إسأل و إطمن علي الفرامل..

[SAMER_ENGINES]

جزيل الشكر على هذا الموضوع المفيد جدا و نرجوا التثبيت.
سوالى لحضرتك بخصوص الدبرياج هو ان العربيه لما بتسخن فقط بترجج جدا لما باجى اطلع على الاول ولكن لو العربه بارده بتتطلع على الاول عادى؟ هل ده عيب دبرياج ؟واعمل فيه ايه؟

أهلا بيك و الف شكر
و بالنسبة للدبرياج عند حضرتك مشكلته اني الإسطوانة بتسخن اوي و لما بتسخن بترعش لاني خامتها مش حلوة و مش بتتحمل السخونة حاول تغير الإسطوانة بواحدة احسن من كدة

[SAMER_ENGINES]

انا عندى مشكله فى عربيتى لادا 2107 موديل 2003 فيها حدفه شمال مع دوسه الفرامل .. و المشكله دى بتظهر عند السرعات العاليه بس لكن فى السرعه البطيئه مفيش حدفه ولا حاجه ....والزوايا مظبوطه وكله تمام ممكن اعرف المشكله منين وليه مع السرعه العاليه بس بتظهر الحدفه دى ؟.؟؟؟؟؟؟؟؟؟؟؟

في كذا احتمال ممكن يكون عندك مشكلة في الماستر العمومي يكون بيوزع لناحية و ناحية لا و ممكن يكون في خرطوم او ماسورة مسدودين او يكون في عيب في ماستر عجل يعني لازم يتكشف علي الحاجات دي و اولهم الماستر العمومي ارجح انه يكون محتاج طقم اصلاح
و بالنسبة لموضوع السرعة العالية ممكن تكون الحدفة مش جامدة او مش محسوسة في السرعات البطيئة لكن مع السرعة العالية تتلاحظ و كل ما زادت السرعة و زادت قوة الفرملة حتلاقيها ملحوظة اكتر.

[SAMER_ENGINES]

يا سيدي خد عندك انا من اسبوعين كده قررت اني مش قادر اتحمل العربيه وهيا كده بترعش على السرعات العاليه ولما اضرب فرامل فرحت للميكانيكي قالي دي الطنابير رحت جبت طنابير جداد و تيل جديد كوري مع العلم الي كان عليها لسا تقريبا نصه وكان يباني المهم غير الحاجات والعربيه لسا لما اكون على سرعه عاليه لما اضرب فرامل بترعش الطاره وتحت قالي زوايه قلنا ماشي رضضنا وزبطنا زوايه وطلعت عالداءري اجرب وبرضو نفس المشكله على 80 واعلى لما اضرب فرامل البتاعه الي تحت بتاعت الفرامل بتهز وترعش جامد مع العلم انها مكنتش بتعمل كده لما كانت الدمبوره القديمه كانت بترعش اقل من كده وبرضو لما اكون ماشي بطيء الفرامل بتصفر قالي الصبي التيل نوعه مش كويس وقالي استنا لما الأسطه بتاعو يجي عشان يطلع معايه واوريه عشان هما كانو بيتحجاجو بالزوايه والترصيص

بالنسبة للصفارة فدي خامة التيل فعلا اما الرعشة فأحيانا و نادرا بتكون الطنابير جديدة لكن محتاجة خرط برضه حاول تفكها و تخرطها و جرب و صنفر التيل عشان الصفارة دي تروح شوية.

