يابانى ولا فرنسى؟

[alfbaa]

شوفوا التاريخ

لكل اللي نسي يشوف ازاي رينو انقذت داتسون (نيسان ) من الافلاس بعد ما حاولت الحكومه اليابانيه باستماته انها تنقذها
و افتكروا معايا ان (غصن ) كان اول مدير لشركه يابانيه لا يحمل الجنسيه اليابانيه في التاريخ يعني من الاخر بص شوف الفرنسيين بيعملوا ايه ورد يا تاريخ وقول مش انا اللي هقول

[أبو عبدالله]

يا جماعه بالنسبه للسؤال ليه الفرنساوي مش موجود في امريكا ؟ انا ليا واحد قريبي عايش في امريكا (عقبالنا) بيقولي ان الامريكان نفسهم يركبو العربيات الفرنساوي

وشوفوا لما شركه زي رينو مش في السوق الامريكي (عارفين ايه هو السوق الامريكي) ومع ذلك تحتل المرتبه الثالثه على مستوى العالم في المبيعات

يا جماعه انا اسف بس احنا مهما حاولنا نقارن عمرنا ما هنقارن زي المؤسسات والهيئات اللي بره لان دول ناس مش بتلعب ......... و المؤسسات دي موثوق جدا فيها وهي الي بتاثر على راي العميل في الخارج ....... طب المؤسسات دي قالت ايييييييييييه ؟
نشوف في اوربا اكبر ساحه للتنافس بين الفرنسي والياباني هنلاقي ان اول 10 عربيات في المبيعات الشهر اللي فلت في اوربا مافيهمش عربيه ياباني ؟؟؟؟؟؟؟؟!!!!!!!

يا جماعه اوربا بتخترع وتعمل ابتكارات وبعد كام سنه اليابان تقلد الاختراعات دي وتسوقها بشكل رائع على راي اخونا اللي كتب من شويه من اخترع air bags و seat belts مين اخترع العربيات اساسا
في اوربا الناس بتبص علي العربيات الياباني زي ما احنا بنبص على الكوري كده

واللي جده عايش يساله هيقوله ان من 20 سنه بس كان العالم كله بيبص على اليابان كده


في حاجه مهمه واقعه عند 99 % من المصريين واتا كنت واحد منهم : تصنف الدول حسب التقدم الى
1- الدول الاكثر تقدما (امريكا انجلترا فرنسا المانيا )
2-دول متقدمه ( يابان اسبانيا ......) يعني اليابان مش من الدول الاكثر تقدما واسال مدرس الجغرافيا
3 - النمر الاسيويه (كوريا وماليزيا
4- دول متخلفه (مصر ...........
5-دول اكثر تخلفا(ماتعدش............
دي معلومات معروفه جدا واللي مش مصدق يسال



يا جماعه صناعه السيارات = علم +خبره

فرنسا عملت عربيات من ايام ماكانت اليابانين بيلعبوا بلي وميعرفوش حتى يعملوا توك توك

في راي من الاخر و طبقا للمعادله السابقه ان ترتيب صناعه العربيات في العالم كالاتي
1-امريكا
2-المانيا
3-فرنسا
4-انجلترا
5-اليابان
6-اسبانيا
7-ايطاليا
8-كوريا الجنوبيه (مش الشماليه طبعا)
9-ماليزيا
10- الصين (قادمه في الطريق)
والله ياجماعه اللي ده رايي و اللي عايز يركب ياباني او فرنساوي هو حر لكن في مصر لو عملت استفتاء اعتقد الياباني يكسب عكس اوروبا بس برده لسه المصريين بيبصوا للعربيات الفرنساوي انها عربيات الاغنيه اما الياباني فعربيات الناس اللي بتفحت العربيات بس ده مش راي خالص والله اعلم

