"خطيبتى"_اسيبها ولاأكمل_انا تعبت_وخايف!!!.

[Miss_Pharma]

ولو اني مكنتش حابب ارد في الموضوع ده

بس اصراحه الكلمتين دول كيفوني

يمكن الرد قاسي بس جاب من الاخر

يمكن في ظروف تانيه كنت هغلطك يا ابو كمال وكنت هايده يتمسك بالبنت

لاكن في الظروف دي مينفعش

a.yakout

+111
نفس كلامي اني عمري ماقلت لحد يضحي بالساهل او يفركش الموضوع بس فعلا في الظروف دي مينفعش ..

يا توتا انا مش بحبها للدرجة_هى عجبانى أخلاقها مش أكتر_انا لسة ما لقتش الحب.

خلاص مستني ايه ؟
وبعدين ان شاء الله زي ماقلتلك هي هتلاقي اللي يناسبها ويعرف يتكيف مع اهلها ويبقى من طبعهم ..

ربنا معاك ويوجهك للي فيه الخير ان شاء الله ..

[makka]

بص يا باشا هقولك على المفيد
انا حمايا دكتور باطنى كبير ومشهور بيروح المستشفى الصبح نص ساعة بيرجع على عيادته بيروح البيت بين المغرب والعشا ينام ساعة ويتغدى ويرجع العيادة يكمل شغل ويروح ينام على 3 صباحا مبينمش كويس ميعرفش اى حاجه فى الدنيا غير شغله حماتى هى اللى شايله كل الامور الاجتماعية على راسها وهى مش طبيبة طب قولك ايه لو كانت طبيبة ؟ اكيد كنت هقول دول تيت ولاد تيت.
موضوع الفلوس دا بينرفز فعلا فنرفزهم انت انت اتفقت فى الاثاث ولا لسه؟
ان كان ليهم طلبات معينة فى الاثاث متجيبهاش واسترخص ومترهقش نفسك ماديا ومتعملش فرح للناس دى وتصرف عليه افرح انت وعروستك خدها واطلعوا بتكاليف الفرح تركيا ولا ماليزيا ولو تقدر تعمل زى حنة كده تفرح فيها انت واهلك واصحابك يبقى عسل خالص 100100 لكن متعملهمش فرح كبير ومتعملش كل حاجه هما يطلبوها ومتضحكش فى وشهم وحسسهم دايما انهم مش فى دماغك وميلزمكش ولما تحب تخرج مع خطيبتك متطلعش فوق استنى فى عربيتك وهى تنزلك حسسهم انهم اقل منك وانهم مش فى دماغك.
لكن متسيبش البنت والا ربنا هيحاسبك كان فيه موضوع واحد كان بيقول ان خطيبته كذبت عليه فيعمل ايه قلتله سيبها لكن خطيبتك معاك على اهلها يبقى هتيقى معاك ضد الدنيا كلها مش هتقف مع الدنيا ضدك واللى زى دى بتخلى جوزها سعيد جدا وبتريحه دى نصيحتى ليك.

[remomemo]

يا توتا انا مش بحبها للدرجة_هى عجبانى أخلاقها مش أكتر_انا لسة ما لقتش الحب.

يبقى انت كده بتظلمها لو كملت معاها

[makka]

يبقى انت كده بتظلمها لو كملت معاها

بصراحه هو دا اللى انا خايف منه ان الموضوع كان بالنسبه له جوازه مستريحه "ماشى مش عيب برضه" لكن لازم تحب خطيبتك ومتقولش الحب لسه مش لاقيه الحب مبنحسوش غير بعد الجواز صدقنى.
خليك معاها واللى تخبط على بابها متسيبهاش الا اذا غلطت.

[remomemo]

بصراحه هو دا اللى انا خايف منه ان الموضوع كان بالنسبه له جوازه مستريحه "ماشى مش عيب برضه" لكن لازم تحب خطيبتك ومتقولش الحب لسه مش لاقيه الحب مبنحسوش غير بعد الجواز صدقنى.
خليك معاها واللى تخبط على بابها متسيبهاش الا اذا غلطت.

طيب افترض انه مالقاش الحب ده بعد الجواز يبقى كده جنى على نفسه وعليها

[X_MM_X]

يا توتا انا مش بحبها للدرجة_هى عجبانى أخلاقها مش أكتر_انا لسة ما لقتش الحب.

