يابانى ولا فرنسى؟

[Sharky]

يا استاذ شاركي احنا بنتكلم عن العربيات دلوقتي ايه الأوبشنز الي موجودة في الفرنسي ومش موجودة في الياباني ؟؟

وبعدين حتى لو قارنا الكورولا بالميجان 3 ايه التكنولوجيا الي موجودة فيها ومش موجودة في الكورولا الجديدة ؟!!!

انا دخلت موقع رينو وشوفت المواصفات بتاعة فئة 1600 سي سي مافيهاش اي اوبشن زيادة عن الكورولا ؟!!!

حضرتك اللى موجود على الموقع دى بتبقى مواصفات فنيه بالنسبة للأوبشنز بتختلف من بلد للأخرى
نستنى لما الميجان 3 تنزل فى مصر و قتها نعرف إيه الاوبشنز اللى فيها و نبدأ نقارن

لكن واضح اننا وصلنا لنقطة إتقاق ان الميجان 2 تتفوق على مثيلاتها من اليابانى فى نفس الفئة و الجيل فى الأوبشنز و التكنولوجيا

[أبو عبدالله]

يا استاذ شاركي احنا بنتكلم عن العربيات دلوقتي ايه الأوبشنز الي موجودة في الفرنسي ومش موجودة في الياباني ؟؟

وبعدين حتى لو قارنا الكورولا بالميجان 3 ايه التكنولوجيا الي موجودة فيها ومش موجودة في الكورولا الجديدة ؟!!!

انا دخلت موقع رينو وشوفت المواصفات بتاعة فئة 1600 سي سي مافيهاش اي اوبشن زيادة عن الكورولا ؟!!!


موضوع الصيانة الشاملة عند كم كيلو مش هو المقياس .. المقياس ان حضرتك تشوف العربيات الي من 10 سنين من تويوتا ومثيلاتها من رينو وتشوف الفرق دي حالتها ايه ودي ايه ودي اتصرف عليها كم والتانية اتصرف عليها كام ودي هتبيعها بكام ودي هتبيعها بكام.

اتمنى اكون وصلت وجهة نظري

والله يا اخي
انا ياما قولت الكلام ده
ولكن لا حياة لمن تنادي

وقولنا شوفو العربيات هتصر كام بعد كام سنه
يعني الحاجات اللي بتتغير على الضمان الآن بعد ما الضمان يخلص هتتغير على حساب ميين
انا عاوز الناس تقولي هيدفعوا كام في الحاجات اللي بتتغير على الضمان بعد ما يخلص

وبعدين هتسمع كلمة تكنولوجيا كل شويه
وانا سألت الف مره يعني ايه تكنولوجيا مش عارف

وبعدين هو ليه العربيه بقت اوبشن بس
يعني اغتزلنا العربيات وتقييمها في الأوبشن بس
والله انا مش عارف الناس بتقيس التقييمات ازاي

يعني لو كل بند من البنود اللي بنقيم عليها حطيناله عشر درجات وجينا جمعنا في الأخر الدرجات دي مين اللي هيكسب
هيا دي العربيه الأعتمادية المطلوبة

يا فرحتى ما ممكن اي شركة تعمل عربيه صاروخ ولكن استهلاك بنزين عالي جدا
او تعمل رفاهية طيارة ولكن العربيه غاليه جدا او صيانتها عاليه او اعطالها كتير
المهم الأحترافيه انك تجمع من الكل وبسعر معقول وباعتمادية جيده وباقل مصاريف
هيا دي المعادلة الصعبه اللي بينجح فيها اليابانيين دائما

[Sharky]

سهل قوي وقولت لحضرتك قبل كده قارن ال 406 بالكامري والأكورد ال فيهم اوبشنز اعلى منها ومع ذلك عربيات اعتمادية اكتر ,,, وزي ما قال الأخ ابو عبد الله العالم كلو بيجيب ياباني معادا بلاد صنع العربيات وعايز اقول حضرتك بالأرقام واحصائيات الشركات ان الكورولا باعت في قارة افريقيا فقط اكتر من الي باعتو رينو بكل عربياتها في العالم كلو.