براحه يا اخي وواحده واحده عليا بس علشان اركز
طيب هما مش موجودين في السوق الأمريكي تفتكر بالله عليك لو الناس هناك نفسها زي ما حضرتك بتقول انهم يركبوا فرنساوي
مكنوش جابوه من الصبح ولا فرنسا عمله مقاطعه مع امريكا ومش راضيه تصدرلها العربيات علشان تذل الأمريكان
يعني بالله عليك دي حجه يعني
يا اخي الفاضل سوق امريكا سوق حر عرض وطلب
اللي الناس عاوزاه هناك هتلاقيه وهتجيبه
انت فاكر انهم زي مصر الناس نفسها في حاجه والحكومة منعاهم مثلا
ولا فرنسا مش محتاجه المبيعات بتاعت اكبر سوق للسيارات في العالم


ثم يابان ايه اللي خلاها في الدول المتقدمه بس ولا مين اللي قال كده
يا راجل ده اليابان بيضرب بها المثل في الدول الأكثر تقدما وتحضرا
انت جبت الكلام ده منين

ثانيا عندك مثلا علشان الناس تعرف
كلنا بنشوف العاب الكمبيوتر والبلاي ستيشن زي need for speed
هات قائمة السيارات هتلاقيها متقسمه حاجه اسمها امريكي + اوروبي + ياباني
حتى الأوروبي مش هتلاقي حاجه فرنساوي اساسا فيه كمان

وكذلك مواقع كتير على النت هتلاقيها مقسمة العربيات امريكي + اوروبي + ياباني
تقولي انت بقه ان اليابان دول متقدمه فقط
انصحك انك تبحث على النت على فيديوهات لليابان وانت تعرف بجد اليابان دي ايه

[Nour_Peugeot]

ا جماعه بلاش تكهونات ما بيجو لغايت سنه 95 موجوده و شركه بيجو بذات و كانت نذله موديل 605 و 405 في امريكا

بس اكيد في حاجه سياسيه او سياسه الشركه او اي حاجه تانيه اكييد احنا منعرفهاش

بس الاثبات ان بيجو كانت في امريكا ان 405 و 605 موجودين لغايه دلوقتي هناك

و احنا عرفين ان اساس دخول السيارات اليباني السوق الامريكي الاتفاقيه الاقتصاديه البين الدولتين هي السبب الرئيسي

و كلنا عرفين ان الاتفاقيه دي بعد الحرب العالميه و دي كانت بدايه اليابان في الصناعه بقوه

[Sharky]

ريفيوهاتها بره مش قوي مقارنة بايه بالظبيط بالبيجو ؟!!!!!!!!! وبعدين مش حلوة دي في اي موقع بالظبط ولا اي مجلة ولا ايه لان الكل بيشكر فيها وبعدين احنا بنرجع للشكل القديم ليه انا بقارن بين كامري 2009 و 406 2009!!!

أستاذ delpo
انا مكنش ناوى أشارك تانى بعد ما عضو فى المنتدى أسلوبه بقى غير مرضى فى الحوار معايا
لكن النهادرة فتحت الموضوع و اشوف وصل لإيه لكن مشاركة حضرتك دى فقلت أرد على حضرتك فيها


دى الريفيوهات اللى حضرتك طلبتها بين البيوج 406 و التويوتا الكامرى الشكل القديم لإنها هى اللى تقارنا بيها لو عايز الكامرى الشكل الجديد يبقى البيجو 407 مش 406

دى تويوتا
2003
Would buy another Toyota?50%
Would not buy another Toyota?39%
2003 Toyota Camry Reviews - Carsurvey.org

كامرى 2004
Would buy another Toyota?31%
Would not buy another Toyota?44%
2004 Toyota Camry Reviews - Carsurvey.org

كامرى 2005
Would buy another Toyota?37%
Would not buy another Toyota?47%
2005 Toyota Camry Reviews - Carsurvey.org

كامرى 2006
Would buy another Toyota?25%
Would not buy another Toyota?75%

406 - 2003
Would buy another Peugeot?80%
Would not buy another Peugeot?0%
2003 Peugeot 406 Reviews - Carsurvey.org

406 -2002
Would buy another Peugeot?80%
Would not buy another Peugeot?20%
2002 Peugeot 406 Reviews - Carsurvey.org

2001 -406
Would buy another Peugeot?76%
Would not buy another Peugeot?14%
2001 Peugeot 406 Reviews - Carsurvey.org

عرفت ليه حضرتك قلت لك بلاش الكامرى لإن ريفيوهاتها وحشة بره
يعنى الفرنسى طلع كويس و طلع أحسن من اليابانى فى رأى الناس بره !

