كل ما يخص مازدا 323 موديل 82 (اعطال.قطع غيار.كماليات)

[uhlphp]

( وعلى فكرة أنا كان ليا تجربة سابقة وناجحة في الكراسي الأمامية حبقى اقول لكم عليها بعدين بس إنتم فكروني )

انا بفكر حضرتك تقولنا عملت اية فى الكراسى الامامية لان بحس ان الكراسى الامامية واطية وكنت محتاج اعليها .
وشكراً

[thedeveloper87]

انا بفكر حضرتك تقولنا عملت اية فى الكراسى الامامية لان بحس ان الكراسى الامامية واطية وكنت محتاج اعليها .
وشكراً

عندي نفس المشكلة + إن الكرسي آخره مش مريحني خالص (علشان أنا طويل شوية ، ومحتاج أرجعه ورا أكنر من آخره)

[yasserzezo]

اخوكوا مازداوي باردو
العربيه معايا من 3 سنين تقريبا
و لو فيه حاجه ممكن افيد فيها انا في الخدمة

[agwaa]

انا بفكر حضرتك تقولنا عملت اية فى الكراسى الامامية لان بحس ان الكراسى الامامية واطية وكنت محتاج اعليها .
وشكراً

أولاً : آسف على التأخير
بص يا عم
أنا لظروف صحية إحتجت أنجد الصالون وخاصة الكراسي الأمامية فطلبت من السروجي يخلي الكراسي الأمامية بجوانح زي العربيات الجديدة فقال لي ما أوعدكش لأن الكراسي بتاعة العربيات الجديدة لها إسطنبة إسفنج بتبقى جاهزة طب - والكلام ما زال للسروجي - أنا عندي زوج كراسي خارجين من عربية دايو 2008 وهدخلك الكراسي القديمة فيها .
وقد كان ... دلوقتي راكب عندي كراسي دايو 2008 ( كرسي السائق به بكرتين لتغيير المقعد يمين وشمال / وتحت وفوق )

[thedeveloper87]

أولاً : آسف على التأخير
بص يا عم
أنا لظروف صحية إحتجت أنجد الصالون وخاصة الكراسي الأمامية فطلبت من السروجي يخلي الكراسي الأمامية بجوانح زي العربيات الجديدة فقال لي ما أوعدكش لأن الكراسي بتاعة العربيات الجديدة لها إسطنبة إسفنج بتبقى جاهزة طب - والكلام ما زال للسروجي - أنا عندي زوج كراسي خارجين من عربية دايو 2008 وهدخلك الكراسي القديمة فيها .
وقد كان ... دلوقتي راكب عندي كراسي دايو 2008 ( كرسي السائق به بكرتين لتغيير المقعد يمين وشمال / وتحت وفوق )

عشرة على عشرة. من زمان وأنا باتفرج على صالونات العربيات الجديدة وأنا باتمنى إن يكون الصالون بتاع عربيتي زيها. يا ربت تقلنا يا باشا الموضوع كلفك كام وايه رأيك فيها دلوقتي؟

وبالنسبة لموضوع زجاج الكهرباء خلصته ولا لسة؟

[mohamed777]

فكرة ممتازة حكاية كراسى الدايو فى المزدا
ياريت نعرف تكلفتهم كام؟

كمان انا عندى مشكلة ياريت تسعدونى فيها وهى انى لما بأكون بسخن العربية وهى واقفة فى مكانها لما بدوس دبرياج بحس ان الموتور كان مكتوم وفلت ولما اسيب دبرياج زى ما يكون كلبشت الموتور والعربية بتتحرك لقدام حركة بسيطة
كل ده وانا ممور العربية من غير اى غيار

ده ممكن يكون من اية؟

[thedeveloper87]

سؤال يا محمد باشا

انت لما جيت تعمل عمرة وحليت وش السلندر. لقيت البلوكات معتبه؟

[agwaa]

السلام عليكم
بالنسبة لتكلفة الكراسي الدايو كان ثمنهم 1100 وأخد كراسي المازدا القديمة 250 وهو كان قال لي يومها إنهم ( الكراسي القديمة ) ممكن يجيبوا 350 بس هيعرضهم في المحل والله أعلم هيتباعوا إمتى
أما بالنسبة لمكن الزجاج لسة مخلص تركيبهم امس مساءاً وكانت التكلفة كلآتي :
المكنتين ------------- 230
مصنعية ------------- 60
مسامير وورد لزوم التعديل --10
الإجمالي بدون مفاتيح الكهرباء 300 جنيه
أما عن مفاتيح الكهرباء ( الزراير )
الفردي الصيني 15 الفردي الياباني 35
الزوجي الصيني 30 الزوجي الياباني 65
ووجدت مفتاح زوجي كوري وشكله ممتاز ومناسب للعربية جداً وكان سعره 75 جنيه
حالياً ماشي بالعربية من غير فرش الأبواب لسببين :
_اليوم الأحد وكل الناس مأجزة
_ وكمان إحنا في آخر الشهر ( يعني السيولة خلصت )
بس خلاص

[mohamed777]

سؤال يا محمد باشا

انت لما جيت تعمل عمرة وحليت وش السلندر. لقيت البلوكات معتبه؟

يعنى اية البلوكات معتبة؟

[thedeveloper87]

معتبة يعني الشمايز مش مستوية
يعني فيه تآكل.

[yasserzezo]

يا جماعه في حد مركب اسبراتير الكتروني و يا ترا عملي ولا لا و تكلفته كام و ايه مشاكلو ؟؟

ياريت عن تجربه

[digato]

الحمد لله رب العالمين أصبحين من راكبين اليابانى وليس الايطالى والنصر باقتنائى المازدا 323 موديل 1984
المهم دلوقتى يارجالة انا عاوز اجبلها فاونيس ورا هاتش باك ومش لاقيها خالص وعايز اكصدمات ليها

وسوال العربية مكيفة هل التكييف يوثر على الموتر علما الموتور 1300
واية الاختلاف غير الشكل والفوانيس فى الموديل دة وموديلات 82 83 81
ونفسي اعمل طقم صوت يكلف كام
اية الصيانة اليومية ليها واية الدورية

افيدونى يكرمك الله

[mohamed777]

معتبة يعني الشمايز مش مستوية
يعني فيه تآكل.

ايوة كانت معتبة
كانت زى ماتقول مخططة بالطول لتحت

[digato]

شكرا على الردود يارجالة

[thedeveloper87]

ايوة كانت معتبة
كانت زى ماتقول مخططة بالطول لتحت

(أصل للأسف الشديد طلع موتوري عايز عمرة كاملة ، الحمدلله)
طب وبعد العمرة حسيت بفرق ولا لأ؟
أصل فيه ناس كتير بيقولوا إن العمرة مابترجعش العربية زي الأول!