يابانى ولا فرنسى؟

[Hisham1]

أعتقد ان الياريس تتميز عن السيمبول من كل النواحي ولا يجب المقارنة لكي لا نظلم السيمبول

[alfbaa]

والله العظيم

بمنتهى الامانه و الله العظيم انا شايف ناس هنا بتجادل وخلاص و الامر واضح وضوح الشمس تقوله طور يقول احلبوه
يا عم والله طووور يقولك الطور ممكن يحلبوه اصل مش عارف ايه وايه ......... وانا نفسي اقول علي شويه اسماء من الناس دي بس بلاش كده احسن انا حقولهم نصيحه لوجه الله بلاش الجدال لانه منهي عنه ولانه صفه سيئه جدا
طبعا ده ميمنعش ان في ناس بتناقش بمنتهي الاحترام وهدفها فعلا الاستفاده من خبرات الناس التانيه .... تعرف منين اللي بيجادل وخلاص من اللي فعلا عايز يستفيد ..... تلاقي اخينا الاولاني مستحيل يتراجع عن كلمه اقلها حتى لو جبتولوا براهين الدينا و الاخره كان كلامه كله كله قران ما فيهوش غلط اما اللي عايز يستفيد فوضعه مختلف تماما

وعلشان ابقى قدوه حسنه لغيري ......... انا كنت دايما بقارن الياباني بوجه عام بالفرنساوي وشايف ان الياباني كويس بس الفرنساوي احسن منه بمراحل بس انا بتراجع ايوه مش صح المقارنه العامه انا اقتنعت بوجه نظر احدى المشاركات المحترمه لما نقارن نقارن طراز بطراز لان مش كل طرازات رينو زي الميجان والسيمبول والكليو ولا كل طرازات تويوتا زي الكورولا ولا كل هوندا زي سيفيك مش يس كده سعات نشوف عربيه معينه (س) موديل سنه معينه (ص) روعه ونلاقي نفس العربيه موديل سنه تانيه (احدث او اقدم ) مش بنفس المستوى
وعلى هذا الاساس انا شخصيا لو هقارن مابين ميجان 2 و كورولا الشكل القديم طبعا هختار ميجان بس لو هقارن ما بين ميجان 2 و كورولا الشكل الجديد برضه هختار ميجان ههههههههههه لا هتبقى المقارنه صعبه جدا الا اذا دخلت بيجو407 .........!!!!!!!!!!!!!!
بس لو هقارن مابين السيمبول و الياريس هختار السيمبول لكن لو هنحط هوندا سيتي يبقى سيتي بلا تردد (ال3 نفس الفئه بغض النظر عن السعر )

لو هقارن التيدا هاتش باك بالبيجو 307 رغم الصعوبه هختار التيدا لكن لو دخلت الميجان الهاتش باك او السيتروين c4 كله يوسع للجمال والفخامه والاناقه و المانه و ..............................

يعني دي مجرد امثله ويارب تكون وجه نظري وصلت

واخيرا كل واحد قبل ما يكتب يقول لنفسه 3 مرات (خليك امين وبلاش جدال) ماشي سلام

[Sharky]

