للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

[buddha]

دى حاجة بردة لتركيب ال ANTI ROLL BAR
اعتقد انها ممكنة جدا




بس طبعا ثبت البار فى الدنجل بتعديل


بس ممكن الاستغناء عن الحركة دى

افيز عادى

والجوينات المستخدمة موجودة


دة منظر الجوينت


الراجل فى السيت ال عمل الشغل دة كلفة وقت 50 دقيقة فقط

[gebreel]

طيب و الشدادات؟

[Ahmod]

طبعا موضوع ممتاز والحلول مافيش كلام انها لو اتطبقت هتحسن ثبات السيراتو بشكل كبير جدا !!!

لكن انت اهملت ال Cost benefit ratio !! ؟

هتدفع كام وهتاخد في المقابل ايه !! ؟ اه هتاخد في المقابل ثبات جامد جدا جدا !! لكن هل انت محتاجه ؟

اللى بيعدل العفشة وبيصرف عليها المصاريف دي لازم يكون مسقط مكنة قوية عشان يقدر يوصل للثبات المطلوب مقارنة بقوة الماتور

انا من وجهة نظري شايف ان السيراتو مش محتاجة اكتر من نوع كاوتش رياضي

قدامك اما ال Ecsta SPT او لو فيه ميزانية للادرينالين

وبكدة هتاخد ثبات مرضي جدا جدا ومناسب بالنسبة لقوة الماتور !!

انا عن نفسي الياريس غير ان تصميم العفشة Torsion beam برضوا !! لا دي كمان عالية عن الارض

بس بعد التجنيط وتركيب كاوتش محترم Ecsta جنط 16 مع عرض 195 قدام و205 ورا

الثبات اتحسن بنسبة كبيرة جدا جدا وحاليا بفكر في تركيب ال Stabilizer bar واعتقد كدة الثبات هيبقى مرضي جدا جدا بالنسبة ليا

[speed_magnum]

ايوه كده
هو ده الشغل العالي
بس يا ريت تجيب تجارب عمليه

[Dr'AhmZZong]

أنا شايف إن احسن حاجةهتـفيد في الموضوع ده : العفشة ال سوبرت ..

لازم العربية تكون تكاد تلمس الأرض يعني مش اكتر من 5 سنتي مثلا ..

و طبعا مفيش عربية هتستحمل الموضوع ده و خصوصا في مصر .. و هتصرف كتييييييير !

أنا عندي صني 2010 : العربية من ورا على دنجل بس مش ثابت كده لأ واخد معاه حاجة كده زي z link بس مش 100% لأ ! و معاه كده زي 2 link في كل ناحية على الجنب 90 degree على الدنجل معرفش فيدتهم ايه بصراحة ؟؟ ..

المساعد عندي جو السوستة و واخد ميلة كده على الدنجل حوالي 60 degree و ده مساعد كده في موضوع العومان ده ..

العربية عندي نشفة جدا من ورا لدرجة الرخامة هههههه بس الحق يتقال لما تيجي العربية يجيلها فرصة إنها تعوم بتكلبش في الأرض بتريقة غريبة !!!!

بس الدنجل عندي تقيل جدا و كمان مفيهوش حتة بلاستيك و كمان عريض حوالي 10 ل 15 سنتي مقستوش ..

اتمني إني اكون أفدت ..

تحياتي ..