النتيجة بالنسبة للفرنسي: لو كان فيه خير ماكانش رماه الطير

حضرتك بلاش الكامرى فى المقارنة لإنها ريفيوهاتها بره مش قوى و خاصة الشكل القديم و ابو عبدالله عارف كده كويس لإنى كنت جبت له لينكات لرأى الناس ليها بره فى موضوع سابق لدرجة انه قالى ان الكامرى الشكل السابق اسوء كامرى نزلت

و بالنسبة للكرولا حضرتك قصدك مبيعات جميع أجيال الكرولا و لا أنهى كرولا بالظبط اللى باعت أكتر من مبيعات رينو فى العالم كله فى انهى سنة !!!!!!

هو حضرتك لو الفرنساوى وحش قوى كده تفتكر ليه لحد دلوقتى يبيع كويس قوى فى أوربا مثلا
و سياراته تحتل المراتب الاولى فى حجم المبيعات ؟؟؟؟؟؟
و ليه مالشراكات دى ماقفلتش طالما منتجها ردئ و غير إعتمادى ؟؟؟؟؟؟؟

وقولنا شوفو العربيات هتصر كام بعد كام سنه

أدينا مستنين و الحمد لله عدى 4 سنوات و سيارتنا زى الفل

يعني الحاجات اللي بتتغير على الضمان الآن بعد ما الضمان يخلص هتتغير على حساب ميين
انا عاوز الناس تقولي هيدفعوا كام في الحاجات اللي بتتغير على الضمان بعد ما يخلص

حضرتك كل اللى اتغير ف الضمان فى الميجان مثلا مرجعش و باظ تانى زى سيارات يابانى تم تغيير حاجات فى الضمان و باظت تانى بعد شهر

وبعدين هتسمع كلمة تكنولوجيا كل شويه
وانا سألت الف مره يعني ايه تكنولوجيا مش عارف

حضرتك انا ذكرتها كذا مرة
ياريت تراجع مشاركاتى

[أبو عبدالله]

حضرتك بلاش الكامرى فى المقارنة لإنها ريفيوهاتها بره مش قوى و خاصة الشكل القديم و ابو عبدالله عارف كده كويس لإنى كنت جبت له لينكات لرأى الناس ليها بره فى موضوع سابق لدرجة انه قالى ان الكامرى الشكل السابق اسوء كامرى نزلت :10d5c8~1107:

و بالنسبة للكرولا حضرتك قصدك جميع أجيال الكرولا و لا أنهى كرولا بالظبط اللى باعت أكتر من مبيعات رينو فى العالم كله فى انهى سنة !

هو حضرتك لو الفرنساوى وحش قوى كده تفتكر ليه لحد دلوقتى يبيع كويس قوى فى أوربا مثلا
و سياراته تحتل المراتب الاولى فى حجم المبيعات ؟؟؟؟؟؟
و ليه مالشراكات دى ماقفلتش طالما منتجها ردئ و غير إعتمادى ؟؟؟؟؟؟؟


أدينا مستنين و الحمد لله عدى 4 سنوات و سيارتنا زى الفل


حضرتك كل اللى اتغير ف الضمان فى الميجان مثلا مرجعش و باظ تانى زى سيارات يابانى تم تغيير حاجات فى الضمان و باظت تانى بعد شهر !



حضرتك انا ذكرتها كذا مرة
ياريت تراجع مشاركاتى

يا راجل 4 سنين وزي الفل طيب ومشيت كام كيلو في الأربع سنين
اصل هيا مش بالسنين فقط ولكن بالشغل والكيلوهات

هههههه
سبحان الله

انا بستعجب والله على اللي بتقوله
يا اخي انا عاوز تجيب واحد مالوش في العربيات ودخله اي سحاة عربيات كوري
ودخله ساحة رينو
وقوله اقرأ المواضيع وقولي انهي اللي مشاكله اكتر واعطاله اكتر وعيوبه اكتر
وشوف هيقولك ايه
يا راجل دي ساحة رينو كلها مواضيع الحقوني العربيه وقفت العربيه سخنت
الكمبيوتر مش عارف ايه

ده كله وتقولي اربع سنين
انت غيرت كام حاجه في الضمان ؟؟؟؟؟
وانا ماليش دعوة باسباب التغيير
قولي انت غيرت كام حاجه في الضمان
وقولي كام عربيه في المنتدى من الميجان غيرت حاجات في الضمان
وقولي بقه كام حاجه اتغيرت في الضمان في اي عربيه ياباني تانيه
وكم عيب ظهر هنا سواء اتصلح او متصلحشي وكام عيب ظهر هنا ايضا

