إسأل و إطمن علي الفرامل..

[ahmad5997]

مستني ردك يا سامر باشا ده اولا
ثانيا ياريت تشرحلنا يعني ايه ياخد هوا ويعني ايه ترجلش والمصطلحات اللي بنسمعها دي
وشكرا

[roky]

أستاذي / عاشق السيارات

عندي سؤال محوري جدا ...

هل فيه حاجة أسمها ان الماستر يتاخد له هوا ؟؟؟ زي مابناخد الهوا من عند العجل كده

وأيه هي الأعراض اللي تحصل عشان كده نعرف ان الماستر لازم يتاخد له هوا
لاني بعد ماخدت هوا من العجل الفرامل بقت كويسه و بعد شوية رجعت خفت تاني، و بعد مازودت زيت مانقصش تاني بس الفرامل رجعت خفت.

وشكرا جزيلا علي مشاركاتك الفعالة بهذا الموضوع الحيوي

[SAMER_ENGINES]

ألعزيز جدا/عاشق السيارات
لا تسعني الكلمات أن أوفيك حقك شكرا علي الردرود الكريمة السخية... و الشرح المفصل الدقيقي العلمي ... فانت جاوبت بكل وضوح عن كل تساؤل بدون أسقاط أي نقطة صغيرة بدون توضيح

بالنسبة لموضوع الـ 3 مم سمك ، ده مجرد تقدير بالنظر لاني لما رحت مع أحد الأصدقاء قبل كده عشان يكشف علي التيل بتاعة الميكانيكي قاله انه كويس و كان سمكه بالنظر كده 2 او 3 مم. لكن انا ماشفتفش التيل بتاعي انا شلكه ايه .
طبعا انا معنديش بوكوليس ...انا اصلا معنديش بيبه هايكون عندي البوكوليس ده ، دي عدد وتكنولوجيا متطورة عن الناس اللي زي حلاتي

الحقيقة انا رفعت العربية ع الكوريك امبارح (كوريك عادي مش تمساح) و نزلت أبص بسرعة من بعيد لبعيد (كنت خايف لحسن الكوريك ينزل فطلعت من تحت بسرعة) و شفت المواسير اللي تحكي انت عليها و الخراطيم و الحاجات الحلوة دي كلها لكن كما يبدو لي مفيش اي تسريب واضح لا من المواسير ولا علي العجل. لكن لاحظت برضه اني بعد ما زودت الزيت تاني مرة(بعد ما أخدت الهوا) الزيت تقريبا مانقصشي !؟ و الماستر شكله ناشف و مفيش حواليه اي تسريب واضح. التيل مش بيصفر ، ألآ قليل جدا، مثلا لما أكبس علي الفرامل مرة واحدة ، و أنا بركن مثلا.

أما عن موضوع السرفو فانا فعلا معنديش اي حاجة تحت الكبوت تنفع تكون سرفو ... العربية نصر مو83 وهاحاول اصور المنظر تحت الكبوت بس معنديش كاميرا حاليا


عندي سؤال عن موضوع الرجلاش ده ، من الصور بتاعتك انا كده فاهم ان الرجلاش ده حاجة ينفع تتوسع و تضيق (adjustable) لكن لما رحت مع صاحبي يرجلش الفراملف المرة اللي فاتت الصبي جاب شنبر و قص منه حته وحشرها ورا التيل عشان تعليه ... و لما سألته قالي الـ127 مافيهاش تضبيط ...هل ده صحيح ؟!

أخيرا مش عارف اعمل ايه ... الفرامل كل يوم بتخف عن اليوم اللي قبله ، زي مايكون انها مع الوقت بيدخلها هوا زيادة ؟؟
فأيه رأيك يا باشا الخطوة الجاية أعمل ايه ؟؟

أشكرك جدا علي كلامك الجميل........
و أسف جدا أني أتأخرت في الرد عليك و علي باقي الزملاء........

و الحمد لله أني مفيش أي تسريب و بالنسبة للـ 127 فهي فعلاً مفيهاش رجلاش.
و لو الفرامل بتخف كل شوية و الزيت مش بينقص زي ما بتقول يبقي نأكد علي الماستر العمومي و بإذن الله بسيطة.

