يابانى ولا فرنسى؟

[Ahmed Hassan]

[QUOTE=alfbaa]

أنا رايي الشخصي ان الفرنسين مالهمشي في الصناعة

ملهاش في الصناعه يا جماعه اقراو التاريخ كويس ولا بلاش التاريخ نشوف دلوقتي
1- فرنسا احسن دوله في العالم بتصنع قطارات ومؤخرا عملت القطار السريع اللي عدى سرعه القطار الطائر الياباني
2- فرنسا وامريكا هما الدولتين فقط في العالم كله اللي بيعملوا طيارات مدنيه
3- اخر استطلاع حربي امريكي قال ان الطياره الحربيه لورابان الفرنسيه فاقت الطياره اف 22 الامريكيه في كل الاختبارات
4-نشوف ابتكار واختراع الفرنسين في الفورميلا وان وازاي سبقوا اليابانين والالمان
بجد دي نكته جامده جدا حكايه فرنسا ملهاش في الصناعه دي

- بالنسبه للنقطه رقم 1.. فرنسا أصلا معروف أنها أقوى دوله أوروبيه عندها نظام نقل جماعي.. فده من طبيعه اهتماماتهم.. و مع ذلك فالمنافسه مستمره بينها و بين اليابان في موضوع القطارات و هتلاقي كل فتره في قطار من دوله من الاتنين حطم الرقم القياسي للسرعه. يعني فرنسا مش مسيطره على المجال و ان كانت من الدول المتفوقه فيه؟
- بالنسبه للنقطه 3.. طيب ما السلاح الروسي قوي جدا و طيارات روسيه كتير افضل من الامريكيه... بس تحب تركب عربيه روسي؟!!!
- بالنسبه للنقطه رقم 2.. الايرباص طائره أوروبيه و ليست فرنسيه فقط
- بالنسبه للنقطه رقم 4.. فعلا رينو انجح من مرسيديس في الفورميلا1 (اليابانيين ملهومش في فورميلا 1 أصلا) بس هل ده معناه ان الصناعه الفرنسيه عموما احسن من الالمانيه؟


شـــكـــرا

[Sharky]

معلش يا استاذ شاركي تكنولوجية ايه الي موجودة دلوقتي في الفرنسي ومش موجودة في الياباني عشان انا مش واخد بالي؟؟؟

لو جينا مثلا نتكلم على الميجان 2 إللى مثيلتها فى اليابان مثلا الكرولا الشكل القديم مش الجديد أو اللانسر البوما أو السيفيك الشكل السابق
هل فيه حد منهم كان فيها الأتى :
1- كارت تشغيل
2- كمبيوتر أعطال و معلومات
3- سنسور مطر و نور
4- 6 إيرباجز بمستويات فتح عند الحادثة
5- فتيس تيب ترونيك

وبعدين الكورولا الجديدة اثبت من الميجان على السرعات العالية فا ماينفعش تقول الي مش فارق معاه التكنولوجيا والثبات لانهم الاتنين موجودين في الياباني في الموديلات الجديدة زيو زي الاوروبي كلو.

حضرتك لمقارنة كده مش صحيحة لو عايز تقارن الميجان 2 يبقى تتقارن بالكرولا الشكل السابق
أظن الإجابة معروفة جد و مش محتاجة كلام من فيهم أثبت لكن لو عايز تقارن الكرولا الشكل الجديد يبقى تقارنها بالميجان 3

يبقى يا أحمد كده مش كل الياباني صيانته الشامله على 40000كم و أكيد مش كل الفرنسي صيانته الشامله على 60000كم.

الهوندا و الميتسوربيشى و التويوتا بيعملوا الصيانة الشاملة عند 40 الف و دول الأشهر و الأكثر إنتشارا فى اليابانى فى مصر فى المقابل الرينو عند الـ 60 الف

[ahmad--ezzat]

لو جينا مثلا نتكلم على الميجان 2 إللى مثيلتها فى اليابان مثلا الكرولا الشكل القديم مش الجديد أو اللانسر البوما أو السيفيك الشكل السابق
هل فيه حد منهم كان فيها الأتى :
1- كارت تشغيل
2- كمبيوتر أعطال و معلومات
3- سنسور مطر و نور
4- 6 إيرباجز
5- فتيس تيب ترونيك

حضرتك لمقارنة كده مش صحيحة لو عايز تقارن الميجان 2 يبقى تتقارن بالكرولا الشكل السابق
أظن الإجابة معروفة جد و مش محتاجة كلام من فيهم أثبت لكن لو عايز تقارن الكرولا الشكل الجديد يبقى تقارنها بالميجان 3

شاركى...
والله انا عندى الكرولا الشكل القديم عمليه اكتر بكتير من الميجان...وانا عن نفسى لا ليا فى سنسور المطر ولا سنسور الثلج حتى....