الكورولا الشكل القديم الي قبل ده على طول.

ممكن أدلة على كلام حضرتك ان الكرولا الشكل القديم باعت أكتر من مبيعات رينو فى العالم

مش معنى ان المبيعات اقل انها تقفل لكن لازم تبقى عارف ان رينو وبيجو حققو خساير كبيرة جدا وحتى من قبل الأزمة المالية ورينو قفلت مصنعين وسرحت اكتر من 1500 عامل.

حضرتك عايز تقنعنى ان شركة مبيعاتها قليلة و بتخسر حتفتضل فاتحة عادى
إزاى بس الكلام دا
و انهى منطق بيقول كده !

و ياريت ادلة على قفل رينو مصنعين و تسريح 1500 موظف قبل الازمة و بسبب الخاسير

الفرنسي مشاكله بتبان كمان قبل 4 سنين يمكن خلال السنة الثانية من الشراء وراجع حضرتك قسم الاوروبي عموماً.

ما انا معايا ميجان و فرنساوى و عدت الـ4 سنوات و ماشفتش منها مشاكل حتى الان !

بالنسبة لموضوع التكنولوجى
هى احضرتك مش شايف ان العربية تبقى تفتح بكارت تشغيل و زرار فقط مش تكنزلزجيا جديده !!
هو وجود كمبيوتر أعطال يوضح لك ما هى أعطال السيارة أو عند إقتراب سخونة زيت الفتيس مثلا إن يطلع لك رسالو لتحذيرك دا مش تكنولوجيا برضه !
وجود 6 إيرباج لا تفتح على مستوى واحد لكن بتفتح حسب قوة الحاثة دا مش تكنولوجيا برضه !
و غيره

حضرتك شايف ان دا أوبشنز فقط !!!

[أبو عبدالله]

وخد عندك امثلة من المنتدى اهه
مثلا رينو حبيبة قلبي من جوه

اقرأ وشوف عمرك شوفت عربيه بيطلع فيها اعطال بلكم ده
عد معايا

لمبة الأيرباج ؟؟!!
تكييف الكليو
أعطـــال الميجان من مالكى السيارة
حساس الهوا في الميجان2
الى الأفاضل خبراء الرينو مشكله بسيطه باللوجان
مشكلة الكاسيت في الكليو
مشكله فى تكييف رينو كليو 2001
سوال مهم وعاجل أوى
القول الفصل فى شريط الأيرباج
check Gear box كذا مره
مشكلة المياه (ميجان)
مشكلة في كاسيت الميجان
مشكلة غريبة فى عداد السرعة
متابعة لمشكلة chech gearbox
صوت الترس عند الدواره؟!
لمبة service منورة
الكليو بتطفى لوحدها
من أجل بانوراما أكثر هدؤاً
الكاوتش الداخلى للباب - ميجان ii
الحقوني يا وحوش الميجان بتفضي الميه منها ، وحرارتها بتسخن
اعدل جنوط الميجان فين ؟؟؟؟؟؟
انا بدأت اقفل من العربية ايه العمل؟
مكنة الازاز
كارت التشغيل
لون المسند بتاع الباب متاكل في الميجان اعمل ايه ، ساعدوني
المكيف عملها
يا خبراء الميجان 2 أنجدوني بسرعة
مشكلة في فتيس الميجان
رعشة بسيطة في دبرياج اللوجانmcv اول ما تتحرك العربية؟؟؟؟
العربيه بتبطل وانا ماشى
عضة في لأخر دواسة الفرامل
ياجماعه حد يساعدني في الرينوا كليوا
اللوجان و مشكلة المرايا الجانبية اليمين
معلش يا جماعة اعمل ايه ، شاشة العداد في الميجان فاصلة عندي اعمل ايه
الاتوماتك في الرينو كليو ... استفسار ؟
مشكلتى فى اللوجان -- الحقونى
اول ما يشغل العربية المساحات تشتغل لوحدها




