كل ما يخص مازدا 323 موديل 82 (اعطال.قطع غيار.كماليات)

[mohamed777]

(أصل للأسف الشديد طلع موتوري عايز عمرة كاملة ، الحمدلله)
طب وبعد العمرة حسيت بفرق ولا لأ؟
أصل فيه ناس كتير بيقولوا إن العمرة مابترجعش العربية زي الأول!

الحمد لله وبفضلة حسيت بفرق بس مش كبير
الفرق كان طبعاً فى لون العادم اصبح شفاف والسحب والعزم اصبح افضل
ولكن فى حاجات مهمه لسة ماعملتهاش زى الكاتينة الجنزير والديسك
واعتقد انهم هيفقوا معايا لانة قدام جداً

وكمان إبن خالى قالى هتحس بفرق السماء والارض فى السحب لما تغير الديسك والاسطوانة مع بعضهم مرة واحده
هو جربهم بس كانت فيات تمبرا
بس المهم تكون قطع الغيار اصلية

[mohamed777]

وقبل ما تدخل فى العمرة فى حاجات مهمه جداً هقولك عليها تأخد بالك منها وتكون عامل حسابك عليها قبل ما تفك الموتور

[thedeveloper87]

أنا خلاص فكيته

[thedeveloper87]

أرجو أن تفيدني بسرعة علشان خلاص الميكانيكي هيشتغل النهاردة فيه إن شاء الله

[yasserzezo]

يا جماعه موضوع الاسبراتير الالكتروني حد يرد عليا

[mohamed777]

أرجو أن تفيدني بسرعة علشان خلاص الميكانيكي هيشتغل النهاردة فيه إن شاء الله

طيب اية الاخبار الميكانيكى قالك هتحتاج اية بالظبط؟

[thedeveloper87]

لحد دلوقتي هو عايز الآتي:
1. طقم صبابات جديد
2. خرط وش السلندر ومعالجة البارومة اللي فيه (تمت عند الخراط)
3. خراطة الشمايز وشراء بساتم جديدة أكبر حجما.
4.سير كاتينة جديد.

لسة مابصش على السبائك والكرنك بس بيقوللي شكلهم كويسين لأن بص على اللقم ولقاهم كويسين.
وقلتله يبص على الاسطوانة والديسك.
وربنا يستر. هيشتغل فيهم بكرة إن شاء الله.


ادعيلي بالله عليك

[mohamed777]

كلام جميل
البساتم الجديده فى منها فى علبة حمرة وفى نوع تانى علبتة بيضة والاتنين يبانى وممتازين بس الفرق ان ابو علبة حمرة معالج حرارى بحيث مش بيتمدد مع السخونة وده من شأنة مايعملش تسليخ لجدار الاسطوانة مع السخونة
المعلموه دى انا ماعرفتهاش غير بعد ما عملت العمرة وفرق السعر كبير مابين الاتنين
الحمرا بحوالى 800 جنية والبيضة فى حدود 400 جنية تقريباً
انا ساعتها كنت جبت البيضة وشغالة حتى الان كويس

وكمان مهم عمل الرودية للصبابات الجديده حتى بعد ما تيجى من المخرطة على شان حبكها مع القواعد

ومهم برضة تحاول تكون كل حاجة تشتريها تكون يبانى اصلية

[thedeveloper87]

المشكلة كلها إن مش عامل حسابي خالص!!!
انا فاكر إن هتيجي على طقم شنبر وخلاص (بحيث إن مش مشتكي أبدا من أي حاجة في الموتور غير دخنة بيضاء خفيفة)

فلو البساتم البيضاء حلوة. خلينا فيها

بالنسبة للصبابات قال لي هيعملها قواعد ودلايل ورودية إن شاء الله عند الخراط

ومعلش سؤال بس:
استهلاك البنزين فرق معاك بعد العمرة ولا لأ؟

[agwaa]

السلام عليكم

أما بالنسبة لمكن الزجاج لسة مخلص تركيبهم امس مساءاً وكانت التكلفة كلآتي :
المكنتين ------------- 230
مصنعية ------------- 60
مسامير وورد لزوم التعديل --10
الإجمالي بدون مفاتيح الكهرباء 300 جنيه
أما عن مفاتيح الكهرباء ( الزراير )
الفردي الصيني 15 الفردي الياباني 35
الزوجي الصيني 30 الزوجي الياباني 65
ووجدت مفتاح زوجي كوري وشكله ممتاز ومناسب للعربية جداً وكان سعره 75 جنيه
حالياً ماشي بالعربية من غير فرش الأبواب لسببين :
_اليوم الأحد وكل الناس مأجزة
_ وكمان إحنا في آخر الشهر ( يعني السيولة خلصت )
بس خلاص

