الموضوع: محتارة بين السيراتو و الشارك

انا خلاص تقريبا رسيت علي السيراتو ... بالنسبة للناس اللي قالت اقتراحات تانية . هاقول رأيي فيهم و لو حد شايف حاجة غلط يقولي :
- الميجان : عربية رائعة بكل المقاييس بس الناس بتخوفني من صيانتها و التكنولوجيا اللي فيها .
- الجين 2 : مش بحبها ( مش واردة بالنسبة ليا )
- الالنترا : مش هاجرب هيونداي تاني ... من اللي شوفته من الاكسنت
- البرافو : ما شوفتهاش و لا مرة في الشارع .. ايه السبب ؟؟؟؟

يعنى فعلا سحب الشارك زى انا مقلت عاجز الى حد ما عن عربيات تانيه كتير وده من راجل مالك للسياره


على فكرة انا لما قلت ان وزنها عالى شويه على موتورها مكنتش اقصد انها مبتجبش سرعات عاليه و لكن رخمه شويه على ماتجيب السرعه العاليه

وكنت سالت برضه قبل كده واحد معاه شارك هنا فى المنتدى قلتله انا مش بقول لحضرتك جبت بيها كام و لكن جبت بيها السرعه ده فى قد ايه

على فكره انا مش بهاجم العربيه اطلاقا انا شايف ان ده العيب الوحيد اللى فيها و ان العربيه ده لو زى ما بتنزل بره موتورها 1800 بيتهيالى ان مكانش اى حد حيشرى غيرها فى البلد

فى اول الامر احب اشكر الاستاذ ميدو عاكف على الحصه المجانيه وده طبعا شرف ليا انى اخدها على ايده

ثانيا ده مشاركتى القديمه فى نفس الموضوع لانه من كلام حضرتك حسيت انك فاكرنى من الناس اللى بتحب تطلع القطط الفطسانه و تهاجم و خلاص و ادافع عن عربيتى فياريت حضرتك تقرا المشاركه كويس و بيتهيالى ان صاحبه الموضوع اكدت الكلام ده بنفسها وموضوع موديل 2008 و 2010 اعتقد ان ده فى صالح الشارك لانها اكيد متلينه و موتورها متفتح يعنى المفروض انه يكون اقوى من السيراتو اللى لسه زيرو
يعنى احب اقول انى مبتكلمش فى الهوا موضوع سحب الشارك ده خلاص الناس كلها عارفاه و غير كده انا عارف انها عربيه ممتازة و ده واضح فى مشاركتى القديمه

و حضرتك طبعا فاكر انى بهاجم البومه على اساس انى من الناس اللى بتهاجم العربيه اللى مش حباها ولو انا من الناس ده مش حوجه كلمه نقد للبومه من كتر حبى لها و لانها كانت من العربيات المرشحه بقوة مع السيراتو

واعتقد موضوع انها بقالها 7 سنين عيب مش ميزه وهى بقالها 7 سنين و لسه بتنزل زيرو ده لتغطيه فشل الشارك فى السوق مش اكتر

دا كان بالنسبه للمحرك اما بقا بالنسبه للعربيه فأنتا بتشتري عربيه من شركه متسوبيشي و تتمتع بنفس راحه و رفايه عربيه ب120 الف(ال1600) و كدا كدا محدش عارف انت 1300 ولا 1600 و ولله بعمل ريسنج و بخمس و العب ولله في ناس لغايت دلوقتي حسباني 1600 مش 1.3 و ان شاء الله ناوي اعمل شغل فيها هتبقا جامده جدا و الي بيشفها متسوبيشي لانسر جامده مش بيقول 1300 حقيره!!!!!

اعتقد انى لما بجيب عربيه بجيبها لنفسى مش للناس يعنى لازم ابقى راضى عن ادائها مقولش اهى من بره لانسر و خلاص

السياراتو الي بقت في كل شارع اكثر من البومه

مش ده برضه ميزة مش عيب وحتبقى كده

اقل حاجه لو عاوز مسمار للعربيه زي ما بيقولو هجيبه من عند البقال و عربيه شريها من 5 شهور و سعرها مقلش مليم احمر و بيزيد كمان يا بلاش

مش السياراتو صحبي جيبها من شهر و اعد خايف من كل شويه عربيه تتقلب و واحد فتيسه يضرب و توطيل بيشيل ايده من العربيات الخليجي و يقول لك مساعدين وره بيزيقو و في حدفه شمال تصدق اني زهقت اصلا من كتابت العيوب كفايا كدا عيوب و علي فكره في المنصوره هنا 2 اتقلبو وسط البلد و مبشفشي شاب بيجري بيها خالص بعد العربيات الي اتقلبت دي
و واحد صدق ولدي جبها ولله 500 كيلو و هيبعها و بيقول دي مش عربيه اصلا كالمعتاد شكل علي الفاضي من الصناعه الكوريه

نتناقش شويه بقه مع بعض موضوع الفتيس اللى بيضرب ده حضرتك اكيد كنت سامعه عن الكورولا بس مخدتش بالك لانى عمرى ما سمعت شكوى من الفتيس فى السيراتو و حضرتك تقدر تتاكد وتدخل قسم كيا