السلام عليكم جميعاً :
ابو عبد الله لو حضرتك عايز تطلع الياريس افضل من السيمبول بالعافية يبقي بلاش نكمل مقارنة ,, لأن واضح ان حضرتك مركبتش السيمبول او شفتها حتي في معرض انا هارود علي حضرتك بالارقام لعل و عسي الكلام يبقي محدد وواضح و مندخلش في جدل
1- ليه مصر ان قطع غيار الياريس معمرة بعكس السيمبول مع انك مجربتش السيمبول ,, دي نقطة سيبها للزمن رغم اني أثق تماماُ في قطع الغيار الاصلية للعربيتين و متاكد انهم معمرين
2- موضوع الكماليات لو حضرتك فعلا شفت السيمبول يبقي تعرف ان فيها الاتي :
1- وسادة هوائية للسائق من الجيل الثالث
2- خمسة حزام أمان ثلاثية التثبيت
3- خمسة مساند رأس
4- عاكس للأضواء في الابواب
5- نظام ايموبيليزر للحماية ضد السرقة
6- فوج لايت امامي و خلفي
7- مرايات كهرباء
8- 4 زجاج كهرباء
9- المصابيح الامامية مزودة بعدسات و لمبات هالوجين مع إمكانية التحكم في مستوي الإضاءة
10- إمكانية تعديل ارتفاع مقعد السائق هيدروليك
11- حامل اكواب امامي
12- تغطية كاملة لصندوق اامتعة بالموكيت عالي الجودة
13- إمكانية طي المقاعد الخلفية لزيادة حيز التخزين
14- راديو cd\mp3 و عدد 2 سماعات
15- كمبيوتر رحلات و عداد لفات المحرك
16- إمكانية تعديل عجلة القيادة
17- ريموت و سنتر لوك طبعا
18- إمكانية التحكم في الكاسيت من عجلة القيادة
اما الياريس فمش فيها غير الايرباج و حوامل الاكواب حتي الزجاج عادي و المرايات مش كهرباء و لا اي حاجة من ال18 نقطة اللي قلتهم موجودين و ده في العربية الهاف اوبشن اللي ب 86 و الكاملة فيها بس زيادة ان الزجاج كهرباء و المرايات كهرباء و السنتر و الفوج لايت بينزل في موديل الاوتوماتيك فقط
3- عندك حق الماتور يقاس بعزمة و عند كام لفة بيطلع العزم ده و علشان كده اتفضل
الياريس : 121 نيوتن عند 4400 لفة ,, السيمبول : 127 نيوتن عند 3750 لفة ,,, اللوجان بالمرة علشان تعرف ان ماتورها كمان اعلي من الياريس 128 نيوتن عند 3000 لفة
4- طبيعي الامان مش بيقاس بالصاج و إلا كنت روحت اشتريت بيجو 504 موديل 80 لكن الصاج الخفيف ده بيخطب بسرعة و بيطبق من اي حاجة و كفاية ان اكصدام الياريس لو حضرتك بتركن بس ممكن يتكسر و يقع من العربية و حضرتك ادخل علي منتدي تويتا و شوف الناس قالت ايه و لا تدخل ليه انا مصور عربية ياريس 2009 شكلها كانت خبطت قطة و لا حاجة و اوريك الاكصدام عامل ازاي
و بخصوص الامان بقي لو حضرتك بتتكلم بحيادية شوية كنت قلت باقي تفاصيل الخمس نجوم اللي حضرتك بتقلها لان التقييم بتاع يورو كاب ليه درجات و هي كالاتي : درجة امان الركاب ,, درجة أمان الاطفال علي المقاعد الخلفية ,, درجة امان للمشاة بالشارع عند التصادم و كانت كالاتي بالنسبة للياريس 35 ,, 34 ,,18 و السيمبول طبعا لسه جديدة لكن هاحطلك اختبار الكليو لان معروف ان السيمبول هي امتداد الكليو حتي ان اسمها كليو سيمبول 33 ,, 39 ,, 9 و اللوحان بالمرة 19 ,, 31 ,,5 يعني الياريس تتفوق علي السيمبول في حماية المشاة فقط و اعتقد انك لو هاتجيب عربية الحاجة اللي بتفكر فيها هي حمايتك انت و اطفالك
5- ثبات السيمبول لحد 180 كويس و مش هاندخل في تفاصيل هنا اوي لكن هاديلك ارقام تقول ليه الثبات بتاع السيمبول و اللوجان كمان لازم يبقي اعلي
* عرض السيارة :
الياريس : 1695 ملم
السيمبول : 1940 ملم
اللوجان : 1735 ملم
* طول السيارة :
الياريس : 3825 ملم
السيمبول : 4261 ملم
اللوجان : 4250 ملم
* الارتفاع الكلي :
الياريس : 1530 ملم
السيمبول : 1439 ملم
اللوجان : 1525 ملم
* مسافة قاعدة العجلات و دي تقريبا اهم نقطة للثبات :
الياريس : 2460 ملم
السيمبول : 2473 ملم
اللوجان : 2630 ملم
* الخلوص من الارض :
الياريس : 140 ملم
السيمبول : 140 ملم
اللوجان : 155 ملم
* سعة الشنطة :
الياريس : 388 لتر طبعا كويسة
السيمبول : 506 لتر مش كويسة رهيييييييييييببة
اللوجان : 510 لتر ارهب و ارهب :(
من الارقام دي كلها حضرتك بردو هاتقولي ان الياريس ثباتها اعلي و ده رد للنقطة رقم 11 بخصوص الاتساع لانه واضح الفرق و لو حضرتك عايز توصل لاي معلومة علي النت هتلاقيها لكن حضرتك اللي مش عايز تدور علي السيمبول او رينو اصلا و من غير نت لو حضرتك زي مابتقول لو كنت شفت السيمبول او اللوجان في اي معرض و ركبتهم كنت حضرتك من غير كلام هاتقول ان الاتساع ليهم او كنت حضرتك طلبت البورشور بتاع العربيتين من المعرض و شوفت البيانات اللي حضرتك مش قادر توصلها كانها اسرار عسكرية
ملحوظة اخيرة : انا كنت بفكر اجيب لوجان ولا سيمبول و لاياريس فعلشان كدة انا كلامي كله دورت عليه و شوفته بدل المرة 100 و روحت شفت التلات عربيات يعني انا مش بدافع عن سيمبول لانها معايا انا لسه مش جبتها ولسه مقررتش اني اجيبها لكن حضرتك خسفتها الارض مقارنتاً بالياريس اللي انا مذاكرها مع السيمبول و عن قناعة ترتيبي للثلاث عربيات كالأتي : سيمبول ,, ياريس ,, لوجان و تحياتي ليك و اسف علي الاطالة بس حاولت ارد رد مفصل علشان الكلام مش يبقي اي كلام و خلاص

