حكايات البشر

[muslimah_dentist]

حمدا لله علي سلامتك يا دكتورة موضوعك اكتر من رائع.

جزاك الله خيرا أخونا الكريم على ردك و تواصلك

[muslimah_dentist]

الرضا بالقضاء يخفف الاحزان ....والصبر على البلاء دليل الايمان ..... ولو علم الانسان الغيب لاختار ما كان ...

صدقت أخى الكريم

[محمد محمد]

السلام عليكم ورحمة الله وبركاته.........
اولا جزي الله خيرا صاحبة هذا الموضوع علي هذا الموضوع.
ودي اول حكاية احكيها في الموضوع ده.

كلنا او معظمنا علي الأقل سمع موضوع الطالبة اللى اتصابت بمرض انفلونزا الخنازير في مدرسة رجاك للغات وطالبة اخري في مدرسة بسوهاج.
المهم انه حصل معايا موقف انا ووالدتي مع مدير هذه المدرسة (مدرسة رجاك)الذي يدعي احمد رجائي .
انا والدتي تعمل موجهة بالأدارة التعليمية وطبعا شغلها بيقتضي ان هي تمر علي المدارس وهذه المدرسة وغيرها ليس لها مواصلات فعادة كنت اقوم بتوصيلها لهذه المدارس وانتظرها بالخارج لكن في هذه المرة دخلت مع والدتي المدرسة لأني اشعر بملل عند جلوسي بالخارج بمفردي دخانا المدرسة وظلنا نبحث عن الأخصائية الأجتماعيه لأن والدتي موجهة تربية اجتماعية ودخلنا علي مبني الأبتدائي ودخلت امي علي مكتب الأخصائية نلاقي الأخصائية قاعدة وامي تقولها انا الموجهة بتاعتك ترد الأخصائية وتقولها طب عايزة ايه عايزة ايه!!! فين سجلاتك ودفاترك قالتلها انا مش عاملة سجلات (وكل ده بتكلمها وهي قاعدة وامي واقفة ) روحي للأخصائية فلانة لأن هي اقدم مني هنا امي تروح لهذه الأخصائية تجدها اخصائية نفسية وده مش اختصاص امي ومعرفش مين ده اللى عاملها اخصائية انا حسيت ان هي راقصة قاعدة مستنية نمرتها من اللي هي عاملاه في نفسها والمفروض ان هي بتعالج مشاكل الطلبة وقال تفول لأمي انا بعمل ندوات توعية عن المراهقة كنت الصراحة ماسك نفسي من الضحك المهم ان هي كمان قالتلنا روحوا لأستاذ فلان لأنه اقدم مني المهم واحنا رايحين ندور عليه امي قالتلي اييييه المدرسة الغريبة دي ما فيهاش اشراف و لا مشرف يوديني المكان اللى احنا عايزينه ثم دخلنا مبني الثانوي نسأل علي استاذ فلان الأخصائي قالولنا 5 دقائق ونندهله .
واحنا قاعدين كده لقينا خير اللهم اجعله خير واحد داخل يزعق وبيوجه كلامه لأمي ولابس ترينج وشكله عامل زي ميكون تباع علي ميكروباص (وايلي والزاوية يلا وايلي وايلي وايلي ) بيقول لأمي عممالة تقولي مافيش اشراف انا هنا بقي المشرف ان كان عاجبك مردناش عليه وطلعنا علي مبني الأدارة امي طبعا زعقت وطلعونا علي مكتب مدير الشؤوون القانونية دخلنا لقيناه برده علي نفس الشاكلة لابس سلسلة والسجارة في ايده وعمال يشرب قهوة واعتذر لنا كده بأسلوب اهبل وقال لأمي احنا تحت امرك وهانبعتلك الأخصائي دلوقتي (تقريبا كنا لازم ندفع اوفر بريس علشان الأخصائي يجي)ونزلنا قعدنا تحت منتظرين في الأستقبال في مبني الأدارة واحنا قاعدين لقينا الراجل ابو ترينج داخل المبني وطلع فوق شوية ويجي للسكرتيرة تليفون وتقول لأمي اطلعي فوق علشان عايزينك امي رفضت وشوية نزلنا واحد علي وجهه غضب ربنا (عرفنا بعد كده انه مدير المدرسة احمد رجائي) راح مزعقلنا وقالنا انتوا عايزين ايه امشوا اطلعوا برة نطلع برة؟ انا بقيت مذهول ومش عارف ارد لأني اول مرة يحصلي كده راحت امي رده عليه قالتله نطلع برة ده انتوا مدرسة معفنة رحت قايل لأمي ماترديش عليه وسبناه عمال يزعق ومشينا.
بسبب حرقة دمي وضيقي الشديد اليوم ده انا دعيت عليه دعا وانه يتهزق زي مانا اتهزقت كده ويبقي عبرة للناس.
وسبحان الله سبحان الله والحمد لله والله اكبر.
الراجل جه عند والدي من يومين في الشهر العقاري بيعمل توكيل لمحامي (علشان فيه حد تقريبا من اولياء امور الطلبة اللي اتصابوا بالمرض عمله قضية بسبب اهماله )والمدير ده كان باعت لوالدي واحد يقول لأبويا تعالي مضيه علشان هو قاعد في العربية راح ابويا قاله ممنوع اخرج من الشغل (مع ان ده يجوز في حالة المرض) وخلي الراجل المدير ده يدخل غصب عنه يمضي زي الناس(راح فين جبروته وتكبره) وعرفت النهاردة انه الراجل ده اتبستف بالكلام في برنامج العاشرة مساء و سيرة الراجل والمدرسة بقوا علي كل لسان .
كان فيه احد الأعضاء بيقول ان زميله كان واقف علي المحطة وعطس الناس اتفضت من حواليه ما بالك من مدير مدرسة متصابة والناس هتتعامل ازاي مع المدرسة دي جبروته وتكبره وقلة ادبه لم يغنوا عنه من امر وقضاء الله شيئا.
وسبحان الله الراجل حب يهزقنا امام موظفيه ربنا خلاه يتهزأ علي رؤوس الأشهاد والفضائيات وابتلاه في ماله اللي كان سبب في تجبره وقلة ادبه علي الخلق.
فسبحان الله رب العالمين.

