إسأل و إطمن علي الفرامل..

[SAMER_ENGINES]

ما سبب هروب الفرامل ؟؟؟ ده موضوع خطر جداا
وازاى امنع المصيبه دى قبل ما تحصل

أكشف علي الماستر العمومي و تاكد من أنه لا يحتاج لطقم إصلاح أو لتغيير

[SAMER_ENGINES]

بالنسبة يا باشا لفرامل الفيرنا 1600cc
انا كنت عاوز اغيرها كلها باي فرامل من عربية تانية تكون مناسبة ليها
لانها مش بتسعف العربية
هل ممكن حل ؟؟؟
او اية تعديل فيها علشان العربية بعد ال120بتبقي بتاكل في بعضها علشان تقف
بس هنعمل اية في الاستاز غبووووووووور بية الي عامل موتور حلو وعفشة جميلة بس نسي افرامل

أديني فرصة أسألك علي موضوع تغيير الفرامل خالص ده او نحاول نعمل اي حاجة لتقويتها

[kantalub]

ولا يهمك علي التأخير .. بعد ما جبت العربية كل ما أدورها الصبح مش بتدور .. هل لو غيرت البوجيهات المشكلة دي هتروح .. وبالنسبة لفرامل اليد للأسف مش شغالة .. هل لو غيرت التيل الخلفي هيحل الأزمة .. والميكانيكي قالي ممكن يبقي عمولة .. يعني ايه عمولة .. وهل لازم اغير تيل بعد 20000 كم ؟؟؟!! .. وشكرا ليك لأنك دايما بتطمني باجابتك ..

[SAMER_ENGINES]

ولا يهمك علي التأخير .. بعد ما جبت العربية كل ما أدورها الصبح مش بتدور .. هل لو غيرت البوجيهات المشكلة دي هتروح .. وبالنسبة لفرامل اليد للأسف مش شغالة .. هل لو غيرت التيل الخلفي هيحل الأزمة .. والميكانيكي قالي ممكن يبقي عمولة .. يعني ايه عمولة .. وهل لازم اغير تيل بعد 20000 كم ؟؟؟!! .. وشكرا ليك لأنك دايما بتطمني باجابتك ..

هل قصد حضرتك مش بتدور خالص و لا بتتأخر في الدوارة و متتسرعش و تغير حاجة يكون مش لازم تغييرها و مش البوجيهات بس اللي ممكن تكون السبب فياريت حضرتك بس توضح ايه الي بيحصل بالظبط.

بالنسبة لفرامل اليد التيل الخلفي مش السبب خالص و لو كان التيل في حاجة كانت الفرامل هتخف معاك فممكن يكون السلك بتاع الهاند حصل في حاجة أو في سوستة فيها مشكلة.
و عامة كلمة عمولة يعني التيل بيجي زي لفة السلك و تقطع منه علي حسب كل عربية يعني مش بيجي جاهز.
بس برضه التيل ملهوش علاقة عشان ميعملش عليك شغل قول له بص الأول علي السلك و بصراحة لو فكرت انك تعمل تيل متعملش تيل عند ميكانيكي نهائياً و خاصة الخلفي (القباقيب) لأنه ببساطة بيعمله برة و بالبلدي بيعمل علي الزبون مصلحة..
طيب أزاي بيعمل مصلحة؟؟
بييجي لورشة زينا كدة و يقول عايز أملا الحديد ده تيل و العربية ماركة كذا و للعلم هو عادة ميعرفش كل عربية بتاخد تيل كام مللي و بيحاسب ورشة الفرامل والدبرياج اللي هو عمل عندها التيل بعشر قروش و يجي يقولك هات عشرين.
و أتحدي أي ميكانيكي يقولك أنا بعمل التيل الخلفي عندي لانه محتاج أدوات للموضوع ده مش موجودة عند الميكانيكي و بكدة الميكانيكي لا يقدر يفور التيل القديم و لا يقدر يبرشم التيل الجديد.
و تحت امرك في أي حاجة.

[kemoelord]

هل قصد حضرتك مش بتدور خالص و لا بتتأخر في الدوارة و متتسرعش و تغير حاجة يكون مش لازم تغييرها و مش البوجيهات بس اللي ممكن تكون السبب فياريت حضرتك بس توضح ايه الي بيحصل بالظبط.

