يابانى ولا فرنسى؟

[برنس الليالي]

طب اشمعنا قولتو على الالماني انه التوب ؟ طلاما تصويتاتكو مبنية على اساس اعتمادية الياباني واسعاره في مصر

الفرنساوي اجود ... بغض النظر عن الفئات البسيطة

[ahmzd]

مع احترامي لآراء الجميع .. أنا أختار فرتسي حاليا ، وبالتحديد فلوينس زيرو ، لأنها أصبحت تجمع بين نعومة وعملية الياباني ( موتورها وفتيسها ياباني من نيسان على حد علمي ) ، وشكل وجمال وكماليات الفرنسي ..
والله أعلم.

[Ammpage]

رأي السيارات الفرنساوي بدأت تنتشر في مصر في الفترة الاخيرة وده راجع للقيمة مقابل السعر، بعد ما السيارات الياباني والكوري ارتفع سعرها ضاقت الفجوة وأصبح شراء عربية زي الكورولا ٢٠١٤ تقريبا ب ٢٠٠٠٠٠ ألف في خيارات اخري في الاوروبي ( بيجو ٣٠٠٨ - اوبل أسترا - فولكس جولف ) بنفس المبلغ افضل من اغلب النواحي وأهمها الأمان الذي تتميز به عموما السيارات الأوربية

[تامر.محمد]

فلوينس تبقى الاتنين :-)

Sent from my GT-N7000 using Forum Runner

[lenasam]

يابانى

[S O P H O S]

الياباني هنا

[تامر.محمد]

حسب احتياجات كل واحد و حسب العربية نفسها
مافيش بينهم افضلية مطلقة

Sent from my GT-N7000 using Forum Runner

[drcobra]

الاتنين بقوا واحد
حد يفرق بين النيسان صنى والرينو سكالا
الجميع يبحث عن الاعتمادية فى التشغبل والفخامة فى التقفيل

[كابوس الليل]

الاتنين بقوا واحد
حد يفرق بين النيسان صنى والرينو سكالا
الجميع يبحث عن الاعتمادية فى التشغبل والفخامة فى التقفيل

رينو سكالا هى هى النسيان صنى .. النسيان صنى نزلت فى الخليج سنة 2009 نفس شكل الرينو سكالا ووالدى اشترها .. وبعد منزلت مصر بكام سنة لقيتهم منزلينها على انها رينو وشكل جديد وكدة ..

[كابوس الليل]

معلومة بس للناس ان الرينو اللوجان الجديدة كلها مفيش منها غير مانيوال !!

[monamize4]

طبعا اخترت اليابانى لان الاعتمادية بالنسبالى شئ اساسى
و بتكلم عن اليابانى ال 100 % اللى اعتماديته غنية عن التعريف

العربيات الفرنسى فيها مميزات حلوة لكنها بتفتقر للاعتمادية
و بالتالى لايمكن ابدا اثق ف الفرنسى بسبب اعتماديته الضايعة
العربيات الفرنسى طلعت عين ناس اعرفهم و على راسهم ميجان 2
و ال 307 و ال c4 و حط ميت خط تحت ميجان 2

[Mohamed.Hany]

الموضوع قديم قوي من سنة ٢٠٠٩ يعني من ٤ سنين الدنيا اتغيرت فيها جامد ،

انا هقول رأي في ٢٠١٤ و بدون تحيز و ارد علي سؤال صاحب الموضوع اللي بيقول فيه

لو قدامك عربية ياباني و عربية فرنسي و الاتنين زي بعض بالضبط في الكماليات و الامكانيات و السعر هتختار ايه ؟

بدون شك مدام نفس الامكانيات و السعر و الكماليات يبقي هدور علي حاجات تانية اقيم بيها و هي كالاتي :

