الموضوع: أكبر مرجع لعمليات النصب والأحتيال في مصر - أدخل قولنا حصل أيه معاك وأتصرفت أزاي

المشاركة الأصلية كتبت بواسطة ahmed4000

مانا عذرتك فعلا فى الجزء الاولانى لان ده حقك وبترجعه بالحيلة
لكن الرجوع فى البيع لوجود مشترى بسعر اعلى ده اعتقد حرام شرعا والله اعلم

وانا سعيد ان التوقيع عجبك وياريت كل واحد يحاول ينشر الموضوع التوفير ده على كل اللى حواليه وحتلاقى التغيير بيحصل والله تدريجيا فى ثقافة الناس علشان خاطر عيالنا يطلعوا يلاقوا حاجة فاضللهم فى البلد دى

معلش اسمح لى
اللى رجع فى البيعه هو التاجر لانه مالتزمش بالاتفاق اللى تم و دفع اللى عليه و ماطل و تسبب فى خساره للبائع بانه ماستلمش فلوسه فى ميعادها
انا فى رايى اخذ الحق حرفه

ايه خلاص قصص النصب خلصت ؟
اللهم احفظنا من النصب والنصابين

المشاركة الأصلية كتبت بواسطة kh_talaat

القصص كتير يا ابوصلاح بس فين النفس اللس تحكي

كان فيه موقف مؤثر قوي حصلي من حوالي سنتين ، كنت ماشي في شارع شهير بالمنيل على النيل وأستوقفني شاب باين على وجهه الأرهاق

الشاب : لو سمحت

أنا : افندم

الشاب : مش هنا فيه جامع كبير كدة

أنا : آه فيه جامع كبير قدام (وبدأت أوصفله مكان الجامع )

الشاب : هو مش الجامع دة بيطلعوا فيه صدقات

أنا : بصراحه معنديش فكره روح وأسأل

الشاب : اصل انا من اسكندرية وجاي مع والدتي عشان بتتعالج في مستشفى هنا والفلوس كلها خلصت على العلاج وعايز اسافر اسكندرية اجيب فلوس ومش معايا تمن تذكرة القطار

* طبعا انا فهمت ان دة حوار وأن قصيدة النصب ابتدت

* الدنيا كانت ليل والشارع مظلم الى حد ما فمكنتش واخد بالي من وجهه

* إلى ان كانت المفاجأة !!!!

* حسيت ان الشاب دة شكله مش غريب عليا وبدأت احدق في وجهه وتذكرت ذلك الشاب خفيف الدم ضئيل الحجم الذي كان ضمن شله الجامعه وكان له جملة شهيرة عندما كان يقدم نفسه لأي شخص جديد معنا في الشله وهي باسم مسعد خلقة ربنا

أنا : انت اسمك باسم

الشاب : باسم ... لالا ... (وكان واضح عليه الأرتباك وبدأ يبعد)

أنا : باسم مسعد خلقة ربنا

* سكت شوية وبص في الأرض ثم رفع راسه ونظر ليا بحده حتى يكون متماسكا

الشاب : أيوة انا باسم مسعد ... ممكن تساعدني بقى

أنا : في ذهول ... هو انت مش ساكن هنا في أول الشارع يا باسم

الشاب : لاء اصل ابويا اتوفى وعزلت اسكندرية ... خلاص خلاص شكرا

أنا : في ذهول اكتر ... مالك يا باسم اية اللي حصلك ... أنت واقف بتشحت في الشارع !!!

الشاب : شكرا شكرا ... وابتعد بسرعه

طبعا انا اتأثرت جدا من الموقف وحكيت لأحد اصدقائي من شله الجامعه اللي أنا لسه على اتصال بيهم وعرفت منه ان باسم اتجه لطريق الضياع ( المخدرات ) في آخر سنة في الجامعه واختفى ومحدش عارف عنه حاجه من ساعتها ... لغاية ما انا قابلته

لا حول ولا قوة الا بالله
المخدرات والله بتعمل اكتر من كده
المدمن بيتهبل لما ميكونش معاه فلوس يجيب (وبالذات مدن الكيمياء والبودرة والهيروين)
يبقى عنده استعداد يموت اهله كلهم مقابل انه يحصل على كيفه



اللهم عافينا يارب

هقولكم على موضوع ناتج عن تأثير المخدرات للتفكير والوعي

في شلة محاميين
دول مدمنين مخدرات زي ما قال الكتاب
وكل الانواع
المهم في مرة طلبت معاهم يجيبوا
واحد بقى من كتر البودرة والكيميا والله تحس انه ضااااااااااااع

كانك شايف عيل عنده

8 سنين وبتحاول تتكلم معاه او تتفاهم معاه

المهم الواد ده مكانش معاه فلوس يجيب بودرة فحب يعمل نمرة على الناس اللي مودة علشان يطلع منهم بفلوس
رغم انهم صحابه جدا
قالهم انا قدامي واد بيبيع (......) بسعر كويس بس الكمية كبيرة وبتاع ولازم نشيل الفرشة على بعض ونقسم تمنها وبتاع - وقتها كان شاحح جدا

طبعا كان المبلغ المطلوب كبير على الناس اللي موجودة

راحو قسموا الكمية دي مع ناس تانية بحيث يبقى اللي هيدفعه الفرد قليل
وقالهم انا مش معايا فلوس سلفوني وبتاع المهم واحد سلفه وهو اللي كان متصدر للناس كلها لانهم علاقتهم بيه مكانتش جامدة زي علاقته بالواد ده
*المهم اقنعهم انه لازم ينزل ي مكان زراعة لوحده علشان الواد اللي بيبيع مختفي في المكان ده
المهم طبعا دخل المكان ده ومظهرش وخرج من مكان تاني غير اللي الناس مستنياه فيه
وخد الفلوس وهرب
وصاحبه اللي اتصدرله طبعا شال الليله كلها على دماغي ودفع للناس فلوسها لان هو اللي اتصدرله وقال انا ضامنه وكده
المعلم النصاب ده ظهر بعدها بشهر تحس انه حمل وديع ومعلش وبتاع اصل جالي تليفون قضية في الصعيد واضطريت اني امشي على طول والتليفون فصل شحن

طبعا حجة هبلة من واحد اهبل