[O.M.S]

موضوع جامد جدا يا سامر باشا
انا عندي الفرامل لما اجي اهدي بس القيها بتعد تنزل تحت رجلي من غير ما تفرمل اوي
لكن لو كبست فرامل بتفرمل(بالمناسبة التيل لسة فيه كتير)
وفي حاجة تاني العجلة اللي قدام يمين بتصفر لما امش بالعربية شوية انما في اول المشوار مابتصفرش

[aymoonoo]

انا رجعت القديم وغال بيه مفيش صفاره ومتمام والرعشه خفت بس لسا موجوده واخرط الطنابير ليه ؟ مش هما جداد انا لسا مركبهم يوم الخميس

[KIA_SEPHIA_2001_K]

أنا اشكرك على الموضوع الجميل والاحلى فيه كلامك الجميل مع الاعضاء

ولو تستاذن انى ليه طلب تقولى ده طبيعى او ايه حلوا

انى ديما الفرامل فتره الصبح بتكون واخده هواه واول مدوس عليها بسمع طق فيها

مطرح الهواء ودتها لواحد عملى رجلهاش ورى بس فيها نفس الموضوع

وقلت مدام فتره الهواء بتكون الصبح فقط فى اول دوسه مش مشكله

حاجة تانيه ان الفرامل لازم اضغط عليه ااوى وبلاقى الفرده الشمال اكنها عاوز تكلبش ومفيش حدفات

الراجل قلى هوا فيه نصو لسه فهل ممكن التيل ينشف او يبوظ وهوا حتى
لسه فيه والزيت لازم اغيروا كل سنه

[SAMER_ENGINES]

أنا اشكرك على الموضوع الجميل والاحلى فيه كلامك الجميل مع الاعضاء

ولو تستاذن انى ليه طلب تقولى ده طبيعى او ايه حلوا

انى ديما الفرامل فتره الصبح بتكون واخده هواه واول مدوس عليها بسمع طق فيها

مطرح الهواء ودتها لواحد عملى رجلهاش ورى بس فيها نفس الموضوع

وقلت مدام فتره الهواء بتكون الصبح فقط فى اول دوسه مش مشكله

حاجة تانيه ان الفرامل لازم اضغط عليه ااوى وبلاقى الفرده الشمال اكنها عاوز تكلبش ومفيش حدفات

الراجل قلى هوا فيه نصو لسه فهل ممكن التيل ينشف او يبوظ وهوا حتى
لسه فيه والزيت لازم اغيروا كل سنه

الف شكر لكلامك يا كيا
و العربية الصبح و خاصة لما بتكون راكنة بقالها فترة كام يوم مثلا بيكون الزيت كله رجع من المساتر للماستر الرئيسي و منه للخزنة و عشان كدة بتحس انها خفيفة او فيها هوا زي ما بتقول و بالنسبة للطقة دي اول ما بتمشي بس و لا مستمرة لو مستمرة ممكن يكون الزغاد بتاع السرفو عايز يتكشف عليه.
و المفروض الفرامل متدوسش عليها اوي و لا حاجة بالعكس المفروض تكون سريعة الاستجابة كدة ممكن تكون عايزة الرجلاش يتفتح تاني او يتاخد هوا و التيل ممكن يكون مش نوعية كويسة و يبوظ و هو لسه فيه مش شرط ابدا و قبل كدة في تيل طق و اتكسر و احنا بنركبه في عربية لزبون بس الحمد لله هو اللي كان جايبه
و الزيت مش لازم يتغير و لا حاجة و بيني و بينك الواحد بقي يقول الزيت الي عنده طالما كويس بلاش يخاطر لاني الزيت دلوقتي في كتير مغشوش لكن لو انت تحب تجدده يبقي علي و علي بندكس الفرنساوي ابو علبة صفيح

[SAMER_ENGINES]

موضوع جامد جدا يا سامر باشا
انا عندي الفرامل لما اجي اهدي بس القيها بتعد تنزل تحت رجلي من غير ما تفرمل اوي
لكن لو كبست فرامل بتفرمل(بالمناسبة التيل لسة فيه كتير)
وفي حاجة تاني العجلة اللي قدام يمين بتصفر لما امش بالعربية شوية انما في اول المشوار مابتصفرش

الف شكر يا osos
الفرامل لما تنزل بالشكل ده يبقي غالبا ماستر عمومي و الصفارة دي لما التيل بيسخن بيدي صفارة شوية و هو كدة تقريبا بدا يخلص بس لو الصفارة عادية مش مضايقاك يعني يبقي عادي متخافش منها و سيبه لما يخلص و حاول تجيب خامة انضف

