إعـــــــلان

Collapse

.

,
See more
See less

كل ما يخص مازدا 323 موديل 82 (اعطال.قطع غيار.كماليات)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • #76
    معلش استفسار بس.
    هو طبيعي لما العربية تطلع مطلع السرعة تقل وأنا دايس نفس المشوار بتاع دواسة البنزين؟
    و لو معايا ناس عزم الموتور يقل. ده طبيعي؟
    [CENTER][SIGPIC][/SIGPIC]
    [/CENTER]

    [CENTER] محمود ريان[/CENTER]

    Comment


    • #77
      المشاركة الأصلية كتبت بواسطة thedeveloper87 مشاهدة المشاركة
      معلش استفسار بس.
      هو طبيعي لما العربية تطلع مطلع السرعة تقل وأنا دايس نفس المشوار بتاع دواسة البنزين؟
      و لو معايا ناس عزم الموتور يقل. ده طبيعي؟
      اكيد طبعاً
      وحسب شده المطلع وحالة الموتور وحمل السيارة
      محمد عبد الرحمن
      ....المحامى.....

      Comment


      • #78
        [QUOTE=uhlphp;3872004271]السلام عليكم يا شباب وكل عام وانتم بخير

        انا مشكلتى ان العربية بعد متعدى سرعة 80 احيانا وعلى حسب جودة الطريق القى العربية بتميل شمال ويمين من الخلف جامد يعنى مش بتننط لفوق وتحت زى فى حالة المساعد الخفيف لا ده شمال ويمين ومتروحش القى اذا هديت السرعة .

        ولو فى العربية اربع افراد او وزن تقيل لاى شى العربية تبقى ثابتة جداً حتى لو عديت ال 100 رصصت العجل كله وعدت على تربيط العفشة والكاوتش كويس ومرة واحد بتاع زوايا القى ان جلب المقصات الخلفية عاوزة تتغير بس انا لا يوجد اى خبط عندى فى المطبات ولذلك مش متاكد .

        ولذلك مش عارف هل المشكلة من الجلب ام المساعدين ام السوست ارجو اذا كان حد لاحظ الموضوع ده معاه يقولى عمل اية .
        واشكركم[/QUOT

        السلام عليكم
        بص يا باشا
        المشكلة دي كانت عندي بنفس الوصف والكلام دة كان أول أمس كان إيه بقى ..؟
        كان أحد جلب المقصات الخلفية مهرية غيرتها العربية ظبطت تمام والحمد لله .
        فجرب إكشف على جلب المقصات الخلفية والأمامية بالمرة ..
        Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

        Comment


        • #79
          المشاركة الأصلية كتبت بواسطة agwaa مشاهدة المشاركة
          أكيد المشكلة بعيدة عن المساعدين والسوست لأني لسة مركب أربع مساعدين لإستيراد وأكدت على تربيطاتهم أمس وبالرغم من كدة ظهرت عندي نفس المشكلة تقريباً ...
          إللي بيحصل أني عند سرعة 90 ألقي العربية تترج جامد ( محدش يقوللي ترصيص ) لأني براجع على الزوايا والترصيص بشكل دوري وغير عادي
          تخيلوا السبب كان إيه ....؟
          كانت فردة الكاوتش الخلفية مريحة وكمان في نهاية عمرها يعني كانت بتفرفر ..
          المهم وأنا مروح من الشغل في نفس اليوم لقيتها فجأة نامت ولما وقفت العربية ونزلت أشوفها لقيتها متفرتكة والسلك خارج منها غيرتها والرجرجة راحت والحمد لله .
          Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