وتعالي قارن بعربيات ياباني تانيه
ولف كده وشوف كم المشاكل اللي هيطلعلك وشوف مين هيكسب في اكبر عدد للمشاكل

وايضا ان الكلام والمواضيع دي مش انا اللي كاتبها
انما ملاك العربيه نفسهم

وبكده كلامي خلص في الموضوع ده
وانا ناقل لكلام ومواضيع اصحاب العربيه ورايي فقط

مع كامل الاحترام للبيجو والستروين لأنهم اقل مشاكل من رينو فعلا

[Ahmed Hassan]

معلش يا ابو عبد الله... انا معترض على مبدأ العرض للمشاكل بالطريقه دي... يعني سواء كانت المشاكل موجوده أو لأ... كثيفه أو لأ.. مش دي الطريقه اللي تثبت صحه الكلام ده من عدم صحته

[1.8Tee]

فى نقطة احب اوضحها, لو المقارنات عامة و غير خاصة بمصر, يبقى ياريت نقارن بين العربيات الفرنسية و العربيات اليابانية الخاصة بالأسواق الأوروبية.

مثال....الرينو ميجان و التويوتا Auris أو بيجو 407 و التويوتا Avensis ....

اعتقد كدة المقارنات هتفرق بشكل كبير و هيبقى فى تكافؤ اكبر.

[أبو عبدالله]

معلش يا ابو عبد الله... انا معترض على مبدأ العرض للمشاكل بالطريقه دي... يعني سواء كانت المشاكل موجوده أو لأ... كثيفه أو لأ.. مش دي الطريقه اللي تثبت صحه الكلام ده من عدم صحته

دي مش اثبات يا احمد
ده طرح أمثلة فقط من مواضيع موجوده في المنتدى
اما مسألة اثبات الكلام ده شئ اخر
ومع ذلك احترم وجهة نظرك
وشكرا لك ولو معترض على اي شئ اخر انا متقبله ان شاء الله فده رايك اكيد وانا معنديش مشكلة

فى نقطة احب اوضحها, لو المقارنات عامة و غير خاصة بمصر, يبقى ياريت نقارن بين العربيات الفرنسية و العربيات اليابانية الخاصة بالأسواق الأوروبية.

مثال....الرينو ميجان و التويوتا auris أو بيجو 407 و التويوتا avensis ....

اعتقد كدة المقارنات هتفرق بشكل كبير و هيبقى فى تكافؤ اكبر.

كلام مظبوط وياريت فعلا وده هيبقى خير دليل

[Sharky]

