شرح ميكانيكة اتراج المصممة للطرق السريعة

[romioromio]

مبروك لاصحاب السياره وربنا يباركلكم فيها
ويعطيكم خيرها يكفيكم شرها

تعليق خارج سياق المناقشه
الموضوع ده وردود الاعضاء بيعبر عن الواقع المصري في كل شئ في حياتنا وعن طبيعة المصريين الحاليه
وعن ما وصلنا اليه

جدال جدال جداااااااااااال عقيم عقييييييييييييييييييييييييييم
وكله بيفتي ومحدش بيقتنع براي التاني حتي لو كان غلطان
وكل واحد ماسك حزب وبيستموت عشان يغلط التاني مبيحاولش حتي يوصل معاه لحل وسط

__________________________________________________ _

تعليق خاص بالسياره اللي عايش بره مصر بس هو اللي حيفهمه. ويحسه

مجرد رؤيتك لجدال حول ثبات ورفاهيه واعتماديه ومش عارف ايه في عربيه 1200 سي سي وبتاع 70 80 حصان
حيعرفك قد ايه احنا غلابه جدا
ومنها لله الحكومه بتاعتنا اللي خلت ده اقصي طموحاتنا

الناس بتتكلم بره عالثبات في العربيات ابتداء من الكامري والاكورد والسوناتا والالتيما طبعا دي اقل فئات من 2500 سي سي وطالع
مرورا بالمكسيما والاوبتيما والكادينزا والجراند ماركيز واللنكولن تاون كار والكراون فكتوريا
ورنجات 3500 وطالع وميديام سيدان

ولكن كل الهجص اللي تحت الالفين سي سي الكورولا والالنترا وايضا الاسكودا والجيتا والبيجو والانسجنيا وحتي ال 316 والسي كلاس ال1600
مبيتحسبوش عربيات خطوط اصلا ولا تسارع ولا شد ولا كل الهجص ده
السفر يعني عربيه تسافر بيها 7 _8 ساعات وتنزل متطقطقش ظهرك
تسارع يعني تجيب ال100 في 5 6 ثواني وتجميع وانت بتمشعر الدواسه
ثبات يعني تحكم عالسرعات والملفات والمناوره..... واقصد تحكم كاااااااااااااامل

مش مشوار ساعه عالدائري وفاتح عال140 في خط مستقيم او كبيرك مصر اسكندريه الصحراوي وتقلي ثبات وعزل ومش عارف ايه

باختصار كل العربيات اللي موجوده في مصر تحت ال 300 الف جنيه او ما يسمي السي سيجمنت كارز بما فيهم الكروس اوفرز اللي في الرنج ده

مبيعتبروش بره عربيات اصلا للسفر وكده
بيتركبوا عشان يعتبروا عربيات اقتصاديه بس وموفره وقطع غيار رخيصه لكن مش بيركبوهم عشان يشوفوا ثباتهم والكلام ده يعني الي بيشتريهم مش مستني اي حاجه من العربيه زي محنا بنقارن ومستموتين كده

واصلا ولا يسووا سعرهم المبالغ فيه في مصر
تخيل كورولا ب200 وشويه يا نهاري
ولا سيراتو والنترا عربيات ورق فوق ال 180



هاااااااااااااااااااااااااااه

اقول ايه ولا ايه
احنا غلابه اوي
ربنا يصلح احوال مصر

اسف لو خرجت بره الموضوع
او لغة الكتابة مش حلوه
بس بكتبه وانا متحسر علي حالنا
ومحدش يزعل مني
وكل سنه وانتوا طيبين بعيد الاضحي
وربنا يغفر لنا في هذا اليوم العظيم

[Mahmoud.Fathy]

بعيدا خاالص عن تقيم العربيه هيا حلوه ولا لا انا بس حتكلم فى شويه نقط فنيه ليا عليها بعض التعليقات

1- حسب ما درست واعلم ان ماتور ال 3 سلندر غير متزن ولا يمكن عمل اتزان ليه كامل ده حاجه فى تصميم الموتور وان ماتور ال 4 سلندر اكثر اتزان منه بكتير وان ماتور ال 6 سلندر inline اكثر اتزان منهم هما الاتنين

