حكايات البشر

[Samah AbdAllah]

بارك الله فيكى واكثر من امثالك
والحمد لله صدقينى اكيد فى ناس زيك كتير يمكن مش ظاهرين لان السيئة تعم ولكن ثقى بان الخير دائما موجود

[muslimah_dentist]

بارك الله فيكى واكثر من امثالك
والحمد لله صدقينى اكيد فى ناس زيك كتير يمكن مش ظاهرين لان السيئة تعم ولكن ثقى بان الخير دائما موجود

بس انتى لسة ماردتيش على سؤالى.

بتهربى و لا ايه؟؟؟؟

أنا ممكن أدخلك موضوع (اعزم عضو على العشا) و أدبسك فى عزومة .

[Samah AbdAllah]

ياريت انا اتمنى بس تعالى انتى اليكس ومالكيش دعوة
وبالنسبة لسؤال
الحمد لله انى اعامل الخالق وليس المخلوق

[نور العمر]

الحكاية الثالثة و الخمسون

هى القناعة قلت فى الناس كدة ليه يا جماعة ، يا ترى الواحد بيفكر غلط و لا الناس مبقتش طبيعية .

ربنا يتولانا برحمته.

ردا على هذه القصة ... أنا بنظر للناس دي من نظرة تانية
مش نظرة على قد لحافك .. ولا نظرة دول داخلين على طمع
بنظر ليهم بنظرة ... إنهم بشر من حقهم يعيشو ... ويكون عندهم زي إللي عند كل الناس...
دي بنت فقيرة من أسرة مش لاقية تكفي قوت يومها ... صح
لكن إنسانة نفسها تفرح ويكون عندها زي كل البنات ... ليه كل واحد عنده مال من زكاته ميساعدش حد منهم ... فيها إيه لما تجيب كل الطلبات دي .. فيه ناس بتجيب غرفة نوم ب 100 ألف وناس بتجيب ب 40 ألف وناس بتجيب ب 10 الاف وناس بتجيب ب ثلاثة آلاف . كل واحد وظروفه ... من حقها تحلم تتجوز على قوضة نوم عروسة ... وتعيش في بيت في متطلبات الحياة ... مش حتجيبها بآلاف لكن ميات تكفي لإسعادها ........ ساعدوها مش لازم تنام على مرتبة في الأرض ... مش لازم تعيش نفس الظروف ... مش لازم يآسو جيل ورا جيل
واحنا لازم نغير نظرتنا ليهم .. ونديهم على قد ما نقدر ... ومنحسبهاش إنها طمع ... وإللي معاه ألف .. يدفع للعروسة وللعملية وللمديون كل واحد تلت ... حتوسع الخير وحتسعد الكل
مش لازم نبصلهم غنهم أخرهم الاكل والشرب واللبس ... من حقهم يعيشو حتى ولو في عشوائيتهم ... من حقهم يعيشو

[نور العمر]

الحكاية الرابعة و الخمسون

هذه الأخوة التى يدور مدارها حول الحب الخالص، أن نتعارف و نفترق على الله، أن نُحب بعضنا البعض فى الله و لله.

أمر بهذه الأوقات فى حياتى بمواقف و ظروف تجعلنى أتشكك فى مشاعر الكثير ممن أتعامل معهم : هل أصبح كل الناس هكذا لا يبحثون الا عن مصالحهم الشخصية؟

هل أصبح كل الناس الآن لا يهتمون الا بأنفسهم ، لا يكترثون بمشاعر الآخرين؟

أين المعنى الحقيقى للأخوة فى الله

ممكن تلاقي معاني الآخوة في الله عبر المنتديات ... زي منتدانا الجميل ده في النوعية دي كتيير
لكن أخشى انه مع التلاقي والتعامل وجها لوجه نجد هذا المعنى الحقيقي ... خصوصا في عظائم الأمور ... يعني عند تلاقي المصالح في أشياء عظيمة ( وظيفة مثلاً لقطة وصاحبك محتاجها تحارب عشان تاخدها انت واللا صحبك أولى )
مش عاوزة أشكر في نفسي واستغفر الله العظيم على ذلك .. لكنى تعاملت مع كثيرين بهذا المبدأ بحق وبديت آخرين عن مصلحتي .. ولم آخذ غير غدر وطعنات من أعز الأصدقاء
الحقيقة ... لم أندم على ما فعلت .. فإني أدخره مع الله في ظروف أعظم ... وهذا ما يحدث معي فعلا .. ولا يخذلني ربي مع كل ضيق .. والحمد لله رب العالمين ... ولكني خرجت من هذه الطعنات بإعادة دراستي للشخصيات من حولي .. واستمراري بقلب فقط مع من يستحق ..
الحب والأخزة في الله عملة نادرة نادرة نادرة بحق..... لكن .... لسة موجودة ... ودي من رحمة ربنا ... ربنا يكرمنا
ونقابل منهم إللي يحسسنا دايما بقول الحبيب المصطفى ( الخير في أمتي إلى يوم الدين )