          Comment


          • #80
            المشاركة الأصلية كتبت بواسطة moatazbunny مشاهدة المشاركة
            أنا النهاردة روحت غيرت زيت وفلتر
            غيرت موبيل الرمادي ب 103 جنيه وفلتر كوري ب 35 المهم لحد هنا كويس بس الراجل اللي كان بيغيرلي الزيت عرف إني هغسيل الردياتر في المحطة فـقال لي بدل ما يملولك الرديائر أرْبع أزايز من بتاعتهم وياخدو منك 80 جنيه روح هات جركن من المحطة ب 35 جنيه اوفرلك وهيوفر معاك ... قلت في نفسي هو الراجل لما قال لي اغسل الردياتر قال لي بعشرين جنيه بس مقاليش على المية دي ... آه فهمت ده قصده من غير المية
            المهم رحت اشتريت الجركن بتاع المحطة الراجل قال لي عايز موبيل ولا المصري قلتله موبيل
            المهم خاتوه وروحت اغسل الردياتر الراجل قال لي إنت من اللي قال لك تجيب ده قلتله أخويا بيجيبوا وقال لي عليه حلو الراجل قال لي بس دي مية زارقة مش هتنفع وكمان مش بتتخفف إنما أنا اللي عندي بتتخفف ... طب يا سيدي اللي عندك بكام قال لي العلبة بعشرين
            قلتله وأنا هاحتاج كام علبة قال لي اربعة
            قلتله لأ ... حست إن في إنَّ فل الموضوع .. واخوكم جديد في الموضوع ده أصلا
            قلتله لأ حُط اللي معايا ده قال لي يا بيه ماينفعش دي مية مش مركزة وإنت كده هتحتاج تجيب جركن تاني لإن العربية هتاخد 8 لتر وإنت جايب 4 لتر بس
            قلتله فاضيه وخلاص وزود مية أنا كده كده كنت حاحطلها مية عادية
            قلتله خلاص حُط مية عادية وبلاها مية بفلوس خالص وخت الجركن ومشيت وهوا قعد يحلفلي إنه والله مش بيضحك عليه ...

            اللي عايز بس اعرفه هو الدورة دي بتنفع في حاجة أصلي لقيته شال المية الاديمة وحط غيرها وبس كده معملش حاجة تانية ... و أنا كده إضحك عليا ولا اييه على فكرة اديته 20 جنيه في الموضوع ده
            بس محبتش انهم يستغلوني
            الكلام ده في بنزينة موبيل اللي قبل الطلبية اللي في الهرم
            أنا بأعتذر بالأصالة عن نفسي وبالنيابة عن باقي الزملاء عن التأخير في الرد على حضرتك ..
            أنا عن نفسي كانت ضغوط عمل .
            المهم نصيحة لسيادتك ولكل الأخوة الزملاء ......
            الرادياتير لا تضع فيه غير ماء حنفية فقط لا غير ....!!!
            لا ماية زرقاء ولا غيره كله إشتغالات و ضحك على الدقون _ إهدار فلوس ومجهود ووقت وكله على الفاضي .
            Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

            Comment


            • #81
              المشاركة الأصلية كتبت بواسطة mohamed777 مشاهدة المشاركة
              والله ياباشا انا مش عارف اقولك اية او افيدك ازاى فى الموضوع ده لانى عمرى ماحطيت ماية خضرا ولا زرقا فى العربية وعمرى ما غسلت او سلكت الردياتير ودايماً بحط ماية الحنفية
              الماية الخضراء :
              الفائدة الوحيدة منها معرفة مكان التسريب في دورة المياه إن وجدت
              الماية الزرقاء :
              يقال إنها بتبرد مياه الرادياتير ( إلظاهر إنها فريون وإحنا موش واخدين بالنا )
              يا جماعة عربياتنا قديمه وموش محتاجة الدلع دة .. دا الدلع بيتعبها
              ولا هي يعني كتر فلوس وموش عارفين نوديها فيييييييييييييييييييييين ..
              Last edited by agwaa; 04-10-2009, 11:45 AM. سبب آخر: تعديل في الخط
              Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