الحجات دى مش بتعيش ياباشا...بالاضافه ان الكرولا ك عمر افتراضى اعلى بكتير من الميجان...وانا اعز العمر الافتراضى اوى لانى مش من هواه التغيير فى العربيات

[abo samra]

فعلا 407 هى الفئة المتوسطه
فئة سكودا أوكتافيا أوبل فيكترا مازدا 6

الاوكتافيا فئه السيارات المدمجه زى اللانسر والسيفيك والكورولا والجيتا

[Sharky]

شاركى...
والله انا عندى الكرولا الشكل القديم عمليه اكتر بكتير من الميجان...وانا عن نفسى لا ليا فى سنسور المطر ولا سنسور الثلج حتى....

الحجات دى مش بتعيش ياباشا...بالاضافه ان الكرولا ك عمر افتراضى اعلى بكتير من الميجان...وانا اعز العمر الافتراضى اوى لانى مش من هواه التغيير فى العربيات

وجهة نظرك تحترم و خاصة إن أغلبية الشعب المصرى بيفكر بنفس الطريقة لكن صوابعك مش زى بعضها و فيه ناس تانية بتفكر انها تدلع نفسها و تساير التكنولوجيا اللى موجودة بره

و انا معاك ان الكرولا الشكل القديم اعلى إعتمادية من الميجان لإن فى أى حتة فى الدنيا لما تزود تكنولوجيا و أوبشنز أكتر بتزيد طبعا نسبة الأعطال و تزيد نسبة الإهتمام بصيانة هذا المنتج لما به من إمكانيات عالية بس مش معنى كده انها لازم تعطل

[ahmad--ezzat]

ونبى يا شاركى...سؤال برة الموضوع

اغنيه التوقيع عندك بتاعت منير؟؟ وياترا فأنهى البوم

[alfbaa]

[QUOTE=Ahmed Hassan;994315]

- بالنسبه للنقطه رقم 1.. فرنسا أصلا معروف أنها أقوى دوله أوروبيه عندها نظام نقل جماعي.. فده من طبيعه اهتماماتهم.. و مع ذلك فالمنافسه مستمره بينها و بين اليابان في موضوع القطارات و هتلاقي كل فتره في قطار من دوله من الاتنين حطم الرقم القياسي للسرعه. يعني فرنسا مش مسيطره على المجال و ان كانت من الدول المتفوقه فيه؟
- بالنسبه للنقطه 3.. طيب ما السلاح الروسي قوي جدا و طيارات روسيه كتير افضل من الامريكيه... بس تحب تركب عربيه روسي؟!!!
- بالنسبه للنقطه رقم 2.. الايرباص طائره أوروبيه و ليست فرنسيه فقط
- بالنسبه للنقطه رقم 4.. فعلا رينو انجح من مرسيديس في الفورميلا1 (اليابانيين ملهومش في فورميلا 1 أصلا) بس هل ده معناه ان الصناعه الفرنسيه عموما احسن من الالمانيه؟


شـــكـــرا

كلام حضرتك صح و 100 100 انا كل قصدي ان ارد على الاستاذ اللي قال ان فرنسا مافيهاش صناعه كويسه .......!!!
طبعا مافيش زي الالمان في المكينات والعربيات بس الفرنساوي وايضا الانجليزي احسن من الياباني واكثر خبره وتقدما وده رايي والله اعلم

[Sharky]

ونبى يا شاركى...سؤال برة الموضوع

اغنيه التوقيع عندك بتاعت منير؟؟ وياترا فأنهى البوم

البوم افتح قلبك
Mawaly - البوم (افتح قلبك) محمد منير

[أبو عبدالله]

يا اخواني بالله عليكم ده مفيش عربيه فرنساوي داخل السوق الأمريكي كله
طيب ده كلام نتكلم فيه ايه بعد كده

انا اللي اعرفه ان نجاح اي شركة بيبقى من السوق بتاعها في كل حته

يعني لو في شركة بتبيع كويس في افريقيا ومبتبعشي في اي حته تانيه في العالم كله
بالله عليكم ده معناه نجاح مع العلم انه مش بمزاجها
ومحدش يقولي ان الفرنساوي مش موجود في امريكا علشان مالهم مزاج يروحوا