[SAMER_ENGINES]

انا رجعت القديم وغال بيه مفيش صفاره ومتمام والرعشه خفت بس لسا موجوده واخرط الطنابير ليه ؟ مش هما جداد انا لسا مركبهم يوم الخميس

طيب الحمد لله اني التيل ده افضل و بالنسبة للطنابير فأحيانا بتكون جديدة و محتاجة خرط خلي حد يبص عليها و يشوف قبل ما تخرط و للاسف مبقاش في فرق بين الجديد و القديم دلوقتي لاني في واحد راح اشتري طقم 131 ايطاللي جديد بعلبته و الميكانيكي ركبه و العربية حلفت ما تتحرك من مكانها و كان فيه عيب بسيط و بمجرد ما عملناه العربية مشيت زي الفل فبص بصة صغيرة علي الطنابير

[KIA_SEPHIA_2001_K]

كتير الف خيرك وانا طلع عندى مشكله ورى ان الطنابير انتهت ولازم اغيرها

اشكرك بشده وبعنف

[ahmedmok]

اشكرك على سعه صدرك و موضوعك الهائل ......شوف يا سيدى .....كشفت على الماستر العمومى لقيته زى الفل و الحمد لله و الراجل قالى انه جديد و بحالته....كشفت على الخراطيم لقيتها شغاله ميه ميه و الحمد لله ....غيرت طقم تيل خلفى روسى و طقم بساتم خافى ايطالى و تيل امامى اعتفد انه من نوعيه جيده و غيرت كمان طقم اساتك امامى تركى لمساتر العجل الامامى ...و الراجل ظبط الهوا و الجلاش وكله تمام ....................................مشيت مشوار ميه ميه بعد كده بدأت العربيه تحدف شمال تانى فى السرعه العاليه بس الحدفه قلت اوى عن الاول و كمان الفرامل بقى فيها دوبل سعات واطيه و مع الدوبل تعلى تانى ....انا تفكيرى مشلول مش عارف ايه الموضوع بقى ........اغير العربيه و خلاص ولا ايه؟؟؟؟؟؟دى موديل 2003 امال لو موديل 73 كانت عملت ايه بس ..... يارب الاقى عندك النصيحه

[aymoonoo]

انا خليت الميكانيكي يركب ويشوف واقتنع بنفسو انها لسا بترعش عشان كده هنزل بكره عشان نشوف الي وره والي قدام ونخرط الي وره لو لازملهم خرط وانشوف الي قدام مالهم ولو فيهم معوجيين زي مقالي بتاع الزوايه ارجعهم لصاحبهم انا عندي سؤال التيل الي اشتريتو ينفع ارجعو للمحل ولا لأ؟ عشان انا حطيتو يومين تقريبا هيعتبرو مستعمل مش كده بس واللهي حرام 35 جنيه اترمو ففالزباله

[proxy]

طيب سؤال محيرني ... طبعاً أنا مش هعرف اقرأ ال-٣٠ صفحة دول.
بس عندي مشكلة ... كل مدوس على الفرامل بحس برعشة جامدة فالعربية ... أنا عندي دسكات أمامي و خلفي
إيه السبب فالموضوع دة .. و ممكن أحل ازاي ؟
والسؤال التاني.. مين في مصر لو جبتلو تيل يئدر يعمل زيو بكولتي ممتازة؟
العربية موديل ٢٠٠٧ يعني مفتكرش محتاجة خرت للتنبير

[for_ever]

جزاك الله خير يا باشمهندس سامر علي مساعدتك للناس
انا قرأت الثلاثين صفحة كلهم و ما شاء الله عندك صبر و طولة بال
ربنا يعينك و يوفقك :)
احمد شعبان

[proxy]

ياريت ترد علي سوءالي رقم 298# يا بشمهندس و شكرا