إسأل و إطمن علي الفرامل..

[madoo_600]

محدش بيرد ليه يا جماعه

[SAMER_ENGINES]

شال هوا كزا مرة وبعدين قاللي ريح نفسك عشان الجلد مغشوش لانه خلاني جبت جلد مرتين وبردو نفس المشكلة فقاللي غير الماستار عشان خاطر الجلد مع انه قاللي قلب الماستار كويس المهم رحت لميكانيكي تاني كنت اتعاملت معاه ابل كدة وكويس المهم بردو شفطلي هوا وبيقولي الماستار مكنش متركب كويس المهم البدال كان كويس وعالي يومين كدة ولقيته بقي ينزل تاني بس مش زي الاول دلوقتي معقول حبة عن الاول بس بردو ضعيف اوي والراجل بردو قاللي اني محتاج ماستار عشان الماستار عندي كويس بس في ملحوظة الراجل الاولاني قاللي اني عندي حاجة اسمها اوسي ولا اوسيه مش فاكر اوي قاللي دي بايظة عندي هوة نزل تحت العربية شافها فممكن تكون دي السبب ولا اية ومعلش ياباشمهندس سمير بتعبك معايا

الراجل التاني ده قالك الأويل سيل و أنا مش عارف هو يقصد أيه بالظبط يعني أيه اللي بيخلي الفرامل تعمل كدة, بصراحة أنا مش مجمع هو يقصد أيه بالظبط و لو ممكن تطلب منه يوضح لك هو يقصد أيه بالظبط يعني هل يقصد جلد الماستر و لا يقصد أيه بالظبط؟
و عامة الأويل سيل للي ميعرفش هو مانع تسرب الزيت و تكتب بالإنجليزي Oil Seal و الصنايعية يقولوا عليها أولسيه و ده في كل مكان في العربية و دي مجرد معلومة.
و أنا أرجح اني يكون الماستر فعلا هو اللي فيه المشكلة زي ما قال لك الراجل الأولاني.

[SAMER_ENGINES]

بصراحة أنا قريت ال33 صفحة و أستفدت منهم جدا لدرجة أن أنا تعبت من القرأة بس مش قادر أسيب سطر مقرهوش من طريقتق في الردود و زوقك الله يباركلك ياسامر باشا بس أن كنت عايز آخد رأيك من واقع خبرتك مع اللانسر2007-1300سي سي أتوماتيك بأفضل نوع تيل و طنابير لأني محتاج اغير تيل امامي وطنابير امامي ,, هل اغيرهم في التوكيل ولا اشتري من برا وطبعا انت عارف أسعار التوكيل!!!! و لو هاجيب من برة أية أفضل الانواع ؟؟ و بعد أذنك يا باشا كنت عايز أعرف أنا ممكن أخروط الطنابير الامامية لحد كام مرة أصل أنا خرطها مرة و عشان كدة كنت عايز أغيرها فهل ممكن أخرطها تاني و لا الطنابير بتطخرط مرة واحدة بس و لك جزيررر الشكر __________________

ألف شكر لذوق حضرتك و ده من كرم أخلاقك بس..
و بالنسبة لهل تغيرهم في التوكيل و لا لا أنا رأيي الشخصي بصراحة لا لأني التوكيل يعني:
أنواع و خامات قطع غيار الله و أعلم بيها ده زائد فلوس كتييييييييير.
و أي ورشة هتعملك اللي هيتعمل في التوكيل و هتشوف الحاجة و هي بتركب في عربيتك بعينك و تختار و تنقي اللي أنت عايزه و غير كدة طبعا تكلفة أقل.
و لو هتجيب من برة يبقي طنابير بريمبو يمكن غالية شوية بس حلوة و تيل ترينيتي أو أته و لو أنك صعب تلاقيه.
و علي فكرة لو كنت خرطت الطنابير مرة واحدة حرام يتغيروا بس أسأل الراجل اللي هتروح له و شوف كدة اللحمية متاكلة و لا لا بس رأيي حرام تغير الطانبير دي اللي اتخرطت مرة واحدة و أنا دايماً أقول الأصلي بتاع العربية مفيش زيه
و تحت أمرك في أي وقت.

[SAMER_ENGINES]

شكرا علي الرد يا باشمهندس العربيه في الماشي والفرامل العاديه مفيش اي رجه الرجه بتبقي مع الفرامل الجامده في اخر لحظات الوقوف بس

كدة ممكن أقولك دي كدة مش طنابير أما أنه زي ما قالك اي بي اس أو تكون صرر العجل فيها حاجة

[SAMER_ENGINES]

باشا انا لما اجري بالعربيه واجي اهدي احس ان البدال بيلعب تحت رجلي ورجرجه لكن تحت 80 مفيش المشكله دي ممكك الرد

ممكن دي تكون صرر العجل مش الطانبير و بص علي الطنابير عند حد عنده ضمير و شوف لو هيقولك محتاجة خرط و لا لا بس انا مفتكرش بس اللي يشوف بعينه غير اللي يتحكي له.