[SAMER_ENGINES]

طب هو عادى ان رجلى تفضل وقت طويل عالفرامل..وكمان فرامل الجين2 من النوع اللى عاوزه قوه شويه عشان تستجيب...يعنى مش من اللمسه بتوقف.


وبجد شاكر جدا جدا لرد حضرتك الوافى...ربنا يجازيك خير

عادي أني رجلك تفضل فترة طويلة علي الفرامل مش مشكلة المهم إستخدامها برفق و بإعتدال.
و لا شكر علي واجب.

[SAMER_ENGINES]

لتاني مرة بشكرك بس المرة دي بدعيلك كمان علي المعلومات اللي بتساعد بيها اخواتك وعلي ذوقك وطريقتك في الشرح والكلام بجد بجد ربنا يجازيك خير ويجعلها في ميزان حسناتك
سؤالي بقي قصدي حكايتي
لسة شاري ريجاتا من اسبوعين ومن ساعة ما اشتريتها ولمبة منورة في كمبيوتير الاعطال بتاعها بتشاور علي العجل اللي ورا ولما سألت اخوانا في النتدي منهم اللي قال ان دي بتاعة الزيت ومنهم اللي قال ان دي بتاعة التيل
المهم بصيت علي الزيت( او السائل زي ما علمتنا ) لقيته فعلا ناقص اشتريت ازازة بندكس ومليته بس بردو اللمبة منورة والمشكلة يا اخي الكريم اني يوم الخميس اللي فات كنت في مشوار ومعايا زوجتي وحماتي واولادي والعربية كانت شايلة كتير وبجري بيها وفجأة بدوس علي الفرامل لبست في ميكروباص محترم كلفتني مبلغ وقدرة قدر الله وما شاء فعل بس اللي انا فاكرة اني دوست فرامل جاااااااااااااامد جدا وحاسيس ان العربية ماشية زي ما يكون بتحاول تفرمل بس مش قادرة المهم انا فسرت ده بأن العربية تقيلة
بس المشكلة بقي اني بعد ما صلحت العربية سمكرة ودوكو واللذي منه ركبت العربية امبارح لوحدي وهي هي نفس العلقة لازادت قلم ولا قلت قلم بس الحمد لله المرة دي ما لبستش في حاجة ماشي عادي جدااااا بسرعة متوسطة لاهي زيادة ولاقليلة وبدوس فرامل العربية بتفرمل اه بس بصورة بطيئة جدا يعنيلو ماشي علي سرعة شوية زيادة ودوست فرامل حلني بقي علي العربية تقف
افتني يجزيك الله خيرا ويرزقك من رزقه
ولو انت شايف ان لازم زيارة ياريت تبعتلي عنوانك وتليفونك علي الخاص اجيلك اتشرف بمعرفتك
وتاني بقولهالك من قلبي والله ربنا يجازيك خير ان شاء الله

أهلا بحضرتك و بشكرك جداً علي ذوقك و كلامك..........
و بالنسبة لكمبيوتر الأعطال فعادة ما يكون هو نفسه معطل في الريجاتا لأني زي ما قلت قبل كدة في ريجاتا مع ناس قرايبنا و أنا بسوقها كتير.
و في سؤال كدة هل في كذا لمبة بتنور و لا دي اللمبة الوحيدة؟؟
و حمدا لله علي سلامتك أنت و الأسرة و حصل خير.
بس المفروض يا أحمد مكنتش تزود سائل الفرامل إلا لما تتأكد هل في تسريب و لا في تآكل في التيل لأني النقص ده له سببين:-
1- أما اني فيه تسريب (و في الحالة دي ممكن تزودها لغاية لما توصل لأقرب متخصص).
2- أو إني فيه تيل متآكل (و عادة بيكون هو ده سبب نقص السائل).
و اللي بيحصل في الحالة التانية إني لما التيل بيتآكل سائل الفرامل بينزل لحل محل التيل المتآكل ده و في الحالة دي لما تفتح خزنة سائل الفرامل تلاقيه ناقص و لما تركب التيل الجديد بيرجع منسوبه يرتفع مرة تانية و يبقي طبيعي.
و عامة كل اللي تعمله حضرتك دلوقتي إنك تفتح تاني و تشوف الزيت هل نقص و لا لا؟؟ لو نقص يبقي في تسريب حنشوفه جاي منين و نعالج المشكلة.
لكن لو زودته و لقيته زي ما هو يبقي زي ما قلت لك التيل متآكل و محتاج تغيير بس و لما تغير التيل الصنايعي حيظبط لك منسوب السائل مرة تانية.