كلام عملى و مظبوط جدا بعيدا على الأهواء و الميول
الأرقام لا تكذب و تؤكد تفوق السيمبول على الياريس بوضووووووووح

طبعا بعد اكلام دا مش حيبقى فيه كلام يتقال
هههههههههههههههه

[ahmad--ezzat]

أعتقد ان الياريس تتميز عن السيمبول من كل النواحي ولا يجب المقارنة لكي لا نظلم السيمبول

محنا بنقول كدة من الصبح والناس مش مصدقه وقلنا وعدنا عن قطع الغيار واعادة البيع وقله الاعطال والاعتماديه...وكل دة والناس مش قادره تفهم....بس دة مش موضوعنا

الموضوع يابانى ولا فرنسى...وطبعا مش كل اليابانى افضل من الفرنسى ومش كل الفرنسى افضل من اليابانى

[أحمد كمال]

أعتقد ان الياريس تتميز عن السيمبول من كل النواحي ولا يجب المقارنة لكي لا نظلم السيمبول

محنا بنقول كدة من الصبح والناس مش مصدقه وقلنا وعدنا عن قطع الغيار واعادة البيع وقله الاعطال والاعتماديه...وكل دة والناس مش قادره تفهم....بس دة مش موضوعنا

الموضوع يابانى ولا فرنسى...وطبعا مش كل اليابانى افضل من الفرنسى ومش كل الفرنسى افضل من اليابانى

يعني ايه لا يجب المقارنة لكي لا نظلم

المقارنة تبقى بحقائق و ارقام و تبقى موضوعية

Objective ..... not subjective

يعني هتقول الموتور ...... شوف عزم و قوة حصانية هنا و هنا كام و اتكلم

هتقول ثبات ..... شوف مقاسات الارتفاع و قاعدة العجل و الوزن و خلافه

الخ الخ

اللي ممكن نتكلم عليه Subjective الحاجات اللي لا تقاس

زي الشكل و الارتياح العام للشكل و الحاجات دي

دي بقى تفرق من شخص لشخص .....

انما نقعد نقول و دي تيجي جنب دي .....


اه و ليه لأ؟ المقارنة بالارقام هي الفيصل ....

و زي ما قالوا .... الكورة اجوان ..... لو انت بتلعب احسن بس انا جبت اجوان اكتر انا اللي هاكسب

و انا شايف المقارنة بالارقام جول كبير للفرنساوي

[tofy_urban]