انت يظهر الواقع صعب شويه عليك فمش قادر تصدقه بس

ياريت اصل بنسى تقولي برضه هيا ايه التكنولوجيا دي ؟؟؟

[Sharky]

عموما عربيتى ماشية 53 الف كم
و فيه عربيتين فى المنتدى دخلوا فى الـ 100 الف
اللى غيرته فى الضمان :
علبة دريكسيون
بطارية
عدد 2 كويل

و مات تغيروش او باظوا تانى بعد التغيير زى السيريون مثلا لما علبة الدريكسيون اتغيرت و رجعت باظت تانى بعد شهر رغم انها صناة يابانى
أفضل صناعة فى العالم

انت يظهر الواقع صعب شويه عليك فمش قادر تصدقه بس

ياريت اصل بنسى تقولي برضه هيا ايه التكنولوجيا دي ؟؟؟

دا واضح انه صعب عليك انت
بدليل انك بتنسى او بتتناسه اللى بقوله

و طالما وصلنا لهذه المرحلة للحوار يبقى أفضل انهى لإنه حيتحول لجدالات و شخصنة مالهاش لازمة و انا مش فاضى للحوارت دى بصراحة

[Ahmed Selim]

أدينا مستنين و الحمد لله عدى 4 سنوات و سيارتنا زى الفل

أنا عربيتى عاملة 98200 كم بسم الله ما شاء الله.......

ده غير عربيات محمد مصطفى و حجازى اللى كاسر ال 160 ألف كم و أيمن مومو اللى موديل 2006 و قرب على ال 80 ألف.....

[Sharky]

دا مقال عن شركة تويوتا الأعلى جودة فى السيارات اليابانية
يعنى الحمد لله مش رأى لوحدى

ماذا يحدث في تويوتا؟

كثيراً ما تتناول وسائل الإعلام هذه الأيام أخباراً من النوع الذي لا يروق لمالكي بعض أنواع السيارات· يحدث هذا عندما تعلن بعض الشركات عن عيوب أساسية لا تظهر في سياراتها إلا بعد مدة طويلة من عرضها في الأسواق· وسبب ذلك أن الكثير من هذه العيوب ليس من السهل اكتشافها إلا بعد تجربة طويلة مع قيادتها· وكثيراً ما تكون هذه العيوب من النوع الخطير وخاصة عندما يتعلق الأمر بآلية عمل نظام القيادة والتوجّه أو نظام التعليق أو الكبح· ولو تمعن المرء في التركيب الميكانيكي للسيارة للاحظ أنها آلة بالغة التعقيد تشترك مئات القطع والأدوات في تشغيلها؛ وتكمن خطورة هذه المشكلة في أن الأداء السيئ لواحدة فحسب من هذه القطع يمكن أن ينعكس على أداء أنظمة حساسة أخرى·
غضب في الأسواق
وتناقلت الصحافة قبل أيام أحاديث عن موجة جديدة من عيوب التصنيع في بعض أنواع السيارات؛ ومنها مثلاً أن شركة رائدة عالمياً في صناعة السيارات أعلنت عن خطأ في تصميم نظام القيادة وتوجيه العجلات يمكن أن يسبب مشاكل خطيرة في بعض الحالات· ويقول تقرير نشر في صحيفة ''وول ستريت جورنال'' أن شركة تويوتا التي كثيراً ما اشتهرت في أنها تصنع أكثر السيارات انطواء على الأمن والسلامة، أعلنت مؤخراً عن عيب ميكانيكي جديد في إحدى سياراتها·

إلا أن مشاكلها مع عمليات استعادة السيارات الجديدة المعابة من أجل إصلاحها أصبحت تتزايد بشكل كبير وللدرجة التي بدأت تؤثّر بشكل ما على سمعتها كشركة صانعة لأكثر السيارات انطواء على عناصر السلامة والأمان·

وفي الولايات المتحدة التي تعد السوق الأضخم على الإطلاق بالنسبة لتويوتا، بلغ مجموع عدد السيارات التي طلبت استعادتها لإصلاح بعض العيوب الميكانيكية 2,2 مليون سيارة العام الماضي وحده· وهو ضعف عدد السيارات التي أعلنت الشركة عن استعادتها خلال عام ،2004 كما أنه أكبر بعشر مرات من عدد سياراتها المستعادة عام ·2003 وصدرت هذه الأرقام عن إدارة أمن الطرق السريعة في الولايات المتحدة التي تعد مرجعاً أساسياً في اكتشاف العيوب الميكانيكية في السيارات·