بالنسبة إلي أنك هل محتاج لزيارة الورشة و لا لا فبصراحة أنت أقدر واحد لتحديد ده و أعمل زي ما قلت لك و شوف إيه أخبار سائل الفرامل أولا و انا مش بنصح بزيارة الورشة بمرجد اني أي حد يسألني عن أي حاجة عشان مش بحب حد يقول أني بعمل شغل لكن اللي شايف أنه في مشكلة و محتاج لصنايعي كويس فأهلا بيه.
و بالنسبة للعنوان و التليفون هبعتهم لحضرتك علي الخاص و لو لمجرد التشرف بمعرفة حضرتك.

[SAMER_ENGINES]

عندى مشكلة بقالها 6 شهر و هى ان اعجل الخلفى مش دايمآ بيقفش بس العجل اللى قدام بيقفش كويس مع العلم انى قمت باخذ الهوا من جميع المساتر الفرعية و المستر الرئيسى جديد و المشكلة ديه من قبل ما اغير الماستر الرئيسى و لما بفرمل حامد على سرعة 80 العربية بترحل شوية شمال

ممكن يكون في مشكلة في ماستر التوزيع الخلفي (ماستر الضفدعة) و ده هو الي بيسبب عدم فرملة العجل الخلفي و عادة لو فيه مشكلة في الماستر ده بيتم إلغاؤه.
و بالنسبة اني العربية بتحدف فممكن يكون في إنسداد في خرطوم او ماسورة مش اكتر.

[maka]

ممكن يكون في مشكلة في ماستر التوزيع الخلفي (ماستر الضفدعة) و ده هو الي بيسبب عدم فرملة العجل الخلفي و عادة لو فيه مشكلة في الماستر ده بيتم إلغاؤه.
و بالنسبة اني العربية بتحدف فممكن يكون في إنسداد في خرطوم او ماسورة مش اكتر.

معلش لى استفسار لما ماستر الضفدعة يتلغى العجل الخلفي هيفرمل ازاى

[SAMER_ENGINES]

مستني ردك يا سامر باشا ده اولا
ثانيا ياريت تشرحلنا يعني ايه ياخد هوا ويعني ايه ترجلش والمصطلحات اللي بنسمعها دي
وشكرا

أنا أسف أني بتأخر في الرد بس ظروف و أسف مرة تانية.

بالنسبة لبعض المصطلحات اللي بنسمعها.........
و نبدأ بأخد هوا من دورة الفرامل:-
و اللي بيحصل أنه أثناء عمرات الفرامل و الفك و التركيب او حتي لو وجد اي منفذ لدخول الهواء لدورة الفرامل يحدث دخول بعضا من الهواء الي دورة الفرامل مكان الزيت مما يتسبب في ضعف في القوة الفرملية للسيارة.
و الحل أن يجلس أحدهم خلف عجلة القيادة و ينصت للصنايعي اللي بيكون بجانب كل عجلة و ماسك بيبة 10 و ايده علي مسمار يسمي (مسمار الهوا) و يقول لفظ معروف و مشهور و هو (كارك) ومعناه الضغط بسرعة و بصفة مستمرة علي بدال الفرامل و تركه كذا مرة حتي يسمع من الصنايعي لفظ آخر و لكنه معروف وهو (دوس) فيقوم بالضغط علي بدال الفرامل بقوة (لا يجب عليه ان يقف علي الدواسة و يحاول كسرها طبعا, لحسن حد يجي يقول لي مش انت اللي قلت بقوة؟؟!!)
لكن يجب الضغظ حتي تتوقف الدواسة تحت قدميه بعد ذلك سيشعر بأن دواسة الفرامل تهرب من تحت قدميه (لكن لا تقلق فأنت الأن تخرج الهوا من دورة فرامل سيارتك) فيقوم بإنزال قدمه معها إلي آخر الدواسة و في تلك اللحظة يكون الصنايعي قد فتح مسمار الهوا و اخرج بعض الهواء و تتكرر العملية حتي يفتح مسمار الهوا فيجد سائل الفرامل طلع من المسمار و ليس الهوا و احياناً يقال لفظ آخر و هو (جابت زيت), و تتكرر العملية كذا مرة في كل عجلة إلي ان تنزل بعض قطرات سائل الفرامل و من الماستر العمومي أيضاً و بهذا تجد ان بدال الفرامل أصبح عاليا تحت قدميك و أحيانا أيضا يطلق لفظ أخير و هو (العربية حضرت فرامل).