اما موضوع القلب ده بيتهيالى انى لو بصيت لكل عربيه مقلوبه وقلت العيب منها مش حركب عربيات تانى وملحوظه رفيعه الالنترا اخف منها بكتير على الطرق السريعه مبتتقلبش كتير ليه ؟
اجاوب انا على السؤال ده لان لما السيراتو نزلت و حققت نجاح فظيع فى السوق(الاكثر استيرادا فى الربع الاول من 2010)اكيد كالعاده ظهرت ناس كتير تطلع القطط الفاطسه(والله مقصد حضرتك انا قصدى انك اكيد ناس زى ده بتقولك زى ماكان فى ناس بتقولى)فبالتالى الواحد اول مايشوف عربيه مقلوبه و سيراتو الموضوع يمشى معاه زى ما اتقاله و بس
وتفسير تانى لوضوع القلب ده اغلب اللى بيركب سيراتو مبيبقاش نازل من بى ام بيبقى اكيد نازل من حاجه اقل بكتير فلما بييجى يركب السيراتو بتبهره بجريها و بتبهره اضواء المدينه اللى جوه العربيه فخلاص بيفكر نفسه اله السواقه زى الالنترا ايام ما نزل الشكل الجديد و الناس مكانتش عارفه تسوقها وكانت بتجرى و خلاص من غير ما تكون متمكنه من العربيه

وكمان حاجه لحضرتك بيتهيالى نشوفيه العفشه و الجنط ال16 و ال17 و التعليق الخلفى المتصل دول من اكتر الحاجات اللى بتساعد على ثبات العربيه

وكمان حاجه بتاكد موضوع الناس اللى بتطلع القطط الفطسه ده على فكرة التعليق الخلفى بتاع السيراتو اللى ناس كلها انتقدته هو هو بتاع الكورولا و الصنى و انواع كتير بس برضه قطط فاطسه

اما بقى موضوع نشوفيه العفشه ده فده مفروغ منه فى العربيه موجود فعلا بس تفتكر انه فى الجنط ال17 زى 16 زى 15
انا مثلا معايا ال16 و ناشفه بس والله مش جامد و مع الوقت خفت كتيييير اما ال17 جامده ليه ,لان ال17 لو بروفايل و بيتهيالى اى عربيه لو بروفايل حتبقى كده يعنى من العوامل هو شوارعنا الجميله

موضوع مساعدين ورا بيزيقو ده برضه اول مرة اسمعه من حضرتك و عمرى ما سمعته فى قسم كيا مع ان اللى موجودين فيه بالكامل سيراتو وحدش اشتكى من حاجه زى ده

اما الحدفه الشمال فهى فظهرت فعلا فى عربيات الوكيل انما مظهرتش اطلاقا فى الخليجى

يعنى اللى حضرتك قلته انا شايف فيها حاجتين ثبات العفشه نسبيا حسب الجنط و ده بيدينى ثبات افضل على السرعات يعنى حاجه مقابل حاجه

اما الحدفه الشمال فهى موجوده فى عربيات الوكيل و تعتبر العيب الوحيد فيها وعلى فكرو اكتر من 70%من السيراتو الموجوده خليجى

اما موضوع الوكيل الل بيرفض الخليجى الموضوع لسه متحسمش و بيتهيالى انه مش اول وكيل يعمل كده وغبور كان رفض الالنترا الخليجى لفتره و بعد كده رجعها غصب عنه بقرار من وزير الصناعه و التجاره ولو حنتكلم عليه كوكيل فهو من افضل 3 توكيلات فى مصر و محترم جدا عن تجربه ولو حنقارن فبيتهيالى ان الرواس حيكون خاسر كبير امام eit

يا مان خلي الطابق مسطور بس

ليه يا جميل عادى قول كل حاجه عادى والله

و واحد صدق ولدي جبها ولله 500 كيلو و هيبعها و بيقول دي مش عربيه اصلا كالمعتاد شكل علي الفاضي من الصناعه الكوريه

يااااااااااااااه 500 كيلو و عايز يبيعها ده كان واخدها خلاصه حق

طيب سؤال اخير يا استاذى العزيز
هل 500 كم كافيين للحكم على سياره
بيتهيالى ان500 كم كافيين يادوب للحكم على كوتشى توكيل

المنصوره هنا 2 اتقلبو وسط البلد و مبشفشي شاب بيجري بيها خالص بعد العربيات الي اتقلبت

ياه اتقلبو وسط البلد يعنى كانو اقصاها على 80او 90 طيب ازاى طيب ده انا لو راكب صرصار ياراجل و بعرف اسوق مش حتقلب ده الفيرنا كانت معايا بتاعه واحد صاحبى خدتها منه لفتره كده ولك ان تتخيل الفيرنا ريشه على الاسفلت وكانت بتجيب ال120 ولا130 وعادى تقولى بقه وسط البلد 2 اتقلبم ياباشا خلى نقدك ميكونشى قاسى لمجرد عدم حبك للعربيه انا لما انتقدت انتقدت فى حاجات قتلت بحثا يعنى لما اتكلمت على الشارك قلت سحبها مش حلو و عن تجربه و الحمد لله كلامى اتاكد و قلت غير كده ممتازة مقعدتش بقى افترى عليها و اقول كان فى واحد بيركن حك فى العمود ده اكيد عيب عربيه فى عربيه ب130000 وتحك !!!!!!!!!

منتظرك الحصه القادمه يا استاذى العزيز

معلش نسيت الفلوس ممكن اجيبها المرة الجايه