الموضوع: محتارة بين السيراتو و الشارك

السيراتو ماليه الدنيا

وياترى حضرتك مفكرتش تسال هى ماليه الدنيا ليه و الشارك انتشارها و اعاده بيعها مش كويسين ليه

اما بالنسبه لصاحبه الموضوع اللى طرحته و مدخلتش تانى فانا مش حقول لا شارك ولا سيراتو لان الاتنين فى نظرى عربييتين ممتازين انما حقول لحضرتك اللى تركبيها و تحسى فيها بالراحه هاتيها لو حضرتك مش بتبصى لخدمات مابعد البيع و الصيانه و قطع الغيار انما لو خضرتك بتبصى للحاجات ده فقطعا السيراتو لان توكيلها احسن و قطع غيارها متوفره و رخيصه الى حد ما و اعاده بيعها احسن على عكس الشارك اللى معليهاش اقبال فى السوق المصرى

المشاركة الأصلية كتبت بواسطة Persuader

كلام غير دقيق , البومه 1600 عامله 107 حصان والشارك 1500 عامله 109

حضرتك التسارع بيتحكم فيه عوامل كتيره غير خرج الموتور زي الوزن و التعليق و مقاومة الهوا

واضح ان حضرتك مش متابع و بتاخد برقم .

يعنى اصحاب الشارك بيقولوا انهم اكلوا مقلب كبير فى العربيه ومش عارفين يتخطوا حاجز الـ 200 ؟ دا على اساس انهم كانوا شاريين لامبورجينى مثلا ؟ بصراحه كلام غريب " الى ما يطول العنب يقول عليه حامض "

لأ هم مش شاريين لمبورجيني
هم ناس عاديين زيي و زيك و مرة طقت في دماغهم يشدو جامد و يجيبو أخر العربية

أما اللي ما يطولش العنب يقول عليه حامض فأحب أقوللك اني مش هارد عليك علشان مجرد ردي هو تقليل من مستواي ...
و مجرد حوارك بالطريقة دي هو معناه ان العربية بتمثل في حياتك جزء كبير ...أكتر من اللازم ..
العربية يا أستاذ "حاجة" قد تدل أحيانا على مستوى صاحبها المادي و كثيرا لا تدل ..ابقى خلي بالك

يا اخى 180 و 200 ايه بس , الأخ من مصر ؟

ايوة

أجيبلك حاجة و أنا جاي

وليه اصحابك مشتروش برافو مثلا ؟ نفس الفئه السعريه وتصميمها افضل وشبابى جدا جدا ؟

علشان قالو لانسر و ياباني و و مايفك و بتاع ...و عرفو غلطتهم

انا شفت البرافو وبصراحه شكلها وهم , بس مجرد ما دخلت جوه العربيه قلت لأ والف لا .

بجد !!! البرافو من جوا وحشة

واضح أن حضرتك ركيب و غاوي عربيات فعلا

بعدين هنقيس العربيات بقوه الموتور ؟ يعنى علشان العربيه مش بتجيب 200 تبقى كخه ؟

حضرتك أنا وضحت ان الكلام ده لا يؤثر على المقارنة بس بتقرا اللي عايز ترد عليه بس تقريبا

أخلص بس تليين العربيه وهعملك تقرير حلو بالتفصيل الملل والصور كمان وفيديو لو امكن لتسارع العربيه , بس كملاحظه سريعه , الشارك سبورت عربيه مميزه وتخطف العيون , السيراتو ماليه الدنيا

ربنا يباركلك و تفرح بعربيتك

وفي انتطار التقرير عن العربية

و ملاحظة سريعة برضه ....

العربية الحلوة اللي بتفشل بتكون يا إما :
غالية ..معقدة ....ضيقة ....واطية ....توكيلها وحش ...قطع غيارها غالية ....تاريخها وحش مع المصريين
زي الأودي ...زي الرينو أيام زمان ..زي السيتروين ...زي الفولفو


انما عربية رخيصة مش غالية
واسعة مش ضيقة
عالية مش واطية
توكيلها معروف و مراكز الصيانة في كل شبر
فانوسها ب600 جنيه
مافيهاش تكنولوجي من القرن القادم
و تاريخ ماركتها سمعة دهب

و بعدين .....تنزل من تمنها أكتر من 10% و يتبقى من موديل 2008 2000 عربية و 2009 يرطرط لدرجة أنه ما ينزلش 2010 اساسا
و سعر أعادة البيع يتدهور قوي
و ترجع البوما تنزل تاني مكانها و بتمن قريب منها (زيها تقريبا)

يبقى ليه ......

أه علشام مميزة

ألف مبروك