كل ما يخص مازدا 323 موديل 82 (اعطال.قطع غيار.كماليات)

[thedeveloper87]

أنا شخصياً بأتعامل مع نصار إللي في حلوان _ ممتاز وعنده ضمير

جزاك الله خيرا ياباشا
ماقلتلناش ، كراسي الدايو عاملة معاك ايه؟
ولما ركبتها ـ ركبتها بالمجرى بتاعها؟

[aturkia1]

السلام عليكم ورحمة الله وبركاته

انا ياجماعة عاوز مشورتكم بالنسبة لافضل الانواع والاسعار ومكان الشراء والتركيب للاتى:

زوجين مساعدين خلفيين
زوجين كبالن

وعندى شحن زيادة على البطارية وعلامته ان مية البطارية بتفور اثناء الشحن من الدينامو فهل يكفى ضبط الكتاوت ام يلزم تغييره بجديد؟ وفى حالة الضبط حد يعرف بيتعمل ازاى علما بانى قمت بفكه من العربية وبفتحة لمحاولة الضبط ولم اعرف
وفى حالة لزوم تغيير الكتاوت فما هو النوع الموصى به وسعره ان امكن

وشكرا لكل من سيرد

[aturkia1]

معلش فيه حاجة كمان وهى كابلات البوجيهات ياريت انواعهم واسعارهم ومنين؟؟؟؟

[thedeveloper87]

مساعدين خلفي ب 550
كبالن ب 400 تقريبا

وبالنسبة لأماكن الشراء شوف الصفحات اللي فاتت من هذا الموضوع.

[manousha]

السلام عليكم
مش هطول عليكم انا اشتريت اول امبارح مازدا323 موديل 81 فيها سنتر وتكييف شغال وكاسيت ودواخل فابريقه ورشة برة بس ورش نضيف جد الحمد لله عيبها الوحيد انها موتورها يقال انه خفيف شوية
المهم مش دى المشكلة .. المشكلة انى لما دخلت امون فى نفس اليوم فى بنزينة فقلت للولد اللى واقف ورينى ابقى اكشف على الزيت والميا ازاى فكشفلى على الزيت وبمنتهى النباهة زود ميا والعربية مبطلة وسخنة فبعد طلوعى من البنزينة بربع ساعه وقفت العربية خالص وشرئت وركنتها على كدة.. فى ناس بتقول عايزة جوان وش سلندر وناس بتقولى عايزة عمرة وناس بتقول نص عمرة .. اولا عايزة اعرف انا اشترتها ب18500 السعر كدة كويس والا اتخميت؟؟؟
ثانيا على اللى انا حكيته دة العربية كدة عايزة ايه بالظبط وهتتكلف كام عشان انا كدة اتخنقت منها بجد دى اول حاجة اركبها واسفة على الاطالة

[tifa1977]

حبيبى كان عندى نفس مشكلتك و الحل كان فى تغيير جلبة ب 12 جنيه فى المقص الخلفى يمين
أنصحك إكشف على الجلب

[aturkia1]

السلام عليكم
مش هطول عليكم انا اشتريت اول امبارح مازدا323 موديل 81 فيها سنتر وتكييف شغال وكاسيت ودواخل فابريقه ورشة برة بس ورش نضيف جد الحمد لله عيبها الوحيد انها موتورها يقال انه خفيف شوية
المهم مش دى المشكلة .. المشكلة انى لما دخلت امون فى نفس اليوم فى بنزينة فقلت للولد اللى واقف ورينى ابقى اكشف على الزيت والميا ازاى فكشفلى على الزيت وبمنتهى النباهة زود ميا والعربية مبطلة وسخنة فبعد طلوعى من البنزينة بربع ساعه وقفت العربية خالص وشرئت وركنتها على كدة.. فى ناس بتقول عايزة جوان وش سلندر وناس بتقولى عايزة عمرة وناس بتقول نص عمرة .. اولا عايزة اعرف انا اشترتها ب18500 السعر كدة كويس والا اتخميت؟؟؟
ثانيا على اللى انا حكيته دة العربية كدة عايزة ايه بالظبط وهتتكلف كام عشان انا كدة اتخنقت منها بجد دى اول حاجة اركبها واسفة على الاطالة

هوه موضوع وقوف العربية ده ممكن يكون له اكتر من سبب وما اعتقدش انه يكون بسبب تزويد المية بس السؤال هوه ليه زود مية يعنى ممكن يكون فيه تسريب فى دائرة التبريد فبعد مازود مية المية نزلت تانى والعربية سخنت منك فلازم حد يبصلك على العربية لان فيه اسباب تانية قد تكون:
1- العربية خلصت بنزين
2-البطارية ضعيفة
3-مشكلة فى المارش (شربون مثلا)
4- مشكلة فى كهرباء الاسبراتير(ضبط - ابلاتين- كوندنسر)

