الموضوع: محتارة بين السيراتو و الشارك

افتخر بيك كسيراتاوى على فكرة انا لسه متكلم فى النقطه ده بانى سالته سؤال بس هو مردش

حضرتك التسارع بيتحكم فيه عوامل كتيره غير خرج الموتور زي الوزن و التعليق و مقاومة الهوا

واضح ان حضرتك مش متابع و بتاخد برقم .
اقتباس





يعنى اصحاب الشارك بيقولوا انهم اكلوا مقلب كبير فى العربيه ومش عارفين يتخطوا حاجز الـ 200 ؟ دا على اساس انهم كانوا شاريين لامبورجينى مثلا ؟ بصراحه كلام غريب " الى ما يطول العنب يقول عليه حامض "




لأ هم مش شاريين لمبورجيني
هم ناس عاديين زيي و زيك و مرة طقت في دماغهم يشدو جامد و يجيبو أخر العربية

أما اللي ما يطولش العنب يقول عليه حامض فأحب أقوللك اني مش هارد عليك علشان مجرد ردي هو تقليل من مستواي ...
و مجرد حوارك بالطريقة دي هو معناه ان العربية بتمثل في حياتك جزء كبير ...أكتر من اللازم ..
العربية يا أستاذ "حاجة" قد تدل أحيانا على مستوى صاحبها المادي و كثيرا لا تدل ..ابقى خلي بالك

اقتباس




يا اخى 180 و 200 ايه بس , الأخ من مصر ؟





ايوة

أجيبلك حاجة و أنا جاي
اقتباس




وليه اصحابك مشتروش برافو مثلا ؟ نفس الفئه السعريه وتصميمها افضل وشبابى جدا جدا ؟






علشان قالو لانسر و ياباني و و مايفك و بتاع ...و عرفو غلطتهم اقتباس





انا شفت البرافو وبصراحه شكلها وهم , بس مجرد ما دخلت جوه العربيه قلت لأ والف لا .




بجد !!! البرافو من جوا وحشة

واضح أن حضرتك ركيب و غاوي عربيات فعلا

اقتباس




بعدين هنقيس العربيات بقوه الموتور ؟ يعنى علشان العربيه مش بتجيب 200 تبقى كخه ؟








حضرتك أنا وضحت ان الكلام ده لا يؤثر على المقارنة بس بتقرا اللي عايز ترد عليه بس تقريبا
اقتباس




أخلص بس تليين العربيه وهعملك تقرير حلو بالتفصيل الملل والصور كمان وفيديو لو امكن لتسارع العربيه , بس كملاحظه سريعه , الشارك سبورت عربيه مميزه وتخطف العيون , السيراتو ماليه الدنيا




ربنا يباركلك و تفرح بعربيتك

وفي انتطار التقرير عن العربية

و ملاحظة سريعة برضه ....

العربية الحلوة اللي بتفشل بتكون يا إما :
غالية ..معقدة ....ضيقة ....واطية ....توكيلها وحش ...قطع غيارها غالية ....تاريخها وحش مع المصريين
زي الأودي ...زي الرينو أيام زمان ..زي السيتروين ...زي الفولفو


انما عربية رخيصة مش غالية
واسعة مش ضيقة
عالية مش واطية
توكيلها معروف و مراكز الصيانة في كل شبر
فانوسها ب600 جنيه
مافيهاش تكنولوجي من القرن القادم
و تاريخ ماركتها سمعة دهب

و بعدين .....تنزل من تمنها أكتر من 10% و يتبقى من موديل 2008 2000 عربية و 2009 يرطرط لدرجة أنه ما ينزلش 2010 اساسا
و سعر أعادة البيع يتدهور قوي
و ترجع البوما تنزل تاني مكانها و بتمن قريب منها (زيها تقريبا)

يبقى ليه ......

أه علشام مميزة

ألف مبروك

المشاركة الأصلية كتبت بواسطة medoakef

[indent][indent][center]و انا عاوز اعرف حضرتك جبت الكلام ده منين اصلا!!!!!!!!!!!
يعني هو الاوتفيا ال105 حصان ولا الفيات لينا ال77 حصان دول صافي و الانترا 120 باين و السيراتو ال124 دول بردو صافي
واضح ان حضرتك جديد في عالم السيارات و في نقطه تيهه منك و انا هقلهالك بأختصار
في نوعين من القياس واحد بيقيس المحرك صافي بدون اي سيور او شئ مرتبط بيه و ده بتستخدمه الشركات الي مش محترمه زي الكوري و بعض الياباني
اما القياس التاني و هو بعد تركيب كل الاجزاء في المحرك و السيور و كل حاجه و ده بتستخدمه الشركات المحترمه زي الياباني المحترم و الاوروبي و الامريكي
لو عوزني اجيب لك تقارير عن الموضوع ده تحت امرك