2- عدد لفات الكامه فى حاله الكامه كانت فرديه او فى حاله الكامه كانت زوجيه عدد وااحد لا يتغير لانه مرتبط بنسبه معينه من عدد لفات عمود الكرنك والنسبه دى هيا 1: 2 يعنى لو مثلا فى لحظه كانت سرعه الماتور 2000 دوره فى الدقيقه حيكون سرعه الدوران لعمود الكامه فى الحالتين سواء كامه منفرده او كامه مزدوجه هوا 1000 دوره فى الدقيقه

3- لا يوجد علاقه بين ان الماتور كامه واحده او اتنين كامه فى استهلاك البنزين لانه ببساطه فى الحالتين بيتم التحكم فى مدخل الهواء فقط عن طريق الكامه وليس له علاقه من قريب او بعيد بكميه النزين الداخله لغرفه الحريق ( بالعكس بقى فى بعض الحالات يكون توفير البنزين اكثر فى حاله الماتور 2 كامه )

4- تصنيف العربيه انها عربيه مدينه او عربيه سفر احب بس ااقول ان عربيات السفر الطويل ليها مفهموم خاص بره مصر معتقدش انه حيوصلنا هنا لاسباب اقتصاديه بس اغلب كل العربيات اللى فى مصر اللى بنركبها مصنفه كعربيات داخل المدينه ..... العربيه اللى تسافر بيها مثلا اربع او خمس ساعات سفر وتنزل تطقطق ضهرك منها متقولش انها عربيه سفر ( اللى حيفهمنى اللى جرب مثلا الفورد فكتوريا او ما شابه )

ده اكتر كلام محترم قريته في الموضوع ده ...... خصوصا موضوع ان كل عربيات مصر مصنفة انها عربيات مدينة لان مفهوم السفر برة مصر مختلف تماما عن عندنا :)

[sword00]

هوه الموضوع مهم اووى كده لدرجه ان فى ناس اول مشاركه ليها فى المنتدى تكون فى الموضوع ده
وسبحان الله يكونوا من ملاك العربيه كمان
الموتور هيديك 78 حصان عند 6000 r.p.m يعنى عشان تاخد البور دى هتكون بتقضى على الموتور
كنا نتتريق على الفيرنا عشان خفيفه اهه جالنا اللى اخف منها

[Ahmed Saad]

بصراحه انا قريت الموضوع بس اللي ملاحظه أن الناس بتقول انها بتجيب 140و170 عادي ياجماعه ماينفعش كده العربيات دي مش معموله علشان تجيب بيها السرعات دي في طرق مهببه عندنا وأي عربيه في الدنيابتسافر مش بتسافر من القاهره لاسكندريه السفر الصح انك تركب عربيه فوق ال2000سي سي وتخبط مشوار من الاسكندريه اإلى اسوان مباشر وتريح مره في الطريق وده السر في السي سي العالي لعربيات الامريكيه والطول والعرض والتقل تحس انك ماشي بدبابه لأن العربيات دي بتاخد أمريكا من شرقها لغربها ولا الهوا وده برضه السر أن الالنترا والسيراتو هناك بتنزل 2000 سي سي وفي السعوديه جنبنا عمرك سمعت حد سافر بياريس مثلا السفر عندهم بالعربيات السي سي العالي ده حتى في مثل بيقول عايز سفر اركب شفر اختصار شيفروليه دول وجهين اعتراضي بس هيه كعربيه من آراء ملاكها شكلها كويس وربنا يسهل واجربها علشان الواحد يقيمها صح بس مشكلتها أنها انتشار مفيش وربنا يبارك لملاكها فيها

[مؤمن حمزه]

انتوا رحتوا فى سكه بعيده جدا و بتقارنوها بعربيات 2000 سى سى و عربيات اعلى فئه بشكل بشع....حطوا العربيه فى فئتها و حجمها الطبيعى فى نفس فئتها السعريه يعنى حطها مع الافيو و الستيب واى و اللوجان و الديزاير و الجراند اى 10 و الجين2...لكن ناس بتتكلم على كامرى و ليكزس حاجه عجيبه بصراحه ..ايش جاب لجاب.؟؟ العربيه فى فئتها ممتازه و احسن من كل عربيات فئتها و داخل مصر بتؤدى الغرض انا مش محتاجها اروح اسافر بيها فى امريكا بين الولايات..انا هاستخدمها جوه مصر .مش عايز غير عربيه عاليه علشان المطبات و موفره فى البنزين و قطع غيارها موجوده ...لكن اللى بتتكلموا فيه ده مالوش علاقه بمصر...هو فين الطريق اللى تقدر تمشى فيه فى مصر فوق 120 !!!!كل الطرق مليانه حفر و مطبات و زحمه .....العربيه مناسبه جدا للظروف فى مصر ... يكفى ان العربيه لم تسجل مشكله واحده حتى الان فى الوقت ان عربيات زى النيسان صنى و البيجو 301 منها شكاوى بالجمله و فى حاجات خطيره........