بالنسبة لفرامل اليد التيل الخلفي مش السبب خالص و لو كان التيل في حاجة كانت الفرامل هتخف معاك فممكن يكون السلك بتاع الهاند حصل في حاجة أو في سوستة فيها مشكلة.
و عامة كلمة عمولة يعني التيل بيجي زي لفة السلك و تقطع منه علي حسب كل عربية يعني مش بيجي جاهز.
بس برضه التيل ملهوش علاقة عشان ميعملش عليك شغل قول له بص الأول علي السلك و بصراحة لو فكرت انك تعمل تيل متعملش تيل عند ميكانيكي نهائياً و خاصة الخلفي (القباقيب) لأنه ببساطة بيعمله برة و بالبلدي بيعمل علي الزبون مصلحة..
طيب أزاي بيعمل مصلحة؟؟
بييجي لورشة زينا كدة و يقول عايز أملا الحديد ده تيل و العربية ماركة كذا و للعلم هو عادة ميعرفش كل عربية بتاخد تيل كام مللي و بيحاسب ورشة الفرامل والدبرياج اللي هو عمل عندها التيل بعشر قروش و يجي يقولك هات عشرين.
و أتحدي أي ميكانيكي يقولك أنا بعمل التيل الخلفي عندي لانه محتاج أدوات للموضوع ده مش موجودة عند الميكانيكي و بكدة الميكانيكي لا يقدر يفور التيل القديم و لا يقدر يبرشم التيل الجديد.
و تحت امرك في أي حاجة.

طيب حضرتك دلوقتي لو حبيت اغير التيل الخلفي علشان دايما هو ده الي انا مش عارف اغير امتى وايه الاعراض الي تخليني اغيره وكده ؟ وثانيا لما احب اشتريه هل اشتريه من اي محل قطع غيار وهو بيظبطلي الدنيا وبيقطعه وبيبقى عارف سمك التيل تبع كل نوع سيارة ولا ؟ اخيرا بالنسبه لسعره هل هو مثل التيل الامامي ولا بيبقى اغلى ولا ارخص على سبيل المثال لسيارة (لانوس 1),,, وشكراااااااااا

[dr_timo]

لو سمحت ياباشمهندس انا عندي مشكلة في الفرامل دي انا طبعا جايب العربية من ست شهور وهية بولونيز وكانت الفرامل بتاعتها ضعيفة اوي ورحت لميكانيكي من شهرين تلاتة قام مزود الزيت وشال هوا وبقت كويسة الحمد لله ومن ساعتها مفيش اي مشاكل خصوصا ان سواقتي هادية جدا ونادرا ما بحتاج للوقوف المفاجيء بالفرامل لكن من اربع تيام فجئة وانا ماشي وفي واحد بيعدي الطريق واحتجت ادوس فرامل وبدوس مالقيتش فرامل خالص البدال وصل لاخره ولا اكني دوست حاجة والحمد لله فاديت الراجل لاني كنت مهددي اوي رحت للميكانيكي قام لقي الزيت مش ناقص قام مغير جلد الماستار الرئيسي وشفط هوة ومشيت تاني يوم لقيتها خفيفة اويييي والبدال بيوصل للارض ومبيمسكش الا لو ماشي علي سرعة عشرة بالكتير قمت رحتله تاني قام مغير الجلد بتاع الماستار الرئيسي تاني وقاللي يبقي الجلد اللي ركبناه كان وحش وحطينا زيت نوعه كويس ومشيت والبدال مرفوع كويس زي اليوم اللي قبله وتاني يوم خرجت بيها وفي السكة بردو حسيت انها ضعيفة بس اقوي من الاول طبعا فيا تري يكون اية السبب انا احترت اوي

[wlk_bakka]

الفرامل عندي abs لما بدوس فرامل جامده الدواسه بتترج وبحس ان الكوتش بيترج معاها روحت لبتاع فرامل خرط الطنبير وغير التيل وفضلت الرجا موجوده فقالي هي ال abs كده بعد معمل الشغل ده والعربيه فورد فوكس ٢٠٠٥ ممكن اعرف هي دي فعلا زي مقال طبيعي ولا في مشكله

[SAMER_ENGINES]