وفي اليابان ذاتها، تزايد عدد السيارات الجديدة التي تستعاد سنوياً من أجل إصلاح عيوبها بمعدل 21 مرة منذ عام 2001 حتى بلغ 1,9 مليون سيارة خلال عام ·2005 ونظراً لأن الكثير من طلبات الاستعادة تتعلق بسيارات تجاوز عمرها 10 سنوات، عبّر المحللون والخبراء عن مخاوفهم من موجات استعادة أقوى وأشد وأكثر انطواء على الخطورة يمكن أن تحدث في المستقبل القريب· وأصبحت هذه المخاوف مبرراً لشعور الخبراء بالخوف من وصول المزيد من المعلومات حول ''النوعية الرديئة'' للسيارات الجديدة·

وكان لانتشار هذه الأخبار أثره الكبير على المدراء التنفيذيين لشركة تويوتا، كما أنها أغضبت الحكومة اليابانية ذاتها فعمدت إلى الطلب رسمياً من مسؤولي الشركة توضيح الأسباب الكامنة وراء تفاقم هذه الظاهرة· وكان ردّ الشركة يتلخّص بتقديم وعد للحكومة بتأسيس قاعدة حاسوبية جديدة من أجل استقاء المعلومات المتعلقة بالشكاوى من الأعطال بسرعة أكبر من وكلاء بيع سياراتها المنتشرين في العالم· من شأن هذا المسعى أن يدفع الخبراء والمصممين إلى تعديل الأنظمة المعابة في السيارات المباعة خلال وقت أقصر·

وفي داخل الشركة ذاتها، دفعت هذه الأنباء المتواترة عن عمليات استعادة السيارات المعابة الخبراء إلى بذل أقصى الجهود لتشخيص الأسباب الكامنة وراء هذه الظاهرة بعد أن امتدت عمليات الاستعادة حتى إلى موديلات تويوتا التي جنت من ورائها ذهباً مثل ''بريوس'' الهجينة التي أصبحت اشهر سيارة في العالم بمقياس الفعالية في استهلاك الوقود· ولم يسلم من هذه الحملة حتى البيك الشهير ''تاكوما'' وبعض السيارات الفاخرة التي تنتجها ''لكزس''·

ارتباك في القيادة
وخلال الاجتماع السنوي للمدراء التنفيذيين في تويوتا الذي عقد في شهر يونيو الماضي، ناشد قادة الشركة مدراء مختلف الأقسام الإنتاجية بضرورة توخي أقصى الاهتمام بجودة المنتجات· وأشار التقرير الذي نشرته ''ذي وول ستريت جورنال'' إلى أن المشاكل التي تتعلق بالنوعية وجودة التصنيع يمكن أن تهوي بسمعة ومستقبل أي شركة في اليابان أو أميركا أو أوروبا ·

ياريت اللى بيتكلم على إعتمادية سيارات تويوتا بعد 10 سنوات يقرأ المقال دا كويس

[محمد عز]

اولا حاجة المناقشة خدت منعطف تانى

وبقت المقارنة بين الكورولا والميجان

انا اختلف مع اصحاب الرينو فى تعريف كلمة تكنولوجيا

هل معنى ان العربيه فيها حساسات مطر وضوء و6 ايرباجز وكارت تشغيل يبقى هى ده التكنولوجيا

لا طبعا

ده كماليات وموجوده عندى فى المازدا 3

لكن التكنولوجيا الحقيقة فى المحرك ودورة الاحتراق والسحب والفتيس والفرامل والثبات على السرعات

وبالتالى منقدرش نقول تويوتا تكنولوجيا قديمة والرينو تكنولوجيا حديثة

لكن نقدر نقول رينو كماليات اكتر بسعر معقول وشكل جذاب

التويوتا عملية اكتر بسعر مناسب وشكل معقول

وان كان موضوع الكماليات دلوقتى اصبح متوفر بداية من الضينى وانت طالع لحد الالمانى طبعا مع الفارق

[أبو عبدالله]

عموما عربيتى ماشية 53 الف كم
و فيه عربيتين فى المنتدى دخلوا فى الـ 100 الف
اللى غيرته فى الضمان :
علبة دريكسيون
بطارية
عدد 2 كويل