[eng.m7md.ali]

انتوا رحتوا فى سكه بعيده جدا و بتقارنوها بعربيات 2000 سى سى و عربيات اعلى فئه بشكل بشع....حطوا العربيه فى فئتها و حجمها الطبيعى فى نفس فئتها السعريه يعنى حطها مع الافيو و الستيب واى و اللوجان و الديزاير و الجراند اى 10 و الجين2...لكن ناس بتتكلم على كامرى و ليكزس حاجه عجيبه بصراحه ..ايش جاب لجاب.؟؟ العربيه فى فئتها ممتازه و احسن من كل عربيات فئتها و داخل مصر بتؤدى الغرض انا مش محتاجها اروح اسافر بيها فى امريكا بين الولايات..انا هاستخدمها جوه مصر .مش عايز غير عربيه عاليه علشان المطبات و موفره فى البنزين و قطع غيارها موجوده ...لكن اللى بتتكلموا فيه ده مالوش علاقه بمصر...هو فين الطريق اللى تقدر تمشى فيه فى مصر فوق 120 !!!!كل الطرق مليانه حفر و مطبات و زحمه .....العربيه مناسبه جدا للظروف فى مصر ... يكفى ان العربيه لم تسجل مشكله واحده حتى الان فى الوقت ان عربيات زى النيسان صنى و البيجو 301 منها شكاوى بالجمله و فى حاجات خطيره........

احسن عربية في فئتها ازاي؟!!!!!!!!!
احسن من الديزاير في ايه؟!!!!!!!!
احسن من السانديرو ليه؟!!!!!!!!
احسن من اللوجان لييييييييييه؟!!!!!!
احسن من الجراند i 10 بردو ليه؟!!!!!!!!!!

ازاي احسن من الجين2 اللي فئة اعلى ؟؟ ازاااااااااااااااااااااااااااي؟!


بلاش التحيز الرهيب ده ياباشا في ناس بتاخد الكلام ده ثقة ولما تشتري بتلاقي حاجة تانية خالص

فكرتني بواحد معاه نيو صني بيتكلم عن الثبات بيقولي انها احسن من الاوكتافيا A4 اللي كانت معاه ... طبعاً انا اكاد اجزم ان هو ميعرفش ايه الاوكتافيا a4 دي ولا يعرف شكلها واصلا النيو صني دي سالفها من ابن عمه لانه شكله مركبش عربيات قبل كدة اساسا -_-

[مؤمن حمزه]

يا استاذى و لا تحيز و لا حاجه بالعكس و الله الواحد بيقول الكلام اللى يرضى ضميره و لو فى كلمه عن العربيه انا قلتها مش موجوده كانت ظهرت كشكوى من اى من ملاك العربيه بالعكس كل اللى بيشترى العربيه بينبهر بادائها...ثانيا حضرتك بتهاجم العربيه دى بالذات من اول ما ظهرت بسبب و بدون سبب و انا باقولك خلى بالك علشان انت كده بتضلل الناس.....

ايوه من وجهة نظرى العربيه دى احسن من العربيات اللى فوق و انا كنت محتار اجيب اى عربيه فيهم قبل ما اجيب و رسيت عليها و هاقولك ليه...

اولا الستيب واى دى كانت اكتر عربيه داخله دماغى..الاقى قطع غيار مش موجوده فى التوكيل و لا بره و اسعارها غريبه ده غير ان العربيه استهلاكها لللبنزين عالى و شنطتها صغيره....

ثانيا الجراند اى 10 انا نزلت شفتها الاسبوع اللى فات عربيه ضيقه جدا من جوه بلا وسائل امان و سعرها عالى على عربيه مافيهاش وسائل امان و ده مهم بالنسبه لى جدا...

