الرئيس محمد نجيب - دعوه للحوار الجاد المثمر

[Imhotep]

الايرانيين اتقفشوا كذا مرة و هم بيعملوا شغل.... بالفوتوشوب !!!!!
يعنى يجيبلك صور لاطلاق صواريخ..... يبقى الحقيقى صاروخ و لا اتنين..... بس الصورة المتعدلة يخليهالك كأنه جحيم :) و ده طبعا دعاية للاستهلاك المحلى لكنها مبتاكلش بره

و ادى الصورة بتاعة الصواريخ:
In an Iranian Image, a Missile Too Many - NYTimes.com

و ادى قصة الطيارة:
Iran's new stealth fighter jet caught out by bloggers in 'faked' Photoshop image blunder - Middle East - World - The Independent

محدش ينكر ان ايران ممكن تكون متقدمة فى مجالات كتير..... لانهم بيحاولوا يعتمدوا على انفسهم فعلا بسبب الحصار و كده..... هم بس لو يسيبوهم من موضوع النووى ده و يركزوا فى تنمية بلدهم و بلاش يلعبوا بالنار هيبقوا تمام التمام..... لكن نعمل ايه فى احلامهم بعودة الامام الاثنى عشر و ظهور المهدى المنتظر اللى مش هيظهر الا بتدمير اسرائيل!!!!!!!!!!!!!!!!!!!

ايران بلد غنية و ممكن تكون من اكتر دول منطقتنا تقدما..... بس عاملين زى كوريا الشمالية.... مش لاقية تاكل و عمالة تهدد العالم بتجاربها النووية...... الادهى و الامر ان فى تقارير مخابراتية بتقول ان اخر تفجير نووى كورى شمالى تم بالوكالة لصالح ايران..... و كلام عن حضور علماء من البرنامج النووى الايرانى للتفجير النووى الاخير لكوريا الشمالية:
Did Iran attend North Korea's nuclear test? | GlobalPost

[diablo1231]

فتحت نفسى للكلام اكتر و اكتر :-) بص يا باشا. . . لما ييجى فيل عارف حجمه و قوته كويس يحارب نحلة. . . يبقى ازاى النحلة ممكن تؤذيه؟ هل هتيجى تحت رجله اللى دوسة منها تساويها بالارض و لا جنب انيابه. . . الذكاء انها تروح فى موطن ضعفه عند اذنه مثلا و تحاول تدخل فيها تجننه. . . هو ده بالظبط الاسلوب اللى بتفكر بيه ايران و امريكا كمان فاهمة كده كويس. . . امريكا اسلحتها ساحقة ماحقة لكنها من نوعية الاسلحة الديناصورية. . . عندك حاملتى طائرات بمجموعاتهم القتالية (بمجموع حوالى اكتر من 20 قطعة بحرية ما بين مدمرات و فرقاطات و طرادات و كساحات الغام و سفن امداد و تموين و غيره ) بيتمشوا فى مضيق هرمز رايح جاى مستنيين حد يجر شكلهم. . . اما ايران و لانها عارفة كويس الفرق فى القوى بينها و بين اسلحة امريكا فبتعتمد على مبدأ عسكرى اسمه ال asymmetric warfare يعنى اسلوب الحرب الغير متناسقة. . . يعنى مش جيش قصاد جيش و طيارات قصاد طيارات و غيره. . . لأ. . . شايفين المدينة العايمة دى كلها فى شكل حاملة الطائرات؟ طيب لو عملنا غواصات صغيرة اما بدون بحارين او فيها بحار واحد استشهادى زى بتوع الكاميكازى اليابانى فى الحرب العالمية التانية وفيها شحنة متفجرات تروح داخلة فى الديناصور ده ممكن صحيح متدمروش بس ممكن تعجزه او على الاقل تعطله شوية..... هو ده الاسلوب اللى بتفكر بيه ايران و هتلاقى امثلة تانية عليه كتير زى موضوع الصاروخ اللى انت جايبه.... و الاسلوب ده و تفاصيله هتلاقى معلومات عنه هنا:
US aircraft carrier strikeforce readies in case of war with Iran - Telegraph

ليا تعليق بعد اذن حضرتك علي النقطة دي , انا معرفش القكر الايراني ماشي ازاي بس في حاجة اكيد حضرتك عارفها ان المدمرات والفرقاطات وحاملات الطائرات الامريكية يتمتعوا بتكنولوجيا عالية جدا في نظم الرصد والكشف و الاعاقة الالكترونية ده غير ان قطع بحرية صغيرة زي اللي ايران بتعملها ذات مدي قصير و قدرة نيرانية ضعيفة جدا و تكنولوجيا متخلفة تخلي عند حدوث اي اشتباك بين القوتين معركة من طرف واحد .

