الموضوع: محتارة بين السيراتو و الشارك

المشاركة الأصلية كتبت بواسطة MalakHassan

انا محتارة جدا بين العربيتين دول و الناس نصحوني اسأل في المنتدي هنا

انا العربية الحالية بتاعتي نيو اكسنت مانيوال و صراحة تعبت من المانيوال و ناويت اشتري اوتوماتيك و العربيتين دول عاجبني شكلهم قوي

فيا ريت مقارنة من اصحاب الخبرة في الاداء و الراحة و قطع الغيار و بالنسبة لمالكي الشارك ؟ ناس قالولي انهم ما تنفعش بنت .. الكلام ده صح و لا غلط ؟

Shark is better, @ leats a Japanese car,

But there are problems between Masreya, agent of Mitsubishi and Mitsubishi

Cerato is good, but not as many says,

There are problems concering stability and tyres

Also the 17" wheel is too much

It shall be 14 or maximum 15" only


Good luck to U in your hunting trip....


Cheers

المشاركة الأصلية كتبت بواسطة hegazio

علي فكرة موتور الشارك اقوي
109 حصان صافي ( يساوي 125 اجمال )
اما السيراتو 124اجمالي ( يصفصف علي 107 )

ههههههههههههههههههههههههه هه

ما تزعلش مني بس انا فعلا ضحكت

هو حضرتك سمعت المعلومة دي فين

لأنها غلط خــــــــــــــــــــــــ ـالص

المشاركة الأصلية كتبت بواسطة persuader

ممكن يكون كلامه صحيح فعلا ليه لأ , اعتقد كيا بتحسب عدد الاحصنه والسياره فارغه ( بدون ركاب ) عكس الشركات الاوربيه بتحسب عدد الاحصنه والسياره ممتلئه , مش متأكد 100 % من الكلام ده ومش متأكد برضه ان الشارك لها نفس حسبه الاوربى .

عموما الفوارق بين قدره موتور الشارك او السيراتو اكيد قليل , يا جماعه انتوا بتتكلموا عن عربيات سيدان مش المطلوب منها التسارع ولا الكلام الفارغ ده , المقارنه بيتكون عاده فى تصميم العربيه , الصالون وخدمه ما بعد البيع ( صيانه والذى منه ) لان كل العربيات فى حدود السعر ده متشابهه وتختلف فى النقاط المذكوره .

بلاش كل واحد يتعصب لعربيته , السيراتو مميزه وناس كتير راكباها والشارك عربيه تحفه , كفايه ان فيها تلاجه :pointiy2[2]:

بس نصيحه للى بيشوف الشارك من بره بس ويحكم ويقولك 1500 ايه يا عم التهريج ده , نصيحه للناس دى تبص عليها من جوه خصوصا للناس الى ركبت فئات عاليه وعارفه يعنى ايه تقفيل ممتاز من جوه , مش تقفيل كورى او صينى

حصرتك ده مش تعصب

احنا عدينا المرحلة دب من زمان :)

بس بعيدا عن عن عدد الأحصنة و الكلام المرسل عن فرق الياباني من الكوري في عددها أو طريقة حسابها

الشارك مشهورة بموتورها الضعيف ...مش بالسمعة انه 1500 طبعا لأن في مواتير سعتها قليلة بس خرجها عالي ...و الشارك فيها مايفك صحيح بس موتورها فعلا على قده جنب اللانسر البومة 1600 و الإلانترا و السيراتو العربية دي بتعدي 180 بالعافية لو جابتها أساسا و ده من كلام أصحابها مش في المنتدى بس كتير اشتكو من صعوبة التجميع قرب ال 170 ...

طبعا الكلام مش مؤثر لصاحبة الموضوع بس أحب أوضح ان الشارك عربية محترمة عيوبها قليلة جدا بس السيراتو مازالت صفقة أفضل حتى مع الإشاعات أو الشكاوي من النشوفية ...لسة صفقة كويسة

وده لا يعيب الشارك خصوصا بعد اعتدال سعرها مؤخرا

تحياتي