طيب حضرتك دلوقتي لو حبيت اغير التيل الخلفي علشان دايما هو ده الي انا مش عارف اغير امتى وايه الاعراض الي تخليني اغيره وكده ؟ وثانيا لما احب اشتريه هل اشتريه من اي محل قطع غيار وهو بيظبطلي الدنيا وبيقطعه وبيبقى عارف سمك التيل تبع كل نوع سيارة ولا ؟ اخيرا بالنسبه لسعره هل هو مثل التيل الامامي ولا بيبقى اغلى ولا ارخص على سبيل المثال لسيارة (لانوس 1),,, وشكراااااااااا

التيل الخلفي مش بيوضح اوي زي الأمامي بس ممكن تحس اني الفرامل خفت شوية او الهاند بريك مبقاش يمكسك زي الأول و عامة لما تيجي تغير الأمامي يستحسن بالمرة تقوله بص لي علي التيل الخلفي كمان لو عايز يتغير يتغير لو مش محتاج و محتاج رجلاش يترجلش لو مش محتاج حاجة يبقي يتنضف و الطنبورة تتنضف من البرادة اللي بتبقي فيها و تتركب تاني.
و التيل الخلفي مش بنشتريه من محلات قطع الغيار لأني بتاع قطع الغيار ميعرفش يعمل التيل الخلفي بنفسه ده مجرد بياع و غير كدة معندوش الآلات اللازمة للموضوع ده حيفك البرشام القيدم أزاي و يبرشم برشام جديد و خلافه؟؟!!
اللي بعمله أني بروح لبتاع الفرامل و الدبرياج و هو بيعمله في الورشة علي الحديد بتاع العربية (علي فكرة أنا كدة بتكلم علي الطنابير الحلة) (القباقيب)) و سعره بيكون حسب الخامة الخامة هي عادة اللي بتحدد السعر في التيل الخلفي.

[SAMER_ENGINES]

لو سمحت ياباشمهندس انا عندي مشكلة في الفرامل دي انا طبعا جايب العربية من ست شهور وهية بولونيز وكانت الفرامل بتاعتها ضعيفة اوي ورحت لميكانيكي من شهرين تلاتة قام مزود الزيت وشال هوا وبقت كويسة الحمد لله ومن ساعتها مفيش اي مشاكل خصوصا ان سواقتي هادية جدا ونادرا ما بحتاج للوقوف المفاجيء بالفرامل لكن من اربع تيام فجئة وانا ماشي وفي واحد بيعدي الطريق واحتجت ادوس فرامل وبدوس مالقيتش فرامل خالص البدال وصل لاخره ولا اكني دوست حاجة والحمد لله فاديت الراجل لاني كنت مهددي اوي رحت للميكانيكي قام لقي الزيت مش ناقص قام مغير جلد الماستار الرئيسي وشفط هوة ومشيت تاني يوم لقيتها خفيفة اويييي والبدال بيوصل للارض ومبيمسكش الا لو ماشي علي سرعة عشرة بالكتير قمت رحتله تاني قام مغير الجلد بتاع الماستار الرئيسي تاني وقاللي يبقي الجلد اللي ركبناه كان وحش وحطينا زيت نوعه كويس ومشيت والبدال مرفوع كويس زي اليوم اللي قبله وتاني يوم خرجت بيها وفي السكة بردو حسيت انها ضعيفة بس اقوي من الاول طبعا فيا تري يكون اية السبب انا احترت اوي

مفيش مشكلة أنشاء الله و خليه ياخد لك هوا تاني و شوف ايه الاخبار قوله خد لي هوا عشان البدال واطي و نشوف بعد كدة بدل ما اقعد اقولك غير و اعمل من غير لزمة و احيانا العربية بتحتاج يتاخد منها هوا اكتر من مرة فمتخفش.
ياريت لو كان خرط طنابير و لا حاجة تقول لي.