[w-m-a]

الاخ المحترم أ/ ماهر
صباح الفل
الحقيقه ان تحليل حضرتك بالنسبه لسوريا رائع
وفعلا انا لم اضع فى حساباتى فكرة الجهاديين
فعلا ده تفكير الاسد
احييك
اما بالنسبه لايران
اسمحلى تحليل حضرتك زود اعتقادى بعدم تورط امريكا لحرب مع ايران
لان زى ماتفقنا احنا الاتنين
انهم اساتذه فى الحرب الغيرمتناسقه
يعنى هيوروا امريكا واسرائيل الويل
وطبعا اسرائيل هتستفاد جدا فى كلا الحالتين
ضربه وقائيه لايران تعطلها كتير
تعويضات من كل صوب وحدب لو ايران لاعبتها
بس حاجه واحده مش لاقى ليها تفسير
موقع بوشهر !!!!!!
ليه اختاروا مدينه على الخليج ؟؟
تعتقد بيسهلوا ضربها ليصلوا لاهداف اخرى؟؟؟؟
ولا اتفاق مع اسرائيل تضربها ويعلوا نجم اسرائيل ؟؟؟!!!!!!

مش عارف
ياريت لو عندك لها تحليل تشرحه
شكرا
وائل عوض

[w-m-a]

و الله العظيم كنت لسه هادخل و اقول مثل هذا الكلام

و ما كان بنيتى ان اكتبه :--------------------

رغم ان الحوار انحرف بالموضوع عن اسمه و لكنى كصاحب الموضوع سعيد جدا بهذا الانحراف

كميه المعلومات و النقاشات التى استفدتها فاقت ما كنت اتوقعه عند عملى للموضوع

و اخص بالذكر الاستاذ ماهر و الاستاذ w-m-a

بصراحه الواحد حاسس انه فى صالون ثقافى

شفت بقى يا استاذ ماهر لو كنت سكت و اكتفيت بالاشارات , كان هايحصل ايه

و شفت انت كنت متخوف من الجدال و العك فى الاول , انظر الى الموضوع الان و قولى هل لازلت متخوف

لذا رغبه شديده منى ان تستمروا بالموضوع و النقاش و ربنا يبعد عننا عيون اللى بيقلبوا الموضوعات فى ثانيه

اشكر جميع من شارك فى الموضوع مرة اخرى[/QUOTE]
الاخ المحترم أ/ محمد طه
اشكرك بشده على هذا الموضوع
وهذه الاستراحه الرائعه فى صالون المناقشه المحترمه
ونأسف لانحراف الموضوع عن بداياته
وان لم تختلف كثيراً
ولسه هينحرف كمان وكمان لسه بنفكر
شكرا
وائل عوض

[MTAK]

و الله العظيم كنت لسه هادخل و اقول مثل هذا الكلام

و ما كان بنيتى ان اكتبه :--------------------

رغم ان الحوار انحرف بالموضوع عن اسمه و لكنى كصاحب الموضوع سعيد جدا بهذا الانحراف

كميه المعلومات و النقاشات التى استفدتها فاقت ما كنت اتوقعه عند عملى للموضوع

و اخص بالذكر الاستاذ ماهر و الاستاذ w-m-a

بصراحه الواحد حاسس انه فى صالون ثقافى

شفت بقى يا استاذ ماهر لو كنت سكت و اكتفيت بالاشارات , كان هايحصل ايه

و شفت انت كنت متخوف من الجدال و العك فى الاول , انظر الى الموضوع الان و قولى هل لازلت متخوف

لذا رغبه شديده منى ان تستمروا بالموضوع و النقاش و ربنا يبعد عننا عيون اللى بيقلبوا الموضوعات فى ثانيه