[نور القمر]

اكيد يانور من حقهم يعيشوا وربنا يرزقهم ويحققوا كل اللي بيحلموا بيه
بس الانسان كمان لازم يكون حسيس وميستغلش اللي قدامه
ويرضوا باللي ربنا رزقهم بيه ويحمدوه
يعني انتي مثلا او انا او مسلمة لما اتجوزنا جبنا كل اللي نفسنا فيه ؟!! ولا مشينا حالنا على اد امكانياتنا لحد ما قدرنا نحقق حاجات كتير كان نفسنا فيها واحدة واحدة
طيب مافي الحالة دي نبص للي عندهم اكتر ونطلب مساعدة الناس علشان نحققه
الموضوع نسبي يا نور والقناعه مطلوبة

وبعدين لو نظرنا للموضوع من ناحية تانية اقولك ان الصدقة او الزكاة متجوزش عليهم في الحالة دي

[نور العمر]

الحكاية الخامسة و الخمسون


و همسة فى أذن الفتيات: أخيتى ، حبيبتى فى الله جعلنا الله سبحانه و تعالى فتنة و شهوة للرجال فلنتقى الله فى هذه الشهوة و لنُساعد الشباب على غض البصر بان نُغطى هذا الجسد و هذه الحرمة.

فاياكم و مُقدمات الزنا ................

مجتمعنا اتأمرك يا مسلمة
هما بيعيشو الحياة الزوجية بروفة قبل الزواج ويا يتم يا لا
وتبنى مجتمعنا هذه الفلسفة في صورة الخطوبة ... عشان تبقا شرعي ... :k17:

بجد ... ربنا يرحمنا

[نور العمر]

وبعدين لو نظرنا للموضوع من ناحية تانية اقولك ان الصدقة او الزكاة متجوزش عليهم في الحالة دي

مش عاوزة أفتي
لكن والله أعلم تجوز الزكاة والصدقة
لأنهم فقرا . فقرا . فقرا
وعلى فكرة يا نور ... بردو احنا غيرهم
لإن إللي مجبناهوش ... كان كماليات ... بالنسبة لينا بس مهمة
( العربية اتاخرت ...لكن مكانش ينفع نتجوز من غير تليفزيون مثلا ... مشايات اتأخرت ... لكن كان عندنا سجاد على الأقل ... ركبنا ستاير عادية ... وبعديها طورناها برقع ... جملنا الدنيا بتحف ومفارش وتابلوهات مكانتش موجودة ... بس كان صعب نبدأ بغسالة عادية ... كان لازم الاوتواماتك ... كان صعب منجبش بوتاجاز أقله أربع عيون ... كان صعب منجبش تلاجة اقله 14 قدم ... كان صعب منجبش خشب المطبخ ... كان صعب يدخل علينا أول شتا ومعندناش ولا سجادة ... ممكن دخلنا بدون غرفة اطفال ... على اعتبار لما ربنا يبقا يرزق يحلها حلال ... وهكذا )

معتقدش يا نور ... في وجه تشابه بنا وبينهم

[muslimah_dentist]

واضح ان الموضوع اتطور فى غيابى و المشاركات اشتغلت على ودنه

بصى يا نور العمر

مبدأك ان دول فقرا و من حقهم يأخدوا و يعيشوا زى ما الناس بتعيش مبدأ مقبول طبعا و محدش يقدر يجادلك فيه.

بس فيه فرق كبير جدا بين الاحتياجات و الكماليات ، فهمتى قصدى يا ست الستات.

يعنى مثلا أما أكون فقيرة و على أدى هأحاول أعبش عيشة مستورة و أجيب أوضة و اتنين و تلاتة مفيش مشكلة بس مأروحش أجيب موبايل آخر ماركة أو أعمل الحمام سيراميكا كليوباترا و هتضحكى عليا و تقوليلى مبيحصلش كدة ، و الله بيحصل كدة و فيه أسر كتير أعدنا النظر فيها أما شفنا الأمر تحول الى التواكل و ليس التوكل.