[muslimah_dentist]

جزاك الله خيرا أخونا أبو وليد المصرى على هذه المشاركة

و الله لو يعلم كل متجبر بقوته ما سيكون مآله لتمنى لو أنه كان ذر أو لم يكن شيئا

سبحان الذى يغير و لا يتغير

[ams]

فلنعلم يقينا أن الرحمن الرحيم الودود هو أعلم بنا من أنفسنا فقدر لنا ما فيه صلاحنا.

بحاول و الله
بس ايه الطريقة ؟

[النوبي]

بحاول و الله
بس ايه الطريقة ؟

بجد وعن تجربه الدعاء في الصلاه بيقربك من ربنا جامد خصوصا في السجود وحاول انك تكلم ربنا (وهو مش هيسيبك ابدا)

[نور القمر]

:y_hi_3[1]:
وسبحان الله الراجل حب يهزقنا امام موظفيه ربنا خلاه يتهزأ علي رؤوس الأشهاد والفضائيات وابتلاه في ماله اللي كان سبب في تجبره وقلة ادبه علي الخلق.
فسبحان الله رب العالمين.

الحمد لله ان ربنا اخدلك حقك وحق والدتك
ودعوة المظلوم مستجابة
والله والله والله كتير كنت بتعرض لظلم وانا قليلة الحيلة معاهم وكنت بدعي واقول يارب مش عايزة اكتر من ان نفس الموقف يترد لهم
و عايزة اقولك ان المواقف كانت بتترد بنفس السيناريو مع تغيير الشخصيات

[muslimah_dentist]

بحاول و الله
بس ايه الطريقة ؟

أخى الكريم حتى يتولد فى قلوبنا ها اليقين يجب أ ن يكون فى القلوب ايمان حقيقى

و الايمان الحقيقيى يتولد فى القلوب بعد معرفة الله سبحانه و تعالى و التعرف بالله سبحانه و تعالى يكون بالتعرف الى أسمائه و صفاته و الاقرار و الايمان بها دون تمثيل أو تعطيل

فالمرد فى الأول و النهاية يدور حول معرفة الله سبحانه و تعالى فأنصحك بكثرة قراءة القرآن و قراءة تفسير مصاحب أو ان تعذر هذا عليك بقرائة معانى كلمات القرآن و هذه توجد فى مصاحف كثيرة على الهامش يوجد بها معانى الكلمات القرآنية

و أنصحك بالقراءة فى العقيدة لأنك اذا تعرفت على ربك حقا ستجد فى قلبك انجلاء لأى ظلمة و تثبيتا لكل حق

بارك الله فيك و يسرك الله الى طاعته

[aymansaad]

ربنا يبارك فيك يا دكتورة

[ams]

أخى الكريم حتى يتولد فى قلوبنا ها اليقين يجب أ ن يكون فى القلوب ايمان حقيقى

و الايمان الحقيقيى يتولد فى القلوب بعد معرفة الله سبحانه و تعالى و التعرف بالله سبحانه و تعالى يكون بالتعرف الى أسمائه و صفاته و الاقرار و الايمان بها دون تمثيل أو تعطيل

فالمرد فى الأول و النهاية يدور حول معرفة الله سبحانه و تعالى فأنصحك بكثرة قراءة القرآن و قراءة تفسير مصاحب أو ان تعذر هذا عليك بقرائة معانى كلمات القرآن و هذه توجد فى مصاحف كثيرة على الهامش يوجد بها معانى الكلمات القرآنية

