرق بينهم و هتلاقى فرق بالتصميم و مش فرق بسيط .

دلوقتي انا معايا اوبل و سيراتو، اما اكون ماشي بسرعه بالسيراتو بهدي قبل المفاصل سعات عشان بيبقي فيها تنطيط كتير، في الاوبل بخوش عادي. مثلا الحته اللي علي الدائري المنيب بعد التوستراد اتجاه المعادي انا بيالسيراتو اخري 140 و بكون طاير نوعا ما اما بالاوبل بخوش 160 و عادي لسه فيها. كل ده غالبا بسبب الDamping Rate و ال Rear Design بتاع السوست.

http://www.nilemotors.net

المهم :"
الحل:
1-مقتبس من الاوبل استرا الجديده فى جزء .
عفشة الاوبل استرا واتس لينك .
بمعنى انها زى بتاعتنا تورشن بيم بس زايد عليها لينك .
اللينك دا وظيفته انه بيزود تماسك الكوتش بالارض . و بيخلى العربيه انعم و تشتغل كانها ملتى لينك .
يعنى من الاخر هنحول عشه الكورى من تورشن بيم الى واتس لينك


بالنسبه لwatt's link انت لازم تلحم الfixed points في الشاسيه بتوع العربيه ده غير ان في حتت في الجناب بيتثبتوا فيها


2-هنركب كوتش نضيف و ننقى نوع التماسك بتاعه فى الارض عالى . وممكن كمان نعرض الكوتش .و نكبر الجنوط(الحل دا اختيارى )

كوتش ماشي الجنط هتركب ايه اكبر من ١٧/١٨؟؟ كمان اعمل حسابك في الacceleration اللي هيضيع مع الجنط الكبير.

3- هنركب جلب عفشه ناشفه او بولي يوريسين . العربيه لحد كده ثباتها هيبقى ممتاز و احسن من الاول بكتير .بس الجلب دى هتنشف العربيه و هتقلل من نعومتها طبعا عن الاول .

هتمسك العفشه طبعا بس كلوا علي حساب الراحه

4- هنركب عفشه اسبور المساعدين بتوعها و خصوصا الخلفى مشوارهم اكبر .و دى موجوده فى نوع واحد فقط .يعنى مش اى عفشه اسبور موجوده .لا دى مواصفات خاصه .و معموله لتناسب تصميم العفشه الخلفى و اصلاح عيوبه .

العفشه هتزود الثبات طبعا بس الفكره العفشه هتنشف اكتر من الاول بكتير، ده غير انك ليك limit بيها اكتر من كده مش هينفع تعلي الثبات عن كده Maximum Stability from the suspension design غالبا العفشه هتكون اكبر حاجه، ممكن تحت Anti-roll bar خلفي


http://www.nilemotors.net

العربيه لو اتعمل فيها الحل رقم 2 و 4 بقت اثبت من السيفيك المتعدله ما شاء الله .
بس طبعا بقت انشف من الاول
لكن احنا ممكن نطبق الحل الاول مع التانى .العربيه مش هتنشف و هتثبت جامد
فى حاله تطبيق ال 4 حلول للاربع مشاكل .عاوز اقولك تمتع بالعربيه و هتبقى اعلى فى الثبات من العربيات الالمانى الفبريكه و تقارب او تكاد تساوى الالمانى المتعدل
و الله اعلم
انتظرو حل المشاكل دى بالصور فى موضوع على قسم كيا باذن الله
ارجوا الرد بامانه و بصراحه عشان كلنا نستفاد و نحل المشكله .
الاعتراف بالحق فضيله .
الموضوع دا حصرى . و باذن الله نقدر نعمل المستحيل .
بس المهم رجاءا محدش يدخل يشتم فى الكورى او يدافع عنه بعصبيه .
الموضوع للنقاش العلمى يا رجاله و مش عاوز خناقه .
احنا عوزين نوصل لحل لموضوع الثبات دا على خير و عشان كدا لازم نفتح قلبنا و نتكلم بصراحه .
العربيات الكورى ملهاش فى السرعات العاليه و الغرز القطم نهائى .و ان كان ربنا ستر مع واحد فيخلى باله بعد كده .
http://www.nilemotors.net
يا ريت اى حد عنده معلومه جديده يضيفها . و نستفاد بعلمه .

http://www.nilemotors.net
و الله العظيم يا رجاله الموضوع دا انا تعبت جامد جدا لحد ما توصلت للحقايق دى و بجد مش شويه مواقع تصفحتها بس لا كما بتجارب كتير و صرفت كتير لحد ما عرفت اوصل لبعض الحلول دى .



http://www.nilemotors.net

عايزك تحط حاجه في ضماغك ان Comfort and Handling don't get along

هتروح للثبات هتضيع راحه هتروح للراحه هتضيع ثبات القاعده دي علي كل العربيات.

دي الsuspension بتاعت الastra:


اما دي بتاعت السيراتو :

الصوره دي فيها الanti-roll bar اللي المفرود تركبوه.

في فرق في مكان المساعد هو مش مساعد انك تعدل عليه اوي .

[smsm_nabawy]

انا شايف أنه عمره ما حيتحسن بالطريقة الكويسة .. ألا بعد متعرف أساساً
ال SG بتاع العربية فين!!
و بالتالي بتدخل ببرامج زي ال Solid Works أو غيرها... من برامج الديزاين و تستخدم معادلات معينة... من كتاب معين ل design الشاسيه و هكذا.. علشان تبدأ تعرف حتحط لينكات توزيع الوزن فين بظبط.. و تشوف أيه الحاجات الي حتتعمل في العفشة... لظبط ال SG بتاع العربية... و لتسريع رد فعل و أستجابة العفشة للتغيرات المفجأة في ظروف القيادة سواء تحت سرعة عالية أو لا.... علشان تديلك الأداء الصح

و أنا بما أني مش من ملاك الكوري.. معرفش ال SG بتاع العربية فين... و لكنه زي موضحت يجي بكل سهولة بأستخدام برنامج Solid works!!!

بعد متحدده ساعتها تعرف.. ايه أحسن تعديل ممكن تعمله للعفشة!! :)

[smsm_nabawy]

و لكن ده لا يمنع أن في بعض الحاجات الي ممكن تتعمل من غير معرفة ال SG تزود معاك الثبات ... بس بردو... انت محتاج تعرف مركز ثقل العربية!!! و هل ال torsion بيحصل بسهولة ولا؟؟؟ و حاجات كتير..

علشان تعرف ألأجهادات الي بتحصل على العفشة.. و بالتالي تعرف تعمل التعديل الصح.. لكن في حاجات معينة بتبقى ألى حد ما ثابته في تعديل ثبات معظم العربيات!!