و بالنسبة للرجلشة:-
كنت قد احضرت صور لشكل الرجلاش في الصفحة الماضية او التي قبلها و هو عبارة عن آداة في الفرامل الخلفية موجودة أسفل وسط التيل الخلفي نقدر عن طريقها أن نقوم بإبعاد أو تقريب المسافة فيما بين التيل و الطنبورة.
و عادة ما يحدث معنا شعور بأن الفرامل وطيت فيقوم المختص بفتح الرجلاش و تسمي تلك العملية (رجلشة) و اللي بيبقي عارف في الألفاظ دي شوية أو التكسجية يجي يقولك انا عايز أرجلش و بيفتح الرجلاش لتعويض التآكل الحاصل في التيل و كل مرة نرجلش إلي أن يتآكل التيل و يصبح تغييره وجوبي و بعد التغيير نغلق الرجلاش كما كان.
و للسؤال عن أي لفظ انا موجود و في خدمتكم دائما.

[SAMER_ENGINES]

أستاذي / عاشق السيارات

عندي سؤال محوري جدا ...

هل فيه حاجة أسمها ان الماستر يتاخد له هوا ؟؟؟ زي مابناخد الهوا من عند العجل كده

وأيه هي الأعراض اللي تحصل عشان كده نعرف ان الماستر لازم يتاخد له هوا
لاني بعد ماخدت هوا من العجل الفرامل بقت كويسه و بعد شوية رجعت خفت تاني، و بعد مازودت زيت مانقصش تاني بس الفرامل رجعت خفت.

وشكرا جزيلا علي مشاركاتك الفعالة بهذا الموضوع الحيوي

ممكن طبعا ناخد هوا من الماستر العمومي هل الصنايعي أخد منه هوا و لا لا لما رحت له؟؟
و عامة ممكن طبعا ناخد منه هوا عادي جدا و ممكن يكون داخله هوا و هو اللي عامل المشكلة و عشان كدة الفرامل بتخف حاول تروح تاخد له هوا و شوف.

[SAMER_ENGINES]

معلش لى استفسار لما ماستر الضفدعة يتلغى العجل الخلفي هيفرمل ازاى

سؤال وجيه
بس الفرامل بتعمل بدونه عادي جدا و دايما بيتم الغاؤه بدل الشراء و الفك و التركيب و طبعا كل واحد زي ما بيفضل بس عادة غالبية الناس بتقولك الغيه.

[ahmad5997]

يباركلك ربنا

[max_ziro]