و أنصحك بالقراءة فى العقيدة لأنك اذا تعرفت على ربك حقا ستجد فى قلبك انجلاء لأى ظلمة و تثبيتا لكل حق

بارك الله فيك و يسرك الله الى طاعته

بجد وعن تجربه الدعاء في الصلاه بيقربك من ربنا جامد خصوصا في السجود وحاول انك تكلم ربنا (وهو مش هيسيبك ابدا)

جزاكما الله عنى خيرا :)

انا فعلا لازم اركز فى اداء العبادات و اوفر وقت اعرف فيه دينى و اثبت عقيدتى ان شاء الله

[muslimah_dentist]

الحكاية 84

السلام عليكم و رحمة الله و بركاته أعضاء نايل الموتورز الكرام.

لم أكتب أى من الحكايات أو الخواطر منذ فترة كبيرة و لكن الحكايات أو الخواطر ما نضبت يوما ما و لكننى لم أقوى على أن أُسطرها فى كلمات ، و لكننى اليوم أتتنى خاطرة فأردت أن أسطرها بين أيديكم.

أوشك عام هجرى على الأفول و أوشك آخر على القدوم، و ها هى عقارب الساعات و أيام الحيوات ينطفئ منها عام لتستقبل آخر على أبوابها فان لم يكن هذا وقت المحاسبة و التوبة و الرجوع فمتى!!!!!!!!!!!!.

كل يوم يمر علينا هو يوم ينقضى من حياتنا التى سُطرت لنا بين يدى الله و كل يوم هناك ملك ينادى: يا بن آدم أنا يوم جديد فاغتنمنى فانى لن أعود ، فكم من الأوقات قد ضيعنا فى اللهو و الجدل و العصبية المذمومة ، فكم من الأوقات قد ضيعنا فى الحقد و الحسد و البغضاء، فكم من الأوقات قد تناسينا ذكر الله و تركنا لقسوة القلوب التى أورثت فى القلوب ظلمات حتى ما عادت القلوب تجد بصيصا للنور.

الى متى الغفلة و التوانى و الكسل عن الطاعات؟؟؟؟؟؟؟
الى متى الجدال و الأحقاد و الأحساد؟؟؟؟؟؟؟؟
الى متى و العمر ينقضى سريعا مُنقلتا بين أيدينا؟؟؟؟؟؟؟؟؟

أخذتنا الدنيا من أيدينا حتى تشابكت الأيدى معها و جرت بنا مسرعة فى دوامات من الشهوات و الملهيات و جرت بنا سريعا حتى نسينا لما نحن هنا فى المقام الأول ، آن الأوان أن نتمهل و لو قليلا و أن نتفكر فيما انصرم من الأيام و الأوقات.

حان وقت المحاسبة

فيا نفسى كفى عن العصيان و اكتسبى فعلا جميلا لعل الله يرحمنى
يا نفسى توبى و اعملى حسنا لعل ربى الى الجنات يدخلنى

هذه تذكرة بسيطة لعلها تجد الى قلوبكم سبيلا.

[أبو إياد]

قبل ما اتكلم عن المشاركه هاقول حمدالله على السلامه

انا النهارده لسه باقول بينى وبين نفسى ليه مش بنحتفل بنفس مقدار احتفالنا راس السنه الميلاديه وللاسف مش لاقى اجابه

[muslimah_dentist]

قبل ما اتكلم عن المشاركه هاقول حمدالله على السلامه

انا النهارده لسه باقول بينى وبين نفسى ليه مش بنحتفل بنفس مقدار احتفالنا راس السنه الميلاديه وللاسف مش لاقى اجابه

أخى الكريم أعتقد أن عدم احتفال الأمة باستقبال عام هجرى جديد هو مبعثه ارتباطها الأكبر بالعام الميلادى و هذا مما أصأله الاستعمار فى نفوسنا و هذا كان من مخططاتهم اللئيمة لفقد الهوية العربية و الاسلامية .

و أرى أن الأمر أكبر من مجرد احتفال بالعام الهجرى أو عدمه لأن الاحتفال ليس القصد منه بناء السرداقات و الغناء و لكن القصد من استقبال أى عام جديد هو التفكر فيما مضى من العمر و العمل لما هو آت،أ و لكن الطامة الكبرى التى ألحظها الآن جلية هو فقد أبنائنا لهويتهم العربية حتى كادوا أن ينسلخوا منها تماما و الارتباط الأكبر بالثقافات الغربية حتى أصبح معلم من معالم الرقى التحدث باللغة الأجنبية و أتحدث عن هذا الأمر و أنا كنت متعايشة لتجربة متشابهة فتربيتى فى مدارس للغات لم تُكسبنى لغة أجنبية قوية فقط بل جعلتنى منذ نعومة أظفارى أرتبط بثقافة البلد التى أجيد لغتها حتى كدت أن أنسلخ من هويتى العربية و لكن القرآن قدر أن يقوم لسانى المعوج فلينتبه الآباء و الأمهات من هذا الأمر.

