محتارة بين السيراتو و الشارك

**zahaan** · 27-04-2010 05:57 PM

انا ماليش دعوة بالخناق اللي فوق

يا جماعه مش كل اتنين بيتناقشم مع بعض نقاش عادى و فى احترام متبادل بين الطرفين نقول خناقه

واحنا حنتخانق ليه انا كتبت سؤال للاستاذ ميدو و هو تفضل شاكرا و رد عليا و الموضوع مناقشه عاديه خالص

انا خلاص تقريبا رسيت علي السيراتو ... بالنسبة للناس اللي قالت اقتراحات تانية . هاقول رأيي فيهم و لو حد شايف حاجة غلط يقولي :
- الميجان : عربية رائعة بكل المقاييس بس الناس بتخوفني من صيانتها و التكنولوجيا اللي فيها .
- الجين 2 : مش بحبها ( مش واردة بالنسبة ليا )
- الالنترا : مش هاجرب هيونداي تاني ... من اللي شوفته من الاكسنت
- البرافو : ما شوفتهاش و لا مرة في الشارع .. ايه السبب ؟؟؟؟

الف مبروك على الاختيار و ربنا يباركلك فيها سواء سيراتو او شارك او ميجان وعلى فكرة الميجان عربيه ممتازه فعلا و يكفى انها من عائله رينو بس المشكله مش فى الميجان ولا الفلوونس لانى اعترف ان الفلوونس مثلا افضل من السيراتو بكل المقاييس بس المشكله فى سعر اعاده البيع فى مصر
فلو حضرتك ناويه تغيرى قريب يبقى بلااااااااااااااااااااااا ش رينو انما لو حتفضلى عليها فترة تيقى الرينو ممتازة و مش مشكله الخساره

**H_A_T_Em** · 27-04-2010 07:58 PM

المشاركة الأصلية كتبت بواسطة zahaan

لا كانت اوتو

الف شكر لردك يا باشا

**eng_ahmedryad** · 27-04-2010 08:01 PM

المشاركة الأصلية كتبت بواسطة MalakHassan

انا خلاص تقريبا رسيت علي السيراتو ... بالنسبة للناس اللي قالت اقتراحات تانية . هاقول رأيي فيهم و لو حد شايف حاجة غلط يقولي :
- الميجان : عربية رائعة بكل المقاييس بس الناس بتخوفني من صيانتها و التكنولوجيا اللي فيها .
- الجين 2 : مش بحبها ( مش واردة بالنسبة ليا )
- الالنترا : مش هاجرب هيونداي تاني ... من اللي شوفته من الاكسنت
- البرافو : ما شوفتهاش و لا مرة في الشارع .. ايه السبب ؟؟؟؟

أول حاجة عوزيك تشوفي الموقع ده:

Best Affordable Small Cars - Best Cars & Trucks - U.S. News Rankings and Reviews

الموقع ده لمجلة شهيرة ، وبتعمل مقارناتها بناءا على أسس مضبوطة مش مجرد كلام مرسل ، وكل عربية واخدة ترتيب بيبان فيها الأختيارات على أي أساس

تانية حاجة ، أنا شايف أن الميزانية أتغيرت كتير ، والمفروض نحددها علشان نعرف الخيارات في كل فئة سعرية ، وده هيسهل عليكي الأختيار ، ونقدر نساعدك صح .

وبالنسبة للألنترا ، فهي مختلفة كليا وجزئيا عن الأكسنت ، وهاتشوفي في الموقع أنها من أكتر العربيات في الأعتمادية وترتبها الرابع من بين 30 عربية ، وأنا مع كلام الدكتور/أحمد سامي ، لأن المراكز المعتمدة كتير وبيفهموا فيها كويس وقطع غيارها متوفرة ، وبقالها في السوق المصري 3 سنين من غير مشاكل .

**zahaan** · 27-04-2010 08:13 PM

Best Affordable Small Cars - Best Cars & Trucks - U.S. News Rankings and Reviews

بصراحه رابط جامد جدا جدا الف الف شكر يابشمهندس احمد

دعوه للاستاذ ميدو عاكف النظر و التفسير وهو ده سؤال الحصه القادمه

ازاى المركز العشرين افضل من المركز الخامس

وبتصنيف مجله اوتو جاز السوريه كانت بين 7 سيارات من نفس الفئه والسيراتو ال3 و اللانسر ال7 برضه ممكن التفسير

**Hosam_Optrawy** · 27-04-2010 08:31 PM

المشاركة الأصلية كتبت بواسطة eng_ahmedryad

أول حاجة عوزيك تشوفي الموقع ده:

Best Affordable Small Cars - Best Cars & Trucks - U.S. News Rankings and Reviews

الموقع ده لمجلة شهيرة ، وبتعمل مقارناتها بناءا على أسس مضبوطة مش مجرد كلام مرسل ، وكل عربية واخدة ترتيب بيبان فيها الأختيارات على أي أساس

تانية حاجة ، أنا شايف أن الميزانية أتغيرت كتير ، والمفروض نحددها علشان نعرف الخيارات في كل فئة سعرية ، وده هيسهل عليكي الأختيار ، ونقدر نساعدك صح .

وبالنسبة للألنترا ، فهي مختلفة كليا وجزئيا عن الأكسنت ، وهاتشوفي في الموقع أنها من أكتر العربيات في الأعتمادية وترتبها الرابع من بين 30 عربية ، وأنا مع كلام الدكتور/أحمد سامي ، لأن المراكز المعتمدة كتير وبيفهموا فيها كويس وقطع غيارها متوفرة ، وبقالها في السوق المصري 3 سنين من غير مشاكل .