انا شايف ان محدش رد علي الارقام اللي اتقالت و مازالت نفس اراء الاخوة اليابانيين زي ماهي :( انا بحترم جداً الياباني و قبل ما اشوف تفاصيل عن الاوروبي و خاصة الفرنسي كنت ميال اوي لليابان كدولة في كل حاجة لاني شايف انها معجزة او بمعني تاني انا شايف اليابان هي مملكة النمل في البشر منتهي النظام و الدقة لكن بصراحة بعد ما بدات اقراء و اشوف و اعرف عن الفرنسي علي وجة الخصوص لقيته مظلوم جداً في مصر و بصراحة انا مازلت مقتنع ان السيمبول افضل من الياريس و مش معني كده ان الياريس وحشة او ان الياباني وحش بالعكس مازالت الياريس و الياباني عموماً متفوق علي الفرنسي في مصر و ده اسبابه معروفه و بالتالي يبقي طبيعي ان سعر إعادة البيع تكون لصالحه و طبيعي توافر قطع الغيار تكون لصالحة لكن ده مش يقلل ابدا من السيمبول او من الفرنسي عموما و اخراً انا وضحت وجهة نظري كويس و هدفي ان احاول اوضح المقارنة بصورة عادلة شوية لان الناس هنا جت علي الفرنسي اوي ,, يعني لو واحد مش يعرف في العربيات قوي و قرا اللي مكتوب هنا عمره ما هايفكر يجيب فرنسي و ده اللي ضايقني و خلاني اتدخل و احاول اوضح بعض الاراء مدعمه بالارقام اللي مازلت في انتظار الردود عليها بدل ما نقعد نقول ان الياريس احسن و خلاص :( و شكرأ ليكم كلكم ياجماعة و ربنا يوفقك كل واحد في اختياره

[ahmed_su]

تلطيفا للجو ياجماعة ....

العربيات الفرنسية زى البنت الجميلة المهتمة بأناقتها و بفستان السواريه المكلف

وتسريحة الشعر الفخمة وتكليفها من العطور الباريسية والاكسسوارات الماسية

وقضاء الامسيات فى المطاعم الفاخرة

العربيات اليابانية زى البنت الجميلة وبترتدى جينز وبادى والشعر

ديل حصان فى السريع وبادى سبرى وبتاكل تيك اوى (عملية)

الاتنين حلوين اللى يقدر على تكليف الاولى ...اهلا وسهلا

واللى عجباه التانية ...اهلا وسهلا

كل سنة وانتم طيبين

[ahmad--ezzat]

تلطيفا للجو ياجماعة ....

العربيات الفرنسية زى البنت الجميلة المهتمة بأناقتها و بفستان السواريه المكلف

وتسريحة الشعر الفخمة وتكليفها من العطور الباريسية والاكسسوارات الماسية

وقضاء الامسيات فى المطاعم الفاخرة

العربيات اليابانية زى البنت الجميلة وبترتدى جينز وبادى والشعر

ديل حصان فى السريع وبادى سبرى وبتاكل تيك اوى (عملية)

الاتنين حلوين اللى يقدر على تكليف الاولى ...اهلا وسهلا

واللى عجباه التانية ...اهلا وسهلا

كل سنة وانتم طيبين

هههههههههههههههههههههه وحضرتك طيب:b4_033:

[Hegazio]

كلام لا فائدة منه..كل واحد فاكر لما نقول الثانية أحسن يبقي خسر من ماله أو اتقتله قتيل!
اللي يقول أحسن..يقول بالأرقام..مع تثبيت الفئة و السعر..قوة..سحب..سرعة..امان..ارتفاع..سمك صاج..أسعار قطع غيار في الوكيل و بره
ارقام لا تكذب تؤكد تفوق الفرنسي في نفس الفئة!
بتحب..بتستريح..بتميل..حابيع إزاي بعد 10سنين.. ده كلام لا يقال إلا بعد تساوي المقارنة.
( الكلام طبعا للناس اللي بتحكم عقلها و ضميرها..مش بتتخانق و خلاص )

[Hisham1]

السلام عليكم
فعلا المفضل في المقارنة ان يكون الواحد مجرب السيارتين لكي يقارن بينهم
والافضل ان لما نقول رأي انه يكون عن تجربة لمدة طويلة مش مجرد تعصب لفئة على حساب الأخرى
والرأي الخاص بي كان على أساس اني مالك لليارس وكذلك للكليو
أنا مقولتش ان الكليو وحشة بالعكس دي سيارة ممتازة بس في فرق بصارحة كبير بينها وبين اليارس وارجو عدم التعصب
احنا هنا علشان نفيد بعض
تحياتي للجميع

[tofy_urban]