يعنى خلاص مبقاش الراجل اللى بيعول الأسرة يهمه انه ينزل يدور على شغل عشان عارف ان فيه تموين شهرى هيجيله يبقى المساعدة الانسانية فقدت معناها الحقيقى لأنه كما قال رسول الله صلى الله عليه و سلم(اليد العُليا خير من اليد السفلى)

و الكلام اللى أنا بأقوله ده نتيجة خبرتى أكتر من 6 سنين فى العمل فى الجمعية بتاعتنا و شفنا فقرا أشكال و ألوان و للأسف كتير منهم كانوا بيتاجروا بفقرهم و قليل فعلا الفقير المُتعفف لأنه من كتر تعقفه مش معروف كما قال سبحانه و تعالى:يحسبهم الجاهل أغنياء من التعفف

و فيه أسر فعلا ساعدناها و جبنا لبنتها حاجات فى الجهاز زى قطن التنجيد و أشياء أخرى أما أيقنا ان الأمر احتاج ضرورى و ليست كماليات و مظهرة كدابة و نظام (أبو بلاش مفيش أحسن منه)

أتمنى انك تكونى فهمتى وجهة نظرى.

[muslimah_dentist]

مجتمعنا اتأمرك يا مسلمة
هما بيعيشو الحياة الزوجية بروفة قبل الزواج ويا يتم يا لا
وتبنى مجتمعنا هذه الفلسفة في صورة الخطوبة ... عشان تبقا شرعي ... :k17:

انتى بتقولى ان مجتمعنا اتأمرك

تخيلى ان فى أمريكا نفسها ممكن ميكونش الأمر زى ما احنا متخيلينه كدة

أنا أختى زوجها عاش فى أمريكا تقريبا نصف عمره و أختى بعد ما اتجوزت راحت عاشت معاه و كانت عايشة فى نيويورك (يعنى مفيش أكتر من كدة) مرة أختى نزلت أجازة قالتلى:هى البنات فى مصر اتهبلت و لا ايه و اللى اللبس الفظيع ده
قلتلها:انتى بتقولى كدة و انتى جاية من أمريكا
قالتلى:فى أمريكا مش بيلبسوا كدة
قلتلها:ازاى؟
قالتلى:طبعا هما بيلبسوا العريان و خلافه بس فى أوقاته يعنى بالليل و هما خارجين بس أما بيروحوا الشغل بيروحوا بلبس مريح و بيلبسوا بناطيل واسعة مش كله محزئ و استرتش كدة

و مش بس أختى أنا زوج واحدة صاحبتى مسافر أمريكا بعثة تبع وزارة الصحة و عايش فى بوسطن و قبل ما يسافروا أمريكا اجتمعت بيهم قنصل من السفارة الأمريكية و قالتلهم:ماتتخيلوش أمريكا زى ما انتوا شايفينها فى الأفلام الناس قاعدة كلها بتشرب و تشكر بالعكس احنا عندنا كل حاجة فى وقتها وقت الشغل شغل و وقت الراحة راحة.

و طبعا حتى لو الأمريكان بيعملوا كدة هو ده اللى احنا أخدناه من التقدم و الثقافة الغربية يعنى مأخدناش غير الغلط و العيب ليه منأخدش اهتمامهم بعملهم و اتقانهم فيه.

[muslimah_dentist]

اكيد يانور من حقهم يعيشوا وربنا يرزقهم ويحققوا كل اللي بيحلموا بيه
بس الانسان كمان لازم يكون حسيس وميستغلش اللي قدامه
ويرضوا باللي ربنا رزقهم بيه ويحمدوه
يعني انتي مثلا او انا او مسلمة لما اتجوزنا جبنا كل اللي نفسنا فيه ؟!! ولا مشينا حالنا على اد امكانياتنا لحد ما قدرنا نحقق حاجات كتير كان نفسنا فيها واحدة واحدة
[[/COLOR][/SIZE]

عندك حق يا نور القمر

فيه كتير من الطبقة المتوسطة أو الفوق متوسطة مش بتجيب كل اللى نفسها فيه قبل الجواز.

يعنى صاحبتى اللى كانت معايا أما الحاجة أم البنت طلبت منا الطلبات كانت لسة متجوزة بقالها عشرة أيام و أما الحاجة قالتلنا كدة و قعدنا أنا و صاحبتى نتكلم بعد ما مشينا من عندها قالتلى: أنا جوزى كانت الفلوس خرمت معاه و كان مش قادر يجيب التليفزيون و جالنا هدية من أبوه و هو الريسسفر قبل الجواز بيوم.

