يابانى ولا فرنسى؟

[alfbaa]

مازالت المقارنه مستمره

بما اننا بنقارن مابين فرنساوى وياباني خلينا نقارن ما بينهم صح هناخد مثال التويوتا والرينو ونشوف نتايجهم في بطوله العالم للصانعين
1- تويوتا.
احصائيات الفورمولا 1:

• الموسم الأول :2002
• عدد السباقات:87
• الإنتصارات:0
• أول المنطلقين:2
• أسرع لفة:1
• ألقاب الصانعين:0
• ألقاب السائقين:0

لمحة تاريخية

• 1933 تأسيس شركة تويوتا اليابانية للسيارات
• 1972 فريق أندرسون موتورسبورت السويدي يعتمد على سيارات تويوتا
• 1990 الإسباني كارلوس ساينز يفوز ببطولة العالم للراليات على متن سيارة تويوتا كورولا
• 1993 تويوتا تشتري فريق أندرسون موتورسبورت وتطلق عليه اسم فريق تويوتا أوروبا
• 2000 الفيا يعلن أن تويوتا سيكون الفريق الثاني عشر في موسم الفورمولا وان عام 2002
• 2002 جائزة أستراليا الكبرى – أول سباق لتويوتا والفنلندي ميكا سالو يحقق النقطة الأولى
• 2002 الفريق ينهي الموسم في المركز العاشر برصيد نقطتين
• 2003 الفريق يحقق المركز الثامن برصيد 16 نقطة
• 2005 إنضمام السائقان، الألماني رالف شوماخر والإيطالي يارنو تروللي لفريق
• 2005 مايك جاسكوين، أحد أبرز مصممي سيارات الفورمولا وان في العالم، ينضم للفريق
• 2005 الفريق يحقق أفضل مركز في تاريخه بحلوله رابعاً برصيد 88 نقطة
• 2006 مايك جاسكوين يرحل عن الفريق لخلاف مع الإدارة
• 2006 موسم مخيب للآمال بالحصول على المركز السادس في ترتيب الصانعين برصيد 35 نقطة

سيارة 2007 :

• الشاسيه: تويوتا TF107
• المحرك: تويوتا RVX-07
• علبة التروس:نصف أوتوماتيكية بسبع سرعات
• سعة المحرك: 8 اسطوانات – 2400 سم مكعب
• وزن المحرك: 95 كغم
• وزن السيارة مع السائق: 605 كغم
• الإطارات:بريدجستون

:10D5C8~1107:

2- رينو

حصائيات الفورمولا 1:

• الموسم الأول :1977
• عدد السباقات:213
• الإنتصارات:33
• أول المنطلقين:50
• أسرع لفة:27
• ألقاب الصانعين:2
• ألقاب السائقين:2

لمحة تاريخية:

• 1898 تأسيس شركة رينو للسيارات
• 1977 أول مشاركة لرينو في الفورمولا وان بسيارة واحدة قادها الفرنسي جان بيير جابوليه
• 1979 فاز جابوليه بسباق فرنسا محققاً أول فوز في تاريخ رينو
• 1981 انضم السائق الفرنسي ألان بروست للفريق
• 1983 حقق رينو المركز الثاني للصانعين بفضل جهود بروست
• 1983 ترك بروست الفريق بعد ثلاث سنوات ناجحة
• 1986 انسحبت رينو نهائياً من البطولة
• 1989 زودت رينو فريق ويليامس بالمحركات
• 1992 ويليامس تفوز بلقب الصانعين بفضل محركات رينو
• 1995 لقب الصانعين لبينيتون، أيضاً بمحركات رينو
• 1997 فوز جديد لويليامس، ليكون اللقب السادس على التوالي لفرق معتمدة على محركات رينو
• 1997 انسحبت رينو من الفورمولا وان مرة أخرى
• 2002 عودة جديدة لرينو بشرائها لفريق بينيتون
• 2003 انضم السائق الإسباني الشاب فرناندو ألونسو للفريق
• 2004 حقق الفريق المركز الثالث بين الصانعين
• 2005 الإيطالي جيانكارلو فيزيكيلا ينضم للفريق
• 2005 فاز رينو بلقب الصانعين لأول مرة في تاريخه وأصبح سائقه ألونسو أصغر بطل عالم في التاريخ
• 2006 يواصل السيطرة بحصوله على لقب الصانعين وألونسو ينتزع لقب السائقين
• 2006 ألونسو يرحل لفريق لمكلارين، ورينو تعلن الفنلندي هيكي كوفالاينين بديلاً له