١. الاعتمادية : ياباني بلا تفكير.
٢. الثبات : زي بعض و حط ١٠٠ خط تحت اننا بنقارن موديلات ٢٠١٤ الحديثة الكلام كان مختلف في سنة ٢٠٠٩
٣. الامان : تفوق طفيف للياباني في تقيمات السلامة و الامان الاوروبية و غير ان معظم الياباني بقي اساسي esp و لكن بعض الفرنسي به esp و بقينا نشوف الياباني ب ٧ ايرباج اعلي حاجة شفتها في الفرنساوي ٦ و الكلام ده علي الموديلات اللي بتنزل مصر مش خارج مصر.
٤. ال running cost للياباني ، كل الياباني دلوقتي مبقاش فيه صيانة كبيرة و مقابل بعض الفرنساوي فيه.
٥. التكييف للياباني بدون تفكير.
٦. صوت الموتور و نعومته للياباني.
٧. قوة التسارع خصوصا في الطلعة الاولة للياباني بدون تفكير.
٨. جودة التقفيل الداخلي و اللمسة الجمالية للفرنساوي.
٩. توافر قطع الغيار ياباني بسهولة خارج التوكيل.
١٠. سهولة الاصلاح و تشخيص الاعطال .
١١. سهولة اعادة البيع للياباني.
١٢. المحافظة علي القيمة السوقية للياباني.
١٣. استهلاك البنزين للياباني.

و ده رأي و الله اعلم و الكلام ليس علي سيارة بالتحديد و لكن بالمجمل عشان محدش يجي يقول اصل العربية الفلانية احسن من كذا لان احنا مش بنقارن حاجات فردية احنا بنقول معظم الياباني و معظم الفرنساوي و ده فيه الحلو و الوحش و كلها اراء و اختلاف الاراء لا يفسد للود قضية.

[waleed acc]

كل عام وانتم بخير و عيد سعيد
المهم اللي بيقول ياباني لا زم أقارن فارق الاسعار من كل فئة و في الحالة دي الفرنساوي يكسب طبعا
سعر مقابل قيمة
مثلا قارن سعر بيجو 508 بالتويوتا كامري و حضرتك هتعرف الفرق
خلي بيجو أو رينو يخرجوا سيارات في نفس سعر الياباني من نفس الفئة و حضرتك هاترجع في كلامك فورا
و شكرا

[Mohamed.Hany]

QUOTE=waleed acc;3875690655]كل عام وانتم بخير و عيد سعيد
المهم اللي بيقول ياباني لا زم أقارن فارق الاسعار من كل فئة و في الحالة دي الفرنساوي يكسب طبعا
سعر مقابل قيمة
مثلا قارن سعر بيجو 508 بالتويوتا كامري و حضرتك هتعرف الفرق
خلي بيجو أو رينو يخرجوا سيارات في نفس سعر الياباني من نفس الفئة و حضرتك هاترجع في كلامك فورا
و شكرا[/QUOTE]

احترامي الكامل اكلام حضرتك بس صاحب الموضوع طالب راي الناس في الياباني و الفرنساوي عموما و بدون تحديد موديل معين
و بالمناسبة مفيش كامري في مصر عشان تتقارن بالبيجو
و صاحب الموضوع محدد شروط معينة مش من ضمنها فرق السعر و لا الفئات و لا الاوبشنز
لو قدامك عربية ياباني و عربية فرنسي و الاتنين زي بعض بالضبط في الكماليات و الامكانيات و السعر هتختار ايه ؟
فبالتالي من وجهة نظري التقييم هيبقي علي نقاط تانية زي اللي انا قلتها و في النهاية هي اراء و ده اكيد لا يفسد للود قضية .
تحياتي لشخصك الكريم

[waleed acc]

أشكر حضرتك على الرد المهذب اللطيف
أنا اقصد ان اي حاجة ليها تكلفة بتنعكس في سعر الحاجة فلو أي شركة فرنسي رفعت أسعار سيارتها مش زي الياباني بس أطلاقا زي مثلا الالماني فالنتيجه ان العربيات سوف يتم مضاهاتها بالمرسيدس أو البي أم
فمثلا عربية زي الليكزس ياباني ثمنها أكبر من مرسيدس s 500
اللي أقصده ان كل حاجه على قد ثمنها
يبقى هل كده المرسيدس s500 أقل من الليكزس
لا طبعا
بس أهو بنزلوا عربيات زي كده لا سوقها في الخليج ماشي مرسيدس نايمه عندهم
يبقى السعر كمعيار يفرق جامد مع العربية ثقافة شراء ليس الا
مرسيدس و بي أم (الماني) هايقضلوا زي مهما في الصفوة .
و بعد كده يجي الياباني
و شكرا و أسف على الاطالة و زي محضرتك قولت اختلاف الراي لا يفسد للود قضية و كل عام و حضرتك بخير
على الفكرة ان بذكر أسماء العربيات للتوضيح فقط لاننا في الاول و الاخر بنقارن في منتدى سيارات مش اي منتج أخر
و شكرا