محتارة بين السيراتو و الشارك

**kikooooo** · 22-04-2010 03:47 AM

يا جماعة صلو على النبى واهدو كدا...هو احنا ليه بقينا بنتصيد لبعض الاخطاء ونكبر الموضوع !! دا روى عن السلف الصالح"لا تظن بكلمة صدرت من أخيك شرا وأنت تجد لها في الخير محملا. لو كان لها محمل واحد خير وعشرة محامل شر احملها على المحمل الخير؛ لأنك تحسن الظن بصاحبها وتعرف أنه من أهل الخير ومن أهل النصيحة "
احنا فييين بس من الاخلاق دى !!!..احنا كدا بنشوشر على بعض وعلى صاحب الموضوع وبنتكلم وخلاص

حابب اوضح بس شوية حاجات فهمتها عشان انا احسنت الظن فى اللى بيقولها ..قبل ما ارد على صاحبة الموضوع..

الراجل لما قال على البرافو لا والف لا..عشان هو كان قايل قبل كدا ان عنده اسرة وعاوز عربية واسعة..والبرافو (بالرغم من انها تحفة) الا انها متنفعش الا شاب وبسس...لو رجعت كرسى السواق ماحدش هيقعد وراك !(دا اللى فهمتو لما قريت )

وبالنسبة للشارك....انا مش عاوز اتكلم عنها عشان ماكنش منحاز...بس حاسس انكو اللى منحازين ضدها...وبجد انا عاتب على حضرتك يا استاذ احمد سامى..مش عشان كلمة فهمتها غلط..تقوم تعيب فى العربية بغير حق كدا !!

بالنسبة لموتور الشارك ال 1500 انا بعتبرو هدية فى العربية...قوة معقولة جداا...احسن من عربيات كتيير 1600(109 حصان وعزم 146 عن 4000)...الكيك داون روووعة قبل ما تجيب اخر الدواسة بحس ان العربية بتطيرر كأنى فتحت تربو....مثالى للسواقة داخل المدن (اللى المفروض معظم سواقتنا اساسا)...استهلاك بنزين اكتر من رائع...موتور ميفك محترم ومعمر لغاية لما تزهق منه...

وبالنسبة للعربية ككل فهى من وجهة نظرى ممتازة جداا بالنسبة لسعرها لا ينافسها فى الفئة السعرية دى غير الفلوونس..بس فى الاخر دى كلها عملية اذواق وكل واحد وعلى حسب احتياجه ايه من العربية

وبالنسبة للكلام اللى اتقال ان العربية فشلت وفى منها بواقى فانا كنت رادد عليه فى قسم متسوبيشى

(العربية روعة..ولما سعرها نزل... اى حد بيفكر يشترى هيفضلها على طوول على اى عربية كورى بنفس السعر )

وان كان على سعر اعادة البيع...كفاية اسم متسوبيشى..والعربية لما تنتشر بالطريقة التى تليق بيها (وانا شايف ان دا بدأ يقرب اووى)..الناس كلها هتعرف يعنى ايه لانسر شارك

...وابقو تعالو نفتكر سوا سعر اعادة البيع هيبقى عامل ازاى..

انا شايف ان سعر اعادة البيع اللى الناس بتقول انه واطى يرجع للاتى :
اولا..العربية ما بقلهاش سنتين وكان سعرها غالى جدا..فاللى اشتروها قليل..واللى فكر يبعها اكيييد قليل جداا ...والغالبية العظمى من اللى عاوز يبيع دا لاما عمل حادثة لاقدر الله لاما مزنوق فى الفلووس..فهيقبل اى سعر!
(اصل العربية ماظهرش فيها عيوب مثلا زى تويوتا..تخلى اللى اشتراها عاوز يخلص منها باى سعر!)

تانى سبب بقى..ان التوكيل كان منزلها بسعر غالى جدا..وخامات داخليه وكماليات فقيرة جدااا...فمعظم اللى فكر يشتريها قال على ايه يعنى !
وبعدين كلمة على ايه يعنى.... اتحولت لحقد وتريقة على العربية...ومن ثم ظهر الفتى اللى على العربية ...والناس استغلت جهل الشارع المصرى بالقوة الحصانية والعزم..وكلو طلع عليها دى 1500 سى سى ياعم....دا غير حكاية اكصدامها اللى سابق الكبوت دى (اللى انا مش فاهم يعنى ايه او العيب فين لغاية دلوقتى!)

والعربية لما جبتها والناس اللى كانو بيقولولى بلاش زمان كلو سكت دلوقتى...

اسف لو كنت طولت فى الرد بس حبيت تبقى الامور واضحة وخصوصا زى ما الاعضاء هنا على طول بيقولو..لو كان اللى بيكتب هنا 100 فاللى بيقرى 500..وللازم نحاول نتحرى الامانة فى كلامنا :)

**kikooooo** · 22-04-2010 04:18 AM

1 - الشارك احسن كعربية و بالذات لو هاشتري اعلي فئة .
الشارك كاسم وسمعة اكييد احسن والهاى لاين بتاعها حكاااية...بس السيراتوو كعربية ممتازة برضه ومحققة كتير من متطلبات المستهلك المصرى
2- في فرق سعر بينهم ؟؟ ممكن اعرف قد ايه ( اعلي فئة في الشارك و اعتقد الفئة اللي اسمها sx في السيراتو ؟ و يا تري الفرق ده يستاهل ؟

اعلى فئة فى الشارك اعتقد الاستاذ Persuader لسه شاريها توكيل ب 137..واعتقد الخليجى منها كان اخر سعر ليه 130 ...السيراتو اعلى فئة سعرها الرسمى 126..بس ساعت ماكنت بشترى كانت باوفر برايس كتييير ..وكنت سائل على الخليجى كانت بحوالى 122 (بس التوكيل عامل مشاكل مع صيانة العربيات الخليجى...)

3 - في مشاكل في توكيل متسوبيشي ؟؟ يا ريت من اصحاب الشارك يأكدوا او ينفوا الكلام ده (من خبراتهم الشخصية) لاني عانيت مع غبور
المشكلة زى ما الاخوة قالو ان التوكيل هيتسحب من مصرية ومصيره لسه ما اتحددش هيبى مع ميين .. ممكن يروح لغبور...بس ما اعتقدش هتبقى فى مشكلة فى الصيانات وقطع الغيار..اساسا صيانة الشارك كل 10 تلاف كيلو..يعنى يا مسهل :)

4 - موضوع الموديل القديم في الشارك مش فاهماه ؟؟ ليه مفيش 2010 ؟
مافيش 2010 عشان العربية كان سعرها غالى اوووى ..كانت بتبدا من 134 والسبور ب 158...فطبعا كانت مخرجاها من اى منافسة..انما سعرها دلوقتى مناسب جدااا

انا رديت على حضرتك فوق على قد خبرتى المحدودة :)...
بس رأى الاخير انا لو هختار لاختى وسواقتها الهادية ..كنت هرجحلها السيراتو..وخصوصا انا حضرتك هتغيرى قريب (اقل من سنتين)..فا مش هتلحق تتبهدل وتكلفة صيانتها الدورية اقل حاجات بسيطة من الشارك..دا غير ان شكل الشارك وابعادها الكبيرة مناسبة للشباب اكتر فى رأيى..(بس دا مايمنعش ان اختى مستمتعة جداا بسواقة الشارك:)
بس ليه حضرك مافكرتيش فى ياريس او تيدا او اى عربية هاتشباك ضغيرة كدا!

**MalakHassan** · 22-04-2010 01:40 PM

الأخ kiko متشكرة جدا لحضرتك .. لأنك الوحيد اللي جاوبتني بالطريقة اللي انا عايزاها .
صراحة انا كنت بدات اتشتت من الكلام اللي الناس كاتبينه قبل يا حضرتك و دخلوني في حاجات كبيرة قوي علي تفكيري .رغم اني حددت اللي انا عايزاه في نقاط محددة ..
برضه متشكرة ليهم كلهم .

بالنسبة للياريس جميلة بس برضه عرفت ان مفيش 2010 منها و ناس خوفوني من السحب بتاعها .
اما التيدا مش بيعجبني شكلها و حضرتك عارف ان الشكل مهم جدا للبنات .
علي العموم انا مستنية ردود تانية .. بس بعد كلام حضرتك عن السيراتو هفتح المنتدي بتاعها و اقري فيه شوية .

**Cutevampire** · 22-04-2010 03:41 PM

أكيد الناس هنا كانت بتحاول تساعد .. مش قصدهم يشتتوا و لا حاجة

علي العموم هو فعلا kiko رد باستفاضة ..
اتكلي علي الله و هاتي السيراتو

حاجة بره المقارنة ... الموقع اللي في توقيعك ده مطرأع قوي .. انت اللي عملاه ؟؟

**3ateef** · 22-04-2010 04:12 PM

الموضوع بقى كوميدى....

**Hegazio** · 22-04-2010 04:26 PM

الموضوع وصل لأنه لازم يغلق ..

**محمد محمد** · 22-04-2010 05:02 PM

نصيحة من تويوتاوي قديم.....لازم لازم لازم تجربي العربيتين قبل ما تشتري اما عن طريق تست درايف في توكيل السيارة او عن طريق تأجير السيارتين لفترة مناسبة وبلاش تبصي للكماليات والزينون وفتحة السقف وشكل مين احلي لأن الحاجات دي متنفعش في وسط عيوب السيارات المنتشرة اليومين دول...جربي قبل ماتشتري اي عربية حتي لو مرسيدس.

**NoRmAl** · 22-04-2010 07:09 PM

أيه الى حصل
موضوع أيه الى يغلق يا ساده
هو أى أختلاف و نقاش نقفل الموضوع
أعتقد كل الى قرا الموضوع أستفاد حاجه ومفيش مشاحنات لدرجه أنه الموضوع أصبح "كوميدى" ولا يستحق "الغلق"

**Persuader** · 22-04-2010 07:38 PM

استاذ kikooooo , الله يفتح عليك

بغض النظر عن الى اتقال فى الموضوع بس يا جماعه انا لسه شارى العربيه من كام يوم بس ودافع فيها 137 الف + مصروفات الترخيص , ناس كتير قالولى كلام مش تمام على العربيه وانها غاليه مع انى اشتريت أعلى فئه .

كل الكلام الى اتقال على العربيه غلط واعتقد الأستاذ Kikoo وضح الفكره كلها , طبيعى جدا الناس قبل ما تشترى العربيه بتقرا كلام عنها ( تمام او مش تمام ).

أول كلمه سمعتها عن العربيه من صاحب معرض صديق ليا المفروض انه فاهم اكتر منى , قالى " عربيه زباله , ياعم شوف حجم العربيه دى موتورها 1500 دا انتا لو شغلت التكييف العربيه مش هتطلع مطلع "

تانى حاجه من شخص تانى , قالى ياعم لو سوبر جيت معدى جنبك على الصحرواى هيحصل زلزال عندك , استغربت من الكلام ده علشان السوبر الجيت عاده بيمشى على 90-100 ولما ييجى يعمل مناوره بيدخل فى 110 يعنى علشان يعدى منى هكون انا ماشى تحت الـ 110 , كلام غير مقنع .

دا غير بقا حاجات كتير وسمعه زى الزفت والعيب من التوكيل .

يا جماعه اى حد عايز يشترى شارك يتوكل على الله ويشتريها من غير ما يسمع كلام كتير , اصل فى ناس برضه بتتكلم عن الجيتا و الـ 318 - اكيد هتكلموا عن الشارك .

دعوه لأى حد عايز يغير رايه عن العربيه وكتب فى الموضوع ده , ييجى يجرب عربيتى فى أى طريق مفتوح بس بعد اسبوع , ابعتلى رساله على الخاص .