سيارة 2007

• الشاسيه: رينو R27
• المحرك: رينو RS27 مصنوع من الألمنيوم
• علبة التروس:نصف أوتوماتيكية بسبع سرعات
• سعة المحرك: 8 اسطوانات – 2400 سم مكعب
• وزن المحرك: 95 كغم
• وزن السيارة مع السائق: 605 كغم
• الإطارات:بريدجستون

:10D5C8~1107:

[Sharky]

لا فعلا الكلام دة صحيح جدا...قطع غيار الرينو...غاليه جدا ومش بتعيش ومعروف عن الفرنساوى جدا....غير السيفيك والكرولات...

من حكم سواقتى لليابانى و الفرنساوى للعديد من السنوات
لانسر 98 لمده 9 سنوات
ياريس 2007 لمده سنيتين
كرولا 2004 لمده 4 سنوات
ميجان 2005 لمده 4 سنوات
للأسف رأى حضرتك غير صحيح
قطع غيار الرينو معمره و سعرها لا يعتبر غالى إذا قارنتها بنفس أسعار قطع غيار فئتها من اليابانى الأصلية و ليس التايوانى

يكفى ان الصيانة الشاملة لسيارات رينو تتم عن 60 الف كم فى حين ان الصيانة الشالمة لمعظم للسيارات اليابانى تتم عن 40 الف كم و دا مثبت فى جميع التوكيلات

لو فعلا قطع غيارها غالية و مش بتعمر تفتكر إيه اللى مخلى الناس بتشتريها طالما الموضوع دا معروف و إيه إللى مخليها من أكثر السيارات مبيعا فى أوربا و الناس هناك أدامهم سيارات أخرى بنفس التكنوولوجيا و نفس رينج الأسعار و قطع غيارها معمرة عن الرينو !!!

للأسف المقولة دى إحنا المصريين طالعناها عن الفرنساوى لخوفنا من التكنولوجيا الجديدة المليئة فى السيارات الفرنساوى عن مثيلها المحبوبة و المعروفة للميكانيكيين العاديين فى مصر زى اليابانى و الكورى و لإن صيانتهم أسهل لقلة التكنولوجيا اللى فيها مقارنة بالسيارات الاوربية عامة و الفرنساوية خاصة


و بالنسبة لقصة ان العيب مكرر فى جميع أجيال سيارات الفرنساوى
دى برضه إشاعه جديده من كارهى الفرنساوى

طبعا المقولة غير صحيحة تماما لإنى لم ألاحظ ذلك فى أجيال سيارات رينو خاصة بحكم إمتلاكى سيارة منها و بحكم رأى ملاك هذه السيارات فى المنتدى و خارجه

[Nour_Peugeot]

تاريخيا فرنسا تتفوق علي اليابان بمراحل

تكنولجيا في السيارات فرنسا تتفوق علي اليابان

رفاهيه فرنسا تتفوق علي اليابان

تصميما و وشكل جذاب فرنسا تتفوق علي اليابان ( ملوك الاناقه )

اعتماديا دي بقي فيها كلام كتييييير اووووووووووووي

1- كل عربيه بمعني اصح علي اد تمنها تعرف معمره ولا لا

يعني مثلا منجيش نجيب بيجو 207 و نقارنها ب هوندا سيفك

رغم ان فرق السعر بينهم كبير يصل ال 50 الف الي ان ال 207 اعتماديتها عاليه جدا مثل الهوندا سيفيك