السلام عليكم
فعلا المفضل في المقارنة ان يكون الواحد مجرب السيارتين لكي يقارن بينهم
والافضل ان لما نقول رأي انه يكون عن تجربة لمدة طويلة مش مجرد تعصب لفئة على حساب الأخرى
والرأي الخاص بي كان على أساس اني مالك لليارس وكذلك للكليو
أنا مقولتش ان الكليو وحشة بالعكس دي سيارة ممتازة بس في فرق بصارحة كبير بينها وبين اليارس وارجو عدم التعصب
احنا هنا علشان نفيد بعض
تحياتي للجميع

كلام جميل ياسيدي الفاضل بس ياريت توضحلنا ايه الفروقات دي و ليه فضلت الياريس و شكرا ليك

[Nour_Peugeot]

يا جماعه للمره ال 4

دي مقارنه كبيرة جدا لو هنقارن عربيه بعربيه يبقي الفئه هي هي الفئه

بس هنا بنتكلم عن الفرنساوي بشكل عام و الياباني بشكل عام

و انا جربت الاثنين فتره كبيره و شايف ان احتياجاتي موجوده في الفرنساوي خلاص كده

و بقولها للمره ال 10000 انا استمتع بالعربيات الياباني جدا و بذات المازدا و الهوندا

[yousef1978]

السلام عليكم ورحمة الله وبركاته

كل عام وانتم بخير بمناسبة عيد الفطر وعساكم من عواده

أنا هأتكلم من وجهة نظري رغم إني لم اجرب أي من السيارتين ولكن والحمد لله عندي سيارتين في الإمارات
واحدة مرسيدس عيون موديل 96 ومركبلها ماكينة شبح 320
والثانية ميتسوبيشي جالانت موديل 94 ومركبلها ماكينة موديل 2000

يعني الاتنين مغيرلهم ماكينة

الفرق بين الألماني والياباني ( أو الكوري )

أولا : كل من اليابان والمانيا عاملين سيارات صغيرة وسيارات فخمة
يعني اللكزس تواجه المرسيدس بلا تردد

والكرولا قدام الرينو

خلينا نتكلم عن الحاجات المشهورة ونبتعد عن تأييدنا لمدرسة عن التانية


ثانيا : الياباني القديم غير الحديث لآن القديم كان صغير وما فيش فيه رونق السيارات

وكمان الألماني القديم غير الحديث لآن بالعكس القديم كان أوسع وموتوره أقوى وأضخم وسيارة وزنها تقيل لكن دلوقتي بدأو يخففوا السيارة وخصوصا مع الفكر الجديد اللى بيطالب بحماية كابينة الركاب من الداخل والتضحية بجسم السيارة الخارجي مع توفير البنزين والخامات وطبعا السعر

بإختصار هأقولكم الفروق اللى لاحظتها

1- السيارات الألمانية مصممة لآجواء متوسطة الحرارة وحاليا الموديلات الحديثه بدأو يهتموا فيها بدورة التبريد نوعا ما
لكن الياباني دورة تبريدة لا يعلى عليها

أنا عن تجربة مشيت ثلاثة شهور بالميتسوبيشي ومياه التبريد بتتسرب من مضخة المياه وكنت امشي بيها بدون مياه بالكامل ولمدة تصل لثلاثة ساعات ولكن على الطرق السريعة وكان دفع الهواء كافي لتبريد المحرك بحيث ما يخربش

أما الألماني لو دورة المياه كانت فيها رواسب أو الجو حر زيادة - وخصوصا في الخليج - وفي مصر أيضا حاليا الجو بدأ يرتفع - فأنت هتضطر تمشي على مهلك بالسيارة وتغلق المكيف تماما لكي تستطيع المشي بها وإلا السيارة هتجيب وش سلندر علطول


2- السيارات الألماني فيه اعطال فيها كتير ما تقدرش تمشي بالسيارة قبل ما تصلحها

أما الياباني فممكن تمشي بالسيارة طالما الماكينة بتدور والإطارات منفوخة وفيها بنزين

ولما تتوفر الظروف تقدر تصلحها

3- السيارات الألماني قطع غيارها قوية لكن على قد ثقل السيارة
لكن نسبيا الياباني يكسب

يعني لو حطيت قطعة الغيار الياباني في سيارة ألماني مش هتتحمل لآن الألماني سيارة وزنها ثقيل وعلشان كده كنت علطول لازم أغير كل سنة جانبينات ( دامبر ) السيارة الامامي للسيارة البي إم 535 لكن الياباني وإن كان قطع غياره مش في نفس قوة الألماني لكن لما بيركب على سيارة ياباني خفيفة الوزن بيتحمل أكتر


