حكايات البشر

[ams]

الحكاية السابعة و الأربعون

لله أقوام خلقهم كى يكونوا مصابيح الهُدى يكونوا سببا فى هداية الآخرين ، و هناك أقوام خلقهم الله سبحانه و تعالى كى يكونوا دُعاة على أبواب جهنم كى يكونوا سببا فى اضلال الآخرين.

اعترض عالسطرين دول
ربنا خلق الناس و اعطاهم الادوات اللى بيتعاملو بيها مع كل ما حولهم كون انهم يكونو اخيار او اشرار ده يرجع لاختيارهم ، و هذا الاختيار يكون فى علم الله مسبقا
لكن ليه خلقهم ؟! هو ده السؤال - و ان كنت احب اتعمق فى دينى الاول قبل ما اطرح سؤال زى ده

فأى البشر أنت؟

عن نفسى بحاول ابقى كويس

[muslimah_dentist]

اعترض عالسطرين دول
ربنا خلق الناس و اعطاهم الادوات اللى بيتعاملو بيها مع كل ما حولهم كون انهم يكونو اخيار او اشرار ده يرجع لاختيارهم ، و هذا الاختيار يكون فى علم الله مسبقا
لكن ليه خلقهم ؟! هو ده السؤال - و ان كنت احب اتعمق فى دينى الاول قبل ما اطرح سؤال زى ده

أخى الكريم لم أقصد بكلامى هذا القدح فى الذات العلية لله سبحانه و تعالى( حاشا و كلا) ، ممكن أن أكون لم أوضح كلامى جيدا أو أسأت التعبير فسأوضحه لك ، الله سبحانه و تعالى خلق كل الخلق جنهم و انسهم ليعبدوه كما أورد فى كتابه العزيز: و ما خلقت الجن و الانس الا ليعبدون ،

اذن سبب خلق الخلق هو عبادته سبحانه و عمارة الأرض .

الله سبحانه و تعالى كتب كل شئ قبل أن يكون ، قبل أن يخلق كل الخلق عنده فى أم الكتاب و قال للقلم : اكتب فكتب كل ما هو كائن الى يوم القيامة.

كما قال المحققون من أهل السنة : الارادة المذكورة فى الكتاب نوعان هما:

1)ارادة دينية شرعية:
هى المتضمنة للمحبة و الرضا.
مثل أن يقول الناس لمن يفعل القبائح:هذا يفعل ما لا يحبه الله و يرضاه

2)ارادة كونية:
هى مشيئة الله الشاملة لجميع الموجودات .
هى تلخص فى هذا القول:ما شاء الله كان و ما لم يشأ لم يكن.

خلق الله سبحانه و تعالى الخلق و أوضح لهم الحق و أوضح لهم الحلال و الحرام و لكن أخى كل مُيسر لما خُلق له كما أخبرنا حبيبنا محمد صلى الله عليه و سلم

و لك نص الحديث كما رواه الامام مسلم فى صحيحه

عن على :كنا فى جنازة فى بقيع الغرقد ، فآنانا رسول الله صلى الله عليه و سلم فقعد و قعدنا حوله و معه مخصرة فنكس فجعل ينكت بمخصرته ثم قال: ما منكم من أحد، ما من نفس منفوسة الا و قد كتب الله مكانها من الجنة و النار، و الا كتبت شقية أو سعيدة قال: فقال رجل:يا رسول الله أفلا نمكث على كتابنا ، و ندع العمل
فقال:من كان من أهل السعادة فسيصير الى عمل أهل السعادة و من كان من أهل الشقاوة فسيصير الى عمل أهل الشقاوة فقال:اعملوا فكل مُيسر أما أهل السعادة فييسرون لعمل أهل السعادة ، و أما أهل الشقاوة فييسرون لعمل أهل الشقاوة.

و هذا ما عنيته بالظبط و ممكن أن يكون قد خاننى التعبير فاعملوا فكل مُيسر لما خُلق له.

[nabaster]

بصراحه مش عارف اقول اي كلمه

مفيش كلمة توصف جزيل شكري لموضوعك الهايل

انا من الساعه 3:30 وانا بقراه ودلوقت تقريبا 6:30 وبصراحه ولا دقيقه حسيت بملل بالعكس انا مش عايز الصفحات تنتهي عايز اسمع واقرا حكايات اكتر لاني بجد بستفاد من كل سطر فيها

انا عارف انها متاخره بس لازم اقولك

شكرا شكرا شكرا

وربنا يجازيكي كل خير ويساعدك في فعل الخير

أأأأمين يارب العالمين

[ams]

أخى الكريم لم أقصد بكلامى هذا القدح فى الذات العلية لله سبحانه و تعالى( حاشا و كلا) ، ممكن أن أكون لم أوضح كلامى جيدا أو أسأت التعبير فسأوضحه لك ، الله سبحانه و تعالى خلق كل الخلق جنهم و انسهم ليعبدوه كما أورد فى كتابه العزيز: و ما خلقت الجن و الانس الا ليعبدون ،

اذن سبب خلق الخلق هو عبادته سبحانه و عمارة الأرض .