[lanos2004]

الحل فى المساعد الخلفى ومكانه دة مزنوق ومش واخد راحته ومشوارة قصير على السوسته الخلفيه

[moha4tec]

watts link
فعلا تعديل ينفع على التورشن بيم
بس فية بار هيحتاج يتعملة شغل فى الشاسية السفلى على ما اعتقد عشان يتثبت علية

+11111111111111 معاك حق فى دى فعلا معدلين فى كفة السوسته و فى حته من الشاسيه



وكمان فى اماكن فى الدشمة بتاعة الطنبورة هتبقى ناقصة
لا دى مش محتاجه تعديل هى جاهزه و ليها حل

مش عارف كدة صعب اوى بس بالتوفيق لو ينفع ومتابع يا باشا معاك

ربنا يكرمك و مشكور على تعبك و منور الموضوع

[moha4tec]

برنس والله
موضوع أكثر من ممتاز وكلمة ممتاز كمان قليلة جدا عليه ومجهود جبار وبحث رائع وعرض سهل ولذيذ وأنا شخصيا بهرنى هذا الموضوع
بارك الله لك
انا للأسف الشديد مقدرش أتكلم أو أضيف معلومة لموضوعك هذا فالموضوع ده محتاج لخبرات كثيرة فى هذا المجال وأنا لم يحدث لى وقمت بتعديل عفشة سيارة من قبل
ولاكن لى وجهة نظر وهى فى أعتقادى ان جميع السيارات المنتجة من قبل المصانع والشركات المختلفة تمر بتجارب ليس بالقليلة حتى تصل بها إلى أفضل النتائج الممكنة
ولذلك موضوع التعديل أكيد بيكون على حساب أشياء أخرى لا أعلمها وإلا كانت نفذت من قبل الشركات المصنعة
فأرجو من حضرتك ان تصحح لى إن كنت مخطئ فى هذا الطرح
وعلى قدر سعادتى بهذا الموضوع وطريقة سرده
على قدر سعادتى بقسمنا هذا والذى أصبح من أنشط الأقسام فى هذه الأيام
من الواضح جدا ان الصقور رجعين لزمن الماضى الجميل
منتظرين وبالتوفيق يا صقور كيا الغاليين

+111111111111111111
كلامك مظبوط و فعلاف ى تجارب اتعملت و اتجربت على تعديل العفشه الخلفيه للسيراتو
و اخير تم التوصل ليها هى و الالنترا و الفلوستر

[eng.m7md.ali]

يااخونا طيب ماهو في عربيات مع تسقيط عفشات سبور ليها بتغير من ثباتها نهائي وفي عربيات تانية الفرق مبيبقاش وهمي

انا برجح ان تصميم البودي كمان عليه عامل كبير وده مساعد السيراتو والالنترا جداً

من رأيي كفاية عفشة سبور " مساعدين وسوست " وكاوتش كويس وجتوط مقاس كبير + طقم بارات " ultra racing "

كدة التكلفة مش هتبقى كبيرة اوي يعني في حدود ...

7000 عفشة " مساعدين d2 و سوست " .. 7000 كاوتش وجنوط نوع كويس مش عالي اوي .. 3000 الطقم الكامل بتاع البارات

[Hmatchy]

موضوع جميل وجهود تشكر عليه
انا مش عايز احبطك بس المصاريف دى حرام تصرفها فى سيراتو او النترا انا اسف
لسببين اولهم ان مش العفشة بس اللى عليها عامل الثبات ولكن تصميم جسم العربية زات نفسوا عليه عامل كبير بانو اما يرفع الهوا من فوق العربية او يسحبو تحتها ولو قولنا العلاج باننا نوطى العربية هو حل للمشكلة الثبات لو هتستخدم العربية على الدائرى وطرق السفر بس لكن متفكرش تدخل بيها جوا اى مدينة
احنا لو حسبناها
120 الف جنيه تمن العربية+ فى حدود 30 الف جنيه كل التعديلات ( من غير تسقيط متور محترم) = 150 الف جنيه
اروح اجيب بى ام 98 مثلا و اعدلها ام 3 بالكامل ومتور جامد مفتكرش انها هتعدى المبلغ ده وهيبقى اسكى راكب بى ام واى مليليم هحطو فيها هيرجعلى
لكن لو صرفت مهما سرفت على السيراتو او الالنترا لما تيجى تبيع هتبيع بنفس تمن الاستوك لان معروف انها عربيات عائليه
لكن لو بتتكلم من الناحية العلمية البحتة اظن حلين او 3 من اللى ذكرتهم هيدوك ثبات هايل