4- السيارة الياباني رشيقة أكثر من الألماني

5- السيارة اللماني أكثر ثباتا في السرعات العالية عن الياباني من نفس الفئة الموتورية والسعرية

6- إستهلاك الياباني عموما أقل من الألماني وإن كان الألمان طوروا بعض المواتير لكي توفر لكن طبعا اليابانيين طوروا أيضا مواتيرهم وخصوصا الدايهاتسو والهوندا سيفك والهوندا سيتي والجاز لآنهم بيستهلكوا بنزين أقل بكثير وبيعطوا قدرات عالية وبهم خواص مثل التوقف والتشغيل في حالة توقف السيارة مؤقتا في الإشارات

6- في الألماني فيه قطع غيار لازم كل شوية تغيرها زي تيل الفرامل واسطوانات الفرامل والجانبينات وسيور وغيره اما في الياباني فليست بنفس المعدل

7- الصيانة بتاعة الياباني سهلة وأي حد يعرف فيها عكس الألماني والفرنسي

8- إتساع الياباني والكوري الحديث أكبر من إتساع الألماني الحديث لنفس الفئة

9- قطع الغيار الياباني المستعملة - الوارد - ارخص وأوفر من الألماني زي مثلا المواتير والفتيس وباقي الجزاء


10 - مكيف الياباني أقوى وواضح جدا وخصوصا في السيارات الألماني الغير مخصصة للخليج ( ليست مواصفات خليجي ) لكن المواصفات الخليجي الألماني مهتمين بالمكيف فيه

11- سعر إعادة البيع في الأماني أقل بكثير من الياباني والكوري وده في كل مكان حتى في ألمانيا نفسها


12- فلسفة صناعة السيارات الألماني مبنية على فكر المستهلك الغربي اللى بيحتاج سيارة قوية تتحمل المغامرات والسباقات ولا ينظر لصيانة ما بعد الخمس سنوات وطبعا أي سيارة جديدة بتبدأ صيانه فعليه تقريبا بعد أول خمس سنوات والمستهلك الغربي في الغالب بيبدأ يتخلص من سيارته بعد السنوات الخمس الأولى وخصوصا لآن تكلفة الأيدي العاملة الني تقوم بالصيانة مهما كانت بسيطه هتكون أغلى من قسط سيارة جديدة
وعلشان كده مش بيهتموا بالعيوب بتاعة الصيانة زي صعوبة الصيانة او دقتها لأن التوكيل هناك بيوفرلهم صيانة لمدة اول خمس سنوات

لكن الصناعة اليابانية موجهة للدول الأخرى زي العربية والخليجية بصورة خاصة
وطبعا المستهلك عندنا عايز سيارة عمرها الإفتراضي يزيد عن الثلاثين مع سهولة تصليح السيارة خارج التوكيل وهذا ما يتوفر في الياباني

فالألماني ولو كان جسم السيارة هيستمر خمسين سنة من غير ما تاكلة البارومة زي الياباني
لكن بعد كام سنة من الزيرو هيحتاج صيانة خارج التوكيل ودي مش متوفره في كل فئات الالماني

ده رأيي المتواضح

ويا رب يكون صحيح وتستفيدوا منه


والسلام عليكم ورحمة الله وبركاته

[CryptonX]

من غير مااقرا كل الصفحات .

كتجربة شخصية ,

نيسان صني 2004 ( الياباني 1300 سي سي )
بيجو 307 سي سي 2006 ( فرنسي 1600 سي سي )

صاحب السيارتين هو اعز صديق لي و في ناس شافوه في مقابلات نايل موتورز
الصني اتباعت السنة الي فاتت عاملة تقريبا 70 الف كم , مغيرتش اي حاجة غير صيانات طول ال 70 الف كم و اكصدام خلفي علشان حادثة , سيارة ناعمة جدا سحبها ضعيف او متاخر ( اوتوماتيك 1300 سي سي ) شكلها ممل و قديم شوية .

بيجو 307 - 2006 موجودة الى الان داخلة علي 82 الف كم .
تم تغيير :
- مساعيدن امامي - خلفي
- 3 بطاريات
- مكن زجاج امامي ( ومش موجود في التوكيل )
- طرمبة بنزين
- اسطوانة دبرياج
- شداد ميزان
- 3 تيل فرامل
- شحن فريون تقريبا كل 6 شهور !