الله سبحانه و تعالى كتب كل شئ قبل أن يكون ، قبل أن يخلق كل الخلق عنده فى أم الكتاب و قال للقلم : اكتب فكتب كل ما هو كائن الى يوم القيامة.

كما قال المحققون من أهل السنة : الارادة المذكورة فى الكتاب نوعان هما:

1)ارادة دينية شرعية:
هى المتضمنة للمحبة و الرضا.
مثل أن يقول الناس لمن يفعل القبائح:هذا يفعل ما لا يحبه الله و يرضاه

2)ارادة كونية:
هى مشيئة الله الشاملة لجميع الموجودات .
هى تلخص فى هذا القول:ما شاء الله كان و ما لم يشأ لم يكن.

خلق الله سبحانه و تعالى الخلق و أوضح لهم الحق و أوضح لهم الحلال و الحرام و لكن أخى كل مُيسر لما خُلق له كما أخبرنا حبيبنا محمد صلى الله عليه و سلم

و لك نص الحديث كما رواه الامام مسلم فى صحيحه

عن على :كنا فى جنازة فى بقيع الغرقد ، فآنانا رسول الله صلى الله عليه و سلم فقعد و قعدنا حوله و معه مخصرة فنكس فجعل ينكت بمخصرته ثم قال: ما منكم من أحد، ما من نفس منفوسة الا و قد كتب الله مكانها من الجنة و النار، و الا كتبت شقية أو سعيدة قال: فقال رجل:يا رسول الله أفلا نمكث على كتابنا ، و ندع العمل
فقال:من كان من أهل السعادة فسيصير الى عمل أهل السعادة و من كان من أهل الشقاوة فسيصير الى عمل أهل الشقاوة فقال:اعملوا فكل مُيسر أما أهل السعادة فييسرون لعمل أهل السعادة ، و أما أهل الشقاوة فييسرون لعمل أهل الشقاوة.

و هذا ما عنيته بالظبط و ممكن أن يكون قد خاننى التعبير فاعملوا فكل مُيسر لما خُلق له.

كلام جميل و اتفق معك كل الاتفاق

و لكن سؤالى كان ابعد المدى

اذن سبب خلق الخلق هو عبادته سبحانه و عمارة الأرض .

ليه ؟

[muslimah_dentist]

بصراحه مش عارف اقول اي كلمه

مفيش كلمة توصف جزيل شكري لموضوعك الهايل

انا من الساعه 3:30 وانا بقراه ودلوقت تقريبا 6:30 وبصراحه ولا دقيقه حسيت بملل بالعكس انا مش عايز الصفحات تنتهي عايز اسمع واقرا حكايات اكتر لاني بجد بستفاد من كل سطر فيها

انا عارف انها متاخره بس لازم اقولك

شكرا شكرا شكرا

وربنا يجازيكي كل خير ويساعدك في فعل الخير

أأأأمين يارب العالمين

جزاك الله خيرا على مرورك و تواصلك

بصراحة أنا ماستاهلش كل المدح و الكلام ده كله

الموضوع ده لو حلو فهو حلو بيكم و بتواصلكم معايا

[m7nsh]

موضوع هايل يا دكتوره ,, ربنا يجازيكى خير

انا اول ما فتحت اول صفحه مقدرتش اقفله الا بعد ما خلصت الصفحه 26 ( اللى احنا فيها دلوقتى )

جزاك الله كل خير ,, ووفقك فى حياتك العلميه و العمليه

[muslimah_dentist]

كلام جميل و اتفق معك كل الاتفاق

و لكن سؤالى كان ابعد المدى

ليه ؟

لأنه يحب أن يُحمد سبحانه ، لأنه يحب أن يُشكر.

أخى الكريم الله سبحانه و تعالى هو الخالق و هى صفة من صفاته، و يجب اثبات هذه الصفة لله سبحانه و تعالى دون تعطبل أو تمثيل.

و سأذهب معك الى ما هو أبعدمن هذا و أُرشح لك كتب فى العقيدة كى تقرأها لأننى أرى أن بعقلك الكثير من الأسئلة ستُجيب عنها هذه الكتب باذن الله و سأبدأ معك بكتاب بسيط للغاية و هو كتيب صغير للشيخ محمد بن عبد الوهاب و هو كتاب التوحيد

و ممكن أن تبدأ أيضا بكتاب معارج القبول و أنا على استعداد أن أُجيبك على كل ما يرد بذهنك من أسئلة العقيدة لأن العقيدة يجب أن تُدرس و تتمعن فى دراستها جيدا لأنها سبيل الثبات على الصراط المستقيم لأنه ما ظهرت الفرق الضالة الا من تقديم العقل على النقل و ضربوا بالنصوص النقلية الصحيحة عرض الحائط لأنها لم تستسيغها عقولهم.

