الموضوع: محتارة بين السيراتو و الشارك

المشاركة الأصلية كتبت بواسطة fighter128

متشكر جدا لردك

انا عندي سؤال تاني

ايه رأيك في عزل الصوت وسماع صوت المتور في العربيتين

عزل الصوت في الشارك افضل في السرعات العالية ودة راجع لانخفاض صور الموتور وعفشة الشارك الناعمة - ( ولكن صوتها عالي في حالة الحرق وهو صوت مقرف مش عارف ليه ) - اما في السرعات المنخفضة والمطبات والنقر بتاعت بلدنا حتحس ان الصوت في المطبات بيسمع في العربية كلها لكن مش بسبب العزل - دة بسسب التصميم المنفوخ جدا للشارك بيخلي الصوت ضخم


اما بالنسبة للسيراتو خد عندك يا سيدي

السرعات المتوسطة والقيادة داخل المدن - صوت المحرك منخفض زي الشارك ولكن علي الطرق السريعة بيزداد صوت المحرك بشكل ملحوظ لكن العزل داخل الكبينة جيد - في حالة الاراضي الخشنة وانا بتكلم علي الجنط ال 17 لانها معايا - ناشفة وتؤثر علي صوت الكابينة بشكل ملحوظ



ملخص - عزل الشارك افضل عموما - لكن صوت الموتور في حالة التسارع وحش فعلا
عزل السيراتو جيد لكن صوت المحرك رياضي وجميل


متحسش بالسرعات في الشارك - علي عكس السيراتو تماما

المشاركة الأصلية كتبت بواسطة h_a_t_em

هو يعني ايه يا باشا ظهر العربيه مش ثابت يعني هل هي ثابته من قدام و من ورا لا ... و بالنسبه لعربيتك الشارك هل هي مانوال ولا اوتو لان المانوال بشكل عام لا يتاثر مع التكيف زي الاوتو

تحت امرك

بالنسبة لظهرها مقصود بية الشنطة - وزي اي عربية سواء السيراتو ال الشارك لازم الشنطة تلعب منك في الملفات السريعة والحركات المفاجئة والمقارن كالتالي


الشارك - اقل ثباتا من السيراتو من الظهر ولكم بفرق طفيف بس ملحوظ - وانا بتكلم عن السيارتين بدون ركاب

الشارك بسبب طولها وارتفاع العربية من الخلف والتعليق المنفصل تدي نعومة لكن ثبات اقل
السيراتو انشف لكن شنطها اثبت ( انا جنط 17 ) ممكن دة يكون مؤثر برضو علي حكمي

الشارك ممكن تاخد ملف حاد زي ملفات طريق المطار لحد 110 - 120 كم مش قلقان لكن حذر
السيراتو ممكن تاخد ملف حاد زي ملفات طريق المطار لحد 120- 130 كم وانت مطمن لكن تبدا تقلق فوق السرعة دي وتكون حذر


انا بتكلم عن قيادتي - وعن العربية بدون ركاب ومع وجود سيارات في الطريق ومطبات الهوا

يعني تجارب شخصية مش اكتر - زممكن تكون السيارتين بيادوا اداء اعلي لكن انا مجربتش

وبخصوص الشارك انا هاي لاين - لاني مش بركب مانوال رغم ان اقود المانيوال ببراعه :) الحمد لله

المشاركة الأصلية كتبت بواسطة h_a_t_em

الف شكر لردك يا باشا و انا فعلا بلاحظ علو الشارك و هي عربيه عاليه فعلا و دي نقطه فرقت معايا لان انا من هواه الجري و بصراحه كده انا عايز اسالك ايه ممكن يخليني اجيبها حاليا يعني يعني اولا نقطه العلو دي و ثانيا الموتور حلو اه بس مش قد كده وكماليات بردو مش قد كده ثالثا مفيش موديلات جديده و موضوع الوكييل فبصراحه انا كل يوم بتراجع في الشراء عن اللي قبله
سوال اخير معلش يا باشا لو قلتلك تستغني عن واحده فيهم هتستبعد شارك ولا سيراتو و معش طولت عليم

اولا الشارك ممتازة - ومن كلامي انا قولت انها ثابتة جدا لكن اقل ثباتا من السيراتو بسبب الجنط وكمان ارتفاع وكمان نظام تعليق مختلف لكن دة لا يقلل من الشارك شئ في الثبات

المحرك ممتاز لكن مش حراق - لو بتحرق وبتجري مينفعكش

الاستغناء عن واحدة فيهم صعب وحيزعل ناس كتير مني :)

المشاركة الأصلية كتبت بواسطة twincam

ايه ياباشا نتا واخد الكلام على صدرك اوي اوي كده ليه
ايه ياعم ده
ومركز اوي على بين السطور
ياجماعة عايزين نتعامل مع بعض بحب اكتر مش بتاهب واستعداد وتركيييييز اوي ليكون غلط فيا
نتا بتفكرني بالصعيدي(مع احترمي الكامل لاجدعناس اللي هما الصعايدة)اللي راح امريكا فواحد قالو على حاجة اي دونت نو قام الصعيدي شتموا على سبيل الاحتياط

ايه ياعم
ولا حضرتك معدي السبعين ولا ايه؟
طبعا هتاخد كلامي على صدرك وهتعد تفكر تظبطلي رد ازاي؟
صح؟
شفت انا عرفت ازاي؟؟؟؟:b4_444:

لا مش هعيرك أهتمام من الاساس

يا جماعه هو كل موضوع يتفتح وفي مقارنه بين انواع العربيات لازم يتقلب لخناقات ومشادات وصراعات علشان كل واحد يثبت ان عربيته هي الافضل , مش عارف ليه مش عاوزين نتعلم ان كل واحد بيبقى له وجهة نظر واسبابه لاي عربيه بيختاره ويشوفها مناسبه لي , والمصيبه ان صاحب الموضوع او الي عاوز يستفيد هو الخاسر الاكبر ويطلع من الموضوع بلا حمص ويحتار زياده ومش بياخد في الاخر معلومه تفيده

يا جماعه انتوا لو كنتوا في دوله من دول الخليج كنتوا عملتوا ايه ؟!!!!! كنتوا نزلتوا حاربتوا بعض في الشوارع علشان فيها عربيات بجد وبسعرها الحقيقي . المفروض يا جماعه احنا ناس كبار واكبر من مواضيع صغيره وتافهه زي دي ونقدر نتكلم ونتحاور مع بعض بشكل اكثر تحضرا وراقي ويكون عندنا ثقافه الراي والراي الاخر