و كل ده في التوكيل .

ده من غير حوادث , الحاجات الي بتعلق ؟

الزجاج - الكاسيت - السقف ساعات بيعلق - ال Airbags مش شغالة - شاشة المعلومات مع نفسها تماما - التكييف بيفصل ( الكومبروسور ) .

و لو شفته السيارة " فابريقة " و بتعامل كانها فرده من العائلة يعني مش متبهدل و لا اي حاجة !

صيانة ال 80 الف بالمناسبة , 4250 جنيه في التوكيل ! ( سيور و بلي ) .

و مانوال كمان مش اوتوماتيك !

والراجل شاريها في 2006 ب 235 الف جنيه تقريبا .. مش عارف بيعها حتى ب 100 دلوقتي !

فاظن الراي واضح , و راي اي موقع انجليزي واضح عن اعتمادية السيارات الفرنسية .

و لي سؤال عن الناس الي بتقول تاريخ و مش تاريخ و سمعة !

ليه فرنسا مش موجودة في امريكا ؟ ؟ تاني او اول اكبر سوق سيارات في العالم ؟

جميع الماركات الفرنسية فشلت بجدارة في الولايات المتحدة الامريكية ! و بيجو بالذات ! فشلت امام دخول تويوتا و بالذات في 1991 سنة !

" عارف ان فيات فشلت في امريكا قبل ماحد يقولي كلمة :) "

و كانت علي فكرة اكبر مشكلة بتواجه فرنسا في امريكا , هي " الصيانة " و مراكز الخدمة وقطع الغيار , يعني ممكن تكون السيارة لا غبار عليها ولكن الاسف لم تكن مدعومة بشركة ام واعية او علي درجة من الاحترافية الكافية لمثل ذلك السوق .

[CryptonX]

مثل لاعتمادية بعض السيارة الفرنسية من مواقع اجنبية :

بيجو 307 :
Reliability

The 307 suffers from below average build quality and reliability, it was placed 158th out of 159 cars tested in the Top Gear Survey of 2005, It also ranked No.99 out of 113 2-3 year old cars tested by TÜV in 2007.


رينو ميجان 2 ( على كلام الموقع - اول موديلات يعني 2005- 2006 )



The phase I version of Megane II was well known for reliability issues, especially with the engine management system. Renault has now spent much more time and mileage testing the new model which is therefore expected to have improved reliability.


رينو كليو :

In April 2006, the UK consumer affairs TV programme Watchdog aired details of incidents involving a number of Clio IIs in which the bonnet flew open without warning while still being driven. The problem was traced to a faulty safety catch.
Additional Renault Clio mechanical and electrical faults have been catalogued at carsurvey.org - including a common fault which causes the engine to unexpectedly stall; in some cases at speed whilst on the motorway.


طبعا الكلام ده مش في كل الموديلات و مش في كل السيارات , بس ده دليل ان الناس برده برة بتتكلم في الموضوع , مش افتراء من السوق المصري عليهم ولا اي حاجة

و ده برده لا يقلل من ان السيارات جيدة او لأ . و لكن لما نيجي نتكلم عن الاعتمادية ... يبقى فيه وقفة امام اليابان .


------------

من موقع CARSURVEY وده موقع ملاك السيارت في بيكتبوا تجاربهو و ارائهم و معظمهم اجانب .

احصائيات رينو ميجان ( عامة مش موديل معين ) :

Number of reviews324
Would buy another Renault?51% Would not buy another Renault?31%
Average Performance marks7.2 Average Reliability marks6.6 Average Comfort marks7.7 Average Dealer Service marks5.6 Average Running Costs (higher is cheaper)6.9
--

احصائيات تويوتا كورولا عامة ( مش موديل معين ) :


Number of reviews926
Would buy another Toyota?85% Would not buy another Toyota?7%
Average Performance marks7.3 Average Reliability marks8.8 Average Comfort marks7.3 Average Dealer Service marks7.1 Average Running Costs (higher is cheaper)8.2

لا تعليق طبعا :)

الكلام ده برده مياخذش بيه 100% علشان في تحيز و كدة دول ناس زينا في الاول و في الاخر ... بس يعني زي ماقلت ! على الاقل لازم يلمحكلم باي شيء !!