اشكر جميع من شارك فى الموضوع مرة اخرى

الاخ المحترم أ/ محمد طه
اشكرك بشده على هذا الموضوع
وهذه الاستراحه الرائعه فى صالون المناقشه المحترمه
ونأسف لانحراف الموضوع عن بداياته
وان لم تختلف كثيراً
ولسه هينحرف كمان وكمان لسه بنفكر
شكرا
وائل عوض

[/QUOTE]

اولا انا فرحان ان عرفت ان اسمك استاذ وائل

اصل كنت كل ما اجى اكتب اسمك و احرص على كتابته صح كنت بتعب من النقل من العربى للانجليزى

ثانيا انا مش زعلان لانحراف الموضوع بالعكس , يا مرحب بالانحراف من هذا النوع

و منتظر انحراف اكتر و اكثر

و شكرا لك مرة اخرى

[Imhotep]

ليا تعليق بعد اذن حضرتك علي النقطة دي , انا معرفش القكر الايراني ماشي ازاي بس في حاجة اكيد حضرتك عارفها ان المدمرات والفرقاطات وحاملات الطائرات الامريكية يتمتعوا بتكنولوجيا عالية جدا في نظم الرصد والكشف و الاعاقة الالكترونية ده غير ان قطع بحرية صغيرة زي اللي ايران بتعملها ذات مدي قصير و قدرة نيرانية ضعيفة جدا و تكنولوجيا متخلفة تخلي عند حدوث اي اشتباك بين القوتين معركة من طرف واحد .

عندك حق و اللى بتقوله حقيقى بس المثل اللى انا قلته ناقص حاجة..... انها مش هتبقى نحلة واحدة.... ده هيبقى سرب نحل : ) مين بقى الصيع اللى بيتعاملوا مع التهديد ده بصياعة زيه؟ الاسرائيليين لانهم اخترعوا لنشات صغيرة مسلحة بدون بحارة يتم التحكم فيها عن بعد زى الطيارات بدون طيار وظيفتها رصد و اعتراض و تدمير الغواصات دى او اى اهداف اخرى خفيفة سواء بقنابل اعماق او طوربيدات خفيفة مضادة..... و الكلام ده هنا:
US Navy tests innovative Israeli technology - Israel News, Ynetnews
شكلنا هنشوف مهازل لما القصة دى تحصل : )

[MTAK]

ما هو برضه يا استاذ ماهر
على حسب معلوماتى الضعيفه ان اسلوب الكاميكاز كلف اليابانيين اكثر مما كسبوا منه

و لو على ارض الواقع اليوم

انا مدمره واحده واقفه فى امان الله و لا بيا و لا عليا

بس عندى رادارت بتورينى طيور النورس و هى بتستعد للحركه على الشاطئ

و لو افترضنا ان الهجوم كان باسراب من النحل قصدى صواريخ

و الصواريخ دى لها وقت كى تصل الى

فانا من الممكن ان اقوم بتفجيرات اماميه تعمل على عمل مجال مخلخل الهواء او تفريغ ضغط (انا عارف انى باتكلم عن افلام كارتون و لكنى حاسس ان الكلام ده ممكن يبقى موجود) تعمل على تفجير الصواريخ قبل دخولها مجالى

مثل البلالين التى كنا نستخدمها من قبل حول مطاراتنا زمان (مع الفارق فى التشبيه طبعا )
------------------------------------------------------------------------------------------------------
و متفق مع استاذ وائل فى موضوع بوشهر

فى الاول كنت معتقد انها كأى منشأه نوويه تحتاج الى ماء البحر
و لكنى وجدتها تطل على بحر قزوين
و الموقع هناك سيكون فى اقصى ايران من الناحيه الاخرى
و طبوغرافيه ايران تجعل من المكان على بحر قزوين جيد جدا نظرا لوجود مناطق مرتفعه وسط ايران
و لكن وجدت ايضا انه بهذا الشكل يكون اقرب الى تركيا


فبصراحه مش عارف ّ!!!!!!!