طيب يا عمنا مغلب نفسك ومغلبها ومغلبنا معاك ليه - بهزر معاك اوعى تزعل -

[SeaShark]

ربنا يوجهك لما فيه الخير ان شاء الله

[makka]

طيب افترض انه مالقاش الحب ده بعد الجواز يبقى كده جنى على نفسه وعليها

حضرتك متجوز؟ طب لو متجوز عرفلى كده ايه هو الحب؟
انا عرفت بنات وكان بيتهيألى انى بحبهم الكلام دا وانا صغير من 10 سنين كدا بعد ما اتجوزت عرفت يعنى ايه الحب
لقيت واحده فى البيت بتستنانى مايهمهاش فى الدنيا غير راحتى ان كان دا الحب فانا لقيته وان كان الحب غير كده فانا راضى باللى عندى وبقول ربنا يديمها عليا نعمة ويحفظها من الزوال.

[makka]

انت خبطت على باب بنت وحلمت معاك بالفستان الابيض والجواز والعيلة مش سهلة عليها انك تسيبها علشان غلط مش غلطها وان كان فيه غلط فهو منك كنت سألت على اهلها قبل ما تخطبها. طالما ان المشكلة مش فى البنت متسيبهاش والا هتيقى انت الغلطان والحكاية مش انى بركبك حق انا خايف عليك لان البنت كده هتبقى انت ظلمتها.

[ghazy12]

طيب افترض انه مالقاش الحب ده بعد الجواز يبقى كده جنى على نفسه وعليها

ماينفعش بعد الجواز مايلاقيش الحب لو اختار من البدايه صح, و على اساس سليم, و بما يرضي الله...

و هشرحلك ليه يا ريمو...

الجواز ده خير من عند ربنا, و بركه و رزق... و ربنا بيرزق اللي بيتجوز لو اخلص
النيه لله ان الزواج ده بدايه بيرضي بيها الله, و يغض بصره, و يعف نفسه, و يخلف ذريه صالحه

و الصح في الدين ان الحب بيجي بعد الجواز, مش قبله على عكس ما كتير مننا بيظن و بيستنى...

قال تعالى...

"وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا
وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ" صدق الله العظيم

في ترتيب مهم في الايه دي لازم ناخد بالنا منه كويس قوي...

خلقنا لكم من انفسكم ازواجاً لتسكنوا اليها ( يعني الزواج الأول )

و جعلنا بينكم مودة و رحمه ( بييجوا بعد الزواج )

يبقى ازاي مش هيجي الحب بعد الجواز لو اختار صح و على اساس سليم من الدين..؟؟؟

لازم يكون واثق ان الحب ده ربنا اللي بيحطه في قلوبنا, مش احنا اللي بنحب من نفسنا لان ده كلام افلام

لو فعلاً كنا واثقين تمام الثقه في ربنا و كلامه, و نفذناه, و توكلنا على الله و اختارنا صح
هيجي الحب 100% بعد الجواز, لان ده كلام ربنا اللي مافيش كلام بعده...

يا رب اكون قدرت اوضح وجهة النظر...

[i_Am_Legend]