و الأمر ده بيحصل فى عائلات كتير جدا مُقتدرة و معاها فلوس و عادى يعنى الدنيا مش هتقف.

[نور العمر]

أختي مسلمة
أنا مش بتكلم عن اللبس في أمريكا
أنا بتكلم عن فلسفة اختبار الحياة الزوجية قبل الزواج

أما جهاز الزيجات الفقيرة ... فطبعا لو دخلت في الأفكار إللي بتقوليها دي ( سيراميك وغيره ) يبقا قلت المساعدة أحسن والبحث عن من هو أولى ...
غير كدة في حدود المستوى والمعقول ... باب المساعدة مفتوح

والله المستعان ... ويكثر من أمثالك

[muslimah_dentist]

[frame="8 80"]
الحكاية السادسة و الخمسون

حكايتنا اليوم عن واقعة رأيتها بأم عينى و تعلمت منها الكثير.

كنت يوم فى مجلس فى درس علم و كانت الداعية تتحدث عن بر الوالدين و كانت الداعية ذو فصاحة و بلاغة فى الخطاب مما أدى الى تأثر الجميع بكلامها فاذا بها فى نهاية الحلقة تسأل : هل استفدتم شئ مما قلت؟

فاذا بفتاة شابة بجوارها تبكى بكائا حارا و نكاد لا نفهم ما تقول من كثرة بكائها فاذا بالداعية تقول لها:طيب هدى نفسك.
كلما أرادت الفتاة أن تتحدث تخونها عبراتها التى تجرى على وجنتيها كالأنهار و فى نهاية الأمر اذا بنا نفهم قليلا ما تريد قوله قالت الفتاة:أنا عايزة أتأسف لأمى
و أخذت تبكى مرة أخرى
ثم استطردت قائلة:أنا عايزة أتأسف لأمى لأنى عاملتها بطريقة وحشة و أنا جاية المسجد النهاردةو عايزاها تسامحنى

و ما كادت الفتاة تنتهى من كلامها الا و سمعنا نحيب امرأة كبيرة فى السن فنظرت اليها الداعية قائلة:هدى أعصابك يا حاجة ،خيرا ان شاء الله.
فما كادت المرأة تتمالك أعصابها الا و نظرت للفتاة و قالت: أنا مسماحكى يا بنتى

فاذا بهذه الداعية الرقيقة التى تُحاضرنا تذرف الدموع و تقول:موقف الحاجة و بنتها أبلغ مليون مرة من الدرس اللى أنا عمالة أديهلكم بقالى ساعة.

كم أثرت فى هذه الواقعة و شعرت بمدى أننى ابنة عاقة لأمى ، فهذه الفتاة أرادت أن تعتذر لأمها امامنا جميعا ، لم تصبر أن تعود للبيت و تعتذر لها .

و هكذا هو حال الأم تُسامح و تغفر لأولادها.

فعليكم اخوانى ببر الوالدين فبرضاهما يُبارك الله سبحانه و تعالى فى أعمارنا و يرزقنا من حيث لا نحتسب.



[/frame]

[muslimah_dentist]

[glow=#d9ff00]

الحكاية السابعة و الخمسون

[/glow]

حكايتنا النهاردة عن مجتمع أنا موجودة فيه بأحس أنه مجتمع منافق مية فى المية.

بأحس فيه ان كله بيلعب على كله و الناس بتضحك فى وش بعض و هى مش طايقة بعض.

طبعا اللى فيكم دكتور فى الجامعة أو عضو هيئة تدريس فى أى جامعة من الجامعات هيُبصم بالعشرة على اللى أنا بأقوله.

طبعا احنا منقدرش نعمم و نقول ان كله وحش بس للأسف الكثير فى هذا المجتمع فيه نفاق و شغل تلات ورقات .

نجى لحكاية النهاردة و نحكى حكاية سبب تأخر الشعب المصرى عن باقى الشعوب

احنا اتأخرنا أما البحث العلمى فى مصر مبقاش ليه أهمية و بقى الممثل الفلانى و الممثلة الفُلانية و الرقاصة السوبر ستار و لعيب الكورة فى النادى الفلانى هما اللى واكلين البلد و هما اللى معاهم فلوس و هما و هما....

طيب يا ترى تأخر البحث العلمى فى مصر سببه ايه؟؟؟؟؟؟؟

ديه بأه حكاية و لا ألف ليلة و ليلة

طبعا لازم تيقى فيه آليات للبحث العلمى و آلياته بتبقى:
1) فلوس لتمويل البحث العلمى.
2)2)كوادر بحث علمى بشرية.