انا شايف ان الموقع مش عامل مقارنه على أسس مظبوطه

يعنى مثلا من ضمن العوامل هو ال Performance

وطبعا المواتير هناك مختلفه عننا

الفييستا اللى واخده المركز الاول نازله 1600 سى سى 120 حصان وعندنا 1400 سى سى 96 حصان

نفس الكلام بقية العربيات

سيفيك 140 حصان النترا 138 حصان سيراتو 156 حصان مازدا 148 حصان

دا اول عامل

ثانيا فى عاملين بيبقى حسب الاذواق والاهواء الشخصيه

Exterior & Interior

ثالثا فى عربيات مظلومه وعربيات واخده اكتر من حقها

ازاى

يعنى مثلا عربيه زى الفييستا واخده 9.6 والمركز الاول ليه

عشان فيه عاملين مش مكتوبين وهما Safety & Reliability

وبالتالى تم تقييمها على اول 3 عوامل فقط عشان كدا طلعت اكتر واحده فى ال Overall

فبلاش حد يعتمد على الموقع دا

**Gabrial** · 27-04-2010 10:22 PM

[QUOTE=Ahmed Samy;3872599198]
ههههههههه
انا قعدت أدور على الصورة دي لما اتهريت
فيك البركة و الله

العفو يا فندم، الله يباركلك .

العضوة الفاضلة اللي حضرتك بتعمليه دلوقتي هو عين العقل.
حضرتك لازم تجربي العربيات اللي بتقارني بينهم ،فلو حضرتك بتفكري في الميجان 3 ممكن تكلمي توكيل رينو على 16202 و تحجزي test drive ، و العربية اللي ترتحلها اتكلي على الله ،بس حضرتك لو جبت رينو اعملي حسابك انك موش هتبيعي إلا بعد فترة عشان لسة سعر إعادة البيع بتاع الموديلات ده لم يتضح ،و لازم حضرتك تنتظمي في مواعيد الصيانة ،لو كل دة تمام و يناسب حضرتك ،يبقى الفرق يستاهل ذي ماتفضل العضو الفاضل الدكتور أحمد قال لحضرتك .ربنا يوفقك للخير .

**MalakHassan** · 28-04-2010 11:28 AM

المشاركة الأصلية كتبت بواسطة eng_ahmedryad

أول حاجة عوزيك تشوفي الموقع ده:

best affordable small cars - best cars & trucks - u.s. News rankings and reviews

الموقع ده لمجلة شهيرة ، وبتعمل مقارناتها بناءا على أسس مضبوطة مش مجرد كلام مرسل ، وكل عربية واخدة ترتيب بيبان فيها الأختيارات على أي أساس

تانية حاجة ، أنا شايف أن الميزانية أتغيرت كتير ، والمفروض نحددها علشان نعرف الخيارات في كل فئة سعرية ، وده هيسهل عليكي الأختيار ، ونقدر نساعدك صح .

وبالنسبة للألنترا ، فهي مختلفة كليا وجزئيا عن الأكسنت ، وهاتشوفي في الموقع أنها من أكتر العربيات في الأعتمادية وترتبها الرابع من بين 30 عربية ، وأنا مع كلام الدكتور/أحمد سامي ، لأن المراكز المعتمدة كتير وبيفهموا فيها كويس وقطع غيارها متوفرة ، وبقالها في السوق المصري 3 سنين من غير مشاكل .

-الموقع ده غريب قوي .
مع اني بحب السيراتو .. بس هو حاطط تقييم السيراتو اعلي من الجولف و الجيتا و الكورولا ؟؟؟؟؟ و في رأيي ده شئ غير منطقي (علي الاقل علي الموديلات اللي بتنزل مصر).
-انا كنت حاطة ميزانية 120 الف بس عندي استعداد ازود 10 الاف كمان لو حاجة تستاهل
- زي ما تقول بقي مبدأ عندي اني مش هاشتري هيونداي تاني .

**Hegazio** · 28-04-2010 12:33 PM

لو شلتي ثقافة السوق من الموضوع ( و اعتقد بدأتي تعملي كده ببعدك عن الهيونداي ) حتلاقي الصورة غير كده خالص
و نصيحة .. ما تمشيش ف العربيات علي الموضة .. بيفكرني بواحد سمي المحل بتاعة من 15 سنة مكارينا .. و دلوقتي ابوخ اسم محل !
بعد كام سنة ممكن السيراتو تبقي ( دابت ) عن غيرها .. و بقت محروقة .. و مهما كان ف الأول و الأخر .. كيــا ( ده مش معناه انها وحشة )
بما انك مش عاجباكي اللانسر .. فكري بجدية في الفلونس و الميجان .. فيه فخامة و برستيج و العربية نفسها بتدي احساس بان اللي راكبها بني أدم مش ( زبون ) .. احجزي تست درايف و حتلاقي الاحساس اللي مش باعرف اوصفه
أما موضوع الصيانة .. فأؤكد لك انه برضه راجع لثقافة السوق .. اللي هي ثقافة عم عبده الميكانيكي بتاع الـ 128 ..و التكنولوجيا فيها صحيح متقدمه .. لكن لا تختلف كثيرا عن تكنولوجيا فولكس فاجن و اوبل و بيجو و سكودا .. و مراكز صيانتها كتير جدا .. أما ما يخص العفشة .. فممكن عم عبده يغيرها عادي جدا

-

الموضوع: محتارة بين السيراتو و الشارك

LinkBack

أدوات الموضوع

عرض

-

-

-

-

-

-

المواضيع المتشابهه

الشارك و السيراتو الكوبية

اخبار ثبات الشارك ايه - برجاء الرد من ملاك الشارك

أتحاد محبى الشارك(كفاية على البومة الشارك مظلومة)

محتارة بين موبايلين

الكلمات الدلالية لهذا الموضوع

المفضلات

المفضلات

ضوابط المشاركة