[dya2008]

سؤال يا استاذ سمير
انا معاي عربية اكسبلوجن موتور ميتسوبيشي و لقيت عندي في الكبود 2 علبه زيت فرامل واحده مكتوب عليها dot only 4 و التانيه 2 dot only ممكن التوضيح و ليه في اتنين زيت مش واحد و يحصل ايه لو حطيت اي زيت باكم ؟
تحياتي

[eltorky]

ألف شكر لذوق حضرتك و ده من كرم أخلاقك بس..
و بالنسبة لهل تغيرهم في التوكيل و لا لا أنا رأيي الشخصي بصراحة لا لأني التوكيل يعني:
أنواع و خامات قطع غيار الله و أعلم بيها ده زائد فلوس كتييييييييير.
و أي ورشة هتعملك اللي هيتعمل في التوكيل و هتشوف الحاجة و هي بتركب في عربيتك بعينك و تختار و تنقي اللي أنت عايزه و غير كدة طبعا تكلفة أقل.
و لو هتجيب من برة يبقي طنابير بريمبو يمكن غالية شوية بس حلوة و تيل ترينيتي أو أته و لو أنك صعب تلاقيه.
و علي فكرة لو كنت خرطت الطنابير مرة واحدة حرام يتغيروا بس أسأل الراجل اللي هتروح له و شوف كدة اللحمية متاكلة و لا لا بس رأيي حرام تغير الطانبير دي اللي اتخرطت مرة واحدة و أنا دايماً أقول الأصلي بتاع العربية مفيش زيه
و تحت أمرك في أي وقت.

1000 شكر ياباشا علي رداك أنا فعلا خرطها مرة واحدة هية أصلا ممكن تتخرط لحد كام مرة؟ وبالنسبة للطنابير البريمبو دية صناعتها أية و فية منها مضروب في السوق ولا مين الي بيبيع الاصلي بتاعها هية و أنواع التيل الترينتي و أتة و معلش انا عارف أن انا بتعبك معاية بس من عشمي فيك و للك جزيرر الشكرر

[sweetshero]

gr8 topic delwa2ty ana m3aya lancer puma 1.6 2008 mabrkbsh 3'eer teel asly we abs we elmaster we elservo we zyet kolo tmam bs elframel we7sha gedan sa3at teb2a kwayesa we sa3at l2 bgd mara tdos tl2y tmam we mara tdos mabto2fsh fe nas 2altely framel elancer we7sha we hya kda bs ezay ya3ni fa law fe 7al yba katr 7'yerk

[نور العمر]

ألف شكر على الموضوع الجميل ده ..
عربيتي 127
و من أكتر الحاجات رعب في العربية الفرامل ..
بسببها عملت حادثة لاقيتها هربت فجأة ... ورجعت تاني
بس غيرت الماستر العمومي عشان اطمن وكنت قبلها مركبة ماستر خلفي للاطمئنان بردو
ومشيت وكله تمام ... هربت تاني خوفت .. حطيت زيت باكم
والميكانيكي سحب هوا ... بس بردو ساعات بتهرب تاني

المهم لي كام سؤال ؟؟؟

إيه سبب إن الفرامل تاخد هوا ... ولو حصل ده معايا وأنا بعيدة عن الميكانيكي أكمل مشواري إزااي

هل هناك فرق بين ماستر الفرامل والسيرفو ام الاثنين مسمى واحد

وتيل الفرامل ده بيركب فين وأعرف اعراض ضرورة تغييره إزااي ... وهل له علاقة بفرامل اليد ؟
وألف شكر

[SAMER_ENGINES]

إعتذار واجب

أنا آسف جداً جداً لعدم دخولي الموقع كثيرا و لترك الأعضاء من طارحي الأسئلة دون رد لفترات طويلة و فعلا مش عارف أقول أيه أو أعتذر إزاي فحقكم عليا و أنا في منتهي الخجل منكم لكن فعلا أنا بعود من عملي منهك تماماً و لكني سأحاول أن أكون ملتزماً أكثر في الرد علي الأعضاء في الفترات القادمة.

و شكراً لسعة صدركم.