خلصت تركيب الحمد لله
لقيت مفتاح زوجي خاص بالكيا برايد ولكن صيني ممتاز وشغال كويس --------------------- 20 جنيه
25 متر سلك 2مم -------------------------------------------------- 25 جنيه
2 شريط لحام ------------------------------------------------------ 2 جنيه
2م مكرونة -------------------------------------------------------- 3 جنيه
مصنعية الكهربائي -------------------------------------------------- 30 جنيه
إجمالي تكلفة الكهرباء ------------------------------------------------ 80 جنيه

وبالتالي التكلفة الكلية لتركيب مكنتين زجاج كهرباء -------------------------------- 400 جنيه ( 20 جنيه تحت حساب الطبتين البلاستيك لزوم تقفيل مكان الأكر القديمة ( جاري البحث عنها )

[agwaa]

الحمد لله رب العالمين أصبحين من راكبين اليابانى وليس الايطالى والنصر باقتنائى المازدا 323 موديل 1984
المهم دلوقتى يارجالة انا عاوز اجبلها فاونيس ورا هاتش باك ومش لاقيها خالص وعايز اكصدمات ليها

وسوال العربية مكيفة هل التكييف يوثر على الموتر علما الموتور 1300
واية الاختلاف غير الشكل والفوانيس فى الموديل دة وموديلات 82 83 81
ونفسي اعمل طقم صوت يكلف كام
اية الصيانة اليومية ليها واية الدورية

افيدونى يكرمك الله

مبروك المازدا يا باشا
ربنا يبارك لك فيها
أنا أقدر أفيدك في موضوع الفوانيس :
لو محتاج الوشاش فقط هتلاقيهم في شركة الأهرام للبلاستيك بالتوفيقية
أما لو محتاج الفوانيس كاملة هتلاقيهم عند الناس بتاعة المازدا
= في التوفيقية محل إسمه فؤاد على ما أفتكر وهو بعد شركة الأهرام بشوية وبلاش محل سرور علشان غالي شويتين
= في الدقي محل لإسمه زيدان أسفل كوبري الدقي من ناحية أسماك الدقي
محل إسمه السرساوي على الجانب الآخر من كوبري الدقي ( ناحية معهد البحوث )
= في حلوان محل إسمه نصار للياباني
= في الحرفيين محل إسمه الصديق

[thedeveloper87]

= في التوفيقية محل إسمه فؤاد على ما أفتكر وهو بعد شركة الأهرام بشوية وبلاش محل سرور علشان غالي شويتين
= في الدقي محل لإسمه زيدان أسفل كوبري الدقي من ناحية أسماك الدقي
محل إسمه السرساوي على الجانب الآخر من كوبري الدقي ( ناحية معهد البحوث )
= في حلوان محل إسمه نصار للياباني
= في الحرفيين محل إسمه الصديق

أنهي أنظفهم وأكثرهم أمانة ياباشا؟
(لأن كنت بتعامل مع واحد في الزيتون اسمه مجدي جبت من عنده طقم جوانات مكتوب عليه ياباني والميكانيكي بيقوللي ده مصري فقلقت منه خلاص)

[yasserzezo]

يا جماعه في حد مركب اسبراتير الكتروني و يا ترا عملي ولا لا و تكلفته كام و ايه مشاكلو ؟؟

ياريت عن تجربه

يا جماعة مفيش رد

[thedeveloper87]

يا جماعة مفيش رد

تقريبا محدش جربه.

اضغط على هذا الرابط:

الاسبراتير العادي والالكتروني

[agwaa]

أنهي أنظفهم وأكثرهم أمانة ياباشا؟
(لأن كنت بتعامل مع واحد في الزيتون اسمه مجدي جبت من عنده طقم جوانات مكتوب عليه ياباني والميكانيكي بيقوللي ده مصري :i_angr1[1]:فقلقت منه خلاص)

أنا شخصياً بأتعامل مع نصار إللي في حلوان _ ممتاز وعنده ضمير