شرح ميكانيكة اتراج المصممة للطرق السريعة

[sanhory]

انا اللى باقولك التكييف بيشتغل على كامه واحده لوحده و العربيه بتمشى على الكامه التانيه مابيحصلش اى تحميل و لا تاثير على السحب ...

مافيش حاجة اسمها كدا يافندم . حضرتك كانك بتقول انا بتنفس برئة واحدة بس لما بحب العب رياضة بشغل الاتنين
دي منظومة متكاملة متحكمة في وقت دخول الهوا والبنزين و خروج العادم

2 كامة بيكون في كامة للبنزين و الهوا و كامة للعادم بس كدا

[مؤمن حمزه]

العربيه لو كامه واحده على موتور 1200 مع التكييف هتبقى سلحفاه ..هتبقى مأساه ...

[مؤمن حمزه]

sanhorysanhory

انا فاهم انت تقصد ايه و متفق معاك على فكره...لكن تكنولوجيا الموتور ده انه الكامه الثانيه بتشتغل مع التكييف و بيحمل التكييف عليها فمبيحصلش اى تاثير على السحب و التسارع ...

[مؤمن حمزه]

DOHC or Twin cam engine

4-cylinder 16 valves DOHC engine
DOHC or Double OverHead Cam - the setup used in many today's cars. Since it's possible to install multiple valves per cylinder and place intake valves on the opposite side from exhaust vales, DOHC engine can "breath" better meaning that it can produce more horsepowers with smaller engine volume. Compare: The 3.5-liter V6 DOHC engine of 2003 Nissan Pathfinder has 240 h.p, similar to 245 h.p of the 5.9-liter V8 OHV engine of 2003 Dodge Durango.
Pros: High efficiency, possible to install multiple valves per cylinder and adopt variable timing.
Cons: More complex and more expensive design.

[sanhory]

ياباشا الموتور كمجمل ممكن يكون عالي لكن حتة يحمل عالكامة التانية دي علميا غلط

ممكن حضرتك تكون فاهمها كده لكن مفيش حاجة كده

[sanhory]

dohc or twin cam engine

4-cylinder 16 valves dohc engine
dohc or double overhead cam - the setup used in many today's cars. Since it's possible to install multiple valves per cylinder and place intake valves on the opposite side from exhaust vales, dohc engine can "breath" better meaning that it can produce more horsepowers with smaller engine volume. Compare: The 3.5-liter v6 dohc engine of 2003 nissan pathfinder has 240 h.p, similar to 245 h.p of the 5.9-liter v8 ohv engine of 2003 dodge durango.
Pros: High efficiency, possible to install multiple valves per cylinder and adopt variable timing.
Cons: More complex and more expensive design.

كلام جميل دا فعلا مفهومةال 2 كامة ، فين بقى التكييف و بيحمل على كامة و يسيب كامة

[M.ABDOU]

انا اللى باقولك التكييف بيشتغل على كامه واحده لوحده و العربيه بتمشى على الكامه التانيه مابيحصلش اى تحميل و لا تاثير على السحب ...

الكلام ده لا يمت بصله من بعيد او قريب للحقائق الهندسيه

اعذرنى بس الكلام غلط كليا


الاتنين كامه لازم طول الوقت شغالين مع بعض وفى نفس الوقت

يا راجل دول على جنزير واحد مع الكرنك .... حتوقف واحد منهم ازاى يعنى؟؟؟؟؟؟؟؟

[مؤمن حمزه]

يا استاذنا بالمنطق لما يبقى عندك مخرجين تقدر تركب عليهم اكثر من صباب بيدى رئه زياده للعربيه خصوصا للمواتير الصغيره زى الاتراج بدل ما التكييف و العربيه دايره يحملوا على كامه واحده بيتحمل على 2 كامه فبتدى باور اكتر و مابتاثرش على السحب نهائيا و كان التكييف مش شغال...عكس الكامه الواحده بيبقى التحميل كله على كامه واحده لو العربيه موتورها عالى و وزنها كبير مش هتمشى بالتكييف هتموت.......و ده اللى خلى الاتراج بتؤدى كويس وزن بسيط و موتور صغير 2 كامه على 12 صباب و 3 سلندر يدى اداء ممتاز و يدى عمر للموتور

[مؤمن حمزه]

M.ABDOU

طيب اقرا اللى انا لسه كاتبه الان علشان تعرف انا اقصد ايه بالضبط

[مؤمن حمزه]

الاتنين كامه هورس باور اعلى كفاءه اعلى ...اداء عالى مع المواتير الصغيره زى الاتراج و ده السبب اللى العربيه بتؤدى اداء كويس جدا .....