[SAMER_ENGINES]

سؤال يا استاذ سمير
انا معاي عربية اكسبلوجن موتور ميتسوبيشي و لقيت عندي في الكبود 2 علبه زيت فرامل واحده مكتوب عليها dot only 4 و التانيه 2 dot only ممكن التوضيح و ليه في اتنين زيت مش واحد و يحصل ايه لو حطيت اي زيت باكم ؟
تحياتي

سيدي الفاضل أنا بعتذر لك جدا طبعا أولا و أنا عارف انك ربما فقدت إهتماماك بالموضوع أو وجدت إجابتك عند اي حد تاني لكني سأرد عليك لأني بحرص أني أرد علي أي تساؤل حتي و لو كان صاحبه أهمله لإفادة بقية الناس، فبرجاء تقبل إعتذاري.

و بالنسبة لسؤالك عن سائل الفرامل، دوت 2 هو مكان سائل الدبرياج و درجته و دوت 4 هو مكان سائل الفرامل و درجته و معني هذا أن دبرياج سيارتك يعمل علي زيت و ليس علي سلك كالكثير من السيارات و الشركة أرادت أن توضح لك الدرجة المناسبة للفرامل و الدرجة المناسبة للدبرياج فقط و تحت أمرك في أي إستفسار.

[SAMER_ENGINES]

1000 شكر ياباشا علي رداك أنا فعلا خرطها مرة واحدة هية أصلا ممكن تتخرط لحد كام مرة؟ وبالنسبة للطنابير البريمبو دية صناعتها أية و فية منها مضروب في السوق ولا مين الي بيبيع الاصلي بتاعها هية و أنواع التيل الترينتي و أتة و معلش انا عارف أن انا بتعبك معاية بس من عشمي فيك و للك جزيرر الشكرر

أسف جدا للتأخر في الرد و حقيقي غصب عني و انا عارف أني طبعا غالبية الناس إتصرفت في مشاكلهم مش هيستنوني بس انا لازم أرد علي كل حرف في الموضوع اللي إلتزمت بيه لفائدة صاحب التساؤل و لفائدة أي عضو آخر

و بالنسبة لخرط الطنابير فبيكون حسب مقاس الطنبورة يعني ممكن تكون الطنبورة فيها لحمية كويسة و تتحمل الخرط 5 / 6 مرات و ممكن اقل و ممكن أكتر علي حسب ما المتخصص بيشوف.

و الطنابير البريمبو صناعة إيطالية و حسب علمي مفيش منها مضروب و حاول تشتري من حد موثوق فيه و علي فكرة ممكن تكون جديدة و اصلية و ايطالي و محتاجة خرط و مش قصدي البريمبو بس لا اي نوع ممكن يكون فيه عيب صناعة بسيط و بيتعالج و ممكن عربية زيرو و تتخرط لها طنابير بس متخافش الطنابير البريمبو سمعتها حلوة جدا و بتتباع عند بتوع قطع الغيار زي شارع دمشق او التوفيقية و حتلاقي التيل هناك برضه.

و عيب متقولش بتعبك انا تحت امرك و انا اسف للتأخر في الرد.

[SAMER_ENGINES]

gr8 topic delwa2ty ana m3aya lancer puma 1.6 2008 mabrkbsh 3'eer teel asly we abs we elmaster we elservo we zyet kolo tmam bs elframel we7sha gedan sa3at teb2a kwayesa we sa3at l2 bgd mara tdos tl2y tmam we mara tdos mabto2fsh fe nas 2altely framel elancer we7sha we hya kda bs ezay ya3ni fa law fe 7al yba katr 7'yerk

أسف للتأخر في الرد و بالنسبة للموضوع ده فعادة ما بيكون ماستر عمومي هو اللي عادة ممكن يخلي الفرامل تهرب و ترجع تاني راجع عليه و انشاء الله بسيطة

[eltorky]

أنا آسف جداً جداً لعدم دخولي الموقع كثيرا و لترك الأعضاء من طارحي الأسئلة دون رد لفترات طويلة و فعلا مش عارف أقول أيه أو أعتذر إزاي فحقكم عليا و أنا في منتهي الخجل منكم لكن فعلا أنا بعود من عملي منهك تماماً و لكني سأحاول أن أكون ملتزماً أكثر في الرد علي الأعضاء في الفترات القادمة.

و شكراً لسعة صدركم.

حمدالله علي السلامة يا سامر باشا أنت فين من زمان قلقتنا عاليك يا كبير و علي العموم المنتدي نور ياباشا بوجودك و ربينا يعينك علي شغلك و رضك علي الاعضاء

[micromoud]

معايا سوزوكى ماروتى الكاوتش بيصدر صوت صفاره وانا بدوس فرامل مع العلم ان العربيه بتحدف يمين