بجد ولله الموضوع اكثر من رائع و ردودك اكتر من جميلة و بحييك على المجهود الفظيع
بس بعد اذنك كان لى سؤال او اتنين ..
انا من فترة كدة كنت فى زفة فرح و التاكسى الى قدامى وقف مرة واحدة و طبعا انا فى ضهرة .. بوسة صغيرة .. الحمدلله طبعا قدر الله ماشاء فعل
المهم انا كان عندى ثقة كبيرة فى فرامل عربيتى لانها الحمد لله مخذلتنيش قبل كدة .. بس على ما اتزكر انى دوست فرامل جامد عشان مدخلش فى التاكسى بس بردو مدوستش دبرياج ملحقتش بصراحة .
المهم من فترة كدة و انا حاسس ان فرامل بقت مزحلقة يعنى بحتاج دوسة اشد عشان تفرمل و عادتأ انا مشىى مشى عواجيز من النوع الى بيلمس الفرامل من قبل المطب بكتير ولما اوصل عندة تكون وقفت اصلا بس فى نفس الوقت لما كنت بطلع شداية ولا حاجة كنت سعات بدوس فرامل بحس ان جسمى لسة بيتحرك و العربية وقفت ماشاء الله عليها بصراحة
و كمان لما بتكون العربية محملة بردو بحس ان الفرامل مش بنفس القوة يعنى بحسها ضعيفة شوية بس المشكلة الحالة انى بحس ان الفرامل مزحلقة مع العلم ان التيل ماركة فريكسا كورى و الطنابيرمفيهاش تأاكل يزكر و التيل معملش 10000 كلم و الخلوص بتاعة لسة بحالتة
و من ساعت معملت الحادثة الصغيرة دى و انا طلعت مع نفسى زى العبيط اجرى و ادوس فرامل اجرى و ادوس فرامل و طبعا انا مكنتش بدوس فرامل كدة اطلاقا يعنى ممكن اجون مدوستش فرامل جامدة من ساعت مجبت العربية غير مرة او اتنين بس لما بكبس اجمد شوية بحس انها بتفرمل طبيعى بس بردو مزحلقة شوية الاول كانت من لمسة بحس ب ان العربية هدت و كمان لما بتكون محملة او بجرى جامد بحس انها اضعف شوية ف هل العيب منى انا و دة مجرد احساس بضعف الفرامل ولا الفرامل لقدر الله فيها حاجة معلش بقى طولت عليك بس اخوك الصغير بقى هتعمل اية .. و هل فعلا لو رحت صنفرت التيل بحيث يخشن شوية واية بصراحة انا مبقتنعش ب صنفرة التيل الطنبورة تصنفر اجدعها تيل ولا اية ؟؟ ..
شكرا ليك جداا ..

[max_ziro]

انا نزلت ابص على الفرامل لقيت الزيت زيادة شوية حبة بتاع 30 ملم
رحت ساحبهم ب سرنجة بس لقيت حاجة غريبة ا
اول حاجة لون الزيت مش اصفر شفاف لونة زيتى غامق

و كمات لقيت جوة الخزان بتاع الزيت حجات زى ترسبات عملة زى الطحالب بتاعت البحر لونها اخضر

انا مش عارف دة اية ياريت تطمنى لحسن اخوك خلاص على اخرة ...

[nabaster]

انا نزلت ابص على الفرامل لقيت الزيت زيادة شوية حبة بتاع 30 ملم
رحت ساحبهم ب سرنجة بس لقيت حاجة غريبة ا
اول حاجة لون الزيت مش اصفر شفاف لونة زيتى غامق

و كمات لقيت جوة الخزان بتاع الزيت حجات زى ترسبات عملة زى الطحالب بتاعت البحر لونها اخضر

انا مش عارف دة اية ياريت تطمنى لحسن اخوك خلاص على اخرة ...

اولا ياباشا متقلقش خالص ومفيش اي مشاكل مع عربيتك

اساسي لما تكون محمل الفرامل تخف معاك وده ناتج عن طاقة الحركه الزياده الي بتاخدها العربيه مع التحميل الزياده

تاني حاجه ان لون الزيت ده الطبيعي بتاعه لما يتحط جوه العربيه ودورة الخراطيم لان طبعا الزيت ده بيمرعلي بساتم وبيمر علي جلد فاكيد لازم لونه يتغير

وهوا ده اللون الي هيديه معاك الي هوا اللون الي مايل للخضار ده

ومتقلقش ياباشا خالص ومفيش مشاكل

[awazeer]

أنا أسف أني بتأخر في الرد بس ظروف و أسف مرة تانية.