              Comment


              • #82
                المشاركة الأصلية كتبت بواسطة thedeveloper87 مشاهدة المشاركة
                كنت عايز أستفسر عن قطع غيار عمرة موتور المازدا بكام ومنين؟
                (بس يا ريت أسعار القطع الأصلية أو النظيفة)
                أولاً : آسف على التأخير في الرد
                ثانياً : أنا عملت طقم شنبر و كانت أسعار القطع التي غيرتها كالتالي :-
                طقم شنبر ياباني.............= 110
                طقم جوانات كامل..........= 110
                إسطونة دبرياج فاليو كوري..= 85
                بلية دبرياج ياباني...........= 70
                أما عن أماكن بيع هذه القطع :

                نصار_ مدينة الحرفيين بحلوان
                السرساوي _ 95 شارع الدقي
                فؤاد _ التوفيقية
                سرور _ التوفيقية ( أسعاره أغلى من أي حد تاني )
                Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                Comment


                • #83
                  المشاركة الأصلية كتبت بواسطة thedeveloper87 مشاهدة المشاركة
                  المفروض أنا هعمل شنبر بس.
                  بس تحسبا لو لقيت حاجة غير الشنبر يعني علشان أكون عامل حسابي.
                  الحاجة التانية هو لازم أغير طقم الدبرياج مع العمرة؟ ولو هغيره أجيبه منين (بس حاجة نظيفة ، مش مهم الثمن) وألف شكر ليك يا محمد باشا
                  طقم الدبرياج طالما إنت فاكك الموتور خلي الميكانيكي يكشف عليه ( الديسك - الإسطوانة - بلية الدبرياج ) وأي شك في أي حاجة منهم غيرها على طول وهات الجديد طبعاً ( لأن فيه ناس بتملاهم ودة خطأ كبير لأنهم بيتلفوا تاني وبالتالي بيغرموا مصنعية فك وتركيب مرة تانية )
                  Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                  Comment


                  • #84
                    المشاركة الأصلية كتبت بواسطة agwaa مشاهدة المشاركة
                    أولاً : آسف على التأخير في الرد
                    ثانياً : أنا عملت طقم شنبر و كانت أسعار القطع التي غيرتها كالتالي :-
                    طقم شنبر ياباني.............= 110
                    طقم جوانات كامل..........= 110
                    إسطونة دبرياج فاليو كوري..= 85
                    بلية دبرياج ياباني...........= 70
                    أما عن أماكن بيع هذه القطع :

                    نصار_ مدينة الحرفيين بحلوان
                    السرساوي _ 95 شارع الدقي
                    فؤاد _ التوفيقية
                    سرور _ التوفيقية ( أسعاره أغلى من أي حد تاني )
                    ألف شكر على حضرتك يا باشمهندس
                    معلش سؤال كده: هو حضرتك عامل طقم الشنبر بقالك قد ايه؟
                    والموتور حالته بقت أحسن معاك؟
                    أصل واحد صاحبي قال لي أحسن لك ماتعملش طقم الشنبر دلوقتي واعمل عمرة كاملة بعدين.
                    بيقوللي أصل لو انت عملت طقم الشنبر دلوقتي مش هتقعد ومعاك وهتحتاج تعمل عمرة برضه.
                    [CENTER][SIGPIC][/SIGPIC]
                    [/CENTER]

                    [CENTER] محمود ريان[/CENTER]

                    Comment


                    • #85
                      المشاركة الأصلية كتبت بواسطة agwaa مشاهدة المشاركة
                      [/quot

                      السلام عليكم
                      بص يا باشا
                      المشكلة دي كانت عندي بنفس الوصف والكلام دة كان أول أمس كان إيه بقى ..؟
                      كان أحد جلب المقصات الخلفية مهرية غيرتها العربية ظبطت تمام والحمد لله .
                      فجرب إكشف على جلب المقصات الخلفية والأمامية بالمرة ..
                      انا متشكر لرد حضرتك وانا فعلاً لقيت الجلب بايظة خالص والعفشجى نصح بشراء مقصات جديدة والبعد عن كبس جلب للمقصات القديمة فغيرت المقصات الخلفية والعربية اتظبت جداً
                      متشكر لحضرتك