و مات تغيروش او باظوا تانى بعد التغيير زى السيريون مثلا لما علبة الدريكسيون اتغيرت و رجعت باظت تانى بعد شهر رغم انها صناة يابانى
أفضل صناعة فى العالم

معدتشي الحاجت التاني بتاعت باقي الملاك ليه
من كترها مش كده برضه


طيب يا اخي الكريم السيريون اللي حضرتك بتتكلم عليها دي رجعت باظت بتاعت معاذ وهو لوحده اللي حصله كده
واتنين تانيين غيره انا والحاج توفيق غيرناها ومحصلش حاجه تانيه



والسيريون عربيه ياباني غلبانة 1300 سي سي
ومع ذلك في سعرها تجيب الميجان او اكتر كمان حسب الحالة والفئة
ايه رايك في الصناعه



دا واضح انه صعب عليك انت
بدليل انك بتنسى او بتتناسه اللى بقوله

و طالما وصلنا لهذه المرحلة للحوار يبقى أفضل انهى لإنه حيتحول لجدالات و شخصنة مالهاش لازمة و انا مش فاضى للحوارت دى بصراحة

دا مقال عن شركة تويوتا الأعلى جودة فى السيارات اليابانية
يعنى الحمد لله مش رأى لوحدى
و شكرا على كده الحوار

ولا شخصنه ولا حاجه احنا بنتلكم ولو حضرتك مش فاضي بعد كل اللي كتبته ده


طيب ما انا اجيبلك كلام من هنا للصبح على رينو واعطالها في اوروبا بلدها هيا مش امريكا لأنها مش موجوده اساسا هناك

اولا حاجة المناقشة خدت منعطف تانى

وبقت المقارنة بين الكورولا والميجان

انا اختلف مع اصحاب الرينو فى تعريف كلمة تكنولوجيا

هل معنى ان العربيه فيها حساسات مطر وضوء و6 ايرباجز وكارت تشغيل يبقى هى ده التكنولوجيا

لا طبعا

ده كماليات وموجوده عندى فى المازدا 3

لكن التكنولوجيا الحقيقة فى المحرك ودورة الاحتراق والسحب والفتيس والفرامل والثبات على السرعات

وبالتالى منقدرش نقول تويوتا تكنولوجيا قديمة والرينو تكنولوجيا حديثة

لكن نقدر نقول رينو كماليات اكتر بسعر معقول وشكل جذاب

التويوتا عملية اكتر بسعر مناسب وشكل معقول

وان كان موضوع الكماليات دلوقتى اصبح متوفر بداية من الضينى وانت طالع لحد الالمانى طبعا مع الفارق

والله يا بشمهندس محمد سألت السؤال بتاع التكنولوجيا ده اكتر من مره
وعمري ما اخدت اجابه واضحه
كلمة بتتردد وخلاص وعلشان محدش بيسأل هيا ايه الناس ماسكاها وبترددها

[Samah AbdAllah]

انا افضل الفرنسى لانى بميل بصفة عامة للسيارات الاوروبية
اعتقد من حق كل شخص يركب العربية اللى بيحبها واللى عجباه بدون التفكير فى قطع الغيار وسعر اعادة البيع والصيانة ويخلى كل ده يتحكم فى السيارة اللى هيركبها بشكل يطغى على ميوله الشخصية

[delpo]

حضرتك بلاش الكامرى فى المقارنة لإنها ريفيوهاتها بره مش قوى و خاصة الشكل القديم و ابو عبدالله عارف كده كويس لإنى كنت جبت له لينكات لرأى الناس ليها بره فى موضوع سابق لدرجة انه قالى ان الكامرى الشكل السابق اسوء كامرى نزلت :10d5c8~1107:
و بالنسبة للكرولا حضرتك قصدك جميع أجيال الكرولا و لا أنهى كرولا بالظبط اللى باعت أكتر من مبيعات رينو فى العالم كله فى انهى سنة !
هو حضرتك لو الفرنساوى وحش قوى كده تفتكر ليه لحد دلوقتى يبيع كويس قوى فى أوربا مثلا
و سياراته تحتل المراتب الاولى فى حجم المبيعات ؟؟؟؟؟؟
و ليه مالشراكات دى ماقفلتش طالما منتجها ردئ و غير إعتمادى ؟؟؟؟؟؟؟
أدينا مستنين و الحمد لله عدى 4 سنوات و سيارتنا زى الفل
حضرتك كل اللى اتغير ف الضمان فى الميجان مثلا مرجعش و باظ تانى زى سيارات يابانى تم تغيير حاجات فى الضمان و باظت تانى بعد شهر !
حضرتك انا ذكرتها كذا مرة
ياريت تراجع مشاركاتى

ريفيوهاتها بره مش قوي مقارنة بايه بالظبيط بالبيجو ؟!!!!!!!!! وبعدين مش حلوة دي في اي موقع بالظبط ولا اي مجلة ولا ايه لان الكل بيشكر فيها وبعدين احنا بنرجع للشكل القديم ليه انا بقارن بين كامري 2009 و 406 2009!!!