الديزاير عربيه ممتازه لكن توكيل فاشل بكل ما تعنيها الكلمه قطع غيار مش موجوده تقعد شهور تعيط عليها و تركن عربيتك شهور علشان حاجات عبيطه........

الجين 2 موتور قوى و تقفيل سيء جدا انا ليا صديقى عنده جين 2 مشاكل دايما فى الكهربا و الدرج اللى فى التابلوه مابقاش يقفل و قطع غيار غاليه جدا .!!!!!!!!!!

النيسان صنى الجديده ماشفتش حد جابها ماشتكاش منها سواء فى الفرامل او الاير باج اللى مش بتفتح و لا ولا ولا...تقفيل مصرى سيء....

على فكره انا اول عربيه ركبتها بيجو و بعدها مازدا و فى الامارات كان معايا كورولا و فى الفلبين ركبت جيب شيروكى و انا طالب فى امريكا ركبت شيفروليه...و معايا على كده لانسر 2014 شارك.....انا اديت لمراتى الشارك و باركب الاتراج لان العربيه فعلا رائعه فى كل شيء و بعد اكتر من سنه استخدام بره مصر و 6 شهور جوه مصر مافيش اى مشكله فى العربيه نهائى..............نسيت اقولك ان عربيه زى الميراج الهاتشباك محققه السنه دى اكبر مبيعات فى بعض الولايات فى امريكا.............المواتير و الفتيس الميتسوبيشى شيء محترم ...

[مؤمن حمزه]

و علشان تعرف بس ان ميتسوبيشى شركه محترمه بجد و ان اليابانى الاصلى لا يعلى عليه...رحت اتفرجت على الجراند اى 10 ...الاقى العربيه سعرها 106500 مافيهاش اى بى اسى و لا اى بى دى و لا ايرباج و لا اى وسيله امان ..و تقعد ورا تحس ان ركبك هتتكسر من كتر ما العربيه ضيقه من جوه و شنطه صغيره لا و هندى كمان....اقارن دى ازاى بعربيه مكوناتها 100 فى الميه يابانى و فيها كل وسائل الامان اى بى اسى و اى بى دى و واسعه زى البحر من جوه و شنطتها اوسع من اى شنطه و ايرباج و فوق ده و ده موتور ميفيك محترم و فيتيس على اعلى مستوى..........تفتكر فين المقارنه اصلا

[هانى شوقى]

يا عالم افهموا بجد لغاية دلوقت محدش بيتكلم فى موضوع العربية غير الاستاذ مؤمن
المقصود ان العربية كويسة وملاكها مبسوطين بيها ودا ايجابى وانها تقدر تسافر بيها براحتك من غير ما تشتكى من 1200 سى سى
انك مش هتدايق من الوسع والسحب والتكيف كلها شغال بسلاسة والتسارع رائع الصاج ميفرقش كتير عن باقى العربيات ودا شئ مسلم بيه دا الالنترا ب 175 الف واقل خبطة بتبان
العربية عالية ودا كويس فى المناورات كويسة قوى وبمجرد ما رجلك تلمس البنزين تطير ولما تلمس الفرامل تهدى قوى سرعة استجابة رائعة
ابعادها سهلة جد وباور ناعم جدا ويفصل فوق 120 ويبقى تقيل
محدش قال اننا نمشى بيها فوق 120 ولو معايا عربية بمليون برضة همشى على 120 الطرق بتعاتنا مظبوطة على 120
واللى يشكك دا بيتكلم نظرى انزل جرب احنا هنكدب ليه وايه المصلحة لو العربية فيها مشاكل عادى ابيعها وبفرق بسيط اجيب غيرها مش مشكلة
وكلنا عارفين ان العربيات كلها عندنا زى الزفت دا واقع بس احنا بنتكلم برؤية مصرية واتراج احسن الوحشين

والناس اللى بتهاجم مينفعش تكدب شخص بيقول رايه فى عربيته ولو مش داخل دماغك الكلام يبقى اركن على جمب او تدى راى يخصك لكن متلمحش على اى حد بكدب او غيره دى اخلاق ناس بتركب كارو مش عربيات

[reyad_mohamed]