يعني بالعقل كده

لما تيجي تقارن مثلا الكورولا الجديده بالميجان زي ما الأخوة تفضلوا كده
تخيل كده عربيه موجوده في العالم كله بنفس الشكل ونفس المواصفات ونفس كل شئ في اسيا واوروبا وافريقيا والشرق الأوسط وامريكا وامريكا الجنوبية كمان
طيب عربيه في كل الأسواق دي وبعدين نقارنها بعربيه على اد علمي انها موجوده في اوروبا والشرق الأوسط وافريقيا وحدث ولا حرج على المبيعات
يعني ممكن تكون مبيعات الكورولا في بلد واحد اد مبيعات الميجان في الشرق الاوسط كله بأفريقيا



يا جماعه اللي يعرف الكلام ده اكتر بتوع الأقاليم
الفرنساوي مبيبعشي الا في القاهرة فقط بجد
العربيات الفرنساوي في الأقاليم تعد على الصوابع

[Sharky]

من الاخر يا ابو عبدالله حط فى اليابانى نفس الأوبشنز و التكنولوجى اللى موجود فى الفرنساوى فى نفس فئت و تعالى نشوف إعتماديته بعد كده حتبقى عاملة إزاى

ما ينفعش تقارن سيارة بسيارة أخرى أقل منها فى الأوبشنز و التكنزلزجى و تقولى دى إعتماديتها أعلى من دى

[delpo]

من الاخر يا ابو عبدالله حط فى اليابانى نفس الأوبشنز و التكنولوجى اللى موجود فى الفرنساوى فى نفس فئت و تعالى نشوف إعتماديته بعد كده حتبقى عاملة إزاى

ما ينفعش تقارن سيارة بسيارة أخرى أقل منها فى الأوبشنز و التكنزلزجى و تقولى دى إعتماديتها أعلى من دى

سهل قوي وقولت لحضرتك قبل كده قارن ال 406 بالكامري والأكورد ال فيهم اوبشنز اعلى منها ومع ذلك عربيات اعتمادية اكتر ,,, وزي ما قال الأخ ابو عبد الله العالم كلو بيجيب ياباني معادا بلاد صنع العربيات وعايز اقول حضرتك بالأرقام واحصائيات الشركات ان الكورولا باعت في قارة افريقيا فقط اكتر من الي باعتو رينو بكل عربياتها في العالم كلو.

النتيجة بالنسبة للفرنسي: لو كان فيه خير ماكانش رماه الطير

[delpo]

لو جينا مثلا نتكلم على الميجان 2 إللى مثيلتها فى اليابان مثلا الكرولا الشكل القديم مش الجديد أو اللانسر البوما أو السيفيك الشكل السابق
هل فيه حد منهم كان فيها الأتى :
1- كارت تشغيل
2- كمبيوتر أعطال و معلومات
3- سنسور مطر و نور
4- 6 إيرباجز
5- فتيس تيب ترونيك



حضرتك لمقارنة كده مش صحيحة لو عايز تقارن الميجان 2 يبقى تتقارن بالكرولا الشكل السابق
أظن الإجابة معروفة جد و مش محتاجة كلام من فيهم أثبت لكن لو عايز تقارن الكرولا الشكل الجديد يبقى تقارنها بالميجان 3



الهوندا و الميتسوربيشى و التويوتا بيعملوا الصيانة الشاملة عند 40 الف و دول الأشهر و الأكثر إنتشارا فى اليابانى فى مصر فى المقابل الرينو عند الـ 60 الف

يا استاذ شاركي احنا بنتكلم عن العربيات دلوقتي ايه الأوبشنز الي موجودة في الفرنسي ومش موجودة في الياباني ؟؟

وبعدين حتى لو قارنا الكورولا بالميجان 3 ايه التكنولوجيا الي موجودة فيها ومش موجودة في الكورولا الجديدة ؟!!!

انا دخلت موقع رينو وشوفت المواصفات بتاعة فئة 1600 سي سي مافيهاش اي اوبشن زيادة عن الكورولا ؟!!!


موضوع الصيانة الشاملة عند كم كيلو مش هو المقياس .. المقياس ان حضرتك تشوف العربيات الي من 10 سنين من تويوتا ومثيلاتها من رينو وتشوف الفرق دي حالتها ايه ودي ايه ودي اتصرف عليها كم والتانية اتصرف عليها كام ودي هتبيعها بكام ودي هتبيعها بكام.

اتمنى اكون وصلت وجهة نظري

[ضيف]

كان أملي كبير أستفيد بمعلومة من موضوع في 72 مشاركة في 8 صفحات

[Ahmed Selim]

حضرتك لما تقارن بين آيفون ونوكيا يبقى بتقارن بين بي ام دبليو ام 6 ورينو ميجان!!!!!!!!!

انما المقارنة الصح تبقى بين نوكيا وسوني اريكسون والنوكيا الكورولا والسوني اريكسون ممكن يبقى ستروين سي 4 مثلا.