[3mr Farrag]

بص يا باشا
اولا لازم كل واحد يكون عارف مقدرته في الصرف علي عربيته قد ايه

ثانيا يعمل حسابه انه مثلا صرف جنيه عليها دلوقتي في التعديل انه هيصرف علي اقل نصهم في فتره مش طويله لان الحاجات ديه سهل جدا انها تتعب بسرعه في شوارع مصر

لازم تعمل حسابك علي خساير ممكن تحصل بسبب نشفيه العفشه من تغير مساعدين و سوست و كاتش بروفايل قليل ان ممكن الشاسيه يشرخ منك
وده مش لازم بسبب عيب عربيتك...ده بسبب ان الشوارع تقرف
بره لما عملوا الكيت السبور مش عاملنها علشان مصر...و مايعرفوش يعني ايه شوارع بالمنظر بتاعنا...مهما انت هتاخد حرصك في السواقه و السرعه في المناطق المكسره برضوا ممكن تشرخ بعد فتره

انا بحب اكون عملي الصراحه
انا مش هصرف كل المبالغ ديه علي عربيه و مش هكون معدل فيها باقي التعديلات من موتور و ساوند و كل التفاصيل...وفي الاخر هتبقي عربيه احتياطي مش للبهدله

انا دلوقتي اللي بحاول اعمله في عربيتي بطريقه عمليه
مساعدين انشف شويه غاز علي زيت و سوست سبور و كاوتش بروفايه اقل و ممكن كيت امامي علشان يقلل دخول الهواء و يوزع الاحتكاك بيه...مع سترت بار...بس واحده واحده علشان التكلفه

و من الاخطاء الشائعه الناس بتعملها تقليل بروفايل الكاوتش 45 و 40 و 35 علي عفشه مش ناشفه...الفكره مش موضوع انهم هيبوظوا المساعدين بسرعه بس
الفكره انت اصلا لو مش حاسب درجه نشفيه العفشه مع رفع الكاوتش انت كده بتقلل الثبات فعليا مش بتزوده

بمعني دلوقتي تخيل واحد مركب جنط مثلا 17 علي40 و مساعدين عاديه و سوست عاديه مش ناشفه ... و تخيل كده و هي ماشيه علي طريق سريع و راحت واخده مطب هوا و نزلت تاني....هتلاقي ان الكاوتش مامتصش الصدمه كلها و كملها علي المساعد و المساعد اصلا مش ناشف راح اهتز اكثر من انها راكب كاوتش بروفايل 55 بدل من 40 .... لازم المفاهيم ديه تتغير
ممكن متحسش في الطوالي و الطريق النضيف...بس في المطبات الهوا لازم يكون فيه فرق
مش روشنه و خلاص ...انا عايز اركب بروفايل رفيع بس مش صح

وزن العربيه هيفرق معاك في الثبات
ايروديناميك العربيه في توزيع الهواء هيفرق
توزيع وزن العربيه هيفرق

افضل حاجه اللي انا شايفه واللي ناوي اعمله اني اصرف في حاجه متبهدلنيش في فتحه مصاريف تانيه و اكون قادر عليها و في نفس الوقت ما بهدلش الشاسيه

حاول تتجه اوفر ليك و افضل للعربيه بعد العفشه في الحاجات اللي بتفرق في الثبات بس بطريقه صحيحه...سترت بارز...كيت للعربيه كامل فيبر مظبوط لتوزيع الهوا ...شوف الفرامل قدرتها علي التماسك مظبوط اللي ورا مع اللي قدام

و معلش طولت عليكوا

[Nashaat Rady]

موضوع ممتاز...
انا طبعاً حاسس بلعب العربية من وره في أي مطب صغير من اول دقيقة سواقة..