[SAMER_ENGINES]

الفرامل عندي abs لما بدوس فرامل جامده الدواسه بتترج وبحس ان الكوتش بيترج معاها روحت لبتاع فرامل خرط الطنبير وغير التيل وفضلت الرجا موجوده فقالي هي ال abs كده بعد معمل الشغل ده والعربيه فورد فوكس ٢٠٠٥ ممكن اعرف هي دي فعلا زي مقال طبيعي ولا في مشكله

للأسف أنا مسقتش العربية عشان اقولك ده عادي و لا لا بس انا سقت قبل كدة اكتر من عربية فيها abs و محصلش معايا كدة من ضمنها اللانسر.
بس في حاجة مهمة هل الرجة بتظهر لما تجري بالعربية جاااامد و تفرمل و لا حتي لو ماشي علي سرعة معقولة يعني مثلا لو ماشي علي 40 كم و قررت تقف عادي مش فرملة جامدة و لا حاجة لا فرملة عادية و بالراحة هل بتحس بكدة برضه و لا لا و بسألك السؤال ده عشان اعرف اذا كان الموضوع ده لما الـ abs بيشتغل ولا في اي وقت لو مع الـ abs بس يبقي ممكن تكون العربية دي كدة فعلا او تصميمها مختلف لكن لو الكلام ده بيحصل علي طول يبقي ممكن يكون عيب في الطنابير.

[dr_timo]

شال هوا كزا مرة وبعدين قاللي ريح نفسك عشان الجلد مغشوش لانه خلاني جبت جلد مرتين وبردو نفس المشكلة فقاللي غير الماستار عشان خاطر الجلد مع انه قاللي قلب الماستار كويس المهم رحت لميكانيكي تاني كنت اتعاملت معاه ابل كدة وكويس المهم بردو شفطلي هوا وبيقولي الماستار مكنش متركب كويس المهم البدال كان كويس وعالي يومين كدة ولقيته بقي ينزل تاني بس مش زي الاول دلوقتي معقول حبة عن الاول بس بردو ضعيف اوي والراجل بردو قاللي اني محتاج ماستار عشان الماستار عندي كويس بس في ملحوظة الراجل الاولاني قاللي اني عندي حاجة اسمها اوسي ولا اوسيه مش فاكر اوي قاللي دي بايظة عندي هوة نزل تحت العربية شافها فممكن تكون دي السبب ولا اية ومعلش ياباشمهندس سمير بتعبك معايا

[eltorky]

بصراحة أنا قريت ال33 صفحة و أستفدت منهم جدا لدرجة أن أنا تعبت من القرأة بس مش قادر أسيب سطر مقرهوش من طريقتق في الردود و زوقك الله يباركلك ياسامر باشا بس أن كنت عايز آخد رأيك من واقع خبرتك مع اللانسر2007-1300سي سي أتوماتيك بأفضل نوع تيل و طنابير لأني محتاج اغير تيل امامي وطنابير امامي ,, هل اغيرهم في التوكيل ولا اشتري من برا وطبعا انت عارف أسعار التوكيل!!!! و لو هاجيب من برة أية أفضل الانواع ؟؟ و بعد أذنك يا باشا كنت عايز أعرف أنا ممكن أخروط الطنابير الامامية لحد كام مرة أصل أنا خرطها مرة و عشان كدة كنت عايز أغيرها فهل ممكن أخرطها تاني و لا الطنابير بتطخرط مرة واحدة بس و لك جزيررر الشكر __________________

[wlk_bakka]

للأسف أنا مسقتش العربية عشان اقولك ده عادي و لا لا بس انا سقت قبل كدة اكتر من عربية فيها abs و محصلش معايا كدة من ضمنها اللانسر.
بس في حاجة مهمة هل الرجة بتظهر لما تجري بالعربية جاااامد و تفرمل و لا حتي لو ماشي علي سرعة معقولة يعني مثلا لو ماشي علي 40 كم و قررت تقف عادي مش فرملة جامدة و لا حاجة لا فرملة عادية و بالراحة هل بتحس بكدة برضه و لا لا و بسألك السؤال ده عشان اعرف اذا كان الموضوع ده لما الـ abs بيشتغل ولا في اي وقت لو مع الـ abs بس يبقي ممكن تكون العربية دي كدة فعلا او تصميمها مختلف لكن لو الكلام ده بيحصل علي طول يبقي ممكن يكون عيب في الطنابير.

شكرا علي الرد يا باشمهندس العربيه في الماشي والفرامل العاديه مفيش اي رجه الرجه بتبقي مع الفرامل الجامده في اخر لحظات الوقوف بس

[madoo_600]

باشا انا لما اجري بالعربيه واجي اهدي احس ان البدال بيلعب تحت رجلي ورجرجه لكن تحت 80 مفيش المشكله دي ممكك الرد

[ابو حسين]

مشكوووووور والله يعطيك الف عافيه