شوفت انت قولت ايه مافيش تكنولوجيا وبرضو بتعطل يبقى حضرتك رديت على نفسك الموضوع مش بس ان فيه تكنولوجيا لان عربية زي الكامري فيها تكنولوجيا من زمان جدا بس برضو مبتعطلش مع كامل اعتذاري لسمو الكامري على ادخالها وسط الصغار

مع أحترامى لوجهة نظرك......لو بقارن أيفون هقارنه بنوكيا N97 او 5800 لأن فيهم نفس الخصائص بتاعته بالظبط.......يبقى المقارنة تنفع.
و بما أن حضرتك بتقول أن الموضوع مش تكنولوجيا بس.....يبقى نستنى سنتين تلاتة كده و نتكلم مع بعض عن الكورولا الجديدة.

يبقى يا أحمد كده مش كل الياباني صيانته الشامله على 40000كم و أكيد مش كل الفرنسي صيانته الشامله على 60000كم.



أحمد عبد المقصود اللي عرفت تيل فرامل ebc منه

أجاوبلك أنا على سؤال الموبايل... انا شخصيا واحد مش بحب موبايلات نوكيا.. و عربيات تويوتا.. و مع ذلك مقدرش انكر انهم عمليين لأبعد درجه.

لو عايز موبايل عملي: بطاريه بتعيش و فترة تحدث و انتظار طويله و امكانيه ارسال رسائل نصيه و رسائل متعدده الوسائط و تصليح منتشر و قطع غيار متوفره و ميهمنيش الستايل و التميز و التكنولوجي الحديثه جدا يعني باختصار عايز موبايل يقوم بجميع مهام الموبايل.. هجيب الموبايل النوكيا.
لو عايز حاجه مميزه جدا: شكلها شيك و فيها احدث تكنولوجي و لما امشي الناس يبصو عليا و يتنحو و يندهشو.. و في المقابل ميهمنيش ان البطاريه بتفضى بسرعه جدا و لازم اروح كل مكان بالشاحن.. و مبيبعتش رسائل الا لو نزلتله سوفت وير مخصوص.. و مفيهوش ابسط الخصائص زي انه يعمل copy و paste و ميمنيش ان الـ processing بتاعه بطيء جدا و محدش هيعرف يصلحه غير عالم ذرة هجيب الـ i phone

يا ريت أكون قدرت اوضح وجهة نظري.

أحمد باشا حسن.............منورنا يا بوحميد

بص يا باشا الكلام على نوكيا 10\10 بس الكلام على الأيفون مش كله صحيح للأسف.....ليه ؟؟؟
عشان الأيفون مليان أوبشنز كفيلة أنها تقضى على البطارية زى ال 3G و ال Wifi و ال push mail يبقى اللى مش محتاجه ملهوش لازمة يبقى شغال و ممكن يتقفل و بالتالى مش هتلاقى مشكلة فى البطارية و مش هتمشى بالشاحن على طول.
و عشان الأيفون فيه copy و paste عادى و فيه MMS و كل اللى انت عاوزه حتى الأوتوفوكس فى الكاميرا.
و عشان اللى هيصلح الأيفون هيبقى غى الأخر واحد بيصلح نوكيا كمان.....بس فاهم الأيفون شغال أزاى.

عموماً أجمالاً أحنا كده مختلفناش يا باشا........يبقى أنت يهمك العملية فى الأداء و رخص قطع الغيار و السحب المتميز........... خليك فى اليابانى
عاوز تكون متميز و معاك حاجة مختلفة و أدائها أحسن فى بعض الثبات...... بس أغلى شوية و مش أى حد يعرف يصلحها يبقى جيب الفرنساوى.

و على فكرة الكلام ده مش هيمشى على كل اليابانى ولا كل الفرنساوى....يعنى أنا عن نفسى واحد من الناس اللى لو ركبت عربية يابانى كنت فاكر أنى مش هستريح فيها نهائى...لحد لما جربت أمبريزا 2005 و أقتنعت بيها جداً و لقيت أدائها مقارب للفرنساوى جداً فى الثبات....و بصراحة مفيش حاجة يابانى تانى أقنعتنى .

[Ahmed Selim]

وبعدين حتى لو قارنا الكورولا بالميجان 3 ايه التكنولوجيا الي موجودة فيها ومش موجودة في الكورولا الجديدة ؟!!!

ما تقارن كده بين الكورولا اللى قبلها و الميجان 2 و تقولى أيه الأختلافات ؟؟؟

الكورولا الجديدة و الميجان 3 مش هيفرقو حاجة فى الكماليات و التكنولوجى عشان معظم التكنولوجى بقت قديمة دلوقتى......يعنى أتجربت و أتعرف فين عيوبها و أتصلحت.