ده مثال توضيحي

لما بتيجي تشتري لمبه في الصيني ب 10 جنيه و فيه الالماني ب 25 جنيه اكيد هتجيب اللمبه الالماني عشان بتعيش اكتر دي الانا اقصده

و نيجي نقارن بقي و اشوف رايكم

حاليا في المويلات الحديثه موجود في الياباني

1- تويوتا كورولا

2- هوندا سيفيك

3- نيسان بلوبيرد

4-سوربارو امبريزا

5- مازدا 3


اما في الفرنساوي فيعربيتين بس البتنافي في الفئه دي

1- بيجو 407

2- رينو ميجان

معا الفرقات السعريه

انا مجربتش ال ميجان عشان احكم عليها بس انا هحكم علي الجربته

البيجو 407 اقدر اقول انها المفروض تناقس مها الجيتا و الباسات و الاوكتافيا و المرسيدس c180

يها كل حاجه و بجد انا سوقتها حوالي 25 كيلو استمتع بكل حاجه في العربيه

و هي سعرها دلوقتي 180 الف يعني قريبه من السيفيك و الكورولا و البلوبير

يبقي لما نيجي نحكم منحكمش مدارس بس نحكم عربيه كذا من مدرسه كذا و عربيه كذا من مدرسه كذا

وجه النظر التانيه

من امتي اليابات في سيارتها روح يعني مرسيدس اي حد بيشوفها بيحس بروح الشركه المصنعه بسبب الشبكه و الخطوط الجانبيه

و هكذا في كل السيارات الاوربي

في الفرنسي مثلا معروفه بيجو بالكشافت المسحوبة و الشبكه العريضه التي يتوسطها اسد بيجو

هتلي عربيه من اي موديل من موديلات الياباني فيها روح

انا بعترف ان اليابان بدات تمشي في الخطوه دي و علي سبيل المثال تويوتا 2007 قريبه في الوجه من ال 2008 و حسيت فعلا بروح تويوتا

في الخلاصه ان شعبنا عيز عربيه بمعني اصح اي ميكانيكي يشتغل فيها و قطع غيارها برخص التراب و ده موجود في الياباني بعد ما يعدي عليه 5 سنين

بس في الزيرو ال 2 الياباني و الفرنسي متساويين و يمكن في قطع الغيار الفرنسي يتفوق في السعر و في بعض اجزاء قطع الغيار

و يارب نستفيد كلنا من المناقشه دي لانها فعلا هتفيد ناس كتير

[alfbaa]

فعلا الصح نقارن كل عربيه بذاتها لان ممكن يكون في طراز س ياباني احسن من طراز ص فرنساوي او العكس
كل اصدار وليه ظروفه بس بوجه عام الرينو والبيجو والستروين اعلى بكتير من التويوتا والهوندا والنيسان

[Amo0o0oRa]

يا جماعه ازاى الفرنسى غير اعتماديه مش فاهم

العربيه البيجو وخصوصا ال 504 شغاله سفر من سنيييين ولسه بتسافر مبتقولش لا اللى هو ال 7 راكب

ازاى مش اعتماديه وهى طالع عينها فى السفر كده انا رأيى ان الفرنساوى احسن او بالتحديد البيجو لانى مجربتش غيرها

[محمد ابراهيم 1]

يا جماعه ازاى الفرنسى غير اعتماديه مش فاهم

العربيه البيجو وخصوصا ال 504 شغاله سفر من سنيييين ولسه بتسافر مبتقولش لا اللى هو ال 7 راكب

ازاى مش اعتماديه وهى طالع عينها فى السفر كده انا رأيى ان الفرنساوى احسن او بالتحديد البيجو لانى مجربتش غيرها