الدليل القوى على نجاح الاتراج ان فى هجوم عليها وده شيئ كويس جدا معنى كده ان مستقبل العربيه فى مصر هيكون فوق الممتاز مفيش حد فى المنتدى معاه العربيه واشتكى منها وانا عن نفسى لحد الان العربيه ممتازة بالنسبة لسعرها تساوى اكتر من سعرها 30 الف كمان لانها من وجهة نظرى تنافس العربيات لحد 130 الف
بس مش معنى كده ان الاتراج احسن عربيه فى السوق لا طبعا انا لو معايا ثمن الكرولا او اعلى من كده كمان بى ام وغيرها لكن من 100 الف لحد 130 الف يبقى الاتراج تكسب بماتورها 1200 و3 سلندر

[mestca]

الدليل القوى على نجاح الاتراج ان فى هجوم عليها وده شيئ كويس جدا معنى كده ان مستقبل العربيه فى مصر هيكون فوق الممتاز مفيش حد فى المنتدى معاه العربيه واشتكى منها وانا عن نفسى لحد الان العربيه ممتازة بالنسبة لسعرها تساوى اكتر من سعرها 30 الف كمان لانها من وجهة نظرى تنافس العربيات لحد 130 الف
بس مش معنى كده ان الاتراج احسن عربيه فى السوق لا طبعا انا لو معايا ثمن الكرولا او اعلى من كده كمان بى ام وغيرها لكن من 100 الف لحد 130 الف يبقى الاتراج تكسب بماتورها 1200 و3 سلندر

الله ينور

[mestca]

يا عالم افهموا بجد لغاية دلوقت محدش بيتكلم فى موضوع العربية غير الاستاذ مؤمن
المقصود ان العربية كويسة وملاكها مبسوطين بيها ودا ايجابى وانها تقدر تسافر بيها براحتك من غير ما تشتكى من 1200 سى سى
انك مش هتدايق من الوسع والسحب والتكيف كلها شغال بسلاسة والتسارع رائع الصاج ميفرقش كتير عن باقى العربيات ودا شئ مسلم بيه دا الالنترا ب 175 الف واقل خبطة بتبان
العربية عالية ودا كويس فى المناورات كويسة قوى وبمجرد ما رجلك تلمس البنزين تطير ولما تلمس الفرامل تهدى قوى سرعة استجابة رائعة
ابعادها سهلة جد وباور ناعم جدا ويفصل فوق 120 ويبقى تقيل
محدش قال اننا نمشى بيها فوق 120 ولو معايا عربية بمليون برضة همشى على 120 الطرق بتعاتنا مظبوطة على 120
واللى يشكك دا بيتكلم نظرى انزل جرب احنا هنكدب ليه وايه المصلحة لو العربية فيها مشاكل عادى ابيعها وبفرق بسيط اجيب غيرها مش مشكلة
وكلنا عارفين ان العربيات كلها عندنا زى الزفت دا واقع بس احنا بنتكلم برؤية مصرية واتراج احسن الوحشين

والناس اللى بتهاجم مينفعش تكدب شخص بيقول رايه فى عربيته ولو مش داخل دماغك الكلام يبقى اركن على جمب او تدى راى يخصك لكن متلمحش على اى حد بكدب او غيره دى اخلاق ناس بتركب كارو مش عربيات

كلام موزون و محترم و الاتراج فعلا عربية مميزة جدا بس محدش عايز يصدق للأسف

[Omar Mahmoud]

الدليل القوى على نجاح الاتراج ان فى هجوم عليها وده شيئ كويس جدا معنى كده ان مستقبل العربيه فى مصر هيكون فوق الممتاز مفيش حد فى المنتدى معاه العربيه واشتكى منها وانا عن نفسى لحد الان العربيه ممتازة بالنسبة لسعرها تساوى اكتر من سعرها 30 الف كمان لانها من وجهة نظرى تنافس العربيات لحد 130 الف
بس مش معنى كده ان الاتراج احسن عربيه فى السوق لا طبعا انا لو معايا ثمن الكرولا او اعلى من كده كمان بى ام وغيرها لكن من 100 الف لحد 130 الف يبقى الاتراج تكسب بماتورها 1200 و3 سلندر

علي كدة الجين 2 او البروتون كلها انجح بمراحل و مفيش مقارنة....اصلها بتتهاجم من 2005

[Omar Mahmoud]

يا استاذى و لا تحيز و لا حاجه بالعكس و الله الواحد بيقول الكلام اللى يرضى ضميره و لو فى كلمه عن العربيه انا قلتها مش موجوده كانت ظهرت كشكوى من اى من ملاك العربيه بالعكس كل اللى بيشترى العربيه بينبهر بادائها...ثانيا حضرتك بتهاجم العربيه دى بالذات من اول ما ظهرت بسبب و بدون سبب و انا باقولك خلى بالك علشان انت كده بتضلل الناس.....