بالنسبة للناس اللى قالولك محتاجة نص عمرة او جوان وش سلندر اعتقد انك هاتحتاجى النص عمرة وهى تشمل جوان وش السلندر وذلك لانك بتقولى ان الموتور خفيف

بالنسبة للسعر فهو سعر معقول لو حضرتك اشتريتى العربية السيدان اما لو اشتريتى الهاتش باك يكون غالى شوية

[manousha]

السلام عليكم
ميرسى اوى يا aturkia على اهتمامك وردك
عايزة اقولك ان العربية كانت كويسة وماشية كويس والولد زودلى ميا بس عشان انا قلتله ورينى احط ميا ازاى؟؟راح حاطط ميا وهى مبطلة والمفروض كان يدور الاول دة اللى اتقالى.انا بس كنت عايزة اعرف لو نص عمرة زى مابيقولو هتتكلف كام لان انا مش فاهمة ولو الميكانيكى حس كدة هيتضحك عليا اكتر
والعربية سيدان مش هاتشباك سعرها كدة حلو؟

[thedeveloper87]

السلام عليكم
ميرسى اوى يا aturkia على اهتمامك وردك
عايزة اقولك ان العربية كانت كويسة وماشية كويس والولد زودلى ميا بس عشان انا قلتله ورينى احط ميا ازاى؟؟راح حاطط ميا وهى مبطلة والمفروض كان يدور الاول دة اللى اتقالى.انا بس كنت عايزة اعرف لو نص عمرة زى مابيقولو هتتكلف كام لان انا مش فاهمة ولو الميكانيكى حس كدة هيتضحك عليا اكتر
والعربية سيدان مش هاتشباك سعرها كدة حلو؟

سعرها حلو إن شاء الله
أنا اشتريت مازدا 323 موديل 1982 من 5 شهور ب 23 ألف
وصارف عليها أكتر من 4 ألاف لحد دلوقتي.

حضرتك اوصفلنا بالظبط ايه اللي بيحصل لما بتدوري العربية؟

حاجة كمان العربية بتسخن منك جامد؟
يعني بتوصل لل c؟

[thedeveloper87]

عشان انا كدة اتخنقت منها بجد دى اول حاجة اركبها واسفة على الاطالة

طبيعي لأنها عربية مستعملة لازم يحصل كذا حاجة في الأول.
بس بسيطة إن شاء الله.

أنا في أول يوم لم اشتريت العربية.

البطارية باظت ورحت للكهربائي علشان يشوفلي العيب. الواد اللي شغال هناك وهو بيفك المارش راح قاطع خرطوم البنزين وحرك ماسورة مياه من مكانها (يعني بوظلي دورة المياه والبنزين يومها) والعربية سخنت و .....

[manousha]

لا حول ولا قوة الا بالله معلش يا thedevelper قدر الله وما شاء فعل
الواحد بيزعل ان دى اول حاجة ليه واول فرحة وتيجى تبوظ فى البداية كدة بس قل لن يصيبنا الا ماكتب الله لنا والحمد لله على اى حال
بالنسبة لسعر العربية انا سامعه ان الاسعار نزلت فكنت خايفة اكون كدة انا جيباها غالية وبالنسبة لحرارة العربية هى فعلا كانت سخنت منى جامد عشان كدة الولد لما زود الميا كان المفروض يستنى تهدى او يدور قبل مايحط ميا خالص. واللى حصل انها شرئت ووقفت وزقناها عشان تدور تانى ولما رجعنا البيت لاقينا الموتور غرقان زيت والزيت اللى فيها كله فضى خالص.
وطبعا اى عربية مستعملة لازم يتصرف عليها بس انا كنت عايزة اعرف هصرف كام عشان انا حطيت كل اللى معايا اساسا.

[thedeveloper87]

طالما العربية بتسخن جامد والموتور مافيهوش زيت.
ماتتحركيش بالعربية لحد ماتجيبي ميكانيكي يبصلك على العربية.

[thedeveloper87]

لو حضرتك من القاهرة
فيه ميكانيكي كويس جدا اسمه نبيل مازدا ونمرته
0129278896

[manousha]

اكيد هجيب ميكانيكى يبص عليها وبجد انا مش عارفه اشكرك ازاى والله جزاك الله خير. ادعيلى بس ماتكونش فيها حاجة جامدة
ومتشكرة على رقم الميكانيكى دة لو احتاجته هكلمه ان شاء الله

[thedeveloper87]

جزانا وإياكم
إن شاء الله بسيطة

قولي لعم نبيل لو مش هيجي بنفسه يجيب كرم أو محمد عواد بسسس.. غير كده لألألأ
مايجيبش حد تاني.