احنا بنتكلم حاليا عن الموديلات الحديثه

بعض السيارات اليابانى أعطالها أقل من الفرنسى بصرف النظر عن الأسباب
وكذلك سعر إعادة البيع لها أفضل من الفرنسى
السيارات الفرنسيه تتفوق فى الأناقه والخامات العالية الجوده والتصميمات المبهره والمتانه
والأمااااااااااااااااااااااااااااااااان والثبااااااااااااااااااااااااااااااااااااااااااااا ااااااااااااااااااااااااااااااااااااااااات

[Eng.Sameh]

هتلي عربيه من اي موديل من موديلات الياباني فيها روح

يا باشا المازدا3 ليها روح وطابع خاص شكلا وموضوعا ولها شخصية مستقلة تماما

[alfbaa]

اليابانى بيستحمل البهدله ....لكن رينو وبيجو ومش عارف ايه...عايزة الواحد يحسس عليهم...واحنا شعب عفى قوى....اللهم صلى على النبى ههههههههه

ياراجل حرام عليك انت عمرك ماركبت عربيه بيجو 7 راكب اللي المصرين طلعوا عنيها ههههه

طول عمري (عن تجربه حقيقه) وانا صغير كانت لعبي الصيني بتخسر بعد يومين بس الياباني كانت بتعمر شويه اما الفرنسي انا لسه عندي لعبه فرنساوي زي الفل وكمان اللعب الانجليزي كان مافيش زيها رزع وخبط عمرها ما تتكسر اصلنا كنت غاوي لعب هههههههههههههههههههههههههههههههههههههههههههههههههه هههههههههه

[Ahmed Hassan]

أحمد... يعني ايه صيانه شامله؟؟ انا عربيتي ياباني و أكبر صيانه عملتها غيرت فيها زيت فتيس و كورونا و ميه ريداتير و زيت فرامل و فلتر بنزين و الصيانه دي كانت على 40000 كم. أكيد مش دي الصيانه الشامله اللي قصدك عليها. لو قصدك على الصيانه اللي فيها تغيير سير كتينه فدي التوكيل بيعملها على 80000 (الكتالوج بيقول 100000 أو 120000 مش فاكر بالضبط).

ممكن يكون العربيات الياباني في الفئه الصغيره اللي احنا بنتكلم عنها تعمل بتكنولوجي ابسط من الفرنسي (وبصراحه انا لا اعتبر ده عيب أو ضعف قدرات من الصانع الياباني). اليابانيين لما بيعملو عربيه فخمه بيعرفو يحطو فيها تكنولوجي حديثه جدا و بيظلوا يحتفظو بالعتماديه العاليه لسياراتهم (إأيي الشخصي ان اليابانيين اقدر على توظيف التكنولوجي المعقده من الفرنسيين)

[Sharky]

الصيانة الشاملة للكرولا و اللانسر و الياريس بتبقى عند الـ 40 الف و تشمل كل ما قلت يا احمد + السيور

[delpo]

الزملاء الأعزاء ياريت مندخلش عربيات الفورميلا والراليات في الموضوع احنا بنتكلم على عربيات على قد فلوسنا وتمشي فشوارعنا احنا مش في حلبة سباق بتتكلف 80 مليون دولار.
ماينفعش اولا نقارن على الإطلاق كده فا هحاول ابسط واختصر على قد ما اقدر:
في أقل فئة في الياباني زي الياريس والهوندا سيتي قارنها بأقل فئة في الفرنسي زي البيجو 206 والستروين سي 3 ورينو لوجان .. بيتهيقلي من نحية الخامات الستريون والسيتي يتنافسوا وصعب نحسم والشكل برضو, لكن من الناحية الإقتصادية بكل ما تحمله من نقاط طويلة زي اعادة البيع وقطع الغيار والإعتمادية والنعومة والصيانة الياريس تكسبهم جميعا.
في أعلى فئة (مقدور عليها) في الياباني هناك الكامري والأكورد والألتيما والأوريون لو سمعتو عنها وفي الفرنسي في البيجو 407 بيتهيقلي المقارنة محسومة للياباني في 90% من الاوجه المقارنة.