و ادى كمان على تويوتا :)
[quote]ماذا يحدث في تويوتا؟

كثيراً ما تتناول وسائل الإعلام هذه الأيام أخباراً من النوع الذي لا يروق لمالكي بعض أنواع السيارات· يحدث هذا عندما تعلن بعض الشركات عن عيوب أساسية لا تظهر في سياراتها إلا بعد مدة طويلة من عرضها في الأسواق· وسبب ذلك أن الكثير من هذه العيوب ليس من السهل اكتشافها إلا بعد تجربة طويلة مع قيادتها· وكثيراً ما تكون هذه العيوب من النوع الخطير وخاصة عندما يتعلق الأمر بآلية عمل نظام القيادة والتوجّه أو نظام التعليق أو الكبح· ولو تمعن المرء في التركيب الميكانيكي للسيارة للاحظ أنها آلة بالغة التعقيد تشترك مئات القطع والأدوات في تشغيلها؛ وتكمن خطورة هذه المشكلة في أن الأداء السيئ لواحدة فحسب من هذه القطع يمكن أن ينعكس على أداء أنظمة حساسة أخرى·
غضب في الأسواق
وتناقلت الصحافة قبل أيام أحاديث عن موجة جديدة من عيوب التصنيع في بعض أنواع السيارات؛ ومنها مثلاً أن شركة رائدة عالمياً في صناعة السيارات أعلنت عن خطأ في تصميم نظام القيادة وتوجيه العجلات يمكن أن يسبب مشاكل خطيرة في بعض الحالات· ويقول تقرير نشر في صحيفة ''وول ستريت جورنال'' أن شركة تويوتا التي كثيراً ما اشتهرت في أنها تصنع أكثر السيارات انطواء على الأمن والسلامة، أعلنت مؤخراً عن عيب ميكانيكي جديد في إحدى سياراتها·
إلا أن مشاكلها مع عمليات استعادة السيارات الجديدة المعابة من أجل إصلاحها أصبحت تتزايد بشكل كبير وللدرجة التي بدأت تؤثّر بشكل ما على سمعتها كشركة صانعة لأكثر السيارات انطواء على عناصر السلامة والأمان·
وفي الولايات المتحدة التي تعد السوق الأضخم على الإطلاق بالنسبة لتويوتا، بلغ مجموع عدد السيارات التي طلبت استعادتها لإصلاح بعض العيوب الميكانيكية 2,2 مليون سيارة العام الماضي وحده· وهو ضعف عدد السيارات التي أعلنت الشركة عن استعادتها خلال عام ،2004 كما أنه أكبر بعشر مرات من عدد سياراتها المستعادة عام ·2003 وصدرت هذه الأرقام عن إدارة أمن الطرق السريعة في الولايات المتحدة التي تعد مرجعاً أساسياً في اكتشاف العيوب الميكانيكية في السيارات·
وفي اليابان ذاتها، تزايد عدد السيارات الجديدة التي تستعاد سنوياً من أجل إصلاح عيوبها بمعدل 21 مرة منذ عام 2001 حتى بلغ 1,9 مليون سيارة خلال عام ·2005 ونظراً لأن الكثير من طلبات الاستعادة تتعلق بسيارات تجاوز عمرها 10 سنوات، عبّر المحللون والخبراء عن مخاوفهم من موجات استعادة أقوى وأشد وأكثر انطواء على الخطورة يمكن أن تحدث في المستقبل القريب· وأصبحت هذه المخاوف مبرراً لشعور الخبراء بالخوف من وصول المزيد من المعلومات حول ''النوعية الرديئة'' للسيارات الجديدة·
وكان لانتشار هذه الأخبار أثره الكبير على المدراء التنفيذيين لشركة تويوتا، كما أنها أغضبت الحكومة اليابانية ذاتها فعمدت إلى الطلب رسمياً من مسؤولي الشركة توضيح الأسباب الكامنة وراء تفاقم هذه الظاهرة· وكان ردّ الشركة يتلخّص بتقديم وعد للحكومة بتأسيس قاعدة حاسوبية جديدة من أجل استقاء المعلومات المتعلقة بالشكاوى من الأعطال بسرعة أكبر من وكلاء بيع سياراتها المنتشرين في العالم· من شأن هذا المسعى أن يدفع الخبراء والمصممين إلى تعديل الأنظمة المعابة في السيارات المباعة خلال وقت أقصر·
وفي داخل الشركة ذاتها، دفعت هذه الأنباء المتواترة عن عمليات استعادة السيارات المعابة الخبراء إلى بذل أقصى الجهود لتشخيص الأسباب الكامنة وراء هذه الظاهرة بعد أن امتدت عمليات الاستعادة حتى إلى موديلات تويوتا التي جنت من ورائها ذهباً مثل ''بريوس'' الهجينة التي أصبحت اشهر سيارة في العالم بمقياس الفعالية في استهلاك الوقود· ولم يسلم من هذه الحملة حتى البيك الشهير ''تاكوما'' وبعض السيارات الفاخرة التي تنتجها ''لكزس''·
ارتباك في القيادة
وخلال الاجتماع السنوي للمدراء التنفيذيين في تويوتا الذي عقد في شهر يونيو الماضي، ناشد قادة الشركة مدراء مختلف الأقسام الإنتاجية بضرورة توخي أقصى الاهتمام بجودة المنتجات· وأشار التقرير الذي نشرته ''ذي وول ستريت جورنال'' إلى أن المشاكل التي تتعلق بالنوعية وجودة التصنيع يمكن أن تهوي بسمعة ومستقبل أي شركة في اليابان أو أميركا أو أوروبا·[/quote]
بالنسبة لمشاكل رينو معظمها مكرر وحاجات حلها بسيط :)