[Imhotep]

الاخ المحترم أ/ ماهر
صباح الفل
الحقيقه ان تحليل حضرتك بالنسبه لسوريا رائع
وفعلا انا لم اضع فى حساباتى فكرة الجهاديين
فعلا ده تفكير الاسد
احييك
اما بالنسبه لايران
اسمحلى تحليل حضرتك زود اعتقادى بعدم تورط امريكا لحرب مع ايران
لان زى ماتفقنا احنا الاتنين
انهم اساتذه فى الحرب الغيرمتناسقه
يعنى هيوروا امريكا واسرائيل الويل
وطبعا اسرائيل هتستفاد جدا فى كلا الحالتين
ضربه وقائيه لايران تعطلها كتير
تعويضات من كل صوب وحدب لو ايران لاعبتها
بس حاجه واحده مش لاقى ليها تفسير
موقع بوشهر !!!!!!
ليه اختاروا مدينه على الخليج ؟؟
تعتقد بيسهلوا ضربها ليصلوا لاهداف اخرى؟؟؟؟
ولا اتفاق مع اسرائيل تضربها ويعلوا نجم اسرائيل ؟؟؟!!!!!!

مش عارف
ياريت لو عندك لها تحليل تشرحه
شكرا
وائل عوض

ما هو اللى عارفين الجحيم بتاع قصة ايران دى كويس و فاهمين تداعياته عليهم و الدومينو ايفيكت بتاعه فى المنطقة كلها هما الامريكان...... عشان كده اوباما عمال يسوف فى الموضوع و يحاول يدى الحلول الدبلوماسية فرصة جايز تنزع فتيل الازمة..... لكن تعمل ايه فى قضيب قطار واحد عليه قطارين جايين فى اتجاهين متعاكسين و مفيش حد عايز يقف للتانى و لا حتى يهدى؟ النتيجة الحتمية هى الصدام و الدمار المتبادل..... القطارين دول هم القطار الايرانى اللى مصمم على الوصول الى المحطة النووية بعدما اقترب منها كثيرا و يعلم جيدا ان الوقت لا يسعفه اما القطار الاخر فهو القطار الاسرائيلى اللى برضه عايز يسابق الزمن عشان يمنع القطار الايرانى من الوصول الى محطته النووية.....

قصة بوشهر و بقية المواقع اللى اختاروها و حكمة اختيارها..... انت لما تختار موقع لمنشآت من هذا النوع و عارف كويس ان فى احتمالات لضربها.... يبقى بتحاول تصعب ده على المهاجمين و تخلى تكلفة الضرب عالية..... يعنى ضربة لتدمير موقع نووى على الخليج ممكن تعمل كارثة بيئية اللى هيضرب الضربة هيبقى مسئول عنها امام المجتمع الدولى..... عشان يفكر كذا مرة قبل ما يضرب و متنساش قصص الدمار البيئى اللى حصان ابان حرب العراق الاولى و التانية و ازاى نقلته اخبار العالم كله و استنكرته.....

عندك اهم موقع نووى ايرانى هو فوردو..... و هو مبنى تحت جبل و قرب مدينة مقدسة عند الشيعة هى مدينة (قم)..... البناء تحت جبل معروف عشان يقلل تأثير القنابل الخارقة للتحصينات و فعلا الامريكان حسبوها فى اول 2012 لقوا ان القنابل فعلا مش هتعرف تخترف فوردو بالذات و عملوا تعديلات عليها و خلصت خلاص و اتظبطت ..... اما البناء بالقرب من مدينة مقدسة عشان برضه اللى بيفكر يضرب يعرف انه ممكن يضرب او يأثر على مكان مقدس و بالتالى دى حاجة هيستنكرها العالم كله..... الفكرة بقى ان فى انواع اسلحة ممكن متعملش دمار فى المبانى لكن تعطل شبكات الاتصالات و اى حاجة الكترونية و تموتها خالص...... يعنى الحلول موجودة..... و فعلا احنا هنشوف تطورات تكنولوجية مش طبيعية فى الموضوع ده

[w-m-a]

كده انا تقريبا مقتنع بقيام عمليات من الطرفين امريكا مع اسرائيل وايران
بس هتبقى مسخره وفعلا هتبقى دومينوزافيكت
ربنا يستر
عاوزين بقى نحلل فتره حكم مصر الحديثه من الدوله العلويه الى الان
ايه رأيكم ؟
لو خايفين من الدخلاء ممكن على الخاص
او اتشرف بمقابلتكم

[naser_56]

الموقع النووي الايراني معمول خصيصا لتهديد دول الجوار واولهم الكويت لقربها الشديد وثانيا اعتقد اتجاه الريح هيحول اي غبار نووي او اشعاعات باتجاه الخليج والكويت بمعني اصح لو امريكا او اسرائيل ضربت المحطه النوويه في ايران تأثيرها هيكون علي الكويت اكثر من
ايران