بالنسبة لبعض المصطلحات اللي بنسمعها.........
و نبدأ بأخد هوا من دورة الفرامل:-
و اللي بيحصل أنه أثناء عمرات الفرامل و الفك و التركيب او حتي لو وجد اي منفذ لدخول الهواء لدورة الفرامل يحدث دخول بعضا من الهواء الي دورة الفرامل مكان الزيت مما يتسبب في ضعف في القوة الفرملية للسيارة.
و الحل أن يجلس أحدهم خلف عجلة القيادة و ينصت للصنايعي اللي بيكون بجانب كل عجلة و ماسك بيبة 10 و ايده علي مسمار يسمي (مسمار الهوا) و يقول لفظ معروف و مشهور و هو (كارك) ومعناه الضغط بسرعة و بصفة مستمرة علي بدال الفرامل و تركه كذا مرة حتي يسمع من الصنايعي لفظ آخر و لكنه معروف وهو (دوس) فيقوم بالضغط علي بدال الفرامل بقوة (لا يجب عليه ان يقف علي الدواسة و يحاول كسرها طبعا, لحسن حد يجي يقول لي مش انت اللي قلت بقوة؟؟!!)
لكن يجب الضغظ حتي تتوقف الدواسة تحت قدميه بعد ذلك سيشعر بأن دواسة الفرامل تهرب من تحت قدميه (لكن لا تقلق فأنت الأن تخرج الهوا من دورة فرامل سيارتك) فيقوم بإنزال قدمه معها إلي آخر الدواسة و في تلك اللحظة يكون الصنايعي قد فتح مسمار الهوا و اخرج بعض الهواء و تتكرر العملية حتي يفتح مسمار الهوا فيجد سائل الفرامل طلع من المسمار و ليس الهوا و احياناً يقال لفظ آخر و هو (جابت زيت), و تتكرر العملية كذا مرة في كل عجلة إلي ان تنزل بعض قطرات سائل الفرامل و من الماستر العمومي أيضاً و بهذا تجد ان بدال الفرامل أصبح عاليا تحت قدميك و أحيانا أيضا يطلق لفظ أخير و هو (العربية حضرت فرامل).

و بالنسبة للرجلشة:-
كنت قد احضرت صور لشكل الرجلاش في الصفحة الماضية او التي قبلها و هو عبارة عن آداة في الفرامل الخلفية موجودة أسفل وسط التيل الخلفي نقدر عن طريقها أن نقوم بإبعاد أو تقريب المسافة فيما بين التيل و الطنبورة.
و عادة ما يحدث معنا شعور بأن الفرامل وطيت فيقوم المختص بفتح الرجلاش و تسمي تلك العملية (رجلشة) و اللي بيبقي عارف في الألفاظ دي شوية أو التكسجية يجي يقولك انا عايز أرجلش و بيفتح الرجلاش لتعويض التآكل الحاصل في التيل و كل مرة نرجلش إلي أن يتآكل التيل و يصبح تغييره وجوبي و بعد التغيير نغلق الرجلاش كما كان.
و للسؤال عن أي لفظ انا موجود و في خدمتكم دائما.

السلام عليكم
انا من فتره كنت قولتلك عللى مشكله عندي في هروب البدال وحضرتك اقترحت ان المشكله ممكن تكون في الماستر
رحت كشفت وطلع الماستر سليم والتيل والطنابير سلام واللي تم حاجتين:
اولا اتاخد هواء من دورة الفرامل
ثانيا ريجلاش للعجلتين الخلفيتين
ودلوقتي الفرامل بقت احسن كتير بس المشكله لما اجي افرمل بسمع صوت (هس) كده والصوت ده مبسمعوش الا لما اكون ماشي جنب سور او اكون ماشي في حته هاديه مافيهاش غيري
في حاجه تانيه لما اكون ماشي مشوار طويل اجي احط ايدي على العجل (الطاسه)الاقيها سخنه هل ده عادي ولا ايه؟
انا خايف تكون طنابير
سؤال اخير هو طبيعي لما اجي اكبس فرامل على الاخر (اخر حاجه يعني )الاقي البدال ينزل معايا لاخر الدواسه يعني في النص الاول من المشوار بيبقى كويس وبعد كده مقاومته تقل وينرل معايا بسهوله في النص التاني من مشوار البدال هل ده طبيعي؟
شكرا ليك على اهتمامك وعلى التوبيك الهايل ده لانه مفيد جدا ويهم كل واحد فينا