و هذا هو رأيى فى هذا الموضوع
و جزاك الله خيرا على التواصل و المشاركة

[dolly13]

شئ جميل يا دكتورة انك تبقى فعالة فى المجتمع ولو حتى بنصيحة اكيد ده بيخلق احساس حلو ان فيه ناس ممكن تفكر فى ناس تانية وتنصحهم
ربنا يبارك فيكى

[muslimah_dentist]

الحكاية 85

حكايتنا اليوم عن هذه الحرب التى تقام الآن على الفتيات المنتقبات فى الجامعات و تمنعهن من أداء الامتحانات الا و هن حاسرات الوجوه.

لن أخوض فى الأمر من الناحية الشرعية و أفند الأدلة العديدة القديمة و المعاصرة على وجود النقاب كزى اسلامى و ليس من العادات أو الثقافات الدخيلة كما يحاولوا أن يسوقوا له فى الاعلام الذى يتغلغل فى العقول البشرية و يؤثر فيها أيما تأثير.

و لكننى سأتحدث اليكم اليوم من اتهامات سمعتها تتهم بهن المنتقبات من كل حدب و صوب

قالوا ان هذا الزى يؤدى الى زعزعة الاستقرار الأمنى فى المجتمع:

هذا هو الاتهام الأول ، اذا أردنا أن نُجيب على هذا الاتهام بشكل منطقى و موضوعى بعيدا عن التعصب و الحمية فلنقم باستطلاع علمى منهجى بحت لمعدل الجرائم فى المجتمع فى العشرة الأعوام الماضية و لنرى هل سبب انتشار الجريمة هو انتشار النقاب فى المجتمع فاذا تبين أن السبب هو انتشار النقاب اذن نستطيع أن نؤكد ما يزعمونه من اتهامات أما ان كان مفاد الاستطلاع لا اذن ليس لاتهاماتهم أى أساس من الصحة بل هو كلام مُرسل فقط لا يستند الى أى الدليل.

قالوا أن وجود النقاب يؤدى الى زعزعة الاستقرار الاجتماعى فى البلد

فلننظر نظرة فاحصة الى أحوال المجتمع و لنرى هل أسباب زعزعة الاستقرار الاجتماعى هو ارتداء النساء الى غطاء الوجه أم الى الفقر و البطالة و ما يعانيه عائل الأسرة من ضغوطات حياتية المختلفة و اذا أرادوا أن يزعموا فليقولوا أن النقاب هى سبب انتشار ظاهرة أطفال الشوارع بالمرة

قالوا أن المرأة المنتقبة تبعث بالضغينة فى المجتمع

اذن فلنأخذ عينة بحث ممن يرتدين هذا الزى و نحاول أن ندرس ما هى أشكال الضغائن الى يبعثنها فى المجتمعات

قالوا أن النقاب هو رمز للتخلف و الرجعية و العالم كله يتقدم و أنتم تتحدثون عن غطاء الوجه

قالوا أن وجود غطاء الوجه يعيق التواصل الاجتماعى

فأجيب فكيف أثر فينا العمالقة فى الاذاعة المصرية اذا كانت طريقة التواصل هى ما تكون فقط عن طريق الوجه

كلها اتهامات و افتراءات على غطاء الوجه و كلام مرسل غير مؤيد بأى أبحات أو استطلاعات رأى أو واقائع دامغة هى حرب على هذا الزى ليس الا

و أخذ نفسى مثال على ما يزعمونه من التخلف و الرجعية و زعزعة الأمن القومى و تفتيت الأواصر الاجتماعية فى المجتمع المصرى و أقول بكل فخر:

أنا امرأة منتقبة و لى عقل يفكر و طبيبة أسنان و أمارس المهنة و أعالج المرضى من النساء و الرجال على حد سواء و أقوم بالبحث العلمى و أرعى مصالح أسرتى و أتشرف بانتسابى الى جمعية خيرية تعطوعية غير ربحية ، لم يعيقنى غطاء الوجه يوما على التطلع أو التشوف الى المستقبل ، لم يعيقنى النقاب يوما على اعمال عقلى و فكرى ، لم يعيقنى النقاب يوما على أداء أى مصالح عامة ، لم يعيقنى النقاب يوما عن البحث العلمى و الدراسة فى كل الأبحاث العلمية فى كل ما هو جديد فى مجال تخصصى كى أكون نافعة للمرضى.

أظننى أننى أنقض كل ما يحاولوا أن ينسجوه من افتراءات و اتهامات ليس لها أى أساس من الصحة حول هذا الزى.