[Mohamedjetta]

ربنا يبارلكم في العربيه دي

[reyad_mohamed]

استاذ مؤمن مع احترامى لحضرتك بس موضوع كامة للتكيف وكامة للسحب
ال 2 كامة شغلين طول الوقت ملهاش علاقة بالتكيف العربيه أدائها ممتاز لسببين
1- الموتور 2كامة يعنى أكثر دقة فى التوازن بين الهواء والبنزين فالبتالى أداء الموتور ممتاز فلما تشغل التكيف مش هتتأثر بشكل كبير فى السحب هيبقى التأثير بسيط على السحب بس بتعوض النقطة السبب التانى وهو
2- الفتيس الذكى cvt المطور ده بقى السبب الرئيسى فى التسارع الممتاز اللى فى العربيه الفتيس ده مش تروس يعنى مفيش وقت ضائع فى النقل الاتوماتيك من ترس لترس وده لأنه عباره عن سير معدنى وطنبوره متغيرة القطر هنا الوقت صفر يعنى من الاخر كده شغل التكيف
وابدأ حركتك الrpm على 2 سرعة العربية من 0 -100 ك/س فى 15 ثانية
او ابدأ الحركة وال rpm على 3 سرعة العربية من 0 -100 ك/س فى 10 ثانية
او ابدأ الحركة وال rpm على 4 سرعة العربية من 0 -100 ك/س فى 6 ثانية
اللى مش مقتنع يجرب العربيه ويتحدى اى عربيه الفتيس بتاعها مختلف او نفس الفتيس بس اقدم منه لانهم معدلين فى الفتيس واعتقد ان معظم اليابانى مدعوم بالفتيس الذكى ده طبعا مش كل اليابانى

[مؤمن حمزه]

كلامك تمام انا ماعرفتش اوصل اللى عايز اقوله ...انت كلامك صح ..

[mestca]

تحياتى للجميع و تحية خاصة لملاك الرائعة اتراج
.
بلاش خلاف على العربية العربية فعلا ممتازة و احسن عربية نزلت فى فئتها حتى الان
و الخلاف الدائر حاليا حول العربية بخصوص ال 3 بستم بس
احب اعرف الجميع ان وزن العربية الخفيف مش محتاج بستم رابع و لو ذادت قدرة المتور عن 78 حصان فهيبقى حمل على الجسم الخفيف و هتلاقى العربية مش مظبوطة اللى عملاة متشوبيشى فى العربية دى انها حاسبة كل حاجة بدقة و عاملة تكنولوجيا عالية جدا سواء فى المتور او الفتيس او حتى الباور الذكى العربية فى مجملها لا خلاف عليها و اللى بيجربها بيحس بفرق فعلا
رجاء من كل من لم يجرب اتراج ان لا يخوض فى التشكيك فيها حتى يجربها و يحكم عليها
لان العربية عاملة مبيعات كويسة لحد دلوقتى و العربية بقالها 4 شهور تقريبا نازلة السوق و بدأت تنتشر و انتشارها دة يدل على تفوقها و اللى هيقلى العربية مش ظاهرة و مشوفتهاش اقولة ان العربية بدات تنتشر فعلا

[هانى شوقى]

شكرا استاذ مؤمن و reyad_mohamed على الاضافات الجميلة للموضوع

الموضوع مش مستاهل خناق ولا تحيز لشئ معين بس فى ناس عندها دقة وذوق واناقة فى الاختيار احنا كمصريين عايزين عربية على شكل دبابة وصاجها اسمنت ومتورها مليون سى سى وعدد البستم قد القناطر الخيرية وووزنها قد الاهرامات وتمشى بالمية علشان نصدق انها كويسة
لكن حد يشرحلنا معنى تكنولوجى جديد وفكر نقوله دا فتى اومال احنا متاخرين ليه دلوقت عرفت اجابات لاسالة كتير كانت محيرانى تلاقى واحد معاه عربية 128 وبيجو 504 وغيره يقولك دى شديدة وحمالة قاسية واستغرب واقول هى ليه العربيات دى موجودة على الرغم من انتهت من العالم لسة موجودة فى مصر وطلع فى حاجة تانى غير القدرات المادية وهى عقلية المصرى التى تعتمد على الارقام والمنطق وليس الابداع
عايز اقول لغالبية الناس اللى بتهاجم العربية اللى بنتكلم عليها مش كائن فضائى دى فيها مميزات وعيوب :
اللى يحب يتكلم عن الصاج اقوله عندك حق بس مفيش عربية فى مصر بتتخبط جامد وتنفع تانى
اللى يتكلم عن فترة عمر عربية معاك كام سنة وهتقرفك مهما كانت
الموضوع بنتكلم عن فكر جديد واداء شركات كتير هتاخد بيه قريب بستهلك نص الوزن فقط ومتور ارخص واقل ومع ذلك باخد نفس نتيجة عربة 1600 وتقيلة لا وكمان السحب افضل وتكييف عالى
ال 111 تمن العربية كتير على الخامات بس يا غالى انت بتشترى فكرة واداء والشركة شايفة اننا ملناش دعوة هى وفرت فى الخامات وادتك اداء اعلى ودا قمة الذكاء