الكورولا الشكل القديم الي قبل ده على طول.
مش معنى ان المبيعات اقل انها تقفل لكن لازم تبقى عارف ان رينو وبيجو حققو خساير كبيرة جدا وحتى من قبل الأزمة المالية ورينو قفلت مصنعين وسرحت اكتر من 1500 عامل.

الفرنسي مشاكله بتبان كمان قبل 4 سنين يمكن خلال السنة الثانية من الشراء وراجع حضرتك قسم الاوروبي عموماً.

[أبو عبدالله]

ريفيوهاتها بره مش قوي مقارنة بايه بالظبيط بالبيجو ؟!!!!!!!!! وبعدين مش حلوة دي في اي موقع بالظبط ولا اي مجلة ولا ايه لان الكل بيشكر فيها وبعدين احنا بنرجع للشكل القديم ليه انا بقارن بين كامري 2009 و 406 2009!!!

الكورولا الشكل القديم الي قبل ده على طول.
مش معنى ان المبيعات اقل انها تقفل لكن لازم تبقى عارف ان رينو وبيجو حققو خساير كبيرة جدا وحتى من قبل الأزمة المالية ورينو قفلت مصنعين وسرحت اكتر من 1500 عامل.

الفرنسي مشاكله بتبان كمان قبل 4 سنين يمكن خلال السنة الثانية من الشراء وراجع حضرتك قسم الاوروبي عموماً.

ما انا طلبت عاوز رفيو واحد يوحد ربنا او تقييم واحد من مؤسسة معروفة بين عربيه ياباني وواحده فرنساوي والفرنساوي كسبت فيه
ياريت اشوفها في يوم من الأيام

[ahmad--ezzat]

اولا حاجة المناقشة خدت منعطف تانى

وبقت المقارنة بين الكورولا والميجان

انا اختلف مع اصحاب الرينو فى تعريف كلمة تكنولوجيا

هل معنى ان العربيه فيها حساسات مطر وضوء و6 ايرباجز وكارت تشغيل يبقى هى ده التكنولوجيا

لا طبعا

ده كماليات وموجوده عندى فى المازدا 3

لكن التكنولوجيا الحقيقة فى المحرك ودورة الاحتراق والسحب والفتيس والفرامل والثبات على السرعات

وبالتالى منقدرش نقول تويوتا تكنولوجيا قديمة والرينو تكنولوجيا حديثة

لكن نقدر نقول رينو كماليات اكتر بسعر معقول وشكل جذاب

التويوتا عملية اكتر بسعر مناسب وشكل معقول

وان كان موضوع الكماليات دلوقتى اصبح متوفر بداية من الضينى وانت طالع لحد الالمانى طبعا مع الفارق

الله ينور عليك ...كلام مظبوط...كل دى كماليات

[faron525]

الياباني طبعا بسبب توافر قطع الغيار

[كابوس الليل]

راى فى الموضوع ""مع انى الى عمال الموضوع"ههههه:
ان اليابانى : حلو ويعتمد عليه فى كل حاجة سواء نص نقل او سفر او داخل المدن.
ان الفرنسى: عربية شيك جدا وامكانيتها عالية فى كل حاجة وتصميم خرافة .

القوة: الفرنسى يفوز.
التصميم: من ناحية الشكل
اليابانى 40% فرنسى 60%
الثبات : على حسب نوع العربية بس اليابانى اكتر
صاج: انا فى رايى اليابانى.
ان العربية تعمر معاك وتعيش معاك:اليابانى.
قطع غيار:يابانى
اعادة بيع :يابانى
وكيل ده وده الصراحة معرفش
الناس فى مصر بتحب :اليابانى اكتر من الفرنسى
امان:فرنسى
عايز اعرف راى الناس فى كلامى ده ^ ؟