3)توافر أماكن للبحث العلمى.

بالنسبة للتمويل اللى بيتكلف تمويله هو الباحث عشان كدة فيه أوقات كتيرة بندور على مواضيع تكاليفها مش غالية أوى ..........و متهيألى التمويل مشكلة فى البحث العلمى فى مصر بس مش هي المشكلة الأساسية........

نيجى بأه لمشكلة المشكلات الكوادر العلمية للبحث العلمى ......ديه بتتكون من باحث و مُشرف عليه و ديه ليها صور

مختلفة ::::الصورة الأولى:مشرف و باحث مكبرين دماغهم و بيضربوا مواضيع و أهو كله بيمشى فى البلد ديه.

الصورة الثانية:مشرف فاهم و واعى و مساعد و باحث مُجتهد و حريص على العلم و دول الثورة الحقيقية اللى ممكن مصر تقوم عليهم من تانى لأن الباحث المصرى فعلا له عقلية فذة فى التفكير و البحث العلمى.

الصورة الثالثة:مشرف مش فاهم قوى و مُعقد لأنه ياما اتعمل فيه أيام ما كان باحث صغير و ملقاش حد يطلع فيه الكبت ده الا المسكين اللى تحت ايديه و هو الباحث(يا عينى عليه) و للأسف الشديد ما أكثر هذه النوعية الثالثة التى تجعل العقليات و النُخب العلمية فى مصر تُحبط و تكتئب و تُقرر أن تُسافر بهذا العلم الى الخارج و للأسف الشديد تُقدر و تُعطى امتيازات و صلاحيات عالية تمنى لو كان قد وجدها فى بلاده.

كل ده و ماقولناش الحكاية.......
لأ الحمد لله قلناها.......

كانت حكايتى معاكم النهاردة عن المجتمع الجامعى و أن البحث العلمى لن يتقدم فى مصر قيد أنملة الا عندما أن تتبدل هذه العقليات المُعقدة التى تحكم الباحث العلمى و نظام انت مستعجل كدة ليه أنا أخدت الماجستير فى 5 سنين (أصلها اتقالتلى فمحروقة منها الصراحة) و محاولة أن تُشعر من تحت يديك بالعجز فقط لكى تُظهر مدى صلاحياتك و قوتك فى هذا المجتمع الجامعى........

انتقلت الى المجتمع الجامعى و نظرت الى حال البلد و ما وجدته الا صورة مُصغرة منه و حقا كما أنتم يُولى عليكم................

[أشرف فتحى]

ياااااااااااااااااااااااااااااااااااااااااااااااه يا دكتوره!

دا بقى موضوع مسلم بيه فى المجتمع عموما وبصوره تحرق الدم يعنى طالما شخص فى موقع قيادى حتى لو وصله بالكوسه او مسح الجوخ او حتى بالاقدميه يبقى لازم يكون هو الصح اللى لا يمكن يغلط ويبقى هو اللى عارف كل حاجه وفى ايديه كل حاجه واللى تحتيه مش عارفين اى حاجه علما بانهم ممكن يكونوا مبدعين واصحاب عقليات ممتازه وفكر جديد يصاب باإحباط والزهق بل وتبدأ تزيد بوجود المحاسيب ودى فئه ممكن نسميهم كدابين الزفه من اللى كانوا بيطلعوا فى الافلام القديمه بيقولوا شعر لما المدير الجديد ييجى ويلعنوا اللى جابوه لما يمشى!!!


للأسف انا فى حياتى العمليه وعلى فكره هى فتره مش قصيره ..حوالى 14 سنه ما تعبنيش ولا نكد عليا اكتر من الفئه دى وعمرى ما عرفت اتعامل كده ولا اسكت لما الاقى كده!
ياريتى اعرف امسح جوخ !
ياريتنى كنت بعرف أكبر دماغى!
ياريتنى مبفكرش وعايش فى حالى كنت بقيت زى معظم الناس مرتاح وخالى البال!!!!

لكن ولا دينا يرضى نشوف المنكر ومنغيروش ولا حتى بإمتعاضه وجه!
ولا تربيتنا اللى اتربينا عليها ولا اخلاقنا تسمحلنا بكده!!!

إنتى بقيتى تيجى على الجرح كتير اليومين دول يا دكتوره!!!

بس برضه مستمتع بحكايات البشر!!

ولو أذنتيلى عندى شويه حكايات ممكن أحكيها لو سمحتيلى بالمشاركه بيها !