كل ما يخص مازدا 323 موديل 82 (اعطال.قطع غيار.كماليات)

[mohamed777]

بالنسبة للموبينة الاليكترونى اللي حضرتك مركبها ماركة اية؟ وتمنها كام؟
وحسيت بالفرق فى اية بالظبط؟

سوف أحاول أعرف لك ماركتها لأني يوم ما جيت أشتريها تاجر قطع الغيار ( أعرفه بصفة شخصية وأثق فيه جداً ) عرضها علي وهي صيني ومربعة الشكل وسعرها كان 50 جنيه وكنت محتاج النوع الياباني وكانت يومها ب 65 جنيه لكن لم يكن موجود منها عنده ورشح لي الصيني المذكورة وقال لي كل سواقين التاكسي بياخدوا منها وبيشكروا فيها
وفعلاً هي ممتازة وأعتقد أن الياباني منها أكثر من رائعة
الفرق بقى العربية بطلت تقطع وبتدور معايا من أول لمسة

اكيد يتعطى شرارة اقوى
انا سمعت كمان انها بتظبط كهربة العربية من حيث عالية وواطية اللي بتتظبط من الاسبيراتير....مش عارف اية مدى صحة الكلام ده

واخبار السحب بعد البوبينة الجديده اية؟

[yasser_mrk]

غير البوبينة وركب البوبينة الألكتروني ( المربعة ) الياباني وعن تجربة ..
إن شاء الله بعد التغيير هتدور معاك من لمسة واحدة
بس ما تنساش تدعيلي

اولا انا متشكر علي سرعة ردك بس البوبينه عندي لسه مغيرها ببوبينه الكتروني

[mohamed777]

اولا انا متشكر علي سرعة ردك بس البوبينه عندي لسه مغيرها ببوبينه الكتروني

هى بتنتش معاك؟
احتمال تكون اسلاك بوجيهات وسلك البوبينة للاسبيراتير
واتطمن على الكربراتير

[yasser_mrk]

هى بتنتش معاك؟
احتمال تكون اسلاك بوجيهات وسلك البوبينة للاسبيراتير
واتطمن على الكربراتير

اناسألت اخصائي كربريتير فقال لي ان المشكله من الرشاش يا تري ممكن يكون فعلا ده السبب

[mohamed777]

اناسألت اخصائي كربريتير فقال لي ان المشكله من الرشاش يا تري ممكن يكون فعلا ده السبب

احتمال

[mohamed777]

جبتهم بكام يا باشا ومنين عشان عايز اغيرهم ودول مستعملين ولا اييه وياريت النوع بتاعهم وصناعة إيه ... معلش اسئلتي كتير شوية

نصيحة بلاش الاستيراد
انا ركبت اربعة استيراد من حوالى تلات سنين وبعد ست شهور ضرب واحد منهم وغيرتهم كلهم تانى وجبت اربع جداد يابانى بس ماشاء الله حتى الان بصوتهم فى المطبات

[agwaa]

جبتهم بكام يا باشا ومنين عشان عايز اغيرهم ودول مستعملين ولا اييه وياريت النوع بتاعهم وصناعة إيه ... معلش اسئلتي كتير شوية

الأربعة مساعدين جبتهم من عفشجي في عين شمس ب 350 جنيه بس أخد المساعدين القديمة نوعهم kbe ياباني بصراحة حاسس إني إتخميت ( موش عايز أقول إتنصب علي ) فيهم ...
الزوج الأمامي ممتازين
أما الزوج الخلفي موش بطالين على الأقل أهو أحسن من القديم

[agwaa]

اكيد يتعطى شرارة اقوى
انا سمعت كمان انها بتظبط كهربة العربية من حيث عالية وواطية اللي بتتظبط من الاسبيراتير....مش عارف اية مدى صحة الكلام ده

واخبار السحب بعد البوبينة الجديده اية؟

لأ ليس لها علاقة بضبط الكهرباء ( أنا بأتكلم عن إللي معايا الصيني فهل النوع الياباني بيظبط الكهرباء ولا لأ )
السحب معايا ممتاز بس هو كان ممتاز من الأول ...
الفرق زي ما قلت لسيادتك عدم التقطيع ( يعني العربية تقطع كهرباء عمومي مرة واحدة ) والدوارة السريعة في الصباح وإن كانت الأخيرة محتاجة الشتاء علشان نحكم عليها صح .

[agwaa]

اولا انا متشكر علي سرعة ردك بس البوبينه عندي لسه مغيرها ببوبينه الكتروني

يبقى أكيدالمشكلة في الكربراتير

[agwaa]

اناسألت اخصائي كربريتير فقال لي ان المشكله من الرشاش يا تري ممكن يكون فعلا ده السبب

رشاشات إيه هي عربيتك نوعها إيه هي injection ولا إيه ..
إحنا مع إحترامي كلامن على المازدا 323 / 82 - 83

[أبو إياد]

انواع الكبالن واسعارها ضرورى واماكن بيعها ؟؟؟؟؟؟؟؟؟؟؟؟؟؟؟؟

[yasser_mrk]

[QUOTE=agwaa;3872008419]رشاشات إيه هي عربيتك نوعها إيه هي injection ولا إيه ..
إحنا مع إحترامي كلامن على المازدا 323 / 82 - 83[/QUOTE انا عربيتي مازدا 323 /81بس الكلام ده من اخصائي الكربراتير معلش استحملوني شويه علشان انا لسه مبتدئ

[mohamed777]

انواع الكبالن واسعارها ضرورى واماكن بيعها ؟؟؟؟؟؟؟؟؟؟؟؟؟؟؟؟

اليابانى 550 جنية
الكورى مش فاكر كان 230 ولا 320 جنية

[أبو إياد]

شكرا يامحمد بيه
اخويا نزل وسال عليهم فعلا اليابانى نوعين 500 و 550 ج
الكورى 230 ولو كوبلن واحد 125ج عند ابو زيزو شارع شامبليون (للمعرفه)

[mohamed777]

شكرا يامحمد بيه
اخويا نزل وسال عليهم فعلا اليابانى نوعين 500 و 550 ج
الكورى 230 ولو كوبلن واحد 125ج عند ابو زيزو شارع شامبليون (للمعرفه)

الغفوا ياباشا خيرك سابق
عارف ابو زيزو تلاقى عنده اصعب حاجات للعربية دى