[muslimah_dentist]

موضوع هايل يا دكتوره ,, ربنا يجازيكى خير

انا اول ما فتحت اول صفحه مقدرتش اقفله الا بعد ما خلصت الصفحه 26 ( اللى احنا فيها دلوقتى )

جزاك الله كل خير ,, ووفقك فى حياتك العلميه و العمليه

و اياك جزاك الله

شكرا على مرورك و تواصلك

[Rembrandt]

انا متابع عن بعد لكن بشغف

[نور العمر]

:rolleyes2
حقا...صدق رسول الله صلى الله عليه و سلم عندما قال أو كما قال: هناك أقوام مفاتيح للخير مغاليق للشر ، و هناك أقوام مفاتيح للشر مغاليق للخير.

فأى البشر أنت؟؟؟؟؟؟؟؟؟؟؟؟؟؟؟؟

أنا إنسان كلما اقترب من الله تعالى كلما شعر أن قربه يجعله يغتر في نفسه ... فيدوس على غروره ويهزمه ... بأنه ضعيف الإيمان ... ليبدأ من جديد يحب الله ويبحث عنه ... ويتقرب منه ... دون غرور

عارفين ليه ... لإن غرور المؤمن بقربه لله ... قد يكون سبب يفقده إيمانه ... ويجعله يتوقع انه ليس من السهل أن يخطأ ... فاليرحمنا الله ...ويتولنا ( إن ولي الله الذي نزل الكتاب وهو يتولى الصالحين ) آمين

[muslimah_dentist]

الحكاية الثامنة و الأربعون

تعالوا نرجع لجو العيادات شوية .........

حكاية النهاردة عن موقف شفته و مريت بيه و ممكن يكون استغربتله و ممكن يكون أربكنى نوعا ما.

كنت مرة فى العيادات بأشتغل و كان فيه معيدين كتير غيرى بيشتغلوا على حالات خاصة بيهم .

حصل عُطل فى احدى الوحدات اللى احنا بنشتغل عليها و لاقيناها عمالة تسرب مية و طبعا اتغرقنا فقعدت دكتورة زميلتى تنادى على العامل عشان ينشف العيادات و طبعا لاهمال العُمال ماكنش حد موجود و قعدنا ننادى على العامل و فين و فين أما الأخ شرف المهم صاحبتى ماسكتتش و قعدت تزعق للممرضات و المُمرضين و صوتها على جدا لدرجة ان أنا اتخضيت و خفت منها الصراحة و طبعا أما العامل جه أقل حاجة تُقال انها بهدلته أدام كل اللى قاعدين المرضى و المُمرضين و المُمرضات و الدكاترة و المرضى اللى مستنيين برة العيادات .

بصراحة أنا ماصدقتش الموقف و اتخضيت روحتلها قولتلها: براحة يا فلانة ، انتى بهدلتى الراجل ع الآخر
قالتلى: انتى مش شايفة ان احنا اتغرقنا و مش عارفين نشتغل.

هو بالفعل أهمل بس بالرغم من كل ده هل ديه كانت الطريقة المناسبة للتعامل مع الموقف ، هل كانت الطريقة المناسبة انها تجرحه بالشكل الفظيع ده أدام كل البشر و أقل حاجة تٌقال انها مرمطت بكرامته الأرض ، يا ترى هى صح و لا أنا اللى مُتساهلة زيادة عن اللزوم؟؟؟؟؟؟؟؟

يا ترى اهمال اللى ادامى ممكن يخليه ذريعة ليا انى أجرحه بالشكل الفظيع ده ؟؟؟
يا ترى هى عملت كدة عشان هى الدكتورة و هو العامل؟؟؟؟
يا ترى لو ماكنش العامل و كان حد تانى أهمل هيكون هو ده تصرفها؟؟؟؟؟؟

أنا موقف صاحبتى ضايقنى ، هو أهمل و لو أنا فى موقفها هأضايق و أتعامل مع الأمر بجدية و حزم بس مش باحراج الانسان اللى قدامى بالشكل الجارح أوى ده.

فيه أوقات كتير الواحد مايبقاش عارف فيها هو ايه الصح و ايه الغلط.........


و قت أن تتبدل الأشياء و لا تتبدل أنت فما عادت الأشياء الصحيحة على ما كانت عليه و ما عدت تعلم هل هى مازالت موجودة أم لا..........

سبحانك ربى......

[نور القمر]

اكيد انتي صح يا مسلمة وهي غلط
انا ضد الاهانة والتجريح خصوصا لو الشخص ده في المركز الاضعف ومش هيقدر يرد

[نور العمر]

باختصار شديد يا أختي مسلمة
امثال هذه الدكتورة هم صانعي حاجز الحقد الوظيفي والطبقي .. بين الناس
هو أهمل .. لكن لازم احترم إنسانيته في المقام الأول ... وفي عقاب تاني وهادي وبيجيب نتيجة إيجابية ( الخصم من المرتب ) .. لكن انسى نفسي وأجرح في إنسان في المقام الاول لمجرد إنه عامل .... لا طبعا
شعورك بالنفور من تصرفها شعور سليم ...

وربنا يهدي

[muslimah_dentist]

حبيبتاى فى الله ........نور القمر و نور العمر

أنرتما دربى بهذا الكلام الجميل

بارك الله بكما

[muslimah_dentist]

انا متابع عن بعد لكن بشغف

جزاك الله خيرا أخى الكريم على تواصلك