ما حدش يضحك ولا يصوت_ولا يخبطنى بجيب رانجلر_علشان تعرفوا بس انا طيب قد ايه وطلعت راجل معاهم_طيب انا هقول وربنا يستر_أتفقنا على يوم الخطوبة وانها هاتبقى عائلية جدا
جدا وفى بيتهم_يعنى أجى انا و8 من قرايبى بالكتير_اتفقنا_آمييين_يوم الخطوبة كان عندى شغل وكنت لسة جديد فى الشركة ومافيش أجازات_قولت هاستأذن على الساعة3:واصلا الميعاد 8_يعنى هالحق ألبس واظبط الدنيا_لقيت ابوها بيكلمنى الساعة3_بيقولى ايه!!يابوحميد_انا حجزتلكم فى باخرة علاء الدين _11 كرسى واحنا11_قولتلة نعم !!!_طيب يا عمى ما فيش مشكلة .طبعا اتصلت بوالدى وعمامى واصحابى_لأن كدة هايبقى فيه شبه زفة_مش كل واحد هايركب لوحدة.حكيت لوالدى اللى حصل_طبعا اتضايق جدا_قالى طيب كان قال من بدرى_وقالى 11 كرسى ايه_انا هاعزم ناس اصحابى_وهادفع انا الفرق مش مهم.اتفقنا آميييين_ركزوا قوى بقى_ميعادنا فى القاعة_9_وكان معانا 3 عربيات_كيا برايد بتاعة عمتى راكب فيها 6 أشخاص_وعربية والدى راكب فيها ييجى 8_ومرسيدس 200_مع صاحبى وفيها 7 اصحابى_وعمى _لانسر شارك للزفة_ودول اللى لحقت أعزمهم_وكان ميعادى معاهم انى هاجى عند بيت عمها فى الشارع اللى قدامهم _علشان هى بتلبس وميك اب_وكدة مع بنات عمها_وكان ميعادى معاها 8_الساعة7 ونص_كنا راكبين العربيات فى الشارع متكربسين فوق بعض_علشان نروح نجيبها ونطلع على الباخرة_بتصل بيها تليفونها مش بيرد_نسيتة فى البيت_ولاد عمها بيكلمونى_دى اتأخرت_يا احمد_طيب روحولها البيت_راحو ما لقوش حد_ولا العربيات تحت_اهلى قلقوا يالا يا أحمد هانتأخر_انت مستنى ايه_أخدت كلمتهم على موبايل أخوها_الرخم_ابوها رد عليا_بالآتى:هو:أيوة يا إبنى_ايوة يا عمى هو حضرتك فين رحتوا كوافير ولا ايه_قالى معلش احنا فى مشوار عند شبرا الخيمة _قولتلة ميييييييييين!!_قالى معلش اصلى الراجل اللى هاشترى منة المحل كلمنى علشان نمضى العقود: انا مسافر بكرة الفجر_غصب عنى يا إبنى_بص روح إنت على الباخرة_واحنا هانجيلكم_قولتلوا ازاى يعنى_هاروح الباخرة لوحدى كدة!!!ياعمى هى لازم تركب معايا_ونروح مع بعض_قالى ياسيدى _بكرة هاتركبوا مع بعض كتير!!!!_طبعا انا قفلت المكالمة وانا مصدوم_ومش عارف هاقول لأهلى ايه اتضرت اكدب_إلا واحد صاحبى ماكدبتش عليه __قولتلهم يا جماعة_هى بتلبس عند عمها_ومشتهم _من شارع شبرا_حيث الزحمة وكدة_وصلنا 8 ونص_اتصلت بابوها قولتلة انا عند كوك دوور_شارع شبرا_قابلونى هناك_اهلى نزلوا شموا نفسهم_وشغلتهم بأى كلام_الناس ابتدت تضايق_بابا قالى هو فى ايه يابنى_اتأخروا قوى_ابوها جيه الساعة 9 وركبت معايا فى اللانسر_وانا ساكت_كنت هابهدلها بس عمى كان سايق_فسكت_كلمتها بالراحة_ايه اللى حصل دة _انتوا بستهبلوا_قالتلى والله العظيم غصب عنى_هو اخدنى بالعافية_وقالى علشان هاتمضى اوراق معانا.رحنا الباخرة الساعة10_طبعا احنا واخد٧ معانا بحوالى 400 جنيه جاتوهات_لقيناهم ولا حاجزين دى جى ولا أى حاجة_بقينا قاعدين فى عزاء_بابا طبعا_نده بتاع الدى جى_وطبعا استغلوا الموقف_واخد 250 جنيه فى الساعة_الشباب كلها هيصت_والعزاء قلب فرح.بابا أنقذ الموقف.400+250+الكراسى الزيادة_250_يعنى 1000_جنيه والخطوبة اصلا على العروسة.

[makka]

انت عايزها؟
هما ناس ولاد ستين
هى ذنبها ايه؟ السبب الوحيد اللى يخليك تسيبها بسبب اهلها ان حد فيهم يكلمك وحش او يغلط فيك اذا حصل دا الامر ليك تاخدها او لا. هما ناس مش كويسين متفق معاك اتعامل معاهم على الاساس دا لكن متعاملش البنت وحش عشان خاطرك انت هى اهلها ظلموها متظلمهاش انت.

[hazoom2006]

انت متاكد ان ابوها ده دكتووووووووورررر وهيه تروح معاهم ليه علشان تمضى عقود

الناس دى باين عليها بخيله اوى وبتموت على القرش كده

[i_Am_Legend]

يا حازم_والله دكتور امراض باطنة_وعامل ماجستير دكتوراة اطفال كمان_وماسك مستشفى فى السعودية_ووالدتها_دكتورة ومدير عام فى الطب الشرعى.حاجة تجنن.بعيد عنك.

[hazoom2006]

الناس دى باين عليها بخيله اوى وبتموت على االقرش يا ابوحميد واللى حصل ده كفيل انه يفركش الجوازة اصلا