بس ما تقوليش خد ملفات علي ١٤٠ و قيس ثبات العربية. انا قلتها قبل كده و حقولها تاني.

نا عارف ان في ناس كتير بتجري بالعربيات الصغيرة ده سواء كانت كوري او ياباني او حتي ألماني.

بقوانين الديناميكا او حتي قوانين الطبيعة، السيارات ده غير مؤهلة تماماً للسرعات ده لان وزنها خفيف، إطاراتها صغيرة، عرضها صغير، ارتفاعها عن الأرض عالي نسبياً و محركاتها قوية نسبياً و طبعاً أخيرا و ليس آخراً شوارع أم الدنيا اللي اتعملت من عَقَب التاريخ و حفرها اللي منفعة العفشجية.

من كده تقدر تعرف ان احتمالية تعويم العربية وفقدان السيطرة عليها لقدر الله تتعدي ال ٩٠٪ في مثل السرعات العالية

مصنعين السيارات، يصنعلك محركات علي سيارات تخليها توصل ل ٢٤٠ كم/ساعة و يقولك السرعة القصوي اللي ننصح بها ١٤٠.
يبقي الناس فاهمة هي بتقول ايه، لكن لو عملك محرك آخره ١٤٠. حاتروح تشتري ١٢٨ معدل أوفر.

ربنا يسترها عليك و علينا جميعاً

مين معايا في الآي كلام اللي انا بقولوا ده؟؟؟!!

[Nashaat Rady]

مع احترامي و إعجابي بصاحب الموضوع و معلوماته الدقيقة، الا ان الميزانية المطلوبة للتعديلات ده تخليني أبيع العربية و اشتري ألماني علي طول....
اللي بيشتري الكوري و بعض الياباني اللي في نفس الفئة ده لازم يتوقع انه مش بيشتري مرسيدس ولا بي أم ولا حتي ڤولكس...

العربيات ده بتحاول توفقلك بين الراحة و الرفاهية والقوة بسعر منافس.... يبقي انت عارف كده وانت بتشتري و تتعامل مع العربية علي قد إمكانيتها..
كلام محبط، بس هو ده الواقع.

انا بشتغل مع خواجات كتير سواءً في مصر او خارجها و الكوري بنسبالهم عيبه انه خفيف و غير ثابت و ما بيعمرش ٣ او ٤ سنين.

طبعاً احنا شعب علي قد حاله و بن ركب الصيني كمان و عايزين دائماً نحقق المعادلة الصعبة، الا و هي افضل أداء و افضل خدمة بأقل سعر و يا حبذا لو ببلاش.. يعني تتفرج علي المسلسل بليل و تقفل الامتحان الصبح...:):)

تحياتي لأحلي ناس و اجمد منتدي

[Evo]

رأي إن مشكلة ال Torsion beam تتلخص في ال body roll بمعنى مع الانحناءات الصعبه الجزء الخلفي بيتحرك كتابع للعجل الامامي بالإضافه لو مكنش السواق عارف أو متوقع رد فعل عربيته ومتوقع ال Over steer العربية هتلف منه ولو فيه مطب هوا على عجلة واحدة مش الاتنين ممكن يفقد السيطره تماما

للاسف تغير العفشة برياضيه هتزود المشكله و معاها تغير الجلب كلها بتزود المشكلة مش بتحلها لانك منعت الليونه اللي ممكن تخفف من ال Oversteer شوية
تزويد عرض الكاوتش حل مؤقت

الحل في رأي ال ملتي لينك أو يكون فيه ESP وإن كان مسكن مش حل جذري

[AhmedNaeem]

لو ماشي في طريق محترم ناعم ومفيش مطبات هواء ولامفصلات كباري هتلاقي اداء العربية مرضي جدا
اعتقد ان طقم الدعامات هيؤدي الغرض في تثبيت الجنبين يمين وشمال قدام وورا وهو ده المطلوب