ايوه من وجهة نظرى العربيه دى احسن من العربيات اللى فوق و انا كنت محتار اجيب اى عربيه فيهم قبل ما اجيب و رسيت عليها و هاقولك ليه...

اولا الستيب واى دى كانت اكتر عربيه داخله دماغى..الاقى قطع غيار مش موجوده فى التوكيل و لا بره و اسعارها غريبه ده غير ان العربيه استهلاكها لللبنزين عالى و شنطتها صغيره....

ثانيا الجراند اى 10 انا نزلت شفتها الاسبوع اللى فات عربيه ضيقه جدا من جوه بلا وسائل امان و سعرها عالى على عربيه مافيهاش وسائل امان و ده مهم بالنسبه لى جدا...

الديزاير عربيه ممتازه لكن توكيل فاشل بكل ما تعنيها الكلمه قطع غيار مش موجوده تقعد شهور تعيط عليها و تركن عربيتك شهور علشان حاجات عبيطه........

الجين 2 موتور قوى و تقفيل سيء جدا انا ليا صديقى عنده جين 2 مشاكل دايما فى الكهربا و الدرج اللى فى التابلوه مابقاش يقفل و قطع غيار غاليه جدا .!!!!!!!!!!

النيسان صنى الجديده ماشفتش حد جابها ماشتكاش منها سواء فى الفرامل او الاير باج اللى مش بتفتح و لا ولا ولا...تقفيل مصرى سيء....

على فكره انا اول عربيه ركبتها بيجو و بعدها مازدا و فى الامارات كان معايا كورولا و فى الفلبين ركبت جيب شيروكى و انا طالب فى امريكا ركبت شيفروليه...و معايا على كده لانسر 2014 شارك.....انا اديت لمراتى الشارك و باركب الاتراج لان العربيه فعلا رائعه فى كل شيء و بعد اكتر من سنه استخدام بره مصر و 6 شهور جوه مصر مافيش اى مشكله فى العربيه نهائى..............نسيت اقولك ان عربيه زى الميراج الهاتشباك محققه السنه دى اكبر مبيعات فى بعض الولايات فى امريكا.............المواتير و الفتيس الميتسوبيشى شيء محترم ...

انا هعلق علي نقطة إن البروتون قطع غيارها غالية جدا
في عضو معانا في المنتدي عمل حادثة بعربيته الاتراج و قال اسعار قطع غيار اتغيرت اغلي من الجين 2 عارف كدة
انا ممكن اقارن معاك اسعار الجين و الاتراج و هتلاقي الاتراج اغلي في حاجات
بالمناسبة الجين 2 كعربية فهي فئة اعلي إنما هما في فئة سعرية واحدة و إيه مشاكل الكهرباء اللي موجودة في العربية؟؟؟؟
عموما الاتراج في نفس الفئة بتاعتها كويسة يعني انا بالنسبالي احسن من الإيميجراند و الصني و هي عربية واسعة فعلا بس تقفيلها مش اللي هو بردو لكن علي قد فلوسها.

[reyad_mohamed]

علي كدة الجين 2 او البروتون كلها انجح بمراحل و مفيش مقارنة....اصلها بتتهاجم من 2005

لو الجين بتتهاجم من غير ملاكها ومفيش اى شكواى من ملاكها تبقى اكيد ناجحة لكن لو فى شكواى من ملاكها تبقى مش ناجحة
الاتراج حتى الان لم تسجل اى عيب من احد ملاكها انا لو عندى اى مشكلة لا قدر الله انا مش هخبيها لا ده انا هنقلها على جميع مواقع التواصل وهخرب بيت الشركة علشان اعرف اخد حقى كويس لكن لو كل واحد ما تكلمش على اى عيب عنده حتى لو صغير يبقى عمرنا ما هنعرف نتكلم مع الشركة ابسط حاجة هيقلولك مفيش حد بيشتكى وانت اكيد المشكلة فيك والتلكيك بتاعت اى توكيل فأكيد مفيش حد هيحب الضرر لنفسه ولفلوسه ياريت تكون وصلت الفكرة