و شكرا

[Sharky]

معلش يا ابو عبد الله... انا معترض على مبدأ العرض للمشاكل بالطريقه دي... يعني سواء كانت المشاكل موجوده أو لأ... كثيفه أو لأ.. مش دي الطريقه اللي تثبت صحه الكلام ده من عدم صحته

كلام مظبوط
و الواحد لو فتح أى قسم يابانى فى المنتدى ممكن بسهوله أطلع عشرات المشاكل برضه :)
لكن مش هى دى الفكرة المفروض العاقل بيهتم بتفاصيل المشكلة او احداثها او اسبابها
و لو أى حد فتح المواضيع دى حيعرف ان كانت كشاكل كبيرة أم بسيطة و كيف تم حلها

[ahmad--ezzat]

حضرتك لو دخلت اى قسم هتجيب عيوب الدنيا والاخره لكل ماركه...مش مشكله دى يعنى...
بغض النظر عن العيوب والمشاكل...اليبانى اقل اعطال ومشكال من الفرنساوى ودى حاجه معروفه...

[ضيف]

لو سكت من لا يعلم لسقط الخلاف

[chato_eg]

بسم الله ما شاء الله
" أبو عبد الله " عامل أرشيف كامل لكل مشكلة ظهرت مع أى عضو فى المنتدى فى عربية رينو
حقيقى مجهود جبار إللى بذلته
أحييك عليه تماما
يا ترى كلفك وقت قد إيه عمل الأرشيف ده أخى الفاضل ؟؟؟

[alfbaa]

اخر كلام

الارشيف ده اكيد خد وقت ومجهود كتير اوي
فياريت نقفل المناقشه لاني حاسس ان الموضوع قلب جدال وصراع لكل واحد علشان يثبت وجه نظره وخلاص والمجهود (المشكور ) من الاخ ابو عبد الله يدل على ذلك 100 100
وبلاش يا سيدي تركب الفرنساوي انت حر بتحرم نفسك من خير ورزق ربنا اللي بيبعته اصل العربيات دي رزق ممكن رزقك يقع في عربيه تصرف عليها اللي وراك واللي قدامك وتطلع عينك وممكن ربنا يكرمك
على العموم ربنا يوفق الجميع اللي بيركب الياباني ربنا يوفقه ويكون له فيها الخيير واللي بيركب الفرنساوي برضه (كل واحد ورزقه) وزي ما بيقول المثل لو ادينا للمجنون ميت عقل على عقله ميعجبوش الا عقله (ربنا يستر مع المجانين اليابانين والمجانين الفرنسين )

وبرضه باقولها الفرنساوي احسن 100 مره من الياباني

[chato_eg]

هو الموضوع من الأول فيه مشكلة و هى إن المقارنة مفتوحة و على العموم....بغض النظر هى بين إيه من الأشياء
مافيش أوجه محددة للمقارنة....مجرد " يابانى و لا فرنسى " و بس...
و ده مش مظبوط
يعنى يابانى ولا فرنسى من حيث إيه ؟؟...هنقارن من ناحية السعر و لا الشكل و لا أداء رياضى و ..إلخ
كمان الفرنسى و اليابانى كده على العموم...يبقى بنتكلم على مدرسة فى التفكير أو أسلوب فى الصناعة مش مجرد مقارنة عربية بأخرى...و إلا كان يبقى الموضوع اسمه ( ال Aurius و ال Laguna ...أو ال megane و ال Corolla .... ولا ال C3 و ال Yaris )...
و النتيجة فعلا إن الموضوع أصبح واسع جدا ليشمل كل حاجة و دخلت عربيات مالهاش علاقة فى بعض و منها عربيات مش فى مصر أساسا و صار الموضوع خالى من المعالم
يعنى سيبنا إيه للناس من بعدنا يستفيدوا به ؟؟؟...ده على اعتبار إن كل واحد فينا عنده خبرة فى شىء أو ببساطة معلومة و تجربة و يحب ينقلها للآخرين...