                      Comment


                      • #86
                        جبت المقصات بكام ياباشا؟ وياباني ولا تايواني؟
                        [CENTER][SIGPIC][/SIGPIC]
                        [/CENTER]

                        [CENTER] محمود ريان[/CENTER]

                        Comment


                        • #87
                          المشاركة الأصلية كتبت بواسطة uhlphp مشاهدة المشاركة
                          انا متشكر لرد حضرتك وانا فعلاً لقيت الجلب بايظة خالص والعفشجى نصح بشراء مقصات جديدة والبعد عن كبس جلب للمقصات القديمة فغيرت المقصات الخلفية والعربية اتظبت جداً
                          متشكر لحضرتك
                          انا برضة لسة مغير جلب مقصات امامى مش خلفى
                          ماغيرتش المقصات كلها
                          العفشجى ماقالش هتفرق فى اية الحتة دى؟
                          محمد عبد الرحمن
                          ....المحامى.....

                          Comment


                          • #88
                            المشاركة الأصلية كتبت بواسطة thedeveloper87 مشاهدة المشاركة
                            ألف شكر على حضرتك يا باشمهندس
                            معلش سؤال كده: هو حضرتك عامل طقم الشنبر بقالك قد ايه؟
                            والموتور حالته بقت أحسن معاك؟
                            أصل واحد صاحبي قال لي أحسن لك ماتعملش طقم الشنبر دلوقتي واعمل عمرة كاملة بعدين.
                            بيقوللي أصل لو انت عملت طقم الشنبر دلوقتي مش هتقعد ومعاك وهتحتاج تعمل عمرة برضه.
                            أولاً : لا داعي للشكر فليس هناك شكر بين الأخوة
                            ثانياً : طقم الشنبر عملته في شهر 6 الماضي ( لينت العربية في 26/6 )
                            وطبعاً عملت طقم الشنبر بعد ما فتحت الموتور كله ولو كان محتاج عمرة كاملة كنت عملتها لكن بصراحة كل إللي كان معايا 1000 جنيه والحمد لله ربنا ستر وجت على قد طقم الشنبر بس لو كانت فتحت بقها كنت هتصرف طبعاً
                            كلفت 400 جنيه قطع غيار ( شاملة إسطوانة الدبرياج وبلية الدبرياج ) والميكانيكي كان عاوز 400 جنيه ووصلناها 350 بالعافية ( بصراحة الراجل تعب في الموتور وتنظيفه جداً ) .
                            عموماً لو ناوي تفتح الموتور لازم تكون جاهز ب 2000 جنيه أو على الأقل يكون معاك 1000 جنيه وتعرف تتصرف في الباقي .
                            Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                            Comment


                            • #89
                              المشاركة الأصلية كتبت بواسطة uhlphp مشاهدة المشاركة
                              انا متشكر لرد حضرتك وانا فعلاً لقيت الجلب بايظة خالص والعفشجى نصح بشراء مقصات جديدة والبعد عن كبس جلب للمقصات القديمة فغيرت المقصات الخلفية والعربية اتظبت جداً
                              متشكر لحضرتك
                              مبروك يا باشا بس ليه إضطريت تسمع كلام العفشجي وتغير المقصات كلها
                              Eng.Ahmed Yousef[FONT="Franklin Gothic Medium"][SIZE="6"][/SIZE][/FONT]

                              Comment


                              • #90
                                يا جماعه انا عندي مازدا 323 هاتش باك موديل 81 انا ملاحظ ان مفيش حد بيتكلم عن الموديل دة خااااالص هوه الموديل انقرض ولا وحش ولا ايه

                                Comment

                                Working...
                                X