إسأل و إطمن علي الفرامل..

[SAMER_ENGINES]

متشكر جدا ليكم جميعاً
و نردها لكم في المسرات إنشاء الله.
و آسف مرة تانية لو كنت بتأخر في ردودي بس ربنا أعلم بظروف كل واحد و أنا تحت أمركم.

[hefzyhefzy]

شكرا لمجهودك الرائع سؤال محيرنى عند الضغط على الفرامل برفق من سرعة 60 حتى سرعة 90 تحدث رعشة خفيفة فى الدركسيون هل هى فعلا الطنابير ولو هى الطنابير توجد فى التوكيل 750 جنيه و عند المحلات 170 وكذلك التيل 120 فى االتوكيل و40 جنيه المحلات ما الفارق؟وشكرا

[hefzyhefzy]

ملحوظة أسف العربية هيونداى اكسنت 2007 المصرى 1300c.c

[hefzyhefzy]

لوسمحت ما تتأخرش فى الرد لأن الرعشة فى الدركسيون بتزيد أسف على الاستعجال

[hefzyhefzy]

ملحوظة الطنابير فى المحلات made in germany ده صحيح؟

[hefzyhefzy]

يا باشا ماتنسانيش

[filos]

السلام عليكم أنا عندي مشكلة ,, إني بغير تيل الفرامل كل 5000 تقريبا وبتعمل صوت كده زي صوت التعبان كده وساعات زي صوت ماسورة مية,, ومش عارف أعمل إيه!!
ياريت حد يساعدني,, وعربيتي فرنا فيفا
ألف شكر

[uhlphp]

عندى مشكلة فى فرامل العجلة الخلفية وهى ان دائماً القى العجلة محملة وبحس بيها وانا ماشى ان العربية متكتفة ولما برفع العربية بالكوريك بلقى العجلة تقيلة وبتحك وهى بتلف .

روحت للميكانيكى قال ان المجموعة الميكانيكية للفرامل بايظة لان فى جزاء مسنن ( رجلاش ) اسنانة نعمت .

روحت جبت جزاء استيراد من الوكالة واسنانة خشنة وسليمة وركبتة - ومازالت العجلة بتحك بردة مش عارف المشكلة فى المجموعة الميكانيكية ام فى بستم الفرامل .

مرفق صورة توضح مجموعة الفرامل الخلفية عندى ومشار بسهم الى جزاء الرجلاش الخاص بها .


http://www.postimage.org/image.php?v=gxH4H9r

[drhegab]

العربيه كانت بتنتش اما بدوس بنزين او اشيل رجلي من على البنزين ف رفعت العجلتين اللى قدام لاقيتهم بيلفوا بصعوبه قوي بحتاج مجهود علشاان الفهم بايدي يبقا ايه السبب

[sary005]

طيب انا عندى حاجة غريبة الفرامل اول ما بدوس على دواسة الفرامل بتنزل لتحت خالص و الفرامل بتباء ضغيفة و فى نفس الوقت لما بشيل رجلى من على الفرامل و ادوس تانى علاطول الفرامل بتباء تمام كشفت على التيل تمام و الزيت الباكم مش بينقص علاطول مش عارف من اية قولى لو سمحت ؟

العربية 128 نوفا موديل 98

[sheko2013]

طب استاذ سامر بعد اذنك انا عندى مشكلة جامدة مع الفرامل كان الاول البدال بينزل على الفاضى فى اول دوستين بس بعد كدة ابتدت تحجر بعد ما امشى بيها شوية وبقيت ساعات بسمع صوت تنفيس لما ادوس عليها فيا ريت لو اقدر اعرف مكان الورشة فين علشان عايز اكشف عليها و شكرا

[catmoon]

تحجر الفرامل

عندي مشكله في الفرامل لما اجي دوس عليها والعربيه واقفه الاحظ رجه في الدريكسيون وتروح لما اشيل رجلي وكمان وانا ماشي وعايز ادوس فرامل الاقيها محجره ولازم ادوس عليها جامد ودى بتحصل بين كل20 مره عادي مره تحجر ياتري العيب من ايه بالظبط وشكرا

[aymanshebl]

صوت غريب ارجو المساعدة

انا عندى صوت غريب بيبقى موجود فقط و العربية واقفة خالص بدون تحريك الدريكسيون مع شد فرامل اليد الصوت بيظهر فى الظروف دى مع زق العربية للخلف العربية بتتحرك حاجة بسيطة جدا جدا حاجة لا تذكر و بسمع صوت خبط زى ما يكون حديد بيخبط فى حديد ناحية العجلة الشمال الخلفية,ايه ده بالظبط ارجو الافادة علما بان العربية النترا 2010 10000كم

[mfs3570]

انا بقا عندي مشكله هتجنني ............................ الفرامل عندي اول دوسه بتكون مفيش خالص كان البدال راكب علي الفاضي تاني دوسه تبدا العربيه تمسك شويه ........ غيرت تيل امامي وخلفي ...... بس لما باخد هوا بتكون حلوه يومين وبعد كه ترجع تاني

[أحمد جودة]

كيف أتأكد من جودة الفرامل؟؟

1- يكون مشوارها مش طويل لتحت زي ما هو واضح عندك.

2- (تجربة الفرامل العادية) تاخد سرعة بالعربية و تفرمل فجائي و لو صرخ العجل و توقف العجل عن الدوران يبقي الفرامل جيدة.

3- ألا تكون الفرامل ناشفة زيادة عن اللزوم يعني مشوارها قصير زيادة عن اللزوم و اول ما تدوس العربية تكلبش في الأرض.

4- تكون الفرامل مش محجرة لما تدوس تحس انك بتدوس علي طوبة و مع ذلك العربية مش بتفرمل و لا تتوقف.

5- عدم وجود حدفة يمين او يسار.

6- أن تكون الفرامل مستقرة و استقرار الفرامل بمعني الا تتوقف في مرة و مرة الفرامل تهرب.

7- عدم توقف عجلة واحدة فقط و الباقي لا و عدم توقف جميع العجل و عجلة واحدة لا أو ان تتوقف السيارة من ناحية الشمال فقط او اليمين فقط او من الامام فقط او الخلف فقط.

* و للتأكد من فرامل اليد نضع السيارة علي السرعة الاولي و نشد فرامل اليد و نقوم بالتحرك بالسيارة بصورة عادية و كأننا بنتحرك بالسيارة بشكل عادي لو امتنعت السيارة عن التحرك أو المحرك بطل تكون الفرامل جيدة اما لو تحكرت السيارة و لو بثقل يكون هناك عيب.
و الباب مفتوح لي و لغيري لإضافة المزيد من طرق التأكد من الفرامل لو كان هناك المزيد.

كلام جميل جدا
أنا عندي استفسار


أولا عندي الفرامل على سرفو واتعلمت من حضرتك كتير

الاستفسار هوة لما بجري وادوس فارمل فجأة وبقوة بسمع صوت صرخة الكاوتش على الاسفل بس بحس ان العجل اللى قدام بيكون قافش جامد واللى ورا مش متأكد

بس لما بكون ماشي عادي واشد فرامل اليد العربية بتكلبش فى الارض بقوة

سألت واحد قاللي دة الطبيعي

بس فى فرامل الرجل بحس ان العربية من قدام بتمسك اكتر من ورا

أنا عربيتي جر أمامي ( على كبالن ) ومنتظر تفسير حضرتك

واستفسار تاني بالنسبة للزيت هل يفض تزويدة كل فترة أم يفضل تفريغ الداسيرة كلها ونحط زيت جديد

وأسف على الاطالة