في المجمل الفرنسي يتمتع بطابع وزوق وشكل خاص بيه بعكس الياباني الي بيتشابه مع بعضو, وكمان الفرنسي بيكون اشيك نوعا ما من بره, لكن في النهاية وبما يناسب المشتري المصري أرشح الياباني كعربيات أفضل وانسب لشوارعنا.

ملاحظة الفرنسي كان ممكن يكون افضل من الياباني لولا مشاكل الكهربا الي فيه والي عشتها عن تجربه مع صديق ليا بجد شيء غريب انهم يعملو عربيات بالجمال ده وفيه مشاكل كهرباء ؟!!!

في النهاية لو فئة متوسطة زي سيفيك او كورولا او مازدا 3 او شارك بتقارنها ب307 او سي 4 اوميجان بيتهيقلي ان الياباني افضل بالفوارق الإقتصادية فقط.

[Sharky]

في أعلى فئة (مقدور عليها) في الياباني هناك الكامري والأكورد والألتيما والأوريون لو سمعتو عنها وفي الفرنسي في البيجو 407 بيتهيقلي المقارنة محسومة للياباني في 90% من الاوجه المقارنة.

حضرتك بلاش الأوريون فى الموضوع دا لإنهم فى الخليج بيشتكوا منها
رغم انها من شركة تويوتا أكثر السيارات إعتماديه كما يعتقد المصريين :)

[محمد عز]

مناقشة ازلية لم ولن تنتهى

كل واحد ينام على الجنب اللى يريحه

لكن مش معنى انا املك سيارة من فئة او ماركة معينة انى اذم فى السيارات الاخرى او اعيب فيها بانها اقل تكنولوجيا او اقل اعتمادية

من الاخر

اليابانى للى عاوز راحة البال

والفرنساوى للى عاوز شياكة وبرستيج

end of story

[K3A]

بكل بساطة وبدون وجع دماغ سوق الاتنين test drive يعني وشوف وكيل الاتنين انهي احسن ولو سعر قطع الغيار واحد شوف نسبة توافرها وسهولة الحصول عليها ... ولا تنسى ...طلب الخيرة بالاستخارة

[أبو عبدالله]

أحمد... يعني ايه صيانه شامله؟؟ انا عربيتي ياباني و أكبر صيانه عملتها غيرت فيها زيت فتيس و كورونا و ميه ريداتير و زيت فرامل و فلتر بنزين و الصيانه دي كانت على 40000 كم. أكيد مش دي الصيانه الشامله اللي قصدك عليها. لو قصدك على الصيانه اللي فيها تغيير سير كتينه فدي التوكيل بيعملها على 80000 (الكتالوج بيقول 100000 أو 120000 مش فاكر بالضبط).

ممكن يكون العربيات الياباني في الفئه الصغيره اللي احنا بنتكلم عنها تعمل بتكنولوجي ابسط من الفرنسي (وبصراحه انا لا اعتبر ده عيب أو ضعف قدرات من الصانع الياباني). اليابانيين لما بيعملو عربيه فخمه بيعرفو يحطو فيها تكنولوجي حديثه جدا و بيظلوا يحتفظو بالعتماديه العاليه لسياراتهم (إأيي الشخصي ان اليابانيين اقدر على توظيف التكنولوجي المعقده من الفرنسيين)

كلام مظبوط فعلا
المشكلة فعلا ان الناس في مصر خصوصا فعلا مركبوش عربيات ياباني من الفئات العالية علشان يحكموا بيحكموا على العربيات اللي بتنزل هنا مفيهاش حاجه علشان تنافس في السعر وغالبا كلها 1300 سي سي

وايضا بيفتكروا ان عدم وجود تكنولوجيا في العربيه اللي هيا ايه برضه مش عارف ولكن بيفتكروا ان دي علشان اليابانيين مش قادرين يعملوا شوية اوبشن اللي هما بيصنعوا روبوتات مش عربيات