[naser_56]

ونظرا للعلاقات بين امريكا ودول الخليج وكمان جنودهم هناك فلذلك موضوع ضرب ابو شهر من المستحيلات وايران عارفه كده كويس وعلشان كده اختارت المكان ذي بالظبط لو احنا حبينا نعمل محطات نوويه انسب مكان هيكون ليها سيناء

[Imhotep]

ونظرا للعلاقات بين امريكا ودول الخليج وكمان جنودهم هناك فلذلك موضوع ضرب ابو شهر من المستحيلات وايران عارفه كده كويس وعلشان كده اختارت المكان ذي بالظبط لو احنا حبينا نعمل محطات نوويه انسب مكان هيكون ليها سيناء

الفكرة القديمة للضرب بأسلحة تدمر المنشأة لكن كمان تعمل كارثة نووية و غبار نووى و الكلام ده خلاص مبقتش هى الحل الوحيد. . . بقى فى اسلحة بديلة لا تدمر و لا حتى تموت حد . . . لكنها فقط تتلف كل ما هو أكترونى. . . و دى التجربة عليه من كام شهر بس:
Video: Doomsday for Iran? US Tests EMP Bomb - Israel National News

[naser_56]

الفكرة القديمة للضرب بأسلحة تدمر المنشأة لكن كمان تعمل كارثة نووية و غبار نووى و الكلام ده خلاص مبقتش هى الحل الوحيد. . . بقى فى اسلحة بديلة لا تدمر و لا حتى تموت حد . . . لكنها فقط تتلف كل ما هو أكترونى. . . و دى التجربة عليه من كام شهر بس:
Video: Doomsday for Iran? US Tests EMP Bomb - Israel National News

انته بتقول من كام شهر شوف مفاعل ابو شهر بداء العمل فيه من كام سنه

[MTAK]

كده انا تقريبا مقتنع بقيام عمليات من الطرفين امريكا مع اسرائيل وايران
بس هتبقى مسخره وفعلا هتبقى دومينوزافيكت
ربنا يستر
عاوزين بقى نحلل فتره حكم مصر الحديثه من الدوله العلويه الى الان
ايه رأيكم ؟
لو خايفين من الدخلاء ممكن على الخاص
او اتشرف بمقابلتكم

متفق معك و اظن طالما الحوار استمر بهذا الرقى فلا خوف من احد

و ننتظر البدايه منك

[Imhotep]

انته بتقول من كام شهر شوف مفاعل ابو شهر بداء العمل فيه من كام سنه

يا باشا الفكرة فى ان الاسلحة دى كانت لغاية فترة قريبة فى اطار الخيال العلمى.... السلاح ده يعتمد على electro magnetic pulse بتبث نبضات كهرومغناطيسية بتحرق دواير الاتصالات و الكهرباء و الالكترونيات و ترجعك لعصر اللمبة الجاز لما فجأة تلاقى النور قطع عشان شبكات الكهرباء اتعطلت و مفيش شبكات اتصالات لنفس السبب و العربيات الحديثة و اجهزة الكمبيوتر و كل ما هو الكترونى فجأة بينطفى و مش هيشتغل تانى..... بدون حتى ما تعرف السبب..... و بدون كمان نقطة دم واحدة و لا دمار لاى مبنى...... و عيش بقى انت بعدها فى العصر الحجرى..... الفكرة انه حاليا التقدم العلمى المش معقول خلى ما كان فى اطار الخيال يصبح واقعا بدون صعوبة..... خد عندك ده كمان..... لو عايز حرفيا (تخرم) الهرم الاكبر بدون ما تهده.... مفيش اى سلاح حالى يعملك كده..... الا حاجتين لغاية كام سنة معدودة فاتت كانوا من اسلحة الخيال العلمى لكن دلوقتى فى ال test cycles بتاعة ما قبل ال deployment يعنى هينزلوا الخدمة بعد وقت بسيط ..... و كانت ال test cycles دى زمان بتبقى بالسنين اللى ممكن تطول بسبب صعوبات تقنية..... حاليا بقت بالشهور المعدودة...... اقرأ يا باشا و شوف العالم رايح فين و احنا فى مية اللفت نغوص :) :
Railgun - Wikipedia, the free encyclopedia

U.S. Army could soon be using laser guns on the battlefield | Mail Online