يا مان لا يغلق ولا حاجه انت كلامك كله صح و الي مش فاهم الكلام ده يبقا الغلط عليه مش يخش يتريق و هو مش عارف حاجه اصلا

أنا جديد فى عالم السيارات
وواضح أنى مش عارف حاجه فعلا وداخل أتريق فعلا

المشاركة الأصلية كتبت بواسطة cutevampire

أكيد الناس هنا كانت بتحاول تساعد .. مش قصدهم يشتتوا و لا حاجة

علي العموم هو فعلا kiko رد باستفاضة ..
اتكلي علي الله و هاتي السيراتو

حاجة بره المقارنة ... الموقع اللي في توقيعك ده مطرأع قوي .. انت اللي عملاه ؟؟

الموقع اخويا الصغير هو اللي عامله من كتر معاناته مع الميكروباص

يا جماعة انا كل ما ارسي علي عربية اتلخبط تاني

العربية السيراتو انا ركبتها كتير بحكم انها مع صديقة .. بصراحة حاسة ان في تجني من الاعضاء علي موضوع نشوفية العفشة .. و لما سوقتها صراحة محستش بفرق في السحب قوي عن النيو اكسنت بتاعتي رغم ان السيراتو اتوماتيك

الشارك هاروح اجربها في معرض ان شاء الله و ربنا يوفقني

و انا متشكرة جدا ليكم كلكم

و ليا استفسار عن الناس اللي قالوا الموضوع كوميدي ؟؟ و العضو اللي عايز الموضوع يتفقل ؟ هل ده ليه اي علاقة بيا ؟؟ انا اسفة لو اسأت لاي حد

المشاركة الأصلية كتبت بواسطة MalakHassan

يا جماعة انا كل ما ارسي علي عربية اتلخبط تاني

العربية السيراتو انا ركبتها كتير بحكم انها مع صديقة .. بصراحة حاسة ان في تجني من الاعضاء علي موضوع نشوفية العفشة .. و لما سوقتها صراحة محستش بفرق في السحب قوي عن النيو اكسنت بتاعتي رغم ان السيراتو اتوماتيك

الشارك هاروح اجربها في معرض ان شاء الله و ربنا يوفقني

و انا متشكرة جدا ليكم كلكم

و ليا استفسار عن الناس اللي قالوا الموضوع كوميدي ؟؟ و العضو اللي عايز الموضوع يتفقل ؟ هل ده ليه اي علاقة بيا ؟؟ انا اسفة لو اسأت لاي حد

حضرتك سواء اخترتي السيراتو أو الشارك

انتى في الأمان لأن العربيتين ممتازين ليكي و هايوفو متطلباتك

بس جربي شنطة الشارك لأنها ضيقة شوية على عكس السيراتو ...لو مش بتسافري أو ممعاكيش أطفال بعربية و كده يبقى مش مشكلة لأن الشنطة مش معدومة ..هي بس بتاعة السيراتو اللي واسعة .

تاني كل ما قلته عن الأداء و المقارنة فعلا قد لا يهم حضرتك و أسف لإزعاج موضوعك بما قد يشتتك .

يبقى رأيك الشخصي و ركوب العربيتين

وده موضوعي عن تقييم العربية

ممكن يفيدك و يوفر لف كتير في كيا

التقرير المصور الكامل لتقييم الكيا نيو سيراتو - أحمد سامي-


تقبلي تحياتي

المشاركة الأصلية كتبت بواسطة medoakef

احم احم هو استاذHegazio بقا بيسمع اليومين دول لا ولله الي اعرفه انه هو الي الناس بتسمع منه مش هو الي بيسمع من الناس

يعني أنا الحقيقة ما تشرفتش بـاستاذHegazio قبل كده لكن ده لا يمنع اني عارف باقول ايه و ما بتكلمش الا من اللي جربته تحت رجلي ....أو شفته بعيني ...وده لا ينتقص من أي عضو أخر


بس كويس انك رجعت قولت الكلام ده

المشاركة الأصلية كتبت بواسطة medoakef

محرك الشارك قوي جدا لكن وزن العربيه هو الي بيعجزه في التسارع بس

الوزن في حالتنا ...هو السبب في ضعف التسارع ..يعني الكلام صح
مش مشكلة مين السبب بقى
هو أنا باركب موتور ولا عربية بحالها

المشاركة الأصلية كتبت بواسطة zahaan

افتخر بيك كسيراتاوى على فكرة انا لسه متكلم فى النقطه ده بانى سالته